Baroma 15
15
Ekusimisa baliketu
1Tubano tu tusímikire mwa bwemeresi, tùtěmire kunde twáira bya bitúsimise tubeine, si twěmire kunde twáasa ba bàtasimikire mwa bwemeresi. 2Chira mundu mwa kachi-kachi ketu ěmire kunde ásimisa mulikabo chasiya aéndekere ákula mwa bwemeresi. 3Bushi anabe na Kirisito* aténdee áira bya bimúsimise yeine. Si kukulikana no'kwa bitúla byǎnjikirwe mwa Maanjiko Mabuya-buya mbu: «Engambo sa bàngakukambire, nyono nyi bérire bákamba'si.»#15:3 Somaa Saburi 69:10. 4Emyasi yoshi era yáanjikwaa kwa mira mwa Maanjiko Mabuya-buya, yáanjikwaa kwa