लुका 3
3
बप्तिस्मा याने युहन्नालो ओप्रचार
मत्ती 3:1-12; मर्कुस 1:1-8; युहन्ना 1:19-28
1कैसर तिबेरियसये राज्य ओडोव पन्ड्र बर्स टाडे उलिज़्याव नो बेलाकं पन्तियस पिलातस यहुडियाला हाकिम लेव। होबेलाकं हेरोड गालीलला सासंक लेव, होकाम होलो ओभाई फिलिप इतुरिया सोनो त्राखोनितिसला सासंक लेव, होकाम लुसानियास अबिलेनेला सासंक लेव। 2हन्नास सोनो कैयाफानि मुख्या सेवा डोने निलिज़्याव बेलाकं परमेस्वरलो ओपाङ कडिज़ मालेव बनलं जकरियालो ओज़ा युहन्ना लेवकं ओराव। 3होये पाप छेमालो ओलागिटं पापलाम युङ सवोल्ने बप्तिस्मालो ओलागिटं यर्डन भै आसै होसैयालं स्यान्टैडे ऐ वार्डे प्रचार डाये-डाये ओराव, “जेपापलाम वोल्च्यो होसोनो बप्तिस्मा टाच्यो होकाम परमेस्वरये जेपाप छेमा डाड्यानेले।” 4यसैया अगमबक्तालो ओपोस्टोकोटं एटाव बचन सर्सिवले,
“कडिज़ मालेव बनलं टोबो कि:नेलो ओगा, स्यान्टैराई भन्डा घ्योव प्रभुलो ओडोहा तयार झैडे नैच्यो,
प्रभुलो ओयेम सिडा झैच्यो।
5घैरारं स्यान्टै राल्सिनेले, होकाम स्यान्टै ढुरिरं सोनो डान्डारं बाङ टानेले, होकाम बाङग्याव टिङग्यावरं सिडा टानेलेरं, होसोनो अप्ठारो येमरं बाङ टानेलेरं,
6होकाम स्यान्टै मीराई परमेस्वरये ओडोव छुट्कारा र:ङनेलेरं।”#यसैया ४०:३-५
7हैजैडे बप्तिस्मा रैने वार्डे ओल लेवकं राव बनै भ्या मीरंलाई युहन्नाये हैओडोवरं, “ए गुललो ओज़ारं, डन्ड रारिज़्या वार्डे जेलाई ढोङने चेतावनी काङ्काये ओयाच्योव? 8ऐटाव ये:न डोच्यो जोटाम ठा ओटाकं जे जेपापलाम वोल्डेजेले वार्डे, होकाम जेज़ ‘अब्राहाम गेबाबु ची’ वार्डे हैटालेच्यो, कडालेकं ङा जेलाई हैङाडाच्योज़्या, परमेस्वरये आव लुङरंयालाम अब्राहामलो ओलागिट सन्तान झैडुव। 9आर्क सिङराई याजराटं रवाये पल्ने तयार टाडेले, हैजैडे चावसं मासैने स्यान्टै सिङर पल्डे, मे:ल ख्यासिनेले।”
10मीराई युहन्नालाई यापजोयो, “है टावसं आबो गे कैलेने?”
11नोये होरंलाई जुवाप ओयोवरं, “जोसं नेबऱ्याङ डौरा लिज़्या, होये मालेवलाई टोबो ओयोवकं, होकाम जोसं ज़्याने ज़्याव ले, होये पनि हैटावज़ ओडोवकं।”
12सिरमा डुप्नेरं पनि बप्तिस्मा टाने याराव, होकाम युहन्नालाई यापजोयो, “गुरबा, गे कै लेने?”
13नोये होरंलाई हैओडोवरं, “जे सिरमा खाडंङ टुकिसिव लिज़्या हाढङयाज़ डुप्च्यो होकाम भ्या टारैच्यो।”
14सिफाइराई पनि यापजोयो, “गे कैलेने खेने?” नोये होरंलाई हैओडोवरं, “काङकालाई पनि सोजोज़ आरोप लैडे असंतं अलाग्ड डाडे होसोनो मालेव डोस लैडे टालुटिच्यो। जे जेतनकाटं सोन्टोको टाच्यो।”
15होकाम मीराई ख्रीस्टलाई ओकेनज़्याव बेलाकं स्यान्टैराई यायुङलं युहन्नालाई आवज़ मसिह टाके वार्डे बिचार याडोज़्याव, 16होकाम युहन्नाये हो स्यान्टैरंलाई जुवाप ओयोवरं, “ङा जेलाई री:ये बप्तिस्मा ङायाच्यो, हैनि पनि ङा भन्डा बनै ओसक्ति लेव टोबो राज़्या, ङा होलो ओपनैलो ओटस्मा पलाने हाडङका पनि ङाम्ले। होये जेलाई चोखो आत्मा सोनो मे:ये बप्तिस्मा यानेले। 17च्याप्ने नाङ्गली होलो उकुइटज़ले, हो नाङगलियेज़ ओल ओठाराला अन्न सफा झैनेले, होकाम पिमा ओढनसारलं डुप्नेले, हैनि पनि होये उपुललाई मासिने मे:लं ज़ाङनेले।” 18हैजैडे युहन्नाये उरु भ्या ग्यानला रो:रं सल्ला याडे मीरंलाई चाव सोर ओसोठोयोरं।
19हैनि पनि हेरोड राजाये। ओभाइलो ओज्या हेरोडियासलो रैडे माचाव ये:न ओडोव कारनये युहन्नाये होलाई हक्लैडे ओनैज़्याव।
20होकाम युहन्नालाई झ्यालखानालं ठुनिडे नोये माचाव ये:न तर्ट झनज़ टोबो माचाव ये:न ओठंपो।
येसु बप्तिस्मा ओटाव
मत्ती ३:१३-१७; मर्कुस १:९-११
21स्यान्टै मीरं बप्तिस्मा याटाव, होकाम येसुये पनि बप्तिस्मा टाडे प्रार्ठना ओडोज़्याव, होकाम नम ओफैसिव, 22होकाम चोखो आत्मा परिवालो उरुपलं येसुलो ओक्याङटं ओराव। होकाम स्वर्गटाम टोबो ऐटाव गा ओठोयो, “नङ ङायुङ्का ङाज़ा ची, ङा नङसं बनै सोन्टोको ङाले।”
येसुलो उपुर्खाराई यामीन
मत्ती 1:1-17
23येसु तीस बर्सका ओटावकाम सेवा डोने सुरु ओडोव। मीराई येसु के योसेफलो ओज़ा ची वार्डे हैडोरंये।
योसेफ एलिलो ओज़ालेव, 24एलि मत्तातलो ओज़ा, मत्तात लेवीलो, लेवी मल्कीलो ओज़ा, मल्की यान्नालो ओज़ा, यान्ना योसेफलो ओज़ा, 25योसेफ मत्ताठियासलो ओज़ा, मत्ताठियास आमोसलो ओज़ा, आमोस नहुमलो ओज़ा, नहुम इसलीलो ओज़ा, इसली नग्गैलो ओज़ा, 26नग्गै माठलो ओज़ा, माठ मत्ताठियासलो ओज़ा, मत्ताठियास सेमैनलो ओज़ा, सेमैन योसेखलो ओज़ा, योसेख योडालो ओज़ा, 27योडा योआनंनलो ओज़ा, योआनंन रेसालो ओज़ा, रेसा यरुबाबेललो ओज़ा, यरुबाबेल सालतिएललो ओज़ा, सालतिएल नेरीलो ओज़ा, 28नेरी मल्कीलो ओज़ा, मल्की अड्डीलो ओज़ा, अड्डी कोसामलो ओज़ा, कोसाम एलमाडमलो ओज़ा, एलमाडम एर्लो ओज़ा, 29एर् यहोसुलो ओज़ा, यहोसु एलिएजरलो ओज़ा, एलिएजर योरीमलो ओज़ा, योरीम मत्तातलो ओज़ा, मत्तात लेवीलो ओज़ा, 30लेवी सिमियोनलो ओज़ा, सिमियोन यहुडालो ओज़ा, यहुडा योसेफलो ओज़ा, योसेफ योनानलो ओज़ा, योनान एल्याकीमलो ओज़ा, 31एल्याकीम मलेआलो ओज़ा, मलेआ मिन्नालो ओज़ा, मिन्ना मत्ताठालो ओज़ा, मत्ताठा नातानलो ओज़ा, नातान डाउडलो ओज़ा, 32डाउड यिसैलो ओज़ा, यिसै ओबेडलो ओज़ा, ओबेड बोअजलो ओज़ा, बोअज सल्मोनलो