Atnutnu 19
19
Bwulus dna n Afyisus
1Apwolos wo ye dna n Kworenti, Bwulus wa wna zokwo lo n zhabwii wa si Afyisus. N abaayi wa gye amwutuyi ho: 2wa nya ɓa əɓo, “Fye ɓə la Zafnu Gyigyiyi gwo, əsa n fye ɓə ga gaiciya nyi?” Ɓa dnaɓəgbe,
“Aawo, yi to shni Zafnu Gyigyiyi əɓo wo m.”
3Ntulonu Bwulus wa nyaɓo,
“Fya ɓə ɓwa knyi batizima yi nu a?” Ɓa dnaɓəgbe, “Yohana batizimazhni nya nu.”
4Bwulus wa gna, “Yohana batizimazhni ɓə zhni batizima abwuye nya nu. Wo ɓə gna aza ge, ɓa kwu gaiciyaga n əza n wo ɓe lo n əwo avnu nyi, n əwo nu zhni Yeisu nyi.” 5Shi ɓa ɓə wo dəye, a zhni ɓa batizima dna n Dagayi Yeisu əye. 6She Bwulus ɓə kpe ɓa əwo aɓwa, Zafnu Gyigyiyi wa shnikpe ɓa; ɓa daɓo n anyitala ajei jesnu ɓa da sheɓəgwogna. 7Əɓa vnyanya ɓə nyi ngye azanugbai awoceaba nu.
8Bwulus wa lodna n Ayahudiyibwokwnu wa daɓo n əgbei myimyii apya ngwnu-ata, woi naɓo n əɓai n aɓwatnai ntu Shekwoyi əbemi ɓo. 9Ama azaho ɓa kwu əɓa adu kpakalá; to ɓa ye ɓa ga gaiciya m, jesnu ɓai wnu Zokwo ye əye ya gnyi n bəgyé. Ntulonu Bwulus wa gbmiya n əɓa aba. Wa kwu amwutuyi n kwnusnu n woi, jesnu ɓai kwuaɓoaje n nyipyei dəhodəhoii fyi n Tirannus nyawu nyakwnu. 10Dəye kwa gwodu nlonu aye ngwnu-aba, kwa zhni Ayahudiyi n Agirikiyii n ɓa ɓə fyi n Asiya əknyi nyi, ɓa kwu Dagayi ɓədagbma wo.
11Shekwoyi wa zhni apma n Bwulusii wa zhni aɓəwowo adnagbmai, 12kwaa zè nge kwo amisawnuya aje ɓədo n ajeɓyiyi ajewnafyi nyai n kwo ɓə la to n əwo nayi, ai kwu ɓa lo anyasnai ncei, ɓai ɓwa kágna n əɓa anyasna jesnu ase ɓai kwnuya n ɓa.
13Ayahudiyi ho, n ɓa ɓə laɓa ɓai kwnu azafnu anukwoi ya, ɓa zhniatna nabai ɓa zhni apma n Dagayi Yeisu əyei kpe n aza yi n ɓa ɓə n asei fyi nyi. Ɓa ɓə zhni ɓai gna, “Dna n Yeisu əye n Bwulus zhni əwo waazi nyi, mi tu fye ɓəgbe, fye kwnuya.” 14Skeva, Ayahudiyi apirisiti tukwoda, əwo aɓyi azanugbai ngwnu-tnaaba nu ɓə laɓa ɓai zhni aɓo ye. 15N əwyihoi, ase kwa dna ɓa ɓəgbe, “Yeisu, mi kpe wo əye lo, jesnu mi kpe Bwulus əye lo, ama anyika nu zhi n fyei a?” 16Nlonu əza n wo ɓə n asei dna nyi, waa du ɓa n kalá, wa kwu ɓa gyisnu əɓa vnyanya, wa lu ɓa ɓəhnihni nya, ɓa kwnuya n nyakwnu yi n aɓwotoloi, amii zhe ɓa.
17She Ayahudiyi n Agirikiyii n ɓa ɓə fyi n Afyisus ɓə kwu anabagyi ye wo, ədna kwa wo aza vnyanya, ɓaa Dagayi Yeisu əye shi dna n mwamwaga. 18Aza bəgyé yi n ɓa ɓə kwu gaiciyaga nsayii nyi, ɓa ɓe, ɓa yeabwi zhi n aza awye, ɓa da aɓənukwoi n ɓa ɓəə kwu luzhni. 19Aza n ɓa ɓə zhni ɓai she zokwu, ɓa ɓe n əɓa apa nyakazhii kpmikpmii shi, ɓa ye ɓa gwnuaje, ɓa gyi ɓa əná n aza awye vnyanya. She ɓa ɓə kwu gyiwye aje kwaa gbmi azulufa adugwu shiitnu. 20N zokwo ye nu Dagayi ɓədagbma kwa lapwi laɓa jesnu kwa mwa dna n kalá.
