SAHRUOTHUNA 47
47
1Caacuonakawta Josef ta vaa te Faro kha, “I paa hne i uvta zaw ca ama sahring hne ama hnyipa bangkhuo hneta Kanaan taata za si yi te ata hing Goshen liena ama aw,” a ta. 2A uvta zaw chungtaata cawsaa papangaa kha Faro hmiekung luo a chiykhyi yi. 3Faro ta a uvta zaw kha, “Khaapa re ma nama hrie?” a ta yi. Iema ta Faro kyihuo khata, “Ma mingchingmingvuo tie zaw haata na changtaapa zaw hing tuvkhietuv tana ma cuo,” ama ta. 4Kanaan ruo lieta cakuo a pasa tuv nakawta na changtaapa zaw hing ma sahring tlena riypa hmuo aw vyi. Caacuonakaw tana na ruo lie hing khychepa haata aw riypata ma za si. Na changtaapa zaw hing Goshen lieta malie pa-aw sa thi tie,” ama ta. 5Cakhutaata Faro ta Josef kha, “Na paa hne na uvta zaw ca namaa'a luo ama za si tli. 6Izipt ruo ca na hmiekunglie na a aw thluo. Na paa hne na uvta zaw ca ruo chunglie a pha cenapa lie hing pa-aw sa tie yi; Goshen lie ca aw yi se. Iema chungtaata hmang a tue khu riypa na hmung kie yi ca i sahring khietuv zaw uvtuv ta chi tie yi,” a ta.
7Cakhutaata Josef ta a paa Jakob kha ing chung luo zaa ngiekhyi te Faro kha a pahmung sa. Jakob ta Faro kha thluechiy a pi. 8Faro ta Jakob ca, “Na kung kung khazaa ma a ta tli? a ta. 9Jakob ta Faro kyihuo khata, “Chuelyi lie khyche i cuonapa kung zakha sawthung a ta tli. I hring kung hing pachang te a ruv. Chuelyi lie kung pasiypuv khyche a cuopa mingchingmingvuo tie hringna kung hneta ca pakhingpuo tluopa cuo vyi,” a ta. 10Cakhutaata Jakob ta Faro kha thluechiy pi te a hmiekung taa cata a pya. 11Faro ta a changpa haa khata Josef ta a paa hne a uvta zaw kha Izipt ruo chunglie khysana tuepa yi te, ruo chung bangkhuo lieta a pha cenapa Rameses pe lie kha a pa-aw sa yi. 12Josef ta a paa, a uvta zaw, hne a paa ingchungkhue cawsaa bangkhuo kha sa a ring diy yi.
Izipt Ruo Lie Cakuona
13Cakuo kha a pasa tuv nakawta ruo chung bangkhuo lie sa aw vyi. Cakuo nakaw ca ta Izipt ruo hne Kanaan ruo ca ama thaa a cawsa. 14Josef ca sa calyina ta ama vya cyipa, Izipt ruo hne Kanaan ruo lie tuokaa bangkhuo kha pakhaw te Faro ing lie a chi. 15Izipt ruo lie hne Kanaan ruo lie a awpa tuokaa kha a chuo taata, Izipt ming ca Josef'a luo kha a vaw yi te, “Sa malie pi tie. Ma tuokaa a chuo tli zawta khaapanakawma na hmiekunglie ca ima thiy aa?” ama ta. 16Cakhutaata Josef ta, “Nama sahring kha na pi tie ung. Nama sahring kha sa ta ca thle'a yi ang. Nama tuokaa a chuo kieca,” a ta yi. 17Caacuonakawta ama sahring kha Josef'a luo ca vya cyi yi te, aruo, tuv, mie, laa hne ama sahring zaw kha sa ta a thle yi. 18Capa kung ca chuo te, a huokungpa lie zaw kha a vaw yi te, Josef kyihuo khata, “Abyipa nama'a taata khaapahmuo nu khu vapuv, ma tuokaa kha chuo te, ma sahring zaw ma byipaapa nama huopa tana a cuo diy tli. Ma pangpa hne ma luruo ta li pata ma byipaapa na hmungna lie khaapahmuo a ngaa va tli. 19Ma pangpa hne ma luruo hneta ma na hmiekunglie ca ma thiy aa? Kiema hne ma luruo kha sa ta malie thle tie. Kiema hne ma luruo hneta Faro si ta cuo lavuo puv. Ma thiy li riypa hne ma ruo hing a caking li riypata saciy ca malie pi tie,” ama ta.
