Balomɛ́ŋ 14
14
Na bigaga na beguégué
1Ánaá núgíndígan eguégué uguá guágɔdɛ́m, kandasɛ́ŋ ubuɔ́ wɔ́yɔnɔ́. 2Guágɔdɛ́m guá sɔ́gá omódi gúɔ́guɔyɔn yɔ́ áneé unyánan buá gidigid, odoódi uguég guá bugué waányánan pɛ́ŋ meguidi. 3Unyánanaá udisíŋa sɔ́gá udiányánán, udiányánán udigélenyé sɔ́gá unyánanaá, gá giagiá Uhaluá úmaágíndígɛ́n yɔ́ súsɔ́n. 4Aŋuá anyaá ányá gá sɔ́mb gisan giá edúmébi udiábá wahɔ? Ta ugua, ta udiguá ubugányɛ búábíyígan pɛ́ŋ ehuínyihuínyi weg mbánan. Udianágua gá giagiá Ɔgúná waábianan buŋaŋa buá gual áneé udiguá. 5Gá busió buá sɔ́gá omódi mɔɔ́sɛ mádibá mpónyé, gá sɔ́gá odoódi mányɛ buand búmomi, búánigimanan áneé ubuɔ́ sig mɔndɔ wámbanɔ́ gual búólonin egég gá ɔdɛ́m. 6Uwaáganinaá gá mɔɔ́sɛ waáguala buɔ́ gá busió buá Ɔgúná, unyánanaá buá gidigid waáguala buɔ́ súsɔ́n gá busió buá Ɔgúná, gá giagiá weéguéŋen Uhaluá mbíyigie. Údiányánán buá gidigid waáguala buɔ́ gá busió buá Ɔgúná gá giagiá weéguéŋen Uhaluá mbíyigie. 7Gá guán, ta Mɔndɔ uguásɔ guá ɔlɔŋ udiɔsɔ́dɔn gég gá busió, ta mɔndɔ udiéguén gég gá busió. 8Gá giagiá mmába díɔ́sɔ́dɔn, díɔ́sɔ́dɔn gá busió buá Ɔgúná, mmába díéguén, díéguén gég gá busió. Ta disɔ́dɔn, diguén díɔ́guɔ́bɔnɛn neéneg. 9Gá giagiá búnyɛ gá bá Ɔgúná waá ebeguén na waá ɔbɔgɔ́sɛ Klístus umegué uwond uguá nusɔ́da. 10Gɔgaá aŋuá, gá giagɛ égélenyeé ndiméen wahɔ? Gá giagɛ ásíŋanɔ́ ndiméen wahɔ? Gá guán, basuá gidigid dianádúmbɛ́ɛn agá Uhaluá unyaá esúmbíbisan. 11Gá giagiá búnyɛ ubúɔ́ŋɔ́n áneé: «Yaŋuá, Ɔgúna nnyɛ ɔgɔ́sɛ, yɔɔ́guɔya áneé bandɔ gidigid bénéŋusigenin dunúnú, bandɔ gidigid bénégúmenyé Uhaluá.» 12Agányɛ sig mɔndɔ wɔnɔ́yɔnaá Uhaluá buand ubuɔ́ úmalá úmuanyɛ muɛ́d. 13Ánaá dínihɛn gɔg gugélényinye. Ánaá díamba guala ubúnya beseé gá gueleé ndiméen wasɔ udiguá ugúnya ana udibínán. 14Uguá Ɔgúná Yésuse Klístus, yaálinsan áneé búnyɛ meliŋ áneé ta buand búdibá biíle uguánɔ. Ta anagányɛ, buand búnyɛ biíle gá mɔndɔ ugɔ́lɔnaá buɔ́ haná búnya. 15Uguá ginɛŋ igiɛ́ ányánanaá, mmába gɔg aáguágan ndiméen wahɔ uguá mesígíl, adiánduguanda hana ginɔ́nɛ́n gíɔyɔnɔ, bídédínyé, ɔdiɔ́n mɔndɔ uyɔɔ́ Klístus úmegué gég gá busió gá buand buá nyá. 16Ubúnya beseé gánɔ gá busió búdigódi áneé búbianan iyɔm. 17Gá giagiá, gugilebe guá Uhaluá gúdibá buónyi buá nyá na buá bíhuá, gúnyɛ: Bugindényé na bumbénu na ibal uguá Gileénde giá Budányɛ. 18Búnyɛ gá gualan Klístus buóli uguá bilɔŋ ibigányɛ ányá bunɔ́g agá Uhaluá, hɔ́ bandɔ bánya báháman ugelu naánahɔ. 19Ánaá díamba gɔg ubúnya uguá ŋŋil ya bumbénu búond búdígúnínenye basuá na basuá. 20Adigad buóli buá Uhaluá gá busió buá gunyá, buand gidigid búnyɛ budányɛ. Uguá guán, muand gidigid múnyɛ budányɛ gɔgaá, búnyɛ gilɔg gá nyánan buand uguá ginɛŋ igiɛ́ egusenye bɔsɔ́gá. 21Ubúnya beseé búnyɛ áneé adinyá bulɔ́g, adibíhuá magɛ́b, ta buand ubúnya buá gusie ndiméen wahɔ. 22Gimbé guágɔdɛ́m guáhɔ gáhɔ gá busió agá eŋís ya Uhaluá, beseé na mɔndɔ udiébífúdényé gá guég guán. 23Gɔgaá, unyánanaá, henyé waáguágan mpál, weébífudenye gá giagiá udiáguala hana guágɔdɛ́m gúɔ́yɔnɔ́, henyé buá gidigid ubúdiódiólónín uguá guágɔdɛ́m búnyɛ gilɔga.