21She aɓo ye vnyanya ɓə kwu zhni, Bwulus wa dna dnabwugba wa lo Urishelima wa duya n Makidoninya n Akaiyai. Wa gna, “She mi ɓə la lo abaayi, ɓəshishi nu mii lo gnaɓyi n Roma cè.” 22Wa tnu əwo abmazhniyi tnutnu ngwnu-aba, Timoti n Irasitusii n Makidoninya, ama waa ce dna n Asiya əknyi waa snusa fyewyi.
Gyikici dna n Afyisus
23Dna n əsa yi, gyikici yaakwo kwa laka gnyi, ntu Yeisu Zokwo ɓo. 24Azulufa əpyada ai yi wo ge Demyetus, n wo ɓə zhni woi zhni Atemyis ashna azulufa nya nyi, wa ɓe n agbákwnuyi n aɓwazei n mwa n abaayi. 25Wa yì ɓa zhi n abagbmanyi, n kwnusnu n azajei n ɓa fyi n əɓa aɓwaze pya, wa gna: “Əmi anugwnudo, fye kpəlo nge gyiwye loɓe, da yi lo n mwa, n aɓwaze ye. 26Fye gyewye lo jesnu fyei wo she Bwulus ye, wo kwu aza abwugba wna n mwa bəgyé, n ɓa fyi n Afyisus nyi, jesnu wo la aza pmyiawye kpeekpe n ɓa fyi n Asiya əknyi nyi. Wo gna lo nge ashna ń zanyikwoci aɓwa nu ɓə zhni, nge ɓa to zhni ashekwoyi nu m, kpeekpe. 27Azhnìgye lo, to ɓwasnu ge əyi aɓwaze nu ɓə ɓwu əkwo əye manai nuwna m, ama nge Atemyis ashnapwuwa yaakwo n əkwohni ce, n a gba kwo n Asiya əknyi vnyanya ɓədo n anyì nyi, a ɓə la əkwo zafnu mwamwa ga kpmazhi.”
28She ɓa ɓə wo dəye, ɓa ya minagyi gyi, ɓa ya wyiɓe, “Atemyis Afyisuyi nya zhni ənya yaakwo nu!” 29Əsa fyewyi, əzhiyaakwo vnyanya kwaa totu gnyi n wyiɓei. Aza ɓa wna Gayus ɓədo Arisitakwusii, Bwulus znazna anugwnudo n ɓa ɓə kwnuɓe n Makidoninya n kwnusnu nyi, əɓa vnyanya ɓa bwusi lo awyefnanyakwnu n kwnusnu. 30Bwulus ɓə ye wa gbmignyi n deeji abye nu, ama to amwutuyi ɓa ye wo m. 31Kwo əknyi yi atnutnuyi, Bwulus anugwnudo, ɓa tnu tnutnu ga wo ɓai tna wo aɓwa nge wo to lo awyefnanyakwnu m.
32Yezhi yi ɓə fyi gnyi n ɓəyeɓwi nu: Azaho ɓəwyi əɓo gbmanyi nya, azaje əɓədo nya. Aza bəgyé to ɓə kpe əɓo ye n kwa zhni ai yezhi n ɓo m. 33Ayahudiyi ɓa gbmi Alekzanda gnyi n abye, ɓa gna wo aɓəgbega n wo ɓa da. Wa kwu aɓwa wu nge ɓa kwu cepyi nabai wa gnyi əwohni tukwo n aza aba. 34Ama she ɓa ɓə kwu kpe nge wo zhni Yahudiyi nu, əɓa vnyanya n əgbei gbmanyi, ɓa ɓəwyi kwuu ngye asnukna ngwnu-aba, ɓai gna: “Atemyis Afyisuyi nya zhni ənya Yaakwo nu!”
