Bata 9
9
Saul helungkenreu
1Dede Saul cidaude Rampaube caisuimedung de keheu nah teitset dizie lie eh cingku kedibe da mie 2nah pe dade Damascus namdi#9:2 Damascus: Aide Syria namdi ga, Jerusalem tingpeule-kepetle bie mile 120, nah Antioch tingpile-kepetle bie mile 190 kenzwa gega bam. ga kebam synagoguedung gage laisiudung raugailo kiedi, iciu eh pa magade mige Rampaube saulia kebeu lampui ga mzui kelamede ngau lucai, mipei de nah mipui de pa penuide Jerusalem ga tuiteu gwanglu kerane. 3Pa mbeuh keladau, Damascus namdi tai nna kegwang ge, zette tinggim gade kebaa ge pecu gi mbaa twagwalu; 4nah pa hangdeu ga kaumiedi nah makwa ge pe dage rang eh siu, “Saul, Saul, daitei nang acu teikeherei lano?” 5Saul keteugai, “Nang cauno, Rampaubo?” Ge Rampaube rangdi, “Ih Jisu, nang tei keherei kelabe; 6dede cuhlwe namdibe ga lütlu, iciude nang tei maikesiabe ncu ranglia beuzie.” 7Dede Saul de ngngwa mbeuh kelamedung penui swagahdi, penui makwa de siu dede migede de ngau ma. 8Cidau Saul hangdeu gade cuhlu, dede pe miak mrak gaige, pa magede ngaulu tadi; cine penui pe ba teulwe pecu Damascus ga ngngwa gwanglu. 9Pa langcumne ma ngaulu tadi, nah pa matyei mede sak ma.
10Cidau Damascus ga ledeukelume pezi Ananias lie kecu ge bam. Rampaube marengei gade pe dage, “Ananias!” de qugai, cine pa keligai, “Ainie, Ih aika bam, Rampaubo.” 11Ge Rampaube pe dage rangdi, “Cuhlu, delwe lampui Kemzui lie qukelade ga miecu, delwe Tarsusme mige pezi Saul, ha Judas ki gade keteu lulo, kedanemene ainie, pa kekie tei bamlu. 12Kedanemene pa marengei gade mipei ge pezi Ananias lie kecu ge gwang delwe pe ba pe reu gage hwa kegai ngau, iciu eh pa ma ngau dailu kerane.” 13Dede Ananias sam keligai, “Rampaubo, pa Jerusalem ga daikenzwage de n kemcimedung de teikehereibi kecu mina kekieege dade Ih aipau pei de ha siuda. 14Pa cingku kedimedung dade aika n zi qu kelame leune de tuilu kera kengkieng ngau luda.” 15Dede Rampaube pe dage rangdi, “Miecu, kedanemene mina aipaude a gwa tei kerane kedet kelume ge lu, pa Gentileme, hegwangme nah Israelmedung dwade a zi rang liazie; 16pa a zi ziemne daikenzwa gede rei maisiabi Ih pecu keulia zie.” 17Cine Ananias mie delwe kilung ga lütlu. Pa pe reu gage pe ba hwagai eh ranggai, “Sinabe Saul, Rampaube Jisu, nang gwang keladau ncu peu pecu lampuiki gade ngau kegaibe dene acu langgai lei, iciu eh nang mangau dailu nah Kemci Rabe le kepui teilu kerane.” 18Ge zette malip kenzwadung ge Saul miak gade cakmiedi, nah pa mangau dailu. Pa cuhlu eh duipum teilu; 19nah pa matyeilu eh ngkienglu.
Saul Damascus nah Jerusalem ga
Pecai pa zie kiee kemakge Damascus ga kenlummedung de ngngwa bamdi. 20Nah pa zette synagoguedung gade Jisu au Tinggwang Nabe lie kecu zierang tei cuhdi. 21Pe kwa siukelu leune penui swagahdi eh keteu, “Mina aipaude Jerusalem ga hezi aide de kenlummedung de teikeherei kecube de meni? Pa aika aipau kiede ziemne gwang, iciu eh pa penuide tuilu delwe cingku kedimedung da ngngwa gwanglu kerane.” 22Dede Saul ngkieng reureu di, nah Jisu Khristabe delie ranglia mci kegaine Damascus ga kelungh Jewme pe sam keligai lakdi.
23Dede zie kekieege gwang kedicai, Jewme pecu teitset kera ngngwalwe heciem riemdi. 24Dede Saul penui ciemde cilu. Kedanemene penui pecu teitset kerane tingmui tingba kiriedung kwa bamdi. 25Dede pe caisuimedung pecu tingmui gage ngngwalu delwe pecu marak gage kailwe kirie reu gade teu henah ngkeibeudi.
26Pa Jerusalem ga gwang luge, Saul ledeukelume de ngngwa ket teilu kera tei, dede penui peciakne pecu hingdi, pa kenlumme ge lie kecu nlum kemakne. 27Dede Barnabas pecu ngngwalu eh langkegaimedung da ngngwa gwang delwe Saul dainzwa lampui gade Rampaube de ngau nah Rampaube pecu mpaubi, nah Saul dainzwa kuu delwe Damascus gade Jisu zi teu ledeu bi kecu pa penuide ranglia. 28Cine pa penuide ngngwa bamdi nah Jerusalem pelane ga mie Rampaube zi gade kuusüt eh mide ledeu. 29Pa Greekme let rangkela Jewme de de ngngwa marang reniadi; dede penui pecu teitsetdi kera teiladi. 30Kenlumme aide ci luge, penui pecu Caesarea namdi ga ngngwa nghung delwe pecu Tarsus namdi gage lang gaidi.
31Cine Judea nah Galilee nah Samaria ga kebam ngqwabe pelane ga kezuyi bamlu nah ngkieng si reureu lu; nah, Rampaube mie kehing gade lungh cu nah Kemci Rabe ngha gade ngqwa peupeime kieesi petlu.
Aeneas penai Dorcas
32Cidau Peter cuikui pelane ga mie, pa Lydda#9:32 Lydda: Namceu aide Jerusalem gade Caesarea Philippi lampui de ga bam. ga lungh kebam kemcimedung dade hung. 33Cika pa mige pe zi Aeneas lie kela gede redaulu, pa mmi heset ge zeu ga zeu ciangbam, kedanemene pa mnoi kecune. 34Cine Peter pe dage ranggai, “Aeneas, Jisu Khrista ncu teihemi beula. Cuhlu delwe n zeu lamluilu,” ge pa zette cuhlu. 35Ge Lydda nah Sharon nam ga kelunghme pelane minabe de ngau eh penui Rampaube da nreu gwanglu.
36Cidau Joppa#9:36 Joppa: Aide liemtaubam namceu ge, Mediterranean ga bam, Caesarea tingpilebie mile 30, nah Jerusalem tingpeu-kenlütle bie mile 45 kenzwa gega. ga kenlum puige pezi Tabitha lie bamla, cide kedet pwa “Dorcas#9:36 Dorcas : pe zi Greekme let gade Dorcas nah Aramic gade Tabitha.” dela. Aipau bata keyidung tei nah kegahme dage ngaugia tadung teigwang. 37Cipau tingdau, pa mra bam eh tsaidi. Penui pecu huimci lu eh nreube kibung gage kailu. 38Lydda Joppa tai kemna ga kebamne, kenlummedung Peter cika bamlie kecu siu luge, penui mina hangna gede pe dage langgai eh kiegai, “Anuida ridi mene gwanglo.” 39Cine Peter cuhlwe penaide ngngwa gwangdi. Pa gwangcang luge, penui pecu kibung nreube ga ngngwa hanglu, nah hemipuidung pe taiga sap eh Dorcas penuida kebamdau tei kebeu ncwadung nah painidung pecu pwalia eh hap bam. 40Ge Peter penui pelane depeu hegwale mpetdieh koktunglwe pa kiegai. Pecai, hepaaube lambie nreugwanglwe pa ranggai, “Tabitha, cuhlu.” Ge pa pe miak mraklu nah Peter de ngaulu eh cuh ntumlu. 41Pecai Peter pecu pe ba hetwabeu delwe teu ncuhlu; nah pa kemcimedung nah hemipuidung de qulwe pa ring kebamde penui depeu ngaugai. 42Aipau hade Joppa namdi pelane ga ci gwangdi, nah mina kekieege Rampaube de nlumlu. 43Cidau Peter Joppa ga mige teigeuta keteime ge pezi Simon lie qukela gede zie kekieege ngngwa bamdi.
ទើបបានជ្រើសរើសហើយ៖
Bata 9: NorthernZeme
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Northern Zeme Bible_Draft Version
Creative Commons License
Northern Zeme Bible (Draft Version), 2023 by Benreu Baptist Church and Bridge Connectivity Solutions Pvt. Ltd. is licensed under a Creative Commons Attribution-ShareAlike 4.0 International License. This resource is published originally on VachanOnline, a premier Scripture Engagement digital platform for Indian and South Asian Languages and made available to users via vachanonline.com website and the companion VachanGo mobile app.
