Bata 13
13
Barnabas penai Saul de langkegai
1Cu Antioch ngqwa ga caihakecime nah keledeumedung bam. Penui cai Barnabas nah Simeon (Niger#13:1 NigerAide Latinme zi, cide pekie cai, “Tiak.” lie qu kelabe), nah Cyreneme Lucius, Manaen (Herod deuceudibe de ngngwa lungh cuh kelube) nah Saul. 2Penui Rampaube de reca nah mmwang kebamdau, Kemci Rabe rangdi, “Nnui a ziemne Barnabas penai Saul de keu ntsamlu maisia, Ih penaide qugai keluga heta tei kerane.” 3Penui mmwang nah kekie tei, nah penai reu gage penui ba hwa gai kelucai, penui penaide langgai.
Paul zierangta tei eh hebeuh ketei raitube
4Cine Barnabas penai Saul de Kemci Rabe ne langgai eh penai Seleucia namdi ga hunglu; nah cikade penai liemtau pwa Cyprus duigwadeu ga miedi. 5Penai Salamis#13:5 Salamis: Aide Cyprus gu namdi kemlang ge nah liemtaubam ge. Cide duigwadeu tingpi-kepetle bie bam. namdi ga kebamdau, penai Jewme synagoguedung ga Tinggwang sam rangpwa mide ledeu. Penaide ngha kerane penai John Mark de ngngwala. 6Penai duigwadeu pelane tetkah mie Paphos ga gwangcang luge, penai Jewme kenret caihakecibe ge, kehemeu ta keteime, pe zi Bar Jisu de daulu. 7Aipau kemeu ta keteibe de deuceudibe, Sergius Paulus, mi kemriakme ge de nzang bamla. Aipau pei de Barnabas penai Saul de qugai, kedanemene pa Tinggwang sam kingnei neu kecune. 8Dede Elymas “kehemeu ta keteibe” (kedanemene cide pe zi kie kecune), penaide reniadi delwe deuceudibe depeu pe kenlum gade nreudi kera teidi. 9Dede Saul, Paul de qu kelabe de Kemci Rabe puipung eh pecu pie linggai 10eh rangdi, “Nang herakesiabe na, nang au mide kecwa leune nah kesia leune le puipung. Nang au kesamsang leune ngauraube. Nang madaude Rampaube lampui kemzuidung tei ngkoi kecu mtak lakni? 11Cu ainie, Rampaube ba nreu ga gwang zieda, nah nang n miak cit dizie. Nang tingkak ge tingnaimiak ngau lak.” Ge zette mwangzui nah kemui Elymas reuga gwangdi, nah pa tet twagwa eh mina de peu pe ba teu pecu teuswa kera peei ladi. 12Deuceudibe cide teikedi ngau luge, pa nlumlu, kedanemene pa Rampaube ha rang keledeu de pe swagahsüt kedine.
Pisidian Antioch ga
13Cu Paul penai pe zangme Paphos gade liem taugai eh Pamphylia deuzi Perga namdi ga #13:13 Pamphylia deu Perga namdi ga: Pamphylia cai Asia Minor deuceu ge, nah Perga cai Pamphylia gu namdi mlangtube gwanglu. Dede John Mark lie qu kelabe penaide pütdi eh Jerusalem ga cailigwangdi. 14Dede Paul nah pe zangbe Perga gade mbeuh pwa Pisidia deuzi Antioch namdi ga gwanglu. Penai Sabbath benai synagogue ga lütlwe bamlu. 15Hezai laisiu nah caihakecime rau kegaidung gade pei kegaicai, Synagogue ga muiteume penai dage sam langgai eh ranggai, “Zangbe kena, nnai minadungde kecungkegai sam rangkera bamcai, rang gailo.” 16Cine Paul saplwe pe hwagai eh rangdi, “Israelmedung nah nnui Tinggwang mie hing kelamedung, kingneilu. 17Aipau Israelme Tinggwang de anui paumedung de kedetlu delwe penui Egyptme deu ga kelungh dau minadung de tei ngkiee beu, nah peba kengkieng le penuide cikade ngngwa mpetbeu. 18Pa mmi riakdai kenzwa ge hetaideu ga penuide lia eh gwang. 19Pa Canaan deuga heleuh hena de teingkap kedicai, pa anui leuhme de penui deu gum kera ziemne pwapeu. 