35Əzhi nyakanyakayi wa zhni deeji kwa kwu cepyi wa gna, “Əmi azaje Afyisuyi, anyì vnyanya ta kpəlo nge, Afyisus əzhiyaakwo nu zhni Atemyis yaakwo əshnanyakwnu gwuyi, ɓədo n əkwo dogbe n kwo ɓə kaya shnizhi n əshemi nyi m? 36Ntucenu, shikwonyi a taa kpe aɓo ye aɓəna nyi m, kwo gwo fyaa nazhi jesnu to fya zhni ɓəhoɓəhoi dna n pyepye m. 37Fye kwu ɓe n aza yei n ya, kwo shikwonyi ɓa too wyi nyaho n əshnanyakwnu kwo ɓa da wyegbaci ɓo tu n əyi əshna m. 38Ngye Demyetus n əwo aɓwazeyi ajei n ɓəho yaakwoi lo tu n zahozahoyi tukwo, owa abwokwnu gwuya zhi lo jesnu awadayi fyilo. Fye lo fye kwnu əfye aɓəsna ɓə ncei n abaayi. 39Ngye əɓədo lo n fye ye kwa kwnuɓe ncei n du dəye, a ɓa da kwo n awadayi adogwnuba nu. 40Shi kwo gnyi nyi, yi fyi zhi n abwi nu, a ɓə tu yi əɓo gyikici kala la nya, ntu əɓo ɓo n kwo kwu zhni nnaiye nyi. N kwa zè nlonu, yi to ɓə myi ya ga nyadokwu ɓəgala ye nya m, shikwonyi ɓəho to lo n kwo ɓə kwnuce a zhni kwo m.” 41Shi wo ɓə kwu dəye da, wa gna azadogwnu ami.
ទើបបានជ្រើសរើសហើយ៖
Atnutnu 19: OGNB
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Biblica® Open Gbagyi Nyizeyenya Baibwulu: Shekwoyi Ɓədagbma™, Ɓəgbeshì Woiwoyi
© 1997, 2025 Biblica, Inc.
Biblica® Open Gbagyi Contemporary Bible™, New Testament
Copyright © 1997, 2025 by Biblica, Inc.
“Biblica” ɓədo n Biblica əznù zhazhai, ɓa zhni aɓwaze aznù nu n a cei kafyilo n United States Patent and Trademark Office (Amerika əznù aɓwaze nya ɓədo n nyazhnizhni ofyisii) n Biblica, Inc. ncei yafyi. Apmazhni n gbegai nu.
“Biblica” is a trademark registered in the United States Patent and Trademark Office by Biblica, Inc. Used with permission.
See promoVersionInfo in metadata.xml for Creative Commons license.
Atnutnu 19
19
Bwulus dna n Afyisus
1Apwolos wo ye dna n Kworenti, Bwulus wa wna zokwo lo n zhabwii wa si Afyisus. N abaayi wa gye amwutuyi ho: 2wa nya ɓa əɓo, “Fye ɓə la Zafnu Gyigyiyi gwo, əsa n fye ɓə ga gaiciya nyi?” Ɓa dnaɓəgbe,
“Aawo, yi to shni Zafnu Gyigyiyi əɓo wo m.”
3Ntulonu Bwulus wa nyaɓo,
“Fya ɓə ɓwa knyi batizima yi nu a?” Ɓa dnaɓəgbe, “Yohana batizimazhni nya nu.”
4Bwulus wa gna, “Yohana batizimazhni ɓə zhni batizima abwuye nya nu. Wo ɓə gna aza ge, ɓa kwu gaiciyaga n əza n wo ɓe lo n əwo avnu nyi, n əwo nu zhni Yeisu nyi.” 5Shi ɓa ɓə wo dəye, a zhni ɓa batizima dna n Dagayi Yeisu əye. 6She Bwulus ɓə kpe ɓa əwo aɓwa, Zafnu Gyigyiyi wa shnikpe ɓa; ɓa daɓo n anyitala ajei jesnu ɓa da sheɓəgwogna. 7Əɓa vnyanya ɓə nyi ngye azanugbai awoceaba nu.
8Bwulus wa lodna n Ayahudiyibwokwnu wa daɓo n əgbei myimyii apya ngwnu-ata, woi naɓo n əɓai n aɓwatnai ntu Shekwoyi əbemi ɓo. 9Ama azaho ɓa kwu əɓa adu kpakalá; to ɓa ye ɓa ga gaiciya m, jesnu ɓai wnu Zokwo ye əye ya gnyi n bəgyé. Ntulonu Bwulus wa gbmiya n əɓa aba. Wa kwu amwutuyi n kwnusnu n woi, jesnu ɓai kwuaɓoaje n nyipyei dəhodəhoii fyi n Tirannus nyawu nyakwnu. 10Dəye kwa gwodu nlonu aye ngwnu-aba, kwa zhni Ayahudiyi n Agirikiyii n ɓa ɓə fyi n Asiya əknyi nyi, ɓa kwu Dagayi ɓədagbma wo.