20Caacuonakawta Josef ta Izipt ruo palang kha Faro huota a calyi. Cakuo kha a pasasa nakawta Izipt ming bangkhuo ta amaa lyi kha zaa yi te, alyi ca Faro huota a cuo diy. 21Izipt ruo kiy kha taata kiy kha te ta a awpa cawsaa bangkhuo ca sii ta a tue diy yi. 22Tluobyi tie alyi dyi khana ama ta a calyi va. Tahematapakieca iema ca Faro ta ning riypa a pipa tie ta cuo yi te, capa a pipa yi ca ama ning nakawta amaa lyi kha zaa va yi. 23Cakhutaata Josef ta cawsaa zaw kha, “Ataning hing niema hne namaa lyi hne Faro huota ica calyi diy tli yi. Hingpa lie hing saciy aw te nama lu lie kha va cyi tie ung. 24Sa nama hrie tiyta che pangaa che kha kha Faro huo cuo'a te, che pangaa chunglie che paliy kha niema huota a cuo aa. Lu lie saciy riypa, niema hne nama ingchungkhue hne nama saata zaw cuota ning riypa sa ta a cuo aa,” a ta. 25Iema ta, “Nama na ma hringna malie a khuo ciy; hingpa hingta ma byipaapa palung ca patluo se, kiema ca Faro sii tana ma cuo aa,” ama ta. 26Caacuonakawta Izipt alyi taata a pyapa che pangaa che kha ca Faro huopa tana a cuo aa ta pata Josef ta phungluo suokha sa te, capa upadi ca ataning tepa hingta aa hmang. Tluobyi tie alyi dyina Faro huopa ta a cuo va.
Jakob Ning Hnangcawpa
27Cahaacata Israel ca Izipt ruo Goshen lie kha khy a sa. Vya hnyi vya rung yi te, saata a hluvsa sa yi te khuopuv ta ama pungzaa. 28Jakob ca Izipt ruo lie kung hraa hlyisariy aw te, zakha sawliy kung sariy a hring.
29 #
Sah 49.29-32; 50.6 Israel ca a thiy tiy aa de tiyta, a sacapaa Josef kha ku te, “Hmiephaa na ina pi ciy ta pata a cuo kieca, i baw alalalie hing na kuv kha chi la, zang tluo aa tlasa pata hne hmisi ta bie naa kuo tie. Izipt lie na za paby'a vaciy. 30I mingchingmingvuo tie'a luo i pahy tiyta, Izipt taa hingta na phya la iema thluo lie kha na paby tie,” a ta. Josef ta, “Na ripa haata i tue aa,” a ta. 31Cakhutaa cata “Chie a sa la bie a kuo tie,” a ta. Chie a sa te bie aa kuo. Cakhutaa cata Israel ca a iehmang aluvluo kuo lie kha a bung te Khazing aa bie.
ទើបបានជ្រើសរើសហើយ៖
SAHRUOTHUNA 47: LNT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lutuv Holy Bible © Bible Society of Myanmar, 2023.
SAHRUOTHUNA 47
47
1Caacuonakawta Josef ta vaa te Faro kha, “I paa hne i uvta zaw ca ama sahring hne ama hnyipa bangkhuo hneta Kanaan taata za si yi te ata hing Goshen liena ama aw,” a ta. 2A uvta zaw chungtaata cawsaa papangaa kha Faro hmiekung luo a chiykhyi yi. 3Faro ta a uvta zaw kha, “Khaapa re ma nama hrie?” a ta yi. Iema ta Faro kyihuo khata, “Ma mingchingmingvuo tie zaw haata na changtaapa zaw hing tuvkhietuv tana ma cuo,” ama ta. 4Kanaan ruo lieta cakuo a pasa tuv nakawta na changtaapa zaw hing ma sahring tlena riypa hmuo aw vyi. Caacuonakaw tana na ruo lie hing khychepa haata aw riypata ma za si. Na changtaapa zaw hing Goshen lieta malie pa-aw sa thi tie,” ama ta. 5Cakhutaata Faro ta Josef kha, “Na paa hne na uvta zaw ca namaa'a luo ama za si tli. 6Izipt ruo ca na hmiekunglie na a aw thluo. Na paa hne na uvta zaw ca ruo chunglie a pha cenapa lie hing pa-aw sa tie yi; Goshen lie ca aw yi se. Iema chungtaata hmang a tue khu riypa na hmung kie yi ca i sahring khietuv zaw uvtuv ta chi tie yi,” a ta.
7Cakhutaata Josef ta a paa Jakob kha ing chung luo zaa ngiekhyi te Faro kha a pahmung sa. Jakob ta Faro kha thluechiy a pi. 8Faro ta Jakob ca, “Na kung kung khazaa ma a ta tli? a ta. 9Jakob ta Faro kyihuo khata, “Chuelyi lie khyche i cuonapa kung zakha sawthung a ta tli. I hring kung hing pachang te a ruv. Chuelyi lie kung pasiypuv khyche a cuopa mingchingmingvuo tie hringna kung hneta ca pakhingpuo tluopa cuo vyi,” a ta. 10Cakhutaata Jakob ta Faro kha thluechiy pi te a hmiekung taa cata a pya. 11Faro ta a changpa haa khata Josef ta a paa hne a uvta zaw kha Izipt ruo chunglie khysana tuepa yi te, ruo chung bangkhuo lieta a pha cenapa Rameses pe lie kha a pa-aw sa yi. 12Josef ta a paa, a uvta zaw, hne a paa ingchungkhue cawsaa bangkhuo kha sa a ring diy yi.