20Aidungde peciakne mmi 450 nsam ge keudi. Ma aidungde cang kedicai, caihakecibe Samuel ting kecang Tinggwang penuide tutiakmedung kaibeu. 21Pecai Israelmedung hegwang ge peulo kiedi, nah Tinggwang penuide Benjamin leuhme Kish napei Saul de mmi riakdai ge ziemne pwapeu. 22Tinggwang pecu hegwangbam gade keumpet kedicai, pa David de teucuh penui gwangpei teibeu. David ha Tinggwang zierang tei eh rangdi, ‘Ih Jesse napei David de a suida, pa a lungning pelane tei beuzie.’ 23Pa pe sampet kai kebeu nzwa, mina aipaude leuhme gade Tinggwang Israel dage kelikelube Jisu de kaibeu da. 24Jisu gwang kemakdwa, John Israelme pelane dage helung nreulwe duipum tei lulo zierang teigwang. 25John pe ta teicang gwang kecudau, pa minadung de keteu, ‘Nnui Ih caulie cet lano? Ih au pa ma. Dede kingneilu, mige a cai gwangzeu, Ih au pe picum de lwaklu duilie.’ 26Mipeidung, sinamedung, Abraham namedung, nah nnui kakga Tinggwang miehing kelamedung, anui dage kelikelu samlia aide langgai beu delie. 27Kedanemene Jerusalem ga kelunghmedung, nah penui reu kedimedung, pecu ci luma, nah penui caihakecime samdung Sabbath msangne kepeide pecu mmau kegai gade teicang lu. 28Penui pecu teitsetlu kebui kie gede ngaulu meliede, penui Pilate de pecu teitset dilo kiedi. 29Penui pe ha rauteu keladung pelane teicang dige, penui pecu cross gade teunghunglwe pecu herau gage kaidi. 30Dede Tinggwang ketsai gade pecu kwak cuhlu. 31Pecu Galilee gade Jerusalem ga ngngwa kehangmedung de peu tingba zie kekiee ge pecu ngaugai. Mina aidungde cu au minadung dage pe zierangme dida. 32Nah anui nnui dage samliakeyi Tinggwang anui paume dage sampet gai kebeude rang gaila. 33Kedanemene Tinggwang aipau sampetde anui penui namedung dage teicang beuda, Jisu de teucuh daikelu gade. Cide Leidung pekenabe gage rauteukela nzwa,
‘Nang au a Napei, henai Ih n Pei dida.’#Lei. 2:7
34Pa ketsai gade pecu kwak cuhlu, iciu eh pe pum madaude timrimdi kelakne, Tinggwang ainzwa ranggai:
‘Ih ncu kemci nah ngaulu bi kera samlamdung David dage sampet kebeude peuzie.’#Isa. 55:3
35Cine pa Lei keda gade ainzwa rang gai,
‘Nang n Kemci Nabe de peu timrim dilak.’#Lei. 16:10
36Kedanemene David petingdau Tinggwang lungning tei eh pe gwatei luge, pa tsaidi, nah pecu pe paume rau tai gage kungdi nah pe paau timrimdi. 37Dede Jisu Tinggwang ne kwakcuh kelubede au timrim dima. 38Cine nnui cikap lulo, minadung, sinamedung, mina aipaude dade kemaudung gilukebui, nah Moses zai gade tei masang gaikelak kemau pelane gade lungmpetlu kebui nnuide ranglia beuda. 39Pe pecu nlum kelume pelane de tei masang beuda. 40Cine sünne lu, caihakecime rang kegaide nnuida gwang melu kerane:
41‘Ainie, nnui mide mcaukelame, nnui swagahdi eh tsaidilu;
Kedanemene Ih nnui tingdau bata ge teibam,
nnui madaude nlum kelak bata ge, mina kangge nnuide cide ranglia lude.’”#Hab. 1:5
42Paul penai Barnabas mpet keladau, minadung aipau samdung de pecaibe Sabbath de penuide ranglia dailo penai dade kiedi. 43Synagogue ga ngkwa cang luge, Jewme kekiee ge nah Jewme renet mzai kedi Gentileme makesangmedung Paul nah Barnabas caisuidi, penai penui dage sam ranggai eh penuide Tinggwang ngaugia ga lungh jüja la lulo kecunggai.
44Pecaibe Sabbath benai, namdibe peciakne kenzwa ge Rampaube sam kiengnei kera gwang ngkwalu. 45Dede Jewme hemaabe de ngau luge, penui riak le puidi nah Paul ne kerang samdungde ga kesamlim di nah pecu kiidi. 46Dede Paul penai Barnabas kuusüt eh samrang cuhdi, “Tinggwang sambe nnui dage ranglia rai maisiadi. Dede nnui cide mlaidi nah nnui kelungta kering ngaulu duilie kedine, ainie, anui Gentileme lam nreugwang dizie da. 47Kedanemene Rampaube ainzwa eh anui dage aja kaibeu,
‘Ih nnuide Gentileme ziemne kebaa ge teilu,
iciu eh nnui kideutu leune ga kelikelu teu gwang beulu kerane.’”#13:47 Isa. 49:6
48Gentileme aide siu luge, penui suiyi eh Rampaube sam de twadi. Kelungta kering ziemne kedet kelume leune nlumlu. 49Iciu eh Rampaube sam cuikui pelane ga rang gwangdi. 50Dede Jewme mipui kemlang nah kenlummedung nah namdi ga mipei hangkiamedung de kecunggai. Aide ne helung teigai eh Paul penai Barnabas de ngauraudi nah penaide penui namdi gade gwa mpetdi. 51Dede Paul penai Barnabas penuide kemmau gade penai pi ga rebui kecung mpetdi, delwe penai Iconium namdi ga miedi. 52Nah caisuimedung penui suiyi nah Kemci Rabe le kepui teidi.
ទើបបានជ្រើសរើសហើយ៖
Bata 13: NorthernZeme
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Northern Zeme Bible_Draft Version
Creative Commons License
Northern Zeme Bible (Draft Version), 2023 by Benreu Baptist Church and Bridge Connectivity Solutions Pvt. Ltd. is licensed under a Creative Commons Attribution-ShareAlike 4.0 International License. This resource is published originally on VachanOnline, a premier Scripture Engagement digital platform for Indian and South Asian Languages and made available to users via vachanonline.com website and the companion VachanGo mobile app.
Bata 13
13
Barnabas penai Saul de langkegai
1Cu Antioch ngqwa ga caihakecime nah keledeumedung bam. Penui cai Barnabas nah Simeon (Niger#13:1 NigerAide Latinme zi, cide pekie cai, “Tiak.” lie qu kelabe), nah Cyreneme Lucius, Manaen (Herod deuceudibe de ngngwa lungh cuh kelube) nah Saul. 2Penui Rampaube de reca nah mmwang kebamdau, Kemci Rabe rangdi, “Nnui a ziemne Barnabas penai Saul de keu ntsamlu maisia, Ih penaide qugai keluga heta tei kerane.” 3Penui mmwang nah kekie tei, nah penai reu gage penui ba hwa gai kelucai, penui penaide langgai.
Paul zierangta tei eh hebeuh ketei raitube
4Cine Barnabas penai Saul de Kemci Rabe ne langgai eh penai Seleucia namdi ga hunglu; nah cikade penai liemtau pwa Cyprus duigwadeu ga miedi. 5Penai Salamis#13:5 Salamis: Aide Cyprus gu namdi kemlang ge nah liemtaubam ge. Cide duigwadeu tingpi-kepetle bie bam. namdi ga kebamdau, penai Jewme synagoguedung ga Tinggwang sam rangpwa mide ledeu. Penaide ngha kerane penai John Mark de ngngwala. 6Penai duigwadeu pelane tetkah mie Paphos ga gwangcang luge, penai Jewme kenret caihakecibe ge, kehemeu ta keteime, pe zi Bar Jisu de daulu. 7Aipau kemeu ta keteibe de deuceudibe, Sergius Paulus, mi kemriakme ge de nzang bamla. Aipau pei de Barnabas penai Saul de qugai, kedanemene pa Tinggwang sam kingnei neu kecune. 8Dede Elymas “kehemeu ta keteibe” (kedanemene cide pe zi kie kecune), penaide reniadi delwe deuceudibe depeu pe kenlum gade nreudi kera teidi. 9Dede Saul, Paul de qu kelabe de Kemci Rabe puipung eh pecu pie linggai 10eh rangdi, “Nang herakesiabe na, nang au mide kecwa leune nah kesia leune le puipung. Nang au kesamsang leune ngauraube. Nang madaude Rampaube lampui kemzuidung tei ngkoi kecu mtak lakni? 11Cu ainie, Rampaube ba nreu ga gwang zieda, nah nang n miak cit dizie. Nang tingkak ge tingnaimiak ngau lak.” Ge zette mwangzui nah kemui Elymas reuga gwangdi, nah pa tet twagwa eh mina de peu pe ba teu pecu teuswa kera peei ladi. 12Deuceudibe cide teikedi ngau luge, pa nlumlu, kedanemene pa Rampaube ha rang keledeu de pe swagahsüt kedine.
