Mishingo 10
10
Pita naKoneliyasi
1KuKesaliya kwakebeli nonhulume waluwhi Koneliyasi, untungamili wezana lyabalwi baluwhi Igapo lyamaNtaliyana, 2unhulume wakabakazwipila akale walutya Mwali nemhuli iye yose, wakaba epa zwipo nomwoyo unchena kubanhu, akale enamata unshaji wose kunaMwali. 3Nonshaji ungaba weawa lyeshanu linamana lyezhuba, wakabona mumbono ingilozi yaMwali ingwina ikati kwaali, “Koneliyasi.”
4Wakaitokoloja nolutyo akati, “Ini Tezi?” Yakati kwaali, “Minamato yiyo nokupa kuko zwatanha zwikaswika zwikaba sechikumbulujo mbeli kwaMwali. 5Ngweno ituma banhulume kuJopa, benoshoba Simoni unowhi Pita, 6ugele naSimoni, unchuki wamapapata, unengumba ipo pelyo negugwa.” 7Mushule mwokulebeleka naye wakenda untumwa waMwali, akashoba bashingi babe babili nondwi umwempela unoda Mwali wakabonshingila, 8paakabalungululila zwose ibo, wakabatuma kuJopa.
9Muchimuka, belimunzila babapelyo neguta, Pita wakenda pezhulu pengumba kunonamata, nonshaji weawa lyeshanu lina limwempela. 10Wakaba nenzhala, akada chokulya, bakati bechinobhika wakaba sowalala ihope, 11akabona idenga lizhulika, kudelejwa chinhu chinanga uncheka, kumapazu mana enyika. 12Munyika mwakabeli nenduji jose jemhuka namakabi nenyuni jedenga. 13Iwhi lyakati kwaali, “Pita, nyamuka, bulaya ulye.”
14Koga Pita wakati, “Ne, She, andijanu ndalya chinhu cheshambwa kana chiloswibha.”
15Iwhi lyakati kwaali kabili, “Zwilocheneswa naMwali, iwi usizwiti ishambwa.” 16Yezwi zwakatikana katatu, akale chinanga uncheka chakabwilizwa kudenga pakalepo.
17Ngweno Pita, echakakankabala, kuti chibono yechi chinolebani, kwakaswika banhulume bakaba batumwa naKoneliyasi belimile mbeli kweshubo, bebhuza kungumba kwaSimoni, 18bakashomeja bebhuza kuti ndipo panogala Simoni unowhi Pita na!
19Pita echinoyeya zwechibono, uMpepo wakati kwaali, “Linga pana banhulume batatu bakumukupyanga. 20Nyamuka udelele, unde nabo usinokahajika; nokuti ndimi ndabatuma.” 21Pita wakabhuluka akenda kwabali banhulume yaba akati kwabali, “Ndimi wamumupyanga, ini zwamubuza yokuno!”
22Ibo bakati, “Koneliyasi untungamili wezana lyabalwi unhulume ulolulama akale etya Mwali, unezina ibuyanana kuluji lwose lwabaJuda, wakalayilwa nengilozi inchena kuti iwi, unde kungumba yiye, kuti ewhe zwauchaleba.” 23Nokudalo, bakangwina mungumba bakaba bezi babe.
Muchimuka, Pita wakamuka akenda nabo, pamwempela nabamwe banakwaina bokuJopa, bakompelekeja 24Nezhuba linotobela bakangwina muKesaliya. Koneliyasi wakabakabamilila akale ashoba nokubuza pamwempela makamu awe nabakwaina babe banodikana. 25Pita paakangwina, Koneliyasi wakontandamija akawila pasi pamakumbo awe akomfhugamila. 26Koga Pita, wakonyamula eti, “Milika, imi neebo ndinhu.” 27Echinolebeleka naye, wakangwina mungumba akawana banhu banji babungana, 28akati kwabali, “Imwi mose munoziba kuti mulawo unojibisa kushangana kana kushanyilana kwabaJuda nabokuzhe, koga Mwali wanditondeja kuti anditokwelela kuti nditi umwe unhu uneshambwa kana kuti uloswibha. 29Nokudalo pandatumilwa banhu, ndezha ndisinokahajika. Ngweno ndimubhuza kuti ini zwawandishobela!”
30Koneliyasi wakati, “Mazhuba mana apinda, nonshaji wakalono, ndakabechengeta iawa yeshanu nena yokunamata mungumba mwangu, pakalepo ndakabona unhulume elimile mbeli kwangu ekambala ingubo jinopenya, 31wakati, ‘Koneliyasi, unamato uwo wawhikwa nezwipo zwizwo, Mwali wakuyeya. 32Nokudalo ituma banhu bende kuJopa benoshoba Simoni unowhi Pita, ugele pengumba yaSimoni, unchuki wamapapata, unengumba pelyo negungwa.’ 33Ndizwo ndatuma banhu nokukambijisa kwauli, akale wata zwibuya ukezha. Nokudalo ngweno tose tipo yopano mbeli kwamesho aMwali, kuti tiwhe zwose zwawalayiwa naTezi.”
