Kendeu 31
31
Jacob au Laban dade pakkedi
1Cu Jacob Laban name samdung siu lu, penui rang kebam de, “Jacob ne anui pei gu pelane keu teu dida, nah anui pei mabamdung gade pa mahei aide pelane ngaulu.” 2Jacob Laban zu gade ngau lu. Pa pezai pereli peda de tsam kedi ngau lu. 3Pecai RAMPAUBE Jacob dage rangdi. “N pei me deu ga nah n kibaume da cailigwang lu, nah Ih ncu ngngwa la zie.” 4Jacob sam langgai nah qugai Rachel nah Leah de luh gage pegu kauhau kebam gage 5nah penai dage ranggai, “N nai pei adwa gade pezai tsam kedi Ih ngau dida, dede a pei gu Tinggwang acu ngngwa la. 6Nnai cibam Ih a kengkieng pelane teu nnai pei gwa tei gwang kecu. 7Nnai pei acu cwa dida nah a ziehidung pia kerei ge tei kedi, dede Tinggwang pecu peu acu tei rejam di ma. 8Pa rang cai, ‘Hekaune kedaube n ziehidung zie,’ pecai makaune hau pelane pena kedaube lungh beu. Pa rang cai, ‘Pegiak kepungbe n ziehidung zie,’ pecai makaune hau pelane pena pegiak kepungbe lungbeu. 9Ainzwa eh Tinggwang n pei gu hekaune haudung keulu delwe cidung de acu pwa peu dida. 10Piage kemciu tingdau, Ih amang ge gade ngau hemeuseudung hekaunehau de hakebam. Hemeuseudung de kedau, nah pegiak pung. 11Tinggwang gwame a mang lede adage ranggai, ‘Jacob.’ Ih ranggai, ‘Aika Ih bam.’ 12Pa rangdi, ‘Ngang cuhlu delwe pielo hemeuseudung pelane makaune hau de mciu kebamdung de. Cidungde kedau, nah pegiak pung, kedanemene Ih Laban n dage teigai kebamdung pelane ngau bamdi delu. 13Ih au Bethel Tinggwang, nang cika tsusum ge maca keniaklu, cika nang a dage sampet gai. Cuge cuhlu nah hangdeu aika de tetcu nah ncu mna kelu deu ga cailigwang daicu.’”#31:13 Gen. 28:18-22 14Rachel nah Leah keli gai nah pedage rang, “Cika magede bam mi mede hema gum kera anai pei ki ga anai ziemne? 15Pa anaide pwa mapei melui ni sangme nzwa? Kedanemene pa anaide zwa nah anai rangkang de tei cio dida. 16Maheidung pelane Tinggwang ne anai pei dade keuteu kedidung de anui gu nah anui namedung gu dida cu. Cu ciciu cai, Tinggwang n dage rangkebeu nzwa, tei lulo.”
17Pecai Jacob cuhlu nah pe name nah penau kena de utdung reu gage kai lu. 18Pa pe makaune hau pelane de pedwa ge kailu, pe mabam pelane de keulu, pa Paddan Aram gade ngaukelu kaune hau de si eh. Pecai pa Canaan deu ga pepei Isaac da mie kera tetgai. 19Laban pe meurün mai biet kera miekedi dau, Rachel pe pei gu pe kelak rabedung regalu. 20Jacob de Aramme pei Laban de cwa di, pa tetdi lau delie kecu pecu recigai kemak gade. 21Cine pa pegu ma kebambe pelane teu eh pakdi nah kelwa eh kereuki ka lu, nah hangdeutu Gilead deudi lamge tet gaidi.