11Shekwoyi wa zhni apma n Bwulusii wa zhni aɓəwowo adnagbmai, 12kwaa zè nge kwo amisawnuya aje ɓədo n ajeɓyiyi ajewnafyi nyai n kwo ɓə la to n əwo nayi, ai kwu ɓa lo anyasnai ncei, ɓai ɓwa kágna n əɓa anyasna jesnu ase ɓai kwnuya n ɓa.
13Ayahudiyi ho, n ɓa ɓə laɓa ɓai kwnu azafnu anukwoi ya, ɓa zhniatna nabai ɓa zhni apma n Dagayi Yeisu əyei kpe n aza yi n ɓa ɓə n asei fyi nyi. Ɓa ɓə zhni ɓai gna, “Dna n Yeisu əye n Bwulus zhni əwo waazi nyi, mi tu fye ɓəgbe, fye kwnuya.” 14Skeva, Ayahudiyi apirisiti tukwoda, əwo aɓyi azanugbai ngwnu-tnaaba nu ɓə laɓa ɓai zhni aɓo ye. 15N əwyihoi, ase kwa dna ɓa ɓəgbe, “Yeisu, mi kpe wo əye lo, jesnu mi kpe Bwulus əye lo, ama anyika nu zhi n fyei a?” 16Nlonu əza n wo ɓə n asei dna nyi, waa du ɓa n kalá, wa kwu ɓa gyisnu əɓa vnyanya, wa lu ɓa ɓəhnihni nya, ɓa kwnuya n nyakwnu yi n aɓwotoloi, amii zhe ɓa.
17She Ayahudiyi n Agirikiyii n ɓa ɓə fyi n Afyisus ɓə kwu anabagyi ye wo, ədna kwa wo aza vnyanya, ɓaa Dagayi Yeisu əye shi dna n mwamwaga. 18Aza bəgyé yi n ɓa ɓə kwu gaiciyaga nsayii nyi, ɓa ɓe, ɓa yeabwi zhi n aza awye, ɓa da aɓənukwoi n ɓa ɓəə kwu luzhni. 19Aza n ɓa ɓə zhni ɓai she zokwu, ɓa ɓe n əɓa apa nyakazhii kpmikpmii shi, ɓa ye ɓa gwnuaje, ɓa gyi ɓa əná n aza awye vnyanya. She ɓa ɓə kwu gyiwye aje kwaa gbmi azulufa adugwu shiitnu. 20N zokwo ye nu Dagayi ɓədagbma kwa lapwi laɓa jesnu kwa mwa dna n kalá.
21She aɓo ye vnyanya ɓə kwu zhni, Bwulus wa dna dnabwugba wa lo Urishelima wa duya n Makidoninya n Akaiyai. Wa gna, “She mi ɓə la lo abaayi, ɓəshishi nu mii lo gnaɓyi n Roma cè.” 22Wa tnu əwo abmazhniyi tnutnu ngwnu-aba, Timoti n Irasitusii n Makidoninya, ama waa ce dna n Asiya əknyi waa snusa fyewyi.
Gyikici dna n Afyisus
23Dna n əsa yi, gyikici yaakwo kwa laka gnyi, ntu Yeisu Zokwo ɓo. 24Azulufa əpyada ai yi wo ge Demyetus, n wo ɓə zhni woi zhni Atemyis ashna azulufa nya nyi, wa ɓe n agbákwnuyi n aɓwazei n mwa n abaayi. 25Wa yì ɓa zhi n abagbmanyi, n kwnusnu n azajei n ɓa fyi n əɓa aɓwaze pya, wa gna: “Əmi anugwnudo, fye kpəlo nge gyiwye loɓe, da yi lo n mwa, n aɓwaze ye. 26Fye gyewye lo jesnu fyei wo she Bwulus ye, wo kwu aza abwugba wna n mwa bəgyé, n ɓa fyi n Afyisus nyi, jesnu wo la aza pmyiawye kpeekpe n ɓa fyi n Asiya əknyi nyi. Wo gna lo nge ashna ń zanyikwoci aɓwa nu ɓə zhni, nge ɓa to zhni ashekwoyi nu m, kpeekpe. 27Azhnìgye lo, to ɓwasnu ge əyi aɓwaze nu ɓə ɓwu əkwo əye manai nuwna m, ama nge Atemyis ashnapwuwa yaakwo n əkwohni ce, n a gba kwo n Asiya əknyi vnyanya ɓədo n anyì nyi, a ɓə la əkwo zafnu mwamwa ga kpmazhi.”
