Matendu Ulongulelu
Ulongulelu
Hitabu kya matendu gha wandumindumi ni habali zya mtumbulo gha wavulwa na vila injili ilandalili kuhuma Yelusalemu mbaka Yudasia, Samalia na hata mwihu wa Mlima wogha, handa vila Yesu awalongelili wavulwa ghaki lipindi pambila kuyenda kundumba 1: 8. Kihitabu haki kiyandikilwi na Lukasi vilavila hayu ayandikili Injili gha Lukasi. Lukasi avile dakitali na ayandikili kwa umaha. Ayandikili vyogha Injili gha Lukasi na hitabu kya Matendu gha wandumindumi kwa Teofili, avile ni Mgiliki, Ila hitabu haki lukani lyaki kwa konganiko lya wakilisito wala Wagiliki pamonga na Wayahudi 1:1.
Kihitabu haki kya Matendu kiyandikilwi lipindi machuva 60-64 badili gha Yesu kuwelekwa, kwaikiva hitabu kivikili mwihu pambila Paulo kulekwa kuhuma kuuwopwa. Lukasi vilavila ayendili pamonga na mndumindumi Paulo na ayandikili hitabu haki kummbwani Anitiokia. Matendu ni myendelelo wa injili gha Lukasi na mtumbulo wa Yesu kuyenda kundumba. Lukasi lukani lyaki lya kuyandika handa lila lya Injili ghaki. Apalili Teofilo, vilavila na kuyongeseka kwa wakilisito wavile na mavulo ku mayandiko na ayandikili kwa uchakaka vila Yesu atamili na vila ukilisito ulandalili.
Hitabu kya matendu kingutuvula mlandano vila lipinga lya wamkwinila kilisito lya mtumbulo na vila gha kulama kwa kumkwinila Yesu. Kwa mlandano wa wandumindumi ungutulangiha twenga vila kukwinila makakala gha Mpumulo wa Sapanga kungulandala Habali Maha kwa wandu ghangi.
Gha mghati:
Mpumulo wa Sapanga anguhika kwa Wavulwa na lipinga lya wandu wamkwinila kilisito lingutumbula kukula 1:1-8:1
Lipinga lya wandu wamkwinila Kilisito linguhakilwa na litumbuli kulandalili Yelusalemu 8:2-12:23
Paulo atumbula mwanja ghaki gha kutangasa Habali Maha, 12:24-14:28
Njengakaya lakonganika ku Yelusalemu kulamula kyani wakwinila ghangi wagholi 15:1-35
Paulo anguyenda mwanja ghaki gha ivili gha kutangasa Habali Maha 15:36-18:22
Paulo anguyenda mwanja gha itatu kutangasa Habali Maha 18:23-20:38
Paulo angukamulwa Yelusalemu 21:1-26:32
Paulo anguyeghwa ku Loma 27:1-28:31
ទើបបានជ្រើសរើសហើយ៖
Matendu Ulongulelu: NTMbBL2025
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The New Testament in Mbunga @The Word for The World International and Mbunga Language translation, 2025. All rights reserved.
Matendu Ulongulelu
Ulongulelu
Hitabu kya matendu gha wandumindumi ni habali zya mtumbulo gha wavulwa na vila injili ilandalili kuhuma Yelusalemu mbaka Yudasia, Samalia na hata mwihu wa Mlima wogha, handa vila Yesu awalongelili wavulwa ghaki lipindi pambila kuyenda kundumba 1: 8. Kihitabu haki kiyandikilwi na Lukasi vilavila hayu ayandikili Injili gha Lukasi. Lukasi avile dakitali na ayandikili kwa umaha. Ayandikili vyogha Injili gha Lukasi na hitabu kya Matendu gha wandumindumi kwa Teofili, avile ni Mgiliki, Ila hitabu haki lukani lyaki kwa konganiko lya wakilisito wala Wagiliki pamonga na Wayahudi 1:1.
Kihitabu haki kya Matendu kiyandikilwi lipindi machuva 60-64 badili gha Yesu kuwelekwa, kwaikiva hitabu kivikili mwihu pambila Paulo kulekwa kuhuma kuuwopwa. Lukasi vilavila ayendili pamonga na mndumindumi Paulo na ayandikili hitabu haki kummbwani Anitiokia. Matendu ni myendelelo wa injili gha Lukasi na mtumbulo wa Yesu kuyenda kundumba. Lukasi lukani lyaki lya kuyandika handa lila lya Injili ghaki. Apalili Teofilo, vilavila na kuyongeseka kwa wakilisito wavile na mavulo ku mayandiko na ayandikili kwa uchakaka vila Yesu atamili na vila ukilisito ulandalili.
Hitabu kya matendu kingutuvula mlandano vila lipinga lya wamkwinila kilisito lya mtumbulo na vila gha kulama kwa kumkwinila Yesu. Kwa mlandano wa wandumindumi ungutulangiha twenga vila kukwinila makakala gha Mpumulo wa Sapanga kungulandala Habali Maha kwa wandu ghangi.
Gha mghati:
Mpumulo wa Sapanga anguhika kwa Wavulwa na lipinga lya wandu wamkwinila kilisito lingutumbula kukula 1:1-8:1
Lipinga lya wandu wamkwinila Kilisito linguhakilwa na litumbuli kulandalili Yelusalemu 8:2-12:23
Paulo atumbula mwanja ghaki gha kutangasa Habali Maha, 12:24-14:28
Njengakaya lakonganika ku Yelusalemu kulamula kyani wakwinila ghangi wagholi 15:1-35
Paulo anguyenda mwanja ghaki gha ivili gha kutangasa Habali Maha 15:36-18:22
Paulo anguyenda mwanja gha itatu kutangasa Habali Maha 18:23-20:38
Paulo angukamulwa Yelusalemu 21:1-26:32
Paulo anguyeghwa ku Loma 27:1-28:31
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The New Testament in Mbunga @The Word for The World International and Mbunga Language translation, 2025. All rights reserved.