Yohanès 18
18
Umròt ma Yèsus
(Mat 26:47-56; Mrk 14:43-50; Luk 22:47-53)
1Hòj sòj Yèsus napèꞌtak, Rik Nak nawèk samak hèhoh-hèhoh Eh ma lantiw Òng Tibok Kidròn. Èn anak umnak ummòj ma néy selay. 2Yèsus ròb mèn hèhoh Eh lèjgéj umbeterabuk èn selay nak. Jadik Yudas, rik nabetulong ma mèsmus Yèsus, hòj nalèkh tempad nak. 3Mèn ketuwe imam Yahudi ròb sènꞌòy Parisi umtèrꞌèn néy kumpolan askah Roma ròb polis nòm Dékh Tuhan untok muròt ma Yèsus. Dak Yudas pon naꞌéd umnak ma selay naꞌtèk. Umnak umꞌèn peliteh ròb ad karuk, bok umꞌèn keꞌjèk mèn juwòj, bulus, ròb ad tènboh. 4Yèsus hòj nalèkh kenèmbek rik akal nabelakuk ma rik Eh nak. Jadik Rik Nak nawèk ma umnak dak natanyak, “Ma chok lah rik nyob kèk nak?”
5Umnak umsaꞌod, “Yèsus, Sènꞌòy nòm Nasarèt nak.”
Yèsus nachal ma umnak, “Nak, Yék lah Yék.”
(Yudas, rik betulong ma mèsmus Yèsus nak, natèd-ted samak umnak èn anak.) 6Dak bil Yèsus nachal ma umnak, “Yék lah Yék,” umnak kenèmbek umsiget bok umkelek ma tèk!
7Yèsus natanyak wèl ma umnak, “Ma chok lah rik nyob kèk nak?”
Umnak umsaꞌod, “Yèsus, Sènꞌòy nòm Nasarèt nak.”
8Yèsus nachal, “Bok Yék hòj ichal lah, Yék lah Yék. Kalòw Yék rik nyob nyomkèk nak, perak lah hèhoh Yéh doh muwèk.” 9Yèsus nachal gerèk nak, supaye nambelakuk ilok rik Nanak hòj napetak naꞌtèk: “Nòm sènꞌòy rik Hãk haꞌog ma Yék, tok benéy sènꞌòy pon namruj.”
10Simon Pètrus naꞌèn juwòj, dak anak rik nak naròj ma juwòj eh dak nachòkh ma gèntòkh tep kuli Imam Rayak sampéy nagetòj. (Kuli nak kenëh eh Malkus.) 11Tapik Yèsus natèdchod ma Pètrus, “Chor lah juwòj hãh nak ma sarup hãh! Yék haros imderite,#18:11 imderite Tèks asli Kitab mok kiasan èn anuh: “haros lah imꞌòng kuléh rik Apak hòj naꞌog ma Yék.” Kuléh nak bemaksod derite rik akal nabelakuk bil umkèrbes ma Yèsus. tehad gerèk rik Apak hòj naꞌampèk untok Yék.” #Mat 26:39; Mrk 14:36; Luk 22:42.
Umꞌéd Yèsus ma Hanas, belok Imam Rayak Kayapas
12Nòm kerek nak mèn askah Roma samak ketuwe askah ròb mèn polis nòm Dékh Tuhan umròt ma Yèsus dak umbeg. 13Dak umnak umꞌéd Eh ma Hanas, belok babeh Kayapas. Kayapas nak Imam Rayak Yahudi bil mase nak. 14Dak Kayapas nak sènꞌòy rik nèng-nèng tòp pernah nachal ma mèn pemimpin Yahudi, “Lebéh méj kalòw néy Sènꞌòy nak nakebes untok kaum èk.”#Yoh 11:49,50.