28She ɓa ɓə wo dəye, ɓa ya minagyi gyi, ɓa ya wyiɓe, “Atemyis Afyisuyi nya zhni ənya yaakwo nu!” 29Əsa fyewyi, əzhiyaakwo vnyanya kwaa totu gnyi n wyiɓei. Aza ɓa wna Gayus ɓədo Arisitakwusii, Bwulus znazna anugwnudo n ɓa ɓə kwnuɓe n Makidoninya n kwnusnu nyi, əɓa vnyanya ɓa bwusi lo awyefnanyakwnu n kwnusnu. 30Bwulus ɓə ye wa gbmignyi n deeji abye nu, ama to amwutuyi ɓa ye wo m. 31Kwo əknyi yi atnutnuyi, Bwulus anugwnudo, ɓa tnu tnutnu ga wo ɓai tna wo aɓwa nge wo to lo awyefnanyakwnu m.
32Yezhi yi ɓə fyi gnyi n ɓəyeɓwi nu: Azaho ɓəwyi əɓo gbmanyi nya, azaje əɓədo nya. Aza bəgyé to ɓə kpe əɓo ye n kwa zhni ai yezhi n ɓo m. 33Ayahudiyi ɓa gbmi Alekzanda gnyi n abye, ɓa gna wo aɓəgbega n wo ɓa da. Wa kwu aɓwa wu nge ɓa kwu cepyi nabai wa gnyi əwohni tukwo n aza aba. 34Ama she ɓa ɓə kwu kpe nge wo zhni Yahudiyi nu, əɓa vnyanya n əgbei gbmanyi, ɓa ɓəwyi kwuu ngye asnukna ngwnu-aba, ɓai gna: “Atemyis Afyisuyi nya zhni ənya Yaakwo nu!”
35Əzhi nyakanyakayi wa zhni deeji kwa kwu cepyi wa gna, “Əmi azaje Afyisuyi, anyì vnyanya ta kpəlo nge, Afyisus əzhiyaakwo nu zhni Atemyis yaakwo əshnanyakwnu gwuyi, ɓədo n əkwo dogbe n kwo ɓə kaya shnizhi n əshemi nyi m? 36Ntucenu, shikwonyi a taa kpe aɓo ye aɓəna nyi m, kwo gwo fyaa nazhi jesnu to fya zhni ɓəhoɓəhoi dna n pyepye m. 37Fye kwu ɓe n aza yei n ya, kwo shikwonyi ɓa too wyi nyaho n əshnanyakwnu kwo ɓa da wyegbaci ɓo tu n əyi əshna m. 38Ngye Demyetus n əwo aɓwazeyi ajei n ɓəho yaakwoi lo tu n zahozahoyi tukwo, owa abwokwnu gwuya zhi lo jesnu awadayi fyilo. Fye lo fye kwnu əfye aɓəsna ɓə ncei n abaayi. 39Ngye əɓədo lo n fye ye kwa kwnuɓe ncei n du dəye, a ɓa da kwo n awadayi adogwnuba nu. 40Shi kwo gnyi nyi, yi fyi zhi n abwi nu, a ɓə tu yi əɓo gyikici kala la nya, ntu əɓo ɓo n kwo kwu zhni nnaiye nyi. N kwa zè nlonu, yi to ɓə myi ya ga nyadokwu ɓəgala ye nya m, shikwonyi ɓəho to lo n kwo ɓə kwnuce a zhni kwo m.” 41Shi wo ɓə kwu dəye da, wa gna azadogwnu ami.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Biblica® Open Gbagyi Nyizeyenya Baibwulu: Shekwoyi Ɓədagbma™, Ɓəgbeshì Woiwoyi
© 1997, 2025 Biblica, Inc.
Biblica® Open Gbagyi Contemporary Bible™, New Testament
Copyright © 1997, 2025 by Biblica, Inc.
“Biblica” ɓədo n Biblica əznù zhazhai, ɓa zhni aɓwaze aznù nu n a cei kafyilo n United States Patent and Trademark Office (Amerika əznù aɓwaze nya ɓədo n nyazhnizhni ofyisii) n Biblica, Inc. ncei yafyi. Apmazhni n gbegai nu.
“Biblica” is a trademark registered in the United States Patent and Trademark Office by Biblica, Inc. Used with permission.
See promoVersionInfo in metadata.xml for Creative Commons license.