ओज़ा, सल्मोन नहसोनलो ओज़ा, 33नहसोन अम्मीनाडाबलो ओज़ा, अम्मीनाडाब आरामलो ओज़ा, नासिरय हेस्रोनलो ओज़ा, हेस्रोन फारेसलो ओज़ा, फारेस यहुडालो ओज़ा, 34यहुडा याकुबलो ओज़ा, याकुब इसहाकलो ओज़ा, इसहाक अब्राहामलो ओज़ा, अब्राहाम तेरहलो ओज़ा, तेरह नाहोरलो ओज़ा, 35नाहोर सरुगलो ओज़ा, सरुग रउलो ओज़ा, रउ पेलेगलो ओज़ा, पेलेग एबेरलो ओज़ा, एबेर सेलहलो ओज़ा, 36सेलह केनानलो ओज़ा, केनान अर्पछडलो ओज़ा अर्पछड सेमलो ओज़ा, सेम नोआलो ओज़ा, नोआ लेमेखलो ओज़ा, 37लेमेख मतुसेलहलो ओज़ा, मतुसेलह हनोकलो ओज़ा, हनोक येरेडलो ओज़ा, येरेड महलालेललो ओज़ा, महलालेल केनानलो ओज़ा, 38केनान एनोसलो ओज़ा, एनोस सेतलो ओज़ा, सेत आडमलो ओज़ा, आडम परमेस्वरलो ओज़ालेव।
ទើបបានជ្រើសរើសហើយ៖
लुका 3: NTWMK25
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The New Testament Books in Wale Magar Kham Language © The Word for the World International and Wale Magar Kham Translation Project, Nepal, 2025
लुका 3
3
बप्तिस्मा याने युहन्नालो ओप्रचार
मत्ती 3:1-12; मर्कुस 1:1-8; युहन्ना 1:19-28
1कैसर तिबेरियसये राज्य ओडोव पन्ड्र बर्स टाडे उलिज़्याव नो बेलाकं पन्तियस पिलातस यहुडियाला हाकिम लेव। होबेलाकं हेरोड गालीलला सासंक लेव, होकाम होलो ओभाई फिलिप इतुरिया सोनो त्राखोनितिसला सासंक लेव, होकाम लुसानियास अबिलेनेला सासंक लेव। 2हन्नास सोनो कैयाफानि मुख्या सेवा डोने निलिज़्याव बेलाकं परमेस्वरलो ओपाङ कडिज़ मालेव बनलं जकरियालो ओज़ा युहन्ना लेवकं ओराव। 3होये पाप छेमालो ओलागिटं पापलाम युङ सवोल्ने बप्तिस्मालो ओलागिटं यर्डन भै आसै होसैयालं स्यान्टैडे ऐ वार्डे प्रचार डाये-डाये ओराव, “जेपापलाम वोल्च्यो होसोनो बप्तिस्मा टाच्यो होकाम परमेस्वरये जेपाप छेमा डाड्यानेले।” 4यसैया अगमबक्तालो ओपोस्टोकोटं एटाव बचन सर्सिवले,
“कडिज़ मालेव बनलं टोबो कि:नेलो ओगा, स्यान्टैराई भन्डा घ्योव प्रभुलो ओडोहा तयार झैडे नैच्यो,
प्रभुलो ओयेम सिडा झैच्यो।
5घैरारं स्यान्टै राल्सिनेले, होकाम स्यान्टै ढुरिरं सोनो डान्डारं बाङ टानेले, होकाम बाङग्याव टिङग्यावरं सिडा टानेलेरं, होसोनो अप्ठारो येमरं बाङ टानेलेरं,
6होकाम स्यान्टै मीराई परमेस्वरये ओडोव छुट्कारा र:ङनेलेरं।”#यसैया ४०:३-५
7हैजैडे बप्तिस्मा रैने वार्डे ओल लेवकं राव बनै भ्या मीरंलाई युहन्नाये हैओडोवरं, “ए गुललो ओज़ारं, डन्ड रारिज़्या वार्डे जेलाई ढोङने चेतावनी काङ्काये ओयाच्योव? 8ऐटाव ये:न डोच्यो जोटाम ठा ओटाकं जे जेपापलाम वोल्डेजेले वार्डे, होकाम जेज़ ‘अब्राहाम गेबाबु ची’ वार्डे हैटालेच्यो, कडालेकं ङा जेलाई हैङाडाच्योज़्या, परमेस्वरये आव लुङरंयालाम अब्राहामलो ओलागिट सन्तान झैडुव। 9आर्क सिङराई याजराटं रवाये पल्ने तयार टाडेले, हैजैडे चावसं मासैने स्यान्टै सिङर पल्डे, मे:ल ख्यासिनेले।”
10मीराई युहन्नालाई यापजोयो, “है टावसं आबो गे कैलेने?”
11नोये होरंलाई जुवाप ओयोवरं, “जोसं नेबऱ्याङ डौरा लिज़्या, होये मालेवलाई टोबो ओयोवकं, होकाम जोसं ज़्याने ज़्याव ले, होये पनि हैटावज़ ओडोवकं।”
12सिरमा डुप्नेरं पनि बप्तिस्मा टाने याराव, होकाम युहन्नालाई यापजोयो, “गुरबा, गे कै लेने?”
13नोये होरंलाई हैओडोवरं, “जे सिरमा खाडंङ टुकिसिव लिज़्या हाढङयाज़ डुप्च्यो होकाम भ्या टारैच्यो।”
14सिफाइराई पनि यापजोयो, “गे कैलेने खेने?” नोये होरंलाई हैओडोवरं, “काङकालाई पनि सोजोज़ आरोप लैडे असंतं अलाग्ड डाडे होसोनो मालेव डोस लैडे टालुटिच्यो। जे जेतनकाटं सोन्टोको टाच्यो।”
15होकाम मीराई ख्रीस्टलाई ओकेनज़्याव बेलाकं स्यान्टैराई यायुङलं युहन्नालाई आवज़ मसिह टाके वार्डे बिचार याडोज़्याव, 16होकाम युहन्नाये हो स्यान्टैरंलाई जुवाप ओयोवरं, “ङा जेलाई री:ये बप्तिस्मा ङायाच्यो, हैनि पनि ङा भन्डा बनै ओसक्ति लेव टोबो राज़्या, ङा होलो ओपनैलो ओटस्मा पलाने हाडङका पनि ङाम्ले। होये जेलाई चोखो आत्मा सोनो मे:ये बप्तिस्मा यानेले। 17च्याप्ने नाङ्गली होलो उकुइटज़ले, हो नाङगलियेज़ ओल ओठाराला अन्न सफा झैनेले, होकाम पिमा ओढनसारलं डुप्नेले, हैनि पनि होये उपुललाई मासिने मे:लं ज़ाङनेले।” 18हैजैडे युहन्नाये उरु भ्या ग्यानला रो:रं सल्ला याडे मीरंलाई चाव सोर ओसोठोयोरं।
19हैनि पनि हेरोड राजाये। ओभाइलो ओज्या हेरोडियासलो रैडे माचाव ये:न ओडोव कारनये युहन्नाये होलाई हक्लैडे ओनैज़्याव।
20होकाम युहन्नालाई झ्यालखानालं ठुनिडे नोये माचाव ये:न तर्ट झनज़ टोबो माचाव ये:न ओठंपो।
येसु बप्तिस्मा ओटाव
मत्ती ३:१३-१७; मर्कुस १:९-११
21स्यान्टै मीरं बप्तिस्मा याटाव, होकाम येसुये पनि बप्तिस्मा टाडे प्रार्ठना ओडोज़्याव, होकाम नम ओफैसिव, 22होकाम चोखो आत्मा परिवालो उरुपलं येसुलो ओक्याङटं ओराव। होकाम स्वर्गटाम टोबो ऐटाव गा ओठोयो, “नङ ङायुङ्का ङाज़ा ची, ङा नङसं बनै सोन्टोको ङाले।”
येसुलो उपुर्खाराई यामीन
मत्ती 1:1-17
23येसु तीस बर्सका ओटावकाम सेवा डोने सुरु ओडोव। मीराई येसु के योसेफलो ओज़ा ची वार्डे हैडोरंये।