Laban ne Jacob de zuikemie
22Lang cumne benai Jacob pak di lie kecu Laban dage rang beu. 23Cine pa pe minadung de ngngwalu pa nah pecu zui eh lang henane mbeu. Gilead deudi hangdeutu gade pa pecu canglu. 24Cu Tinggwang Aramme pei Laban da tingmui pemang lam de gwanglu delwe pedage rangdi, “Nang sünne lu Jacob dage rang kera keyi liede mede kesia.” 25Laban Jacob dwa railu. Cu Jacob hangdeutu deudi gage pe paiki limlu. Laban pe kibaume de ngngwa hangdeutu deudi Gilead ga ramzeuki teilu.#Kesa keheci laisiudung ga Laban de ramzeuki lamlwa deudi gu Gilead ga teilu 26Laban Jacob dage rangdi, “Nang daipai teidi no, nang acu cwadi nah a napui kenade hereu gade tui kelume nzwa nzang tetdi kecu? 27Nang daitei mlei mene pakdi no nah acu cwa no nah acu ranglia meno? Ih ncu ngngwa renga eh langgai zie nage nah leidung tei eh, tambourine kwa eh nah leibungdung kwa eh. 28Nang daitei acu peu a tsame de nah a napui kena de de yi eh lalo de kemam kera ha meno? Cu nang kemie ta ge tei dida. 29Ncu tei keherei lu kera a kengkieng ga bam, dede nzieziu n pei Tinggwang acu resiu eh rangdi, ‘Nang Jacob dage keyibe liede mede kesiabe rang kecu sünne lu.’ 30Cu nang tetdi da kedanemene nang n pei kiga gwang dai neu zu kedine. Dede nang daitei a rabedung de rega teu di no?” 31Jacob keligai delwe Laban dage ranggai, “Ih mbai tetdi, kedanemene Ih au hing di nah cet kecu nang adade n napui kenade ketang eh luu teu daidi kera. 32Caubene n rabedung de rega teudibi ring si eh bam lakta. Anui kibaumedung kebam gade, n gu lie keladung de ada kebambe piee lu nah keu lu.” Kedanemene Jacob au Rachel ne cidungde rega teu kela ci ma.
33Laban mie Jacob paiki ga, Leah paiki ga, nah kilapui kena paiki ga, dede pa ngau lu ma cidungde. Pa Leah gu paiki gade mpetlu nah Rachel paiki ga lüt. 34Cu Rachel pe kelak rabedung keulu, ut püt pai gage cidung de kailu, nah cipau reu ntumbam lu. Laban paiki pelane kecung, dede cidungde ngau luma. 35Pa pe pei dage rang eh, “A mpaubo, n rata di helo, Ih ndwa ga sap gai lakta, kedanemene Ih au mipui zai tei bam lu.” Cine pa kecung dede pe kelak rabedung ngaulu ma.
36Jacob perata di nah Laban de ngngwa repiadi. Pa pedage rang eh, “Ih daipai teimau dino? A kemau dai no, iciu eh nang acai n rata süt eh zui mie la kecu? 37Kedanemene nang a mabamdung pelane kecung gwang ciau da. N kelak gu pelane gade daipai ngau lu di no nang? A kibaume dwa aika ge cidungde kaigai lo, iciude penui anai hangna kak ga tiaklu kerane. 38Kedanemene Ih ncu ngngwa mmi ngkai ge lung dida. N meurünpuidung nah n meupuidung hing raudi ma, mede Ih n kaunehau gade meurünseuna gede dap tyei ma. 39Teikuudung ne teurak kedi dung Ih nda ga teugwang la ma. Meliene, Ih ne punglu la ngkap kedi cide. Ga kedi kaune leune ziemne nang peu acu su mui la, tingkeba dau rega teu kedidung liede mede tingmui dau rega teu kedidung de. 40Ih cika bam eh; tingna dau kelum ne acu tei keherei, nah tingmui regeu eh; nah Ih ziplu tadi. 41Mmi ngkai ge Ih n kelak da la. Ih nziemne matei mmi kereiemdai n napui kena ziemne, nah mmi herok n kaune hau ziemne. Nang a ziehidung pia kerei ge tei kedi di. 42A peime Tinggwang de, Abraham Tinggwang de, nah Isaac hing kelabe de, acu ngngwa bam mecai, nang acu mta lang gidi bi zie da cu. Tinggwang a rei nah Ih dainzwa laikai tei eh heta teibi ngaulu da, nah nzie ziu pa ncu kesiu gai da.”