ទើបបានជ្រើសរើសហើយ៖
Balomɛ́ŋ 14: EKM
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Balomɛ́ŋ 14
14
Na bigaga na beguégué
1Ánaá núgíndígan eguégué uguá guágɔdɛ́m, kandasɛ́ŋ ubuɔ́ wɔ́yɔnɔ́. 2Guágɔdɛ́m guá sɔ́gá omódi gúɔ́guɔyɔn yɔ́ áneé unyánan buá gidigid, odoódi uguég guá bugué waányánan pɛ́ŋ meguidi. 3Unyánanaá udisíŋa sɔ́gá udiányánán, udiányánán udigélenyé sɔ́gá unyánanaá, gá giagiá Uhaluá úmaágíndígɛ́n yɔ́ súsɔ́n. 4Aŋuá anyaá ányá gá sɔ́mb gisan giá edúmébi udiábá wahɔ? Ta ugua, ta udiguá ubugányɛ búábíyígan pɛ́ŋ ehuínyihuínyi weg mbánan. Udianágua gá giagiá Ɔgúná waábianan buŋaŋa buá gual áneé udiguá. 5Gá busió buá sɔ́gá omódi mɔɔ́sɛ mádibá mpónyé, gá sɔ́gá odoódi mányɛ buand búmomi, búánigimanan áneé ubuɔ́ sig mɔndɔ wámbanɔ́ gual búólonin egég gá ɔdɛ́m. 6Uwaáganinaá gá mɔɔ́sɛ waáguala buɔ́ gá busió buá Ɔgúná, unyánanaá buá gidigid waáguala buɔ́ súsɔ́n gá busió buá Ɔgúná, gá giagiá weéguéŋen Uhaluá mbíyigie. Údiányánán buá gidigid waáguala buɔ́ gá busió buá Ɔgúná gá giagiá weéguéŋen Uhaluá mbíyigie. 7Gá guán, ta Mɔndɔ uguásɔ guá ɔlɔŋ udiɔsɔ́dɔn gég gá busió, ta mɔndɔ udiéguén gég gá busió. 8Gá giagiá mmába díɔ́sɔ́dɔn, díɔ́sɔ́dɔn gá busió buá Ɔgúná, mmába díéguén, díéguén gég gá busió. Ta disɔ́dɔn, diguén díɔ́guɔ́bɔnɛn neéneg. 9Gá giagiá búnyɛ gá bá Ɔgúná waá ebeguén na waá ɔbɔgɔ́sɛ Klístus umegué uwond uguá nusɔ́da. 10Gɔgaá aŋuá, gá giagɛ égélenyeé ndiméen wahɔ? Gá giagɛ ásíŋanɔ́ ndiméen wahɔ? Gá guán, basuá gidigid dianádúmbɛ́ɛn agá Uhaluá unyaá esúmbíbisan. 11Gá giagiá búnyɛ ubúɔ́ŋɔ́n áneé: «Yaŋuá, Ɔgúna nnyɛ ɔgɔ́sɛ, yɔɔ́guɔya áneé bandɔ gidigid bénéŋusigenin dunúnú, bandɔ gidigid bénégúmenyé Uhaluá.» 12Agányɛ sig mɔndɔ wɔnɔ́yɔnaá Uhaluá buand ubuɔ́ úmalá úmuanyɛ muɛ́d. 13Ánaá dínihɛn gɔg gugélényinye. Ánaá díamba guala ubúnya beseé gá gueleé ndiméen wasɔ udiguá ugúnya ana udibínán. 14Uguá Ɔgúná Yésuse Klístus, yaálinsan áneé búnyɛ meliŋ áneé ta buand búdibá biíle uguánɔ. Ta anagányɛ, buand búnyɛ biíle gá mɔndɔ ugɔ́lɔnaá buɔ́ haná búnya. 15Uguá ginɛŋ igiɛ́ ányánanaá, mmába gɔg aáguágan ndiméen wahɔ uguá mesígíl, adiánduguanda hana ginɔ́nɛ́n gíɔyɔnɔ, bídédínyé, ɔdiɔ́n mɔndɔ uyɔɔ́ Klístus úmegué gég gá busió gá buand buá nyá. 16Ubúnya beseé gánɔ gá busió búdigódi áneé búbianan iyɔm. 17Gá giagiá, gugilebe guá Uhaluá gúdibá buónyi buá nyá na buá bíhuá, gúnyɛ: Bugindényé na bumbénu na ibal uguá Gileénde giá Budányɛ. 18Búnyɛ gá gualan Klístus buóli uguá bilɔŋ ibigányɛ ányá bunɔ́g agá Uhaluá, hɔ́ bandɔ bánya báháman ugelu naánahɔ. 19Ánaá díamba gɔg ubúnya uguá ŋŋil ya bumbénu búond búdígúnínenye basuá na basuá. 20Adigad buóli buá Uhaluá gá busió buá gunyá, buand gidigid búnyɛ budányɛ. Uguá guán, muand gidigid múnyɛ budányɛ gɔgaá, búnyɛ gilɔg gá nyánan buand uguá ginɛŋ igiɛ́ egusenye bɔsɔ́gá. 21Ubúnya beseé búnyɛ áneé adinyá bulɔ́g, adibíhuá magɛ́b, ta buand ubúnya buá gusie ndiméen wahɔ. 22Gimbé guágɔdɛ́m guáhɔ gáhɔ gá busió agá eŋís ya Uhaluá, beseé na mɔndɔ udiébífúdényé gá guég guán. 23Gɔgaá, unyánanaá, henyé waáguágan mpál, weébífudenye gá giagiá udiáguala hana guágɔdɛ́m gúɔ́yɔnɔ́, henyé buá gidigid ubúdiódiólónín uguá guágɔdɛ́m búnyɛ gilɔga.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល