Maku 4
4
Mukunda wu mumiaminyi
(Matayi 13:1-9; Luka 8:4-8)
1 #
Lk 5:1-3. Yesu ukabanga kabidi kuyishi batu musahu ku mbambadi ku dishiha di Ngalela. Bualu batu bakadu bandi, ukabuela mu buatu bualu batu bakadu bandi, batu bundi buabu bakadu kumbambadi ku dishiha. 2Yesu uka bayishi malu mandi mu mikunda, neku ukabambila mu mayishi andi ne:
3“Ofuayi! Mumiaminyi ukatambuka bukuya miamina 4Hakadueyi wamiamina shanga, shanga minga ikamata mu shila, nyunyi ikadu ika isokola. 5Shanga minga ikamata mu buloba bukadu hanandi ha mabu, ika toloka manyangu kadi bualu ka kuadu buloba bundi. 6Hakakasakana munyinyi, diba dikafubidishi bisule, ikomangana bualu kayadu yi mishu mila bi. 7Tshitshinyi tshinga tshi shanga tshikamata mu mieba, mioshi yi mieba yikayidinga, kayakuama bimuma bi. 8Kadi shanga minga ikamata ha buloba bulengela, ikatuhuluka, ikakuama bimuma, minga masandi asatu, minga masandi asambombu, minga 100.”
9Kunyima Yesu ukamba ne: “Udi bo matshu a kofu ofu biandi!”
Yesu wambamba bukayi wayishi mu mikunda.
(Matayi 13:10-17; Luka 8:9-10)
10Hakaduebu kayabu, batu banga bo Bayidi bandi baka mokoshi bune ubofueshi mukunda ukeleyi. 11Yesu uka bakudumuna ne: “Banusokolodiela nuenu bualu busokomi bu butshuami bu Tshiambi,” neku badi kabakadi nenu malu osu baya bayishi nawu mu mikunda, 12#Yesh 6:9-10.‘Bune,
Hanakuakalebu ba tshioboka,
kabamonyi tshitu,
Hanakuakalebu bafudikishi,
ka bofu bualu,
Bune kaba hinganganyi kudi Tshiambi,
bu kubofuela muengu.’”
(Matayi 13:18-23; Luka 8:11-15)
Yesu wafofueshi mukunda wu mumiaminyi
(Matayi 13:18-23; Luka 8:11-15)
13Neku, Yesu ukatungunuka bo kubambila ne: “Kanofuela mukunda unanuele? Nuya kofu bitshi mikunda minga inana kuele? 14Mumiaminyi wamiamina musahu ulengela wu Tshiambi. 15Batu banga badi bu shanga ikamata mu shila, hafofuebu musahu wu Tshiambi, amu hahu, muhitshi ubatambula, musahu ulengela usheyi mukuna munda muabu. 16Batu banga badi bu buloba bukadu hanandi mabu muaba ukamata shanga. Hafofuebu musahu ulengela bawatataboshi yi diyandi diosu. 17Kadi, kawushi kuela mishu munda muabu, batataboshi bu tshitayi tshiatshinyi. Neku habakuata bualu bubodu nashi mutanda bu musahu, bakoma Tshiambi nyima manyangu. 18Batu banga badi bu buloba bu mieba bukamata shanga. Badi batu bafofu musahu wu Tshiambi, 19kadi bu lukanyi lu malu a ha buloba, bo dinanga di madiyi ibo bitu binga biosu, biahudishi musahu neku bua kawu kuamishi bimuma. 20Batu banga badi bu shanga ikamata mu buloba bulengela bukamata shanga, badi batu bafofu musahu ulengela, bawatataboshi, neku walela bimuma. Banga misangu masandi asatu, banga misangu masandi asambombu, neku banga misangu 100.”
Mukunda wu muendu
(Luka 8:16-18)
21 #
Mat 5:15; Lk 11:33. Yesu ukamba kabidi ne: “Mutu udi mukutemeshi muendu buku ubueshi mushi mu musheta anyi mushi mu bulalue? Kashi uteka kulu mulembeleshi bua wukubukishi mu subu bundi buamue? 22#Mat 10:26; Lk 12:2.Biosu bidi bisokomeshi, biya tambuka hakubuka hanadu mutshila ulema, yi bundi buabi bidi bisokomeshi baya biteka hakubuka. 23Udi bo matshu a kofu ofu biandi!” 24#Mat 7:2; Lk 6:38.Yesu ukabambila kabidi ne:
“Nulubuka ku biosu binuafofu!, tshihiminu tshiahimina natshi, bayakuhimina biebi natshi, baya nuesela nuenu bidika haha. 25#Mat 13:12; 25:29; Lk 19:26.Bualu, mutu udi bo tshitu bayamuha tshinga tshitu, kadi udi bo buashi, baya mutambula kata kadieyi naku.”
Mukunda wu mitondu miditolokela
26Yesu uka bambila kabidi ne: “Bushashendi bu Tshiambi budi bufuanangana bo mutu ukakuna maminu mu tshibidi tshiandi. 27Butuku ukalala tulu, munyinyi wabika ku tulu, mitondu ikatoloka, ikalunda kalubuki mushindu uka lundeyi. 28Buloba kayabu kabukatolokeshi mitondu kubushi, kunyima yalunda neku ihudua kuama. 29#Yo 3:13.Hakafika tshitshietshi tshi kubuka bimuma, mutu yewu wabangishi kubibuka, uduadu yi musadi wandi bukukaleyi biakuama ku mutshi.
Mukunda wu mutondu wu mutada
(Matayi 13:31-32; Luka 13:18-19)
30Yesu ukamba kabidi ne: “Tudi mu kufuanyikishi bu shashendi bu Tshiambi yi binyie?” “Mukunda kayi utunakuela bukufuanyikishi bushashendi bu Tshiambie? 31Budi bu mutondu wu Mutada, udi, mbe bawukuna mu buloba, udi ukese ku mitondu bundi buayi yi ha buloba 32Neku hana mukunebu mu buloba, wabanda, uduadu ulema mutambe mitshi bundi buayi yi mu tshibidi, wakuama matamba male yi manene, nunyi iya kuabaka masu ayu mu butalalu buawu.”
33Yesu ukadu wayishi batu musahu ulengela mu mikunda bu unekuewu bilondieshila bakadu bashakama bamuafofu. 34Kadu wayishi kakuakadi mikunda bi, kadi hakadueyi bo bayidi bandi kayabu, ukadu ubambiambila malu bundi buawu.
Yesu wabatamishi Mafuala.
(Matayi 8:23-27; Luka 8:22-25)
35Hakudiololu ha mutshilawu, Yesu ukambila bayidi bandi ne: “Tuyakayi dishiyi di dishiha.” 36Bakatambuka mu tshieyi wu batu, bayidi bakabuela mu buatu bukadu Yesu bakasabuka disambu di mayi bakala yi matu manga. 37Amu hahu, luhehele lukola lukadu ha mayi, mafuala akabuela mu buatu, hua yi hakowola mayi mu buatu. 38Yesu ukadu mulala kusula ku buatu kunyima, muteka mutshu ha musamu, bayidi bakamubishi bakamba. “Muyishi tuatshieba kufu, kabisu kuambila bualu mbe?”
39Yesu ukabika, ukabolokela luhehele, uka luambila ne: “Shakama holu!” Neku ukambila mafuala ne: “Batama!” neku, luhehele lukahu, ditalala dikabuela. 40Kunyima, Yesu ukambila bayidi bandi ne: “Bukayi nudi bo bowue? Hua yi lelewu kanuena bo ditabushe?”
41Neku bowu bundi bukabakuata, bakokoshangana. “Yewewu yi nganyie? Mafuala yi luhehele bimuafofuela!”
ទើបបានជ្រើសរើសហើយ៖
Maku 4: KBT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Word For The World International