43Laban keligai nah Jacob dage rang, “Cipau napuidung de anapuidung da, cipau tsamedung de a tsamedung da, nah cipau hekaune haudung de a kaune haudung da. Nang ngau kebamdung pelane de agu. Dede Ih henai daipai tei lubui no a napuidung aidungde dage, mede penui dade lung kelu penui namedung dage? 44Cine cu, kesamting keluge teilu go lie, nang nah Ih, nah peu cide zierang ge teilu anai kakga” 45Cine Jacob tangtsu ge keulu delwe cide tsusum ge kera sumlu. 46Jacob pe kibaume dage rang, “Tangtsudung hekwalu.” Cine penui tangtsudung pwalu nah tsukwa ge tei gai. Pecai penui tsukwa taiga de matyeilu. 47Laban cide Jegar Saha Dutha msiak lu, dede Jacob cide Galeed msiak lu. 48Laban rangdi, “Aipau tsukwa de anai kakga henai zierang ge.” Ciziemne cipau zi de Galeed qudi. 49Cide dede Mizpah lie de qula, kedanemene Laban rangdi, “Anai hange ge dade lamna kedi gade RAMPAUBE de peu anai mapie la lulo. 50Nang a napui kena dade nzai sia cai, mede nang nnau keda a napui caide lu cai, migede anai tai ga bam meliede, pielo, Tinggwang anai kakga ngau bamlie.” 51Laban Jacob dage rangdi, “Aipau tsukwa de pie lo, nah anai kakga Ih kwa kelu, tsusum de pie lo. 52Aipau tsukwa de au zierang ketei ge nah tsusum de au zierang ketei ge lie, aipau tsukwa de gwale Ih nda kahpet kelak, nah nangde aipau tsukwa de nah tsusum de gwale ada kahpet kelak, gwaketang kera. 53Peu Abraham Tinggwang de, nah Nahor tinggwang de, penui peime tinggwang de, anai kak hetutiak zie.” Jacob pe pei Isaac Hing kela zi gade sampetlu. 54Jacob lamlwatu reu gade ratak teigai beu nah pe kibaume de ketaktyei kera qu gai. Penui tyeilu nah lamlwatu gade tingmuiziu pelane penui ting ngngwanglu. 55Tingcang nuge Laban cuh lwe, pe tsame nah pe napui kena de kemam gai nah penuide samlam gai beu. Pecai Laban tetdi delwe kilung cailigwangdi.
ទើបបានជ្រើសរើសហើយ៖
Kendeu 31: NorthernZeme
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Northern Zeme Bible_Draft Version
Creative Commons License
Northern Zeme Bible (Draft Version), 2023 by Benreu Baptist Church and Bridge Connectivity Solutions Pvt. Ltd. is licensed under a Creative Commons Attribution-ShareAlike 4.0 International License. This resource is published originally on VachanOnline, a premier Scripture Engagement digital platform for Indian and South Asian Languages and made available to users via vachanonline.com website and the companion VachanGo mobile app.
Kendeu 31
31
Jacob au Laban dade pakkedi
1Cu Jacob Laban name samdung siu lu, penui rang kebam de, “Jacob ne anui pei gu pelane keu teu dida, nah anui pei mabamdung gade pa mahei aide pelane ngaulu.” 2Jacob Laban zu gade ngau lu. Pa pezai pereli peda de tsam kedi ngau lu. 3Pecai RAMPAUBE Jacob dage rangdi. “N pei me deu ga nah n kibaume da cailigwang lu, nah Ih ncu ngngwa la zie.” 4Jacob sam langgai nah qugai Rachel nah Leah de luh gage pegu kauhau kebam gage 5nah penai dage ranggai, “N nai pei adwa gade pezai tsam kedi Ih ngau dida, dede a pei gu Tinggwang acu ngngwa la. 6Nnai cibam Ih a kengkieng pelane teu nnai pei gwa tei gwang kecu. 7Nnai pei acu cwa dida nah a ziehidung pia kerei ge tei kedi, dede Tinggwang pecu peu acu tei rejam di ma. 8Pa rang cai, ‘Hekaune kedaube n ziehidung zie,’ pecai makaune hau pelane pena kedaube lungh beu. Pa rang cai, ‘Pegiak kepungbe n ziehidung zie,’ pecai makaune hau pelane pena pegiak kepungbe lungbeu. 9Ainzwa eh Tinggwang n pei gu hekaune haudung keulu delwe cidung de acu pwa peu dida. 10Piage kemciu tingdau, Ih amang ge gade ngau hemeuseudung hekaunehau de hakebam. Hemeuseudung de kedau, nah pegiak pung. 11Tinggwang gwame a mang lede adage ranggai, ‘Jacob.’ Ih ranggai, ‘Aika Ih bam.’ 12Pa rangdi, ‘Ngang cuhlu delwe pielo hemeuseudung pelane makaune hau de mciu kebamdung de. Cidungde kedau, nah pegiak pung, kedanemene Ih Laban n dage teigai kebamdung pelane ngau bamdi delu. 13Ih au Bethel Tinggwang, nang cika tsusum ge maca keniaklu, cika nang a dage sampet gai. Cuge cuhlu nah hangdeu aika de tetcu nah ncu mna kelu deu ga cailigwang daicu.’”#31:13 Gen. 28:18-22 14Rachel nah Leah keli gai nah pedage rang, “Cika magede bam mi mede hema gum kera anai pei ki ga anai ziemne? 15Pa anaide pwa mapei melui ni sangme nzwa? Kedanemene pa anaide zwa nah anai rangkang de tei cio dida. 16Maheidung pelane Tinggwang ne anai pei dade keuteu kedidung de anui gu nah anui namedung gu dida cu. Cu ciciu cai, Tinggwang n dage rangkebeu nzwa, tei lulo.”