योसेफ एलिलो ओज़ालेव, 24एलि मत्तातलो ओज़ा, मत्तात लेवीलो, लेवी मल्कीलो ओज़ा, मल्की यान्नालो ओज़ा, यान्ना योसेफलो ओज़ा, 25योसेफ मत्ताठियासलो ओज़ा, मत्ताठियास आमोसलो ओज़ा, आमोस नहुमलो ओज़ा, नहुम इसलीलो ओज़ा, इसली नग्गैलो ओज़ा, 26नग्गै माठलो ओज़ा, माठ मत्ताठियासलो ओज़ा, मत्ताठियास सेमैनलो ओज़ा, सेमैन योसेखलो ओज़ा, योसेख योडालो ओज़ा, 27योडा योआनंनलो ओज़ा, योआनंन रेसालो ओज़ा, रेसा यरुबाबेललो ओज़ा, यरुबाबेल सालतिएललो ओज़ा, सालतिएल नेरीलो ओज़ा, 28नेरी मल्कीलो ओज़ा, मल्की अड्डीलो ओज़ा, अड्डी कोसामलो ओज़ा, कोसाम एलमाडमलो ओज़ा, एलमाडम एर्लो ओज़ा, 29एर् यहोसुलो ओज़ा, यहोसु एलिएजरलो ओज़ा, एलिएजर योरीमलो ओज़ा, योरीम मत्तातलो ओज़ा, मत्तात लेवीलो ओज़ा, 30लेवी सिमियोनलो ओज़ा, सिमियोन यहुडालो ओज़ा, यहुडा योसेफलो ओज़ा, योसेफ योनानलो ओज़ा, योनान एल्याकीमलो ओज़ा, 31एल्याकीम मलेआलो ओज़ा, मलेआ मिन्नालो ओज़ा, मिन्ना मत्ताठालो ओज़ा, मत्ताठा नातानलो ओज़ा, नातान डाउडलो ओज़ा, 32डाउड यिसैलो ओज़ा, यिसै ओबेडलो ओज़ा, ओबेड बोअजलो ओज़ा, बोअज सल्मोनलो ओज़ा, सल्मोन नहसोनलो ओज़ा, 33नहसोन अम्मीनाडाबलो ओज़ा, अम्मीनाडाब आरामलो ओज़ा, नासिरय हेस्रोनलो ओज़ा, हेस्रोन फारेसलो ओज़ा, फारेस यहुडालो ओज़ा, 34यहुडा याकुबलो ओज़ा, याकुब इसहाकलो ओज़ा, इसहाक अब्राहामलो ओज़ा, अब्राहाम तेरहलो ओज़ा, तेरह नाहोरलो ओज़ा, 35नाहोर सरुगलो ओज़ा, सरुग रउलो ओज़ा, रउ पेलेगलो ओज़ा, पेलेग एबेरलो ओज़ा, एबेर सेलहलो ओज़ा, 36सेलह केनानलो ओज़ा, केनान अर्पछडलो ओज़ा अर्पछड सेमलो ओज़ा, सेम नोआलो ओज़ा, नोआ लेमेखलो ओज़ा, 37लेमेख मतुसेलहलो ओज़ा, मतुसेलह हनोकलो ओज़ा, हनोक येरेडलो ओज़ा, येरेड महलालेललो ओज़ा, महलालेल केनानलो ओज़ा, 38केनान एनोसलो ओज़ा, एनोस सेतलो ओज़ा, सेत आडमलो ओज़ा, आडम परमेस्वरलो ओज़ालेव।
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The New Testament Books in Wale Magar Kham Language © The Word for the World International and Wale Magar Kham Translation Project, Nepal, 2025