Pisidian Antioch ga
13Cu Paul penai pe zangme Paphos gade liem taugai eh Pamphylia deuzi Perga namdi ga #13:13 Pamphylia deu Perga namdi ga: Pamphylia cai Asia Minor deuceu ge, nah Perga cai Pamphylia gu namdi mlangtube gwanglu. Dede John Mark lie qu kelabe penaide pütdi eh Jerusalem ga cailigwangdi. 14Dede Paul nah pe zangbe Perga gade mbeuh pwa Pisidia deuzi Antioch namdi ga gwanglu. Penai Sabbath benai synagogue ga lütlwe bamlu. 15Hezai laisiu nah caihakecime rau kegaidung gade pei kegaicai, Synagogue ga muiteume penai dage sam langgai eh ranggai, “Zangbe kena, nnai minadungde kecungkegai sam rangkera bamcai, rang gailo.” 16Cine Paul saplwe pe hwagai eh rangdi, “Israelmedung nah nnui Tinggwang mie hing kelamedung, kingneilu. 17Aipau Israelme Tinggwang de anui paumedung de kedetlu delwe penui Egyptme deu ga kelungh dau minadung de tei ngkiee beu, nah peba kengkieng le penuide cikade ngngwa mpetbeu. 18Pa mmi riakdai kenzwa ge hetaideu ga penuide lia eh gwang. 19Pa Canaan deuga heleuh hena de teingkap kedicai, pa anui leuhme de penui deu gum kera ziemne pwapeu. 20Aidungde peciakne mmi 450 nsam ge keudi. Ma aidungde cang kedicai, caihakecibe Samuel ting kecang Tinggwang penuide tutiakmedung kaibeu. 21Pecai Israelmedung hegwang ge peulo kiedi, nah Tinggwang penuide Benjamin leuhme Kish napei Saul de mmi riakdai ge ziemne pwapeu. 22Tinggwang pecu hegwangbam gade keumpet kedicai, pa David de teucuh penui gwangpei teibeu. David ha Tinggwang zierang tei eh rangdi, ‘Ih Jesse napei David de a suida, pa a lungning pelane tei beuzie.’ 23Pa pe sampet kai kebeu nzwa, mina aipaude leuhme gade Tinggwang Israel dage kelikelube Jisu de kaibeu da. 24Jisu gwang kemakdwa, John Israelme pelane dage helung nreulwe duipum tei lulo zierang teigwang. 25John pe ta teicang gwang kecudau, pa minadung de keteu, ‘Nnui Ih caulie cet lano? Ih au pa ma. Dede kingneilu, mige a cai gwangzeu, Ih au pe picum de lwaklu duilie.’ 26Mipeidung, sinamedung, Abraham namedung, nah nnui kakga Tinggwang miehing kelamedung, anui dage kelikelu samlia aide langgai beu delie. 27Kedanemene Jerusalem ga kelunghmedung, nah penui reu kedimedung, pecu ci luma, nah penui caihakecime samdung Sabbath msangne kepeide pecu mmau kegai gade teicang lu. 28Penui pecu teitsetlu kebui kie gede ngaulu meliede, penui Pilate de pecu teitset dilo kiedi. 29Penui pe ha rauteu keladung pelane teicang dige, penui pecu cross gade teunghunglwe pecu herau gage kaidi. 30Dede Tinggwang ketsai gade pecu kwak cuhlu. 31Pecu Galilee gade Jerusalem ga ngngwa kehangmedung de peu tingba zie kekiee ge pecu ngaugai. Mina aidungde cu au minadung dage pe zierangme dida. 32Nah anui nnui dage samliakeyi Tinggwang anui paume dage sampet gai kebeude rang gaila. 33Kedanemene Tinggwang aipau sampetde anui penui namedung dage teicang beuda, Jisu de teucuh daikelu gade. Cide Leidung pekenabe gage rauteukela nzwa,
‘Nang au a Napei, henai Ih n Pei dida.’#Lei. 2:7
34Pa ketsai gade pecu kwak cuhlu, iciu eh pe pum madaude timrimdi kelakne, Tinggwang ainzwa ranggai:
‘Ih ncu kemci nah ngaulu bi kera samlamdung David dage sampet kebeude peuzie.’#Isa. 55:3
35Cine pa Lei keda gade ainzwa rang gai,
‘Nang n Kemci Nabe de peu timrim dilak.’#Lei. 16:10
36Kedanemene David petingdau Tinggwang lungning tei eh pe gwatei luge, pa tsaidi, nah pecu pe paume rau tai gage kungdi nah pe paau timrimdi. 37Dede Jisu Tinggwang ne kwakcuh kelubede au timrim dima. 38Cine nnui cikap lulo, minadung, sinamedung, mina aipaude dade kemaudung gilukebui, nah Moses zai gade tei masang gaikelak kemau pelane gade lungmpetlu kebui nnuide ranglia beuda. 39Pe pecu nlum kelume pelane de tei masang beuda. 40Cine sünne lu, caihakecime rang kegaide nnuida gwang melu kerane:
41‘Ainie, nnui mide mcaukelame, nnui swagahdi eh tsaidilu;
Kedanemene Ih nnui tingdau bata ge teibam,
nnui madaude nlum kelak bata ge, mina kangge nnuide cide ranglia lude.’”#Hab. 1:5
42Paul penai Barnabas mpet keladau, minadung aipau samdung de pecaibe Sabbath de penuide ranglia dailo penai dade kiedi. 43Synagogue ga ngkwa cang luge, Jewme kekiee ge nah Jewme renet mzai kedi Gentileme makesangmedung Paul nah Barnabas caisuidi, penai penui dage sam ranggai eh penuide Tinggwang ngaugia ga lungh jüja la lulo kecunggai.
44Pecaibe Sabbath benai, namdibe peciakne kenzwa ge Rampaube sam kiengnei kera gwang ngkwalu. 45Dede Jewme hemaabe de ngau luge, penui riak le puidi nah Paul ne kerang samdungde ga kesamlim di nah pecu kiidi. 46Dede Paul penai Barnabas kuusüt eh samrang cuhdi, “Tinggwang sambe nnui dage ranglia rai maisiadi. Dede nnui cide mlaidi nah nnui kelungta kering ngaulu duilie kedine, ainie, anui Gentileme lam nreugwang dizie da. 47Kedanemene Rampaube ainzwa eh anui dage aja kaibeu,
‘Ih nnuide Gentileme ziemne kebaa ge teilu,
iciu eh nnui kideutu leune ga kelikelu teu gwang beulu kerane.’”#13:47 Isa. 49:6
48Gentileme aide siu luge, penui suiyi eh Rampaube sam de twadi. Kelungta kering ziemne kedet kelume leune nlumlu. 49Iciu eh Rampaube sam cuikui pelane ga rang gwangdi. 50Dede Jewme mipui kemlang nah kenlummedung nah namdi ga mipei hangkiamedung de kecunggai. Aide ne helung teigai eh Paul penai Barnabas de ngauraudi nah penaide penui namdi gade gwa mpetdi. 51Dede Paul penai Barnabas penuide kemmau gade penai pi ga rebui kecung mpetdi, delwe penai Iconium namdi ga miedi. 52Nah caisuimedung penui suiyi nah Kemci Rabe le kepui teidi.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Northern Zeme Bible_Draft Version
Creative Commons License
Northern Zeme Bible (Draft Version), 2023 by Benreu Baptist Church and Bridge Connectivity Solutions Pvt. Ltd. is licensed under a Creative Commons Attribution-ShareAlike 4.0 International License. This resource is published originally on VachanOnline, a premier Scripture Engagement digital platform for Indian and South Asian Languages and made available to users via vachanonline.com website and the companion VachanGo mobile app.