Izipt Ruo Lie Cakuona
13Cakuo kha a pasa tuv nakawta ruo chung bangkhuo lie sa aw vyi. Cakuo nakaw ca ta Izipt ruo hne Kanaan ruo ca ama thaa a cawsa. 14Josef ca sa calyina ta ama vya cyipa, Izipt ruo hne Kanaan ruo lie tuokaa bangkhuo kha pakhaw te Faro ing lie a chi. 15Izipt ruo lie hne Kanaan ruo lie a awpa tuokaa kha a chuo taata, Izipt ming ca Josef'a luo kha a vaw yi te, “Sa malie pi tie. Ma tuokaa a chuo tli zawta khaapanakawma na hmiekunglie ca ima thiy aa?” ama ta. 16Cakhutaata Josef ta, “Nama sahring kha na pi tie ung. Nama sahring kha sa ta ca thle'a yi ang. Nama tuokaa a chuo kieca,” a ta yi. 17Caacuonakawta ama sahring kha Josef'a luo ca vya cyi yi te, aruo, tuv, mie, laa hne ama sahring zaw kha sa ta a thle yi. 18Capa kung ca chuo te, a huokungpa lie zaw kha a vaw yi te, Josef kyihuo khata, “Abyipa nama'a taata khaapahmuo nu khu vapuv, ma tuokaa kha chuo te, ma sahring zaw ma byipaapa nama huopa tana a cuo diy tli. Ma pangpa hne ma luruo ta li pata ma byipaapa na hmungna lie khaapahmuo a ngaa va tli. 19Ma pangpa hne ma luruo hneta ma na hmiekunglie ca ma thiy aa? Kiema hne ma luruo kha sa ta malie thle tie. Kiema hne ma luruo hneta Faro si ta cuo lavuo puv. Ma thiy li riypa hne ma ruo hing a caking li riypata saciy ca malie pi tie,” ama ta.
20Caacuonakawta Josef ta Izipt ruo palang kha Faro huota a calyi. Cakuo kha a pasasa nakawta Izipt ming bangkhuo ta amaa lyi kha zaa yi te, alyi ca Faro huota a cuo diy. 21Izipt ruo kiy kha taata kiy kha te ta a awpa cawsaa bangkhuo ca sii ta a tue diy yi. 22Tluobyi tie alyi dyi khana ama ta a calyi va. Tahematapakieca iema ca Faro ta ning riypa a pipa tie ta cuo yi te, capa a pipa yi ca ama ning nakawta amaa lyi kha zaa va yi. 23Cakhutaata Josef ta cawsaa zaw kha, “Ataning hing niema hne namaa lyi hne Faro huota ica calyi diy tli yi. Hingpa lie hing saciy aw te nama lu lie kha va cyi tie ung. 24Sa nama hrie tiyta che pangaa che kha kha Faro huo cuo'a te, che pangaa chunglie che paliy kha niema huota a cuo aa. Lu lie saciy riypa, niema hne nama ingchungkhue hne nama saata zaw cuota ning riypa sa ta a cuo aa,” a ta. 25Iema ta, “Nama na ma hringna malie a khuo ciy; hingpa hingta ma byipaapa palung ca patluo se, kiema ca Faro sii tana ma cuo aa,” ama ta. 26Caacuonakawta Izipt alyi taata a pyapa che pangaa che kha ca Faro huopa tana a cuo aa ta pata Josef ta phungluo suokha sa te, capa upadi ca ataning tepa hingta aa hmang. Tluobyi tie alyi dyina Faro huopa ta a cuo va.
Jakob Ning Hnangcawpa
27Cahaacata Israel ca Izipt ruo Goshen lie kha khy a sa. Vya hnyi vya rung yi te, saata a hluvsa sa yi te khuopuv ta ama pungzaa. 28Jakob ca Izipt ruo lie kung hraa hlyisariy aw te, zakha sawliy kung sariy a hring.
29 #
Sah 49.29-32; 50.6 Israel ca a thiy tiy aa de tiyta, a sacapaa Josef kha ku te, “Hmiephaa na ina pi ciy ta pata a cuo kieca, i baw alalalie hing na kuv kha chi la, zang tluo aa tlasa pata hne hmisi ta bie naa kuo tie. Izipt lie na za paby'a vaciy. 30I mingchingmingvuo tie'a luo i pahy tiyta, Izipt taa hingta na phya la iema thluo lie kha na paby tie,” a ta. Josef ta, “Na ripa haata i tue aa,” a ta. 31Cakhutaa cata “Chie a sa la bie a kuo tie,” a ta. Chie a sa te bie aa kuo. Cakhutaa cata Israel ca a iehmang aluvluo kuo lie kha a bung te Khazing aa bie.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lutuv Holy Bible © Bible Society of Myanmar, 2023.