Pètrus nachal tok nakèlnal ma Yèsus
(Mat 26:69-70; Mrk 14:66-68; Luk 22:55-57)
15Asòh umꞌa-éd Yèsus ma dékh Imam Rayak naꞌtèk, Simon Pètrus ròb néy sènꞌòy hèhoh Yèsus rik mòy wèsar nòm yek. Imam Rayak hòj nakenal ma hèhoh rik naꞌnéy nak, bok rik nak boléh namòj samak Yèsus ma halaman dékh Imam Rayak nak. 16Tapik Pètrus had nadèh-deh èn béng, èn sòy rèngkak. Dak hèhoh rik naꞌnéy atèk, rik nakenal ma Imam Rayak nak, nalos wèl. Rik nak nabecharak ma kuli babok rik bejagak èn rèngkak nak, dak nanak naꞌor Pètrus nammòj keꞌjèk. 17Babok rik bejagak rèngkak nak natanyak ma Pètrus, “Ke hãk doh keꞌjèk hèhoh Sènꞌòy nak?”
Pètrus nasaꞌod, “Hõy!”
18Bil nak is eh sejuk, dak mèn kuli ròb sènꞌòy rik umbejagak èn anak hòj umnyõh os dak umbepabah. Dak Pètrus nawèk natèd-ted bok nabepabah samak umnak.
Hanas nasuꞌal ma Yèsus
(Mat 26:59-66; Mrk 14:55-64; Luk 22:66-71)
19Bil nak èn kelòj dékh nak Imam Rayak Hanas#18:19 Imam Rayak Hanas Hanas nak najadik Imam Rayak Yahudi nèng-nèng tòp, dak puꞌdoh mènsaw eh Kayapas hòj nagantik nòm rik nak najadik Imam Rayak. Yab Hanas kedak Imam Rayak wèl, tapik sènꞌòy tik umhormad ma rik nak bok umkòw Imam Rayak. nasuꞌal ma Yèsus tentang hèhoh-hèhoh Eh ròb tenènglèkh Eh. 20Yèsus nasaꞌod, “Yék selaluk ibecharak tèꞌlalah èn mad kenèmbek sènꞌòy. Yék selaluk ibetènglèkh èn mèn dékh senindol bok èn halaman Dékh Tuhan, tempad kenèmbek sènꞌòy Yahudi selaluk umbeterabuk. Yék tok pernah ibecharak chare kerèndëk. 21Jadik ilok hãk hasuꞌal ma Yék? Tanyak lah ma umnak rik hòj umkèngyòkh ma tenènglèkh Yék. Pastik umnak umlèkh ilok rik hòj Yék ichal.”
22Bil Yèsus nachal gerèk nak, néy sènꞌòy polis rik bejagak èn anak nalepag Eh dak natèdchod, “Halamid che Hãk hasaꞌod rèk nak ma Imam Rayak?!”
23Yèsus nasaꞌod, “Kalòw lah Yék ichal ilok-ilok rik sèk, chal lah ma èk kenèmbek ilok rik sèk nak. Tapik kalòw nèlchal Yék nak kemën, ilok bok halepag ma Yék?”
24Pas nak, Hanas naꞌor sènꞌòy muꞌéd Yèsus, rik tik benègbeg, ma Imam Rayak Kayapas.
Pètrus nachal wèl tok nakèlnal ma Yèsus
(Mat 26:71-75; Mrk 14:69-72; Luk 22:58-62)
25Agat nak, Simon Pètrus tik natèd-ted nabepabah èn os nak. Dak sènꞌòy gèhnih èn anak umtanyak ma rik nak, “Ke hãk keꞌjèk hèhoh Sènꞌòy nak?”
Pètrus nasèꞌlok wèl bok nasaꞌod, “Hõy!”
26Èn anak mok néy sènꞌòy nòm kuli Imam Rayak. Rik nak sakèy sènꞌòy rik Pètrus nachòkh gèntòkh eh naꞌtèk. Rik nak natanyak ma Pètrus, “Hãk ke rik yék inéh samak Yèsus èn selay naꞌtèk?”
27Tapik Pètrus nachal wèl, “Hõy.” Dak bil nak keꞌjèk ayam nakukok.
Umꞌéd Yèsus ma Pilatus, menterik rayak nòm Roma
(Mat 27:1-2,11-31; Mrk 15:1-20; Luk 23:1-5,13-25)
28Bil tik pay namyèh-yah, mèn pemimpin Yahudi nak umꞌéd Yèsus nòm dékh Kayapas ma istane menterik rayak Roma. Tapik mèn pemimpin Yahudi nak tok umchèn mumòj ma kelòj istane nak. Èn adad agama Yahudi nak, kalòw ummòj ma dékh sènꞌòy kedak Yahudi akal umjadik laꞌes èn mad Tuhan, bok tok boléh mugéy jamuwan Paskah. 29Jadik, Pilatus nahuwòl namtèrbuk ma umnak dak natanyak, “Ilok tenanas nyob ma Sènꞌòy doh?”
30Umnak umsaꞌod, “Bok kalòw Rik Nak tok besalah, pastik kandék tok kiꞌèd-éd Rik Nak ma hãk!”
31Jadik Pilatus nachal ma umnak, “Kod lah rik nyob bok hakim Eh hoh ma adad rik nyob.”
Umnak umsaꞌod, “Tapik èn undang-undang kerajaꞌan Roma, kandék sènꞌòy Yahudi tok boléh kimbehukom ma chok-chok pon namkebes.”
32 #
Yoh 3:14; 12:32. (Dak gerèk nak lah nabelakuk ilok rik Yèsus hòj nachal hatòp tentang chare Rik Nak akal nakebes.)
33Jadik Pilatus namòj wèl ma istane eh nak, dak nakòw ma Yèsus. Dak natanyak Eh, “Hãk ke rajak sènꞌòy Yahudi nak?”
34Yèsus nasaꞌod, “Tenanyak hãh doh nòm rik hãh ke, atòw mok sènꞌòy mòy rik hòj èg-oglèkh ma hãk tentang Yék?”
35Pilatus nasaꞌod, “Yék doh kedak sènꞌòy Yahudi! Kaum rik Hãh ròb mèn ketuwe imam hòj umꞌog Hãk ma yék. Ilok isalah rik Hãk hòj hateꞌèl?”
36Yèsus nachal, “Kerajaꞌan Yék kedak nòm duniak doh. Kalòw Kerajaꞌan Yék nòm duniak doh, pastik hèhoh-hèhoh Yék umlawan supaye mèn pemimpin Yahudi tok dapad muròt ma Yék. Tapik hõy, Kerajaꞌan Yék kedak lah nòm duniak doh.”
37Pilatus nachal, “Jadik, Hãk doh Rajak lah!”
Yèsus nasaꞌod, “Hãk kemën hachal Yék doh rajak. Udoh lah isebab eh Yék ilãj ma duniak doh gerèk sènꞌòy: untok imꞌèg-oglèkh tentang ilok rik kènmën. Chok rik beterime ilok rik kènmën nak, umkeyòkh ma tenènglèkh Yék.”
38Pilatus nachal, “Tok mok chok pon namlèkh ilok rik kènmën nak!” Dak pas nak, Pilatus nahuwòl wèl.
Dak Pilatus nachal ma sènꞌòy Yahudi naꞌtèk, “Yék tok iterèꞌbuk ilok-ilok salah pon nòm Sènꞌòy doh sampéy patod imhukom Eh! 39Tapik tiyab-tiyab tawon bil raye Paskah nyob doh, selaluk eh nak nyob semany ma yék imtèrwòl néy sènꞌòy nòm kelòj jél untok nyob. Jadik, nyob chèn ke yék imtèrwòl rajak sènꞌòy Yahudi doh?”
40Umnak umꞌèh-éh bok umsaꞌod, “Hõy, kedak Rik Nak! Tèrwòl lah Barabas!” (Barabas nak néy sènꞌòy rik belawan ma kerajaꞌan Roma.)
ទើបបានជ្រើសរើសហើយ៖
Yohanès 18: KKT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 Wycliffe Bible Translators, Inc.