17Pecai Jacob cuhlu nah pe name nah penau kena de utdung reu gage kai lu. 18Pa pe makaune hau pelane de pedwa ge kailu, pe mabam pelane de keulu, pa Paddan Aram gade ngaukelu kaune hau de si eh. Pecai pa Canaan deu ga pepei Isaac da mie kera tetgai. 19Laban pe meurün mai biet kera miekedi dau, Rachel pe pei gu pe kelak rabedung regalu. 20Jacob de Aramme pei Laban de cwa di, pa tetdi lau delie kecu pecu recigai kemak gade. 21Cine pa pegu ma kebambe pelane teu eh pakdi nah kelwa eh kereuki ka lu, nah hangdeutu Gilead deudi lamge tet gaidi.
Laban ne Jacob de zuikemie
22Lang cumne benai Jacob pak di lie kecu Laban dage rang beu. 23Cine pa pe minadung de ngngwalu pa nah pecu zui eh lang henane mbeu. Gilead deudi hangdeutu gade pa pecu canglu. 24Cu Tinggwang Aramme pei Laban da tingmui pemang lam de gwanglu delwe pedage rangdi, “Nang sünne lu Jacob dage rang kera keyi liede mede kesia.” 25Laban Jacob dwa railu. Cu Jacob hangdeutu deudi gage pe paiki limlu. Laban pe kibaume de ngngwa hangdeutu deudi Gilead ga ramzeuki teilu.#Kesa keheci laisiudung ga Laban de ramzeuki lamlwa deudi gu Gilead ga teilu 26Laban Jacob dage rangdi, “Nang daipai teidi no, nang acu cwadi nah a napui kenade hereu gade tui kelume nzwa nzang tetdi kecu? 27Nang daitei mlei mene pakdi no nah acu cwa no nah acu ranglia meno? Ih ncu ngngwa renga eh langgai zie nage nah leidung tei eh, tambourine kwa eh nah leibungdung kwa eh. 28Nang daitei acu peu a tsame de nah a napui kena de de yi eh lalo de kemam kera ha meno? Cu nang kemie ta ge tei dida. 29Ncu tei keherei lu kera a kengkieng ga bam, dede nzieziu n pei Tinggwang acu resiu eh rangdi, ‘Nang Jacob dage keyibe liede mede kesiabe rang kecu sünne lu.’ 30Cu nang tetdi da kedanemene nang n pei kiga gwang dai neu zu kedine. Dede nang daitei a rabedung de rega teu di no?” 31Jacob keligai delwe Laban dage ranggai, “Ih mbai tetdi, kedanemene Ih au hing di nah cet kecu nang adade n napui kenade ketang eh luu teu daidi kera. 32Caubene n rabedung de rega teudibi ring si eh bam lakta. Anui kibaumedung kebam gade, n gu lie keladung de ada kebambe piee lu nah keu lu.” Kedanemene Jacob au Rachel ne cidungde rega teu kela ci ma.
33Laban mie Jacob paiki ga, Leah paiki ga, nah kilapui kena paiki ga, dede pa ngau lu ma cidungde. Pa Leah gu paiki gade mpetlu nah Rachel paiki ga lüt. 34Cu Rachel pe kelak rabedung keulu, ut püt pai gage cidung de kailu, nah cipau reu ntumbam lu. Laban paiki pelane kecung, dede cidungde ngau luma. 35Pa pe pei dage rang eh, “A mpaubo, n rata di helo, Ih ndwa ga sap gai lakta, kedanemene Ih au mipui zai tei bam lu.” Cine pa kecung dede pe kelak rabedung ngaulu ma.
36Jacob perata di nah Laban de ngngwa repiadi. Pa pedage rang eh, “Ih daipai teimau dino? A kemau dai no, iciu eh nang acai n rata süt eh zui mie la kecu? 37Kedanemene nang a mabamdung pelane kecung gwang ciau da. N kelak gu pelane gade daipai ngau lu di no nang? A kibaume dwa aika ge cidungde kaigai lo, iciude penui anai hangna kak ga tiaklu kerane. 38Kedanemene Ih ncu ngngwa mmi ngkai ge lung dida. N meurünpuidung nah n meupuidung hing raudi ma, mede Ih n kaunehau gade meurünseuna gede dap tyei ma. 39Teikuudung ne teurak kedi dung Ih nda ga teugwang la ma. Meliene, Ih ne punglu la ngkap kedi cide. Ga kedi kaune leune ziemne nang peu acu su mui la, tingkeba dau rega teu kedidung liede mede tingmui dau rega teu kedidung de. 40Ih cika bam eh; tingna dau kelum ne acu tei keherei, nah tingmui regeu eh; nah Ih ziplu tadi. 41Mmi ngkai ge Ih n kelak da la. Ih nziemne matei mmi kereiemdai n napui kena ziemne, nah mmi herok n kaune hau ziemne. Nang a ziehidung pia kerei ge tei kedi di. 42A peime Tinggwang de, Abraham Tinggwang de, nah Isaac hing kelabe de, acu ngngwa bam mecai, nang acu mta lang gidi bi zie da cu. Tinggwang a rei nah Ih dainzwa laikai tei eh heta teibi ngaulu da, nah nzie ziu pa ncu kesiu gai da.”
43Laban keligai nah Jacob dage rang, “Cipau napuidung de anapuidung da, cipau tsamedung de a tsamedung da, nah cipau hekaune haudung de a kaune haudung da. Nang ngau kebamdung pelane de agu. Dede Ih henai daipai tei lubui no a napuidung aidungde dage, mede penui dade lung kelu penui namedung dage? 44Cine cu, kesamting keluge teilu go lie, nang nah Ih, nah peu cide zierang ge teilu anai kakga” 45Cine Jacob tangtsu ge keulu delwe cide tsusum ge kera sumlu. 46Jacob pe kibaume dage rang, “Tangtsudung hekwalu.” Cine penui tangtsudung pwalu nah tsukwa ge tei gai. Pecai penui tsukwa taiga de matyeilu. 47Laban cide Jegar Saha Dutha msiak lu, dede Jacob cide Galeed msiak lu. 48Laban rangdi, “Aipau tsukwa de anai kakga henai zierang ge.” Ciziemne cipau zi de Galeed qudi. 49Cide dede Mizpah lie de qula, kedanemene Laban rangdi, “Anai hange ge dade lamna kedi gade RAMPAUBE de peu anai mapie la lulo. 50Nang a napui kena dade nzai sia cai, mede nang nnau keda a napui caide lu cai, migede anai tai ga bam meliede, pielo, Tinggwang anai kakga ngau bamlie.” 51Laban Jacob dage rangdi, “Aipau tsukwa de pie lo, nah anai kakga Ih kwa kelu, tsusum de pie lo. 52Aipau tsukwa de au zierang ketei ge nah tsusum de au zierang ketei ge lie, aipau tsukwa de gwale Ih nda kahpet kelak, nah nangde aipau tsukwa de nah tsusum de gwale ada kahpet kelak, gwaketang kera. 53Peu Abraham Tinggwang de, nah Nahor tinggwang de, penui peime tinggwang de, anai kak hetutiak zie.” Jacob pe pei Isaac Hing kela zi gade sampetlu. 54Jacob lamlwatu reu gade ratak teigai beu nah pe kibaume de ketaktyei kera qu gai. Penui tyeilu nah lamlwatu gade tingmuiziu pelane penui ting ngngwanglu. 55Tingcang nuge Laban cuh lwe, pe tsame nah pe napui kena de kemam gai nah penuide samlam gai beu. Pecai Laban tetdi delwe kilung cailigwangdi.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Northern Zeme Bible_Draft Version
Creative Commons License
Northern Zeme Bible (Draft Version), 2023 by Benreu Baptist Church and Bridge Connectivity Solutions Pvt. Ltd. is licensed under a Creative Commons Attribution-ShareAlike 4.0 International License. This resource is published originally on VachanOnline, a premier Scripture Engagement digital platform for Indian and South Asian Languages and made available to users via vachanonline.com website and the companion VachanGo mobile app.