Indebo yaPita
34Pita wakashamula undomo uwe akati, “Chokomende ndawhisisa kuti Mwali aatoshalula, 35koga muluji kana lupi zwalo, yoyo unootya Mwali akale eta zwakalulama unotambulika kwaali. 36Munoliziba iwhi lyaakatumila kunaIzilayeli, kubhaunula iNdebo iMbuya yolunyalalo yaJesu Kristo, (Iye ndiShe waizo zwose), 37iwhi lyakapupulwa muJudiya yose, kutangisila kuGalili, mushule molubhabhatizo lwakabhaunulwa naJoni, 38kuti Mwali wakonguba chini Jesu wokuNazaleta noMpepo Nchena akale nesimba, akale wakabenda eta chini zwibuyanana akale echilisa bose bakabaka sindamijwa naGuluzhanje, nokuti Mwali wakabeli naye. 39Isu tibasumikiji kunaizwo zwose zwaakata munyika yabaJuda akale nomuJelusalema. Bakombulaya nokundengeleja ponti, 40koga Mwali wakomusa nezhuba lyatatu, ndiko kuti eboneswe, 41kusi kubanhu bose koga kunasu isu takashalwa naMwali kuti tibe basumikiji, tikalya tikanwa naye mushule mwokumuka kukwe kubafi. 42Wakatilaya kuti tibhaunule kubanhu, akale kuti tisumikije kuti ndiye wakagajwa naMwali kuti ebe untongi wabapenyu nabakafa. 43Kunaiye bose bapolofeti banosumikija kuti, wose unodimbwa kwaali unowana kulekejelwa kwoluchinyo muzina lilye.”
Bokuzhe banotambula uMpepo uNchena
44Pita echinolebeleka yezwi, uMpepo Nchena wakabhulukila pana bose wakawha indebo. 45Bavumili bakabeva kunayabo balomhalajwa bakabezha naPita bakachenama, nokuti chipo choMpepo Nchena chakabhulukila kunaBokuzhe. 46Nokuti bakabawha belebeleka nendimi akale bekuja Mwali. Pita omene wakati, 47“ Upo na angalambija kuti kuwanike ivula kuti banhu yaba, batambula uMpepo Nchena sasu, bebhabhatizwe?” 48Wakabalaya kuti bebhabhatizwe muzina lyaJesu Kristo. Ibo bakonkumbila kuti ebenabo kwamazhuba.
ទើបបានជ្រើសរើសហើយ៖
Mishingo 10: LTP
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The word for The World International
Mishingo 10
10
Pita naKoneliyasi
1KuKesaliya kwakebeli nonhulume waluwhi Koneliyasi, untungamili wezana lyabalwi baluwhi Igapo lyamaNtaliyana, 2unhulume wakabakazwipila akale walutya Mwali nemhuli iye yose, wakaba epa zwipo nomwoyo unchena kubanhu, akale enamata unshaji wose kunaMwali. 3Nonshaji ungaba weawa lyeshanu linamana lyezhuba, wakabona mumbono ingilozi yaMwali ingwina ikati kwaali, “Koneliyasi.”
4Wakaitokoloja nolutyo akati, “Ini Tezi?” Yakati kwaali, “Minamato yiyo nokupa kuko zwatanha zwikaswika zwikaba sechikumbulujo mbeli kwaMwali. 5Ngweno ituma banhulume kuJopa, benoshoba Simoni unowhi Pita, 6ugele naSimoni, unchuki wamapapata, unengumba ipo pelyo negugwa.” 7Mushule mwokulebeleka naye wakenda untumwa waMwali, akashoba bashingi babe babili nondwi umwempela unoda Mwali wakabonshingila, 8paakabalungululila zwose ibo, wakabatuma kuJopa.
9Muchimuka, belimunzila babapelyo neguta, Pita wakenda pezhulu pengumba kunonamata, nonshaji weawa lyeshanu lina limwempela. 10Wakaba nenzhala, akada chokulya, bakati bechinobhika wakaba sowalala ihope, 11akabona idenga lizhulika, kudelejwa chinhu chinanga uncheka, kumapazu mana enyika. 12Munyika mwakabeli nenduji jose jemhuka namakabi nenyuni jedenga. 13Iwhi lyakati kwaali, “Pita, nyamuka, bulaya ulye.”
14Koga Pita wakati, “Ne, She, andijanu ndalya chinhu cheshambwa kana chiloswibha.”
15Iwhi lyakati kwaali kabili, “Zwilocheneswa naMwali, iwi usizwiti ishambwa.” 16Yezwi zwakatikana katatu, akale chinanga uncheka chakabwilizwa kudenga pakalepo.
17Ngweno Pita, echakakankabala, kuti chibono yechi chinolebani, kwakaswika banhulume bakaba batumwa naKoneliyasi belimile mbeli kweshubo, bebhuza kungumba kwaSimoni, 18bakashomeja bebhuza kuti ndipo panogala Simoni unowhi Pita na!
19Pita echinoyeya zwechibono, uMpepo wakati kwaali, “Linga pana banhulume batatu bakumukupyanga. 20Nyamuka udelele, unde nabo usinokahajika; nokuti ndimi ndabatuma.” 21Pita wakabhuluka akenda kwabali banhulume yaba akati kwabali, “Ndimi wamumupyanga, ini zwamubuza yokuno!”
22Ibo bakati, “Koneliyasi untungamili wezana lyabalwi unhulume ulolulama akale etya Mwali, unezina ibuyanana kuluji lwose lwabaJuda, wakalayilwa nengilozi inchena kuti iwi, unde kungumba yiye, kuti ewhe zwauchaleba.” 23Nokudalo, bakangwina mungumba bakaba bezi babe.
Muchimuka, Pita wakamuka akenda nabo, pamwempela nabamwe banakwaina bokuJopa, bakompelekeja 24Nezhuba linotobela bakangwina muKesaliya. Koneliyasi wakabakabamilila akale ashoba nokubuza pamwempela makamu awe nabakwaina babe banodikana. 25Pita paakangwina, Koneliyasi wakontandamija akawila pasi pamakumbo awe akomfhugamila. 26Koga Pita, wakonyamula eti, “Milika, imi neebo ndinhu.” 27Echinolebeleka naye, wakangwina mungumba akawana banhu banji babungana, 28akati kwabali, “Imwi mose munoziba kuti mulawo unojibisa kushangana kana kushanyilana kwabaJuda nabokuzhe, koga Mwali wanditondeja kuti anditokwelela kuti nditi umwe unhu uneshambwa kana kuti uloswibha. 29Nokudalo pandatumilwa banhu, ndezha ndisinokahajika. Ngweno ndimubhuza kuti ini zwawandishobela!”
30Koneliyasi wakati, “Mazhuba mana apinda, nonshaji wakalono, ndakabechengeta iawa yeshanu nena yokunamata mungumba mwangu, pakalepo ndakabona unhulume elimile mbeli kwangu ekambala ingubo jinopenya, 31wakati, ‘Koneliyasi, unamato uwo wawhikwa nezwipo zwizwo, Mwali wakuyeya. 32Nokudalo ituma banhu bende kuJopa benoshoba Simoni unowhi Pita, ugele pengumba yaSimoni, unchuki wamapapata, unengumba pelyo negungwa.’ 33Ndizwo ndatuma banhu nokukambijisa kwauli, akale wata zwibuya ukezha. Nokudalo ngweno tose tipo yopano mbeli kwamesho aMwali, kuti tiwhe zwose zwawalayiwa naTezi.”
Indebo yaPita
34Pita wakashamula undomo uwe akati, “Chokomende ndawhisisa kuti Mwali aatoshalula, 35koga muluji kana lupi zwalo, yoyo unootya Mwali akale eta zwakalulama unotambulika kwaali. 36Munoliziba iwhi lyaakatumila kunaIzilayeli, kubhaunula iNdebo iMbuya yolunyalalo yaJesu Kristo, (Iye ndiShe waizo zwose), 37iwhi lyakapupulwa muJudiya yose, kutangisila kuGalili, mushule molubhabhatizo lwakabhaunulwa naJoni, 38kuti Mwali wakonguba chini Jesu wokuNazaleta noMpepo Nchena akale nesimba, akale wakabenda eta chini zwibuyanana akale echilisa bose bakabaka sindamijwa naGuluzhanje, nokuti Mwali wakabeli naye. 39Isu tibasumikiji kunaizwo zwose zwaakata munyika yabaJuda akale nomuJelusalema. Bakombulaya nokundengeleja ponti, 40koga Mwali wakomusa nezhuba lyatatu, ndiko kuti eboneswe, 41kusi kubanhu bose koga kunasu isu takashalwa naMwali kuti tibe basumikiji, tikalya tikanwa naye mushule mwokumuka kukwe kubafi. 42Wakatilaya kuti tibhaunule kubanhu, akale kuti tisumikije kuti ndiye wakagajwa naMwali kuti ebe untongi wabapenyu nabakafa. 43Kunaiye bose bapolofeti banosumikija kuti, wose unodimbwa kwaali unowana kulekejelwa kwoluchinyo muzina lilye.”
Bokuzhe banotambula uMpepo uNchena
44Pita echinolebeleka yezwi, uMpepo Nchena wakabhulukila pana bose wakawha indebo. 45Bavumili bakabeva kunayabo balomhalajwa bakabezha naPita bakachenama, nokuti chipo choMpepo Nchena chakabhulukila kunaBokuzhe. 46Nokuti bakabawha belebeleka nendimi akale bekuja Mwali. Pita omene wakati, 47“ Upo na angalambija kuti kuwanike ivula kuti banhu yaba, batambula uMpepo Nchena sasu, bebhabhatizwe?” 48Wakabalaya kuti bebhabhatizwe muzina lyaJesu Kristo. Ibo bakonkumbila kuti ebenabo kwamazhuba.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The word for The World International