Yohanès 18
18
Umròt ma Yèsus
(Mat 26:47-56; Mrk 14:43-50; Luk 22:47-53)
1Hòj sòj Yèsus napèꞌtak, Rik Nak nawèk samak hèhoh-hèhoh Eh ma lantiw Òng Tibok Kidròn. Èn anak umnak ummòj ma néy selay. 2Yèsus ròb mèn hèhoh Eh lèjgéj umbeterabuk èn selay nak. Jadik Yudas, rik nabetulong ma mèsmus Yèsus, hòj nalèkh tempad nak. 3Mèn ketuwe imam Yahudi ròb sènꞌòy Parisi umtèrꞌèn néy kumpolan askah Roma ròb polis nòm Dékh Tuhan untok muròt ma Yèsus. Dak Yudas pon naꞌéd umnak ma selay naꞌtèk. Umnak umꞌèn peliteh ròb ad karuk, bok umꞌèn keꞌjèk mèn juwòj, bulus, ròb ad tènboh. 4Yèsus hòj nalèkh kenèmbek rik akal nabelakuk ma rik Eh nak. Jadik Rik Nak nawèk ma umnak dak natanyak, “Ma chok lah rik nyob kèk nak?”
5Umnak umsaꞌod, “Yèsus, Sènꞌòy nòm Nasarèt nak.”
Yèsus nachal ma umnak, “Nak, Yék lah Yék.”
(Yudas, rik betulong ma mèsmus Yèsus nak, natèd-ted samak umnak èn anak.) 6Dak bil Yèsus nachal ma umnak, “Yék lah Yék,” umnak kenèmbek umsiget bok umkelek ma tèk!
7Yèsus natanyak wèl ma umnak, “Ma chok lah rik nyob kèk nak?”
Umnak umsaꞌod, “Yèsus, Sènꞌòy nòm Nasarèt nak.”
8Yèsus nachal, “Bok Yék hòj ichal lah, Yék lah Yék. Kalòw Yék rik nyob nyomkèk nak, perak lah hèhoh Yéh doh muwèk.” 9Yèsus nachal gerèk nak, supaye nambelakuk ilok rik Nanak hòj napetak naꞌtèk: “Nòm sènꞌòy rik Hãk haꞌog ma Yék, tok benéy sènꞌòy pon namruj.”
10Simon Pètrus naꞌèn juwòj, dak anak rik nak naròj ma juwòj eh dak nachòkh ma gèntòkh tep kuli Imam Rayak sampéy nagetòj. (Kuli nak kenëh eh Malkus.) 11Tapik Yèsus natèdchod ma Pètrus, “Chor lah juwòj hãh nak ma sarup hãh! Yék haros imderite,#18:11 imderite Tèks asli Kitab mok kiasan èn anuh: “haros lah imꞌòng kuléh rik Apak hòj naꞌog ma Yék.” Kuléh nak bemaksod derite rik akal nabelakuk bil umkèrbes ma Yèsus. tehad gerèk rik Apak hòj naꞌampèk untok Yék.” #Mat 26:39; Mrk 14:36; Luk 22:42.
Umꞌéd Yèsus ma Hanas, belok Imam Rayak Kayapas
12Nòm kerek nak mèn askah Roma samak ketuwe askah ròb mèn polis nòm Dékh Tuhan umròt ma Yèsus dak umbeg. 13Dak umnak umꞌéd Eh ma Hanas, belok babeh Kayapas. Kayapas nak Imam Rayak Yahudi bil mase nak. 14Dak Kayapas nak sènꞌòy rik nèng-nèng tòp pernah nachal ma mèn pemimpin Yahudi, “Lebéh méj kalòw néy Sènꞌòy nak nakebes untok kaum èk.”#Yoh 11:49,50.
Pètrus nachal tok nakèlnal ma Yèsus
(Mat 26:69-70; Mrk 14:66-68; Luk 22:55-57)
15Asòh umꞌa-éd Yèsus ma dékh Imam Rayak naꞌtèk, Simon Pètrus ròb néy sènꞌòy hèhoh Yèsus rik mòy wèsar nòm yek. Imam Rayak hòj nakenal ma hèhoh rik naꞌnéy nak, bok rik nak boléh namòj samak Yèsus ma halaman dékh Imam Rayak nak. 16Tapik Pètrus had nadèh-deh èn béng, èn sòy rèngkak. Dak hèhoh rik naꞌnéy atèk, rik nakenal ma Imam Rayak nak, nalos wèl. Rik nak nabecharak ma kuli babok rik bejagak èn rèngkak nak, dak nanak naꞌor Pètrus nammòj keꞌjèk. 17Babok rik bejagak rèngkak nak natanyak ma Pètrus, “Ke hãk doh keꞌjèk hèhoh Sènꞌòy nak?”
Pètrus nasaꞌod, “Hõy!”
18Bil nak is eh sejuk, dak mèn kuli ròb sènꞌòy rik umbejagak èn anak hòj umnyõh os dak umbepabah. Dak Pètrus nawèk natèd-ted bok nabepabah samak umnak.
Hanas nasuꞌal ma Yèsus
(Mat 26:59-66; Mrk 14:55-64; Luk 22:66-71)
19Bil nak èn kelòj dékh nak Imam Rayak Hanas#18:19 Imam Rayak Hanas Hanas nak najadik Imam Rayak Yahudi nèng-nèng tòp, dak puꞌdoh mènsaw eh Kayapas hòj nagantik nòm rik nak najadik Imam Rayak. Yab Hanas kedak Imam Rayak wèl, tapik sènꞌòy tik umhormad ma rik nak bok umkòw Imam Rayak. nasuꞌal ma Yèsus tentang hèhoh-hèhoh Eh ròb tenènglèkh Eh. 20Yèsus nasaꞌod, “Yék selaluk ibecharak tèꞌlalah èn mad kenèmbek sènꞌòy. Yék selaluk ibetènglèkh èn mèn dékh senindol bok èn halaman Dékh Tuhan, tempad kenèmbek sènꞌòy Yahudi selaluk umbeterabuk. Yék tok pernah ibecharak chare kerèndëk. 21Jadik ilok hãk hasuꞌal ma Yék? Tanyak lah ma umnak rik hòj umkèngyòkh ma tenènglèkh Yék. Pastik umnak umlèkh ilok rik hòj Yék ichal.”
22Bil Yèsus nachal gerèk nak, néy sènꞌòy polis rik bejagak èn anak nalepag Eh dak natèdchod, “Halamid che Hãk hasaꞌod rèk nak ma Imam Rayak?!”
23Yèsus nasaꞌod, “Kalòw lah Yék ichal ilok-ilok rik sèk, chal lah ma èk kenèmbek ilok rik sèk nak. Tapik kalòw nèlchal Yék nak kemën, ilok bok halepag ma Yék?”
24Pas nak, Hanas naꞌor sènꞌòy muꞌéd Yèsus, rik tik benègbeg, ma Imam Rayak Kayapas.
Pètrus nachal wèl tok nakèlnal ma Yèsus
(Mat 26:71-75; Mrk 14:69-72; Luk 22:58-62)
25Agat nak, Simon Pètrus tik natèd-ted nabepabah èn os nak. Dak sènꞌòy gèhnih èn anak umtanyak ma rik nak, “Ke hãk keꞌjèk hèhoh Sènꞌòy nak?”
Pètrus nasèꞌlok wèl bok nasaꞌod, “Hõy!”
26Èn anak mok néy sènꞌòy nòm kuli Imam Rayak. Rik nak sakèy sènꞌòy rik Pètrus nachòkh gèntòkh eh naꞌtèk. Rik nak natanyak ma Pètrus, “Hãk ke rik yék inéh samak Yèsus èn selay naꞌtèk?”
27Tapik Pètrus nachal wèl, “Hõy.” Dak bil nak keꞌjèk ayam nakukok.
Umꞌéd Yèsus ma Pilatus, menterik rayak nòm Roma
(Mat 27:1-2,11-31; Mrk 15:1-20; Luk 23:1-5,13-25)
28Bil tik pay namyèh-yah, mèn pemimpin Yahudi nak umꞌéd Yèsus nòm dékh Kayapas ma istane menterik rayak Roma. Tapik mèn pemimpin Yahudi nak tok umchèn mumòj ma kelòj istane nak. Èn adad agama Yahudi nak, kalòw ummòj ma dékh sènꞌòy kedak Yahudi akal umjadik laꞌes èn mad Tuhan, bok tok boléh mugéy jamuwan Paskah. 29Jadik, Pilatus nahuwòl namtèrbuk ma umnak dak natanyak, “Ilok tenanas nyob ma Sènꞌòy doh?”
30Umnak umsaꞌod, “Bok kalòw Rik Nak tok besalah, pastik kandék tok kiꞌèd-éd Rik Nak ma hãk!”
31Jadik Pilatus nachal ma umnak, “Kod lah rik nyob bok hakim Eh hoh ma adad rik nyob.”
Umnak umsaꞌod, “Tapik èn undang-undang kerajaꞌan Roma, kandék sènꞌòy Yahudi tok boléh kimbehukom ma chok-chok pon namkebes.”
32 #
Yoh 3:14; 12:32. (Dak gerèk nak lah nabelakuk ilok rik Yèsus hòj nachal hatòp tentang chare Rik Nak akal nakebes.)
33Jadik Pilatus namòj wèl ma istane eh nak, dak nakòw ma Yèsus. Dak natanyak Eh, “Hãk ke rajak sènꞌòy Yahudi nak?”
34Yèsus nasaꞌod, “Tenanyak hãh doh nòm rik hãh ke, atòw mok sènꞌòy mòy rik hòj èg-oglèkh ma hãk tentang Yék?”
35Pilatus nasaꞌod, “Yék doh kedak sènꞌòy Yahudi! Kaum rik Hãh ròb mèn ketuwe imam hòj umꞌog Hãk ma yék. Ilok isalah rik Hãk hòj hateꞌèl?”
36Yèsus nachal, “Kerajaꞌan Yék kedak nòm duniak doh. Kalòw Kerajaꞌan Yék nòm duniak doh, pastik hèhoh-hèhoh Yék umlawan supaye mèn pemimpin Yahudi tok dapad muròt ma Yék. Tapik hõy, Kerajaꞌan Yék kedak lah nòm duniak doh.”
37Pilatus nachal, “Jadik, Hãk doh Rajak lah!”
Yèsus nasaꞌod, “Hãk kemën hachal Yék doh rajak. Udoh lah isebab eh Yék ilãj ma duniak doh gerèk sènꞌòy: untok imꞌèg-oglèkh tentang ilok rik kènmën. Chok rik beterime ilok rik kènmën nak, umkeyòkh ma tenènglèkh Yék.”
38Pilatus nachal, “Tok mok chok pon namlèkh ilok rik kènmën nak!” Dak pas nak, Pilatus nahuwòl wèl.
Dak Pilatus nachal ma sènꞌòy Yahudi naꞌtèk, “Yék tok iterèꞌbuk ilok-ilok salah pon nòm Sènꞌòy doh sampéy patod imhukom Eh! 39Tapik tiyab-tiyab tawon bil raye Paskah nyob doh, selaluk eh nak nyob semany ma yék imtèrwòl néy sènꞌòy nòm kelòj jél untok nyob. Jadik, nyob chèn ke yék imtèrwòl rajak sènꞌòy Yahudi doh?”
40Umnak umꞌèh-éh bok umsaꞌod, “Hõy, kedak Rik Nak! Tèrwòl lah Barabas!” (Barabas nak néy sènꞌòy rik belawan ma kerajaꞌan Roma.)
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 Wycliffe Bible Translators, Inc.