Atnutnu 18
18
Dna n Kworenti
1N dəye avnu, Bwulus wa gbmiya n Atens wa lo Kworenti. 2Dna n abaayi, wa gye Yahudiyi ai yi wo ge Akwuila. Wo ɓə gbmi n Pwontus nu, əsa to ɓəə mwa she wo ɓə gbmiɓe n Itali n əwo nyikwoi Pirisila m, ntuge Kladiyus ɓə la əgbe ga Ayahudiyi vnyanya nge ɓa la kwnu n Roma. Bwulus wa lo ntuge woo gye ɓa, 3jesnu shikwonyi wo ɓə zhni lubwituyi nu cè ngye ɓa, waa kpedna wa kwnu tnutnuzhni n ɓai. 4Sibyiwyi dəhodəhoi wa kwnuɓənubwozhni n azai fyi n Ayahudiyibwokwnu woi zhni shi wo ɓa myi, woi wunya n Ayahudiyi aba n Agirikiyi n aɓwatnai.
5She Sila n Timotii ɓə kwnu n Makidoninya ɓa ɓe da wo, Bwulus waa əwohni ga dna n waazizhni kwohnikwohni, woi gbmiɓo ga Ayahudiyi nge Yeisu nu ɓə zhni Kirisiti. 6Ama she ɓa ɓə gnyiapaapa n Bwulusii jesnu kwaa si ɓai knyiakpmi, wa kwnu əwo aje ya dna n bwugbawnu jesnu wa gna ɓa, “Əfye ami ɓa kwu kpe n əfye atukwo! Mi zhni tnaɓətui nu ntu əɓəye ɓo. Ənya n kwo laka nsaiye kwoi lo n abyei, mi ɓa lo da Abyedo.”
7Nlonu Bwulus wa gbmi n Ayahudiyibwokwnu, wa lo pwuwa n kwo yatu Titiyus Justus pwuwa nyi, Shekwoyi mwamwagayi. 8Kirisipwus Ayahudiyibwokwnu tukwoda ɓədo n əwo apwuwadai vnyanya ɓa kwu gaiciyaga n Dagayi; jesnu Akworentiyi bəgye n ɓa ɓə kwu Bwulus waazi wo nyi, ɓa kwu gaiciyaga jesnu a kwu batizima zhni ɓa.
9Dna n sukwo hó, Dagayi wa daɓo n Bwulusii dna n ɓəwyegye: “To wodna m; gwodu ha daɓo, to la cepyi m. 10Ntuge mi kwnusnu lo n hoi, jesnu əzaho ta znu ho ənya kwo wa wu ho əɓwa m, ntuge mi n azai fyilo n əzhiyaakwo ye n mwa.” 11Ntulonu Bwulus waa dna n Kworenti əye ɓwugyi n tokwnui woi wu ɓa Shekwoyi ɓədagbma.
12Galiyo n wo ɓə zhni gwomna tu n Akaiya, Ayahudiyi Kworenti nya ɓa pagbe, ɓa wna Bwulus ɓa ɓe n woi n awadaba. 13Ɓa gna, “Əza ye gnyilo woi tna aza aɓwa nge ɓa ga Shekwoyi mwamwa ń azokwoi n owa to ncei ye lo m.”
14N ɓwasnu n əsai n Bwulus ɓə ye wa daɓo ncei, Galiyo wa gna ɓa, “Ndəi əfye Ayahudiyi fye ɓə zhi fyei maaɓo alu nukwoi ho nya nu, kwo aɓogala ayaakwo ho, kwo ɓəə ɓaa mi zè əɓo n kwo kwnuce lo ma kna fye tnubwa. 15Ama shikwonyi kwo lo ntu aɓənya ɓo nu aɓədagbma nya, ɓədo n əfye owai; fye kwu kwo wnado fyehnifyehni. Mi taa da owa tu n aɓo ye pya m.” 16Ntulonu wa nya ɓa ya n owada bwokwnu. 17Nlonu deeji n kwo ɓə zhi n abaayi nyi, ɓa pmyiawye wulo Sositeni əɓwa Ayahudiyibwokwnu tukwoda jesnu ɓa lu wo gnyi n gwomna awye; jesnu to Galiyo wa gye əwo anuwna m, kwo cewyi.
Pirisila, Akwuila n Apwolosii
18Bwulus waa dna n Kworenti waa snusa. Nlonu wa gbmi wa fa əwo azaje fyi, azanugbai n anyikwozai, wa lo Siriya n əya nuwnanyai, Pirisila n Akwuilai ɓa da wo apye. Wo ɓə snu n wo piyalo, waa əwo tukwoyi gbeya n Kankiriya ntu ɓəgbeshi ɓo n wo ɓəə la shi nyi. 19Ɓa si Afyisus, aba n Bwulus ɓə fa Pirisila gnyi n Akwuilai nyi. Əwo n əwohni tukwo wa lodna n Ayahudiyibwokwnu wa kwnuɓənubwozhni n Ayahudiyii. 20She ɓa ɓə nya wo əɓo ge wo ye la kwnudna n ɓai əsa fyewyi, to wa ye m. 21Ama she wo ɓə fa ɓa waa əɓo shigbe, “Ngye Shekwoyi ɓəye nu, mi ɓə jezeɓe.” Nlonu wa lo əya nuwnanya wa gbmiya n Afyisus. 22She wo ɓə si Kaisariya, wa gwnulo Urishelima wa ɓyi ikilisiya əgna jesnu wa shnilo Antiyok.
23She wo ɓə la snusa dna n Antiyok, Bwulus wa gbmi n abaayi wa zna laɓa woi gbmi n aba gbmanyi woi lo ədo dna n Galatiya əknyi vnyanya n Fyirgiyai woi myi amwutuyi gaiciyaga zhi vnyanya.
24Aɓwazhilo, Yahudiyi ai yi wo ge Apwolos, woi gbmi n Alekzandariya, wa ɓe Afyisus. Əza ye ɓə n ənyai babai dəidəi n Anyakagyigyiyi ɓəyekpei n gwnuaɓwa. 25A ɓə kwu ənya wu wo n Dagayi zokwo jesnu wa daɓo n awyetu yaakwoi wa wunya ntu Yeisu ɓo n nunui dəidəi, kwo shikwonyi wo ɓə n Yohana Batizimazhniyi yekpei nu ɓwasnu. 26Wa ya ɓəda n kalái dnadnai, dna n Ayahudiyibwokwnu. She Pirisila n Akwuilai ɓə kna wo tnubwa, ɓa yi wo dna n əɓa pwuwa, ɓa ga wo awyega Shekwoyi zokwo nya n kwnuaɓwa.
27She Apwolos ɓə ye wa lo Akaiya, əwo azaje azanugbai n anyikwozai ɓa dna wo bwugbakala jesnu ɓa ka paka ga amwutuyi fyi n abaayi nge ɓa la wo gwo. She wo ɓə si abaayi, waa zhni bmazhni yaakwo ga aza yi dna n Shekwoyi shebmyashi, n ɓa ɓə kwu gaiciyaga nyi. 28Ntuge wo ɓə gnyi woi gnyiapaapa n əwyei bmyibmyii n Ayahudiyii n ɓa ɓə zhi n aɓəna ɓo nyi n bəgyé, woi wu dna n Anyakagyigyiyi nge Yeisu nu zhni Kirisiti.
ទើបបានជ្រើសរើសហើយ៖
Atnutnu 18: OGNB
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Biblica® Open Gbagyi Nyizeyenya Baibwulu: Shekwoyi Ɓədagbma™, Ɓəgbeshì Woiwoyi
© 1997, 2025 Biblica, Inc.
Biblica® Open Gbagyi Contemporary Bible™, New Testament
Copyright © 1997, 2025 by Biblica, Inc.
“Biblica” ɓədo n Biblica əznù zhazhai, ɓa zhni aɓwaze aznù nu n a cei kafyilo n United States Patent and Trademark Office (Amerika əznù aɓwaze nya ɓədo n nyazhnizhni ofyisii) n Biblica, Inc. ncei yafyi. Apmazhni n gbegai nu.
“Biblica” is a trademark registered in the United States Patent and Trademark Office by Biblica, Inc. Used with permission.
See promoVersionInfo in metadata.xml for Creative Commons license.
Atnutnu 18
18
Dna n Kworenti
1N dəye avnu, Bwulus wa gbmiya n Atens wa lo Kworenti. 2Dna n abaayi, wa gye Yahudiyi ai yi wo ge Akwuila. Wo ɓə gbmi n Pwontus nu, əsa to ɓəə mwa she wo ɓə gbmiɓe n Itali n əwo nyikwoi Pirisila m, ntuge Kladiyus ɓə la əgbe ga Ayahudiyi vnyanya nge ɓa la kwnu n Roma. Bwulus wa lo ntuge woo gye ɓa, 3jesnu shikwonyi wo ɓə zhni lubwituyi nu cè ngye ɓa, waa kpedna wa kwnu tnutnuzhni n ɓai. 4Sibyiwyi dəhodəhoi wa kwnuɓənubwozhni n azai fyi n Ayahudiyibwokwnu woi zhni shi wo ɓa myi, woi wunya n Ayahudiyi aba n Agirikiyi n aɓwatnai.
5She Sila n Timotii ɓə kwnu n Makidoninya ɓa ɓe da wo, Bwulus waa əwohni ga dna n waazizhni kwohnikwohni, woi gbmiɓo ga Ayahudiyi nge Yeisu nu ɓə zhni Kirisiti. 6Ama she ɓa ɓə gnyiapaapa n Bwulusii jesnu kwaa si ɓai knyiakpmi, wa kwnu əwo aje ya dna n bwugbawnu jesnu wa gna ɓa, “Əfye ami ɓa kwu kpe n əfye atukwo! Mi zhni tnaɓətui nu ntu əɓəye ɓo. Ənya n kwo laka nsaiye kwoi lo n abyei, mi ɓa lo da Abyedo.”
7Nlonu Bwulus wa gbmi n Ayahudiyibwokwnu, wa lo pwuwa n kwo yatu Titiyus Justus pwuwa nyi, Shekwoyi mwamwagayi. 8Kirisipwus Ayahudiyibwokwnu tukwoda ɓədo n əwo apwuwadai vnyanya ɓa kwu gaiciyaga n Dagayi; jesnu Akworentiyi bəgye n ɓa ɓə kwu Bwulus waazi wo nyi, ɓa kwu gaiciyaga jesnu a kwu batizima zhni ɓa.
9Dna n sukwo hó, Dagayi wa daɓo n Bwulusii dna n ɓəwyegye: “To wodna m; gwodu ha daɓo, to la cepyi m. 10Ntuge mi kwnusnu lo n hoi, jesnu əzaho ta znu ho ənya kwo wa wu ho əɓwa m, ntuge mi n azai fyilo n əzhiyaakwo ye n mwa.” 11Ntulonu Bwulus waa dna n Kworenti əye ɓwugyi n tokwnui woi wu ɓa Shekwoyi ɓədagbma.
12Galiyo n wo ɓə zhni gwomna tu n Akaiya, Ayahudiyi Kworenti nya ɓa pagbe, ɓa wna Bwulus ɓa ɓe n woi n awadaba. 13Ɓa gna, “Əza ye gnyilo woi tna aza aɓwa nge ɓa ga Shekwoyi mwamwa ń azokwoi n owa to ncei ye lo m.”
14N ɓwasnu n əsai n Bwulus ɓə ye wa daɓo ncei, Galiyo wa gna ɓa, “Ndəi əfye Ayahudiyi fye ɓə zhi fyei maaɓo alu nukwoi ho nya nu, kwo aɓogala ayaakwo ho, kwo ɓəə ɓaa mi zè əɓo n kwo kwnuce lo ma kna fye tnubwa. 15Ama shikwonyi kwo lo ntu aɓənya ɓo nu aɓədagbma nya, ɓədo n əfye owai; fye kwu kwo wnado fyehnifyehni. Mi taa da owa tu n aɓo ye pya m.” 16Ntulonu wa nya ɓa ya n owada bwokwnu. 17Nlonu deeji n kwo ɓə zhi n abaayi nyi, ɓa pmyiawye wulo Sositeni əɓwa Ayahudiyibwokwnu tukwoda jesnu ɓa lu wo gnyi n gwomna awye; jesnu to Galiyo wa gye əwo anuwna m, kwo cewyi.
Pirisila, Akwuila n Apwolosii
18Bwulus waa dna n Kworenti waa snusa. Nlonu wa gbmi wa fa əwo azaje fyi, azanugbai n anyikwozai, wa lo Siriya n əya nuwnanyai, Pirisila n Akwuilai ɓa da wo apye. Wo ɓə snu n wo piyalo, waa əwo tukwoyi gbeya n Kankiriya ntu ɓəgbeshi ɓo n wo ɓəə la shi nyi. 19Ɓa si Afyisus, aba n Bwulus ɓə fa Pirisila gnyi n Akwuilai nyi. Əwo n əwohni tukwo wa lodna n Ayahudiyibwokwnu wa kwnuɓənubwozhni n Ayahudiyii. 20She ɓa ɓə nya wo əɓo ge wo ye la kwnudna n ɓai əsa fyewyi, to wa ye m. 21Ama she wo ɓə fa ɓa waa əɓo shigbe, “Ngye Shekwoyi ɓəye nu, mi ɓə jezeɓe.” Nlonu wa lo əya nuwnanya wa gbmiya n Afyisus. 22She wo ɓə si Kaisariya, wa gwnulo Urishelima wa ɓyi ikilisiya əgna jesnu wa shnilo Antiyok.
23She wo ɓə la snusa dna n Antiyok, Bwulus wa gbmi n abaayi wa zna laɓa woi gbmi n aba gbmanyi woi lo ədo dna n Galatiya əknyi vnyanya n Fyirgiyai woi myi amwutuyi gaiciyaga zhi vnyanya.
24Aɓwazhilo, Yahudiyi ai yi wo ge Apwolos, woi gbmi n Alekzandariya, wa ɓe Afyisus. Əza ye ɓə n ənyai babai dəidəi n Anyakagyigyiyi ɓəyekpei n gwnuaɓwa. 25A ɓə kwu ənya wu wo n Dagayi zokwo jesnu wa daɓo n awyetu yaakwoi wa wunya ntu Yeisu ɓo n nunui dəidəi, kwo shikwonyi wo ɓə n Yohana Batizimazhniyi yekpei nu ɓwasnu. 26Wa ya ɓəda n kalái dnadnai, dna n Ayahudiyibwokwnu. She Pirisila n Akwuilai ɓə kna wo tnubwa, ɓa yi wo dna n əɓa pwuwa, ɓa ga wo awyega Shekwoyi zokwo nya n kwnuaɓwa.
27She Apwolos ɓə ye wa lo Akaiya, əwo azaje azanugbai n anyikwozai ɓa dna wo bwugbakala jesnu ɓa ka paka ga amwutuyi fyi n abaayi nge ɓa la wo gwo. She wo ɓə si abaayi, waa zhni bmazhni yaakwo ga aza yi dna n Shekwoyi shebmyashi, n ɓa ɓə kwu gaiciyaga nyi. 28Ntuge wo ɓə gnyi woi gnyiapaapa n əwyei bmyibmyii n Ayahudiyii n ɓa ɓə zhi n aɓəna ɓo nyi n bəgyé, woi wu dna n Anyakagyigyiyi nge Yeisu nu zhni Kirisiti.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Biblica® Open Gbagyi Nyizeyenya Baibwulu: Shekwoyi Ɓədagbma™, Ɓəgbeshì Woiwoyi
© 1997, 2025 Biblica, Inc.
Biblica® Open Gbagyi Contemporary Bible™, New Testament
Copyright © 1997, 2025 by Biblica, Inc.
“Biblica” ɓədo n Biblica əznù zhazhai, ɓa zhni aɓwaze aznù nu n a cei kafyilo n United States Patent and Trademark Office (Amerika əznù aɓwaze nya ɓədo n nyazhnizhni ofyisii) n Biblica, Inc. ncei yafyi. Apmazhni n gbegai nu.
“Biblica” is a trademark registered in the United States Patent and Trademark Office by Biblica, Inc. Used with permission.
See promoVersionInfo in metadata.xml for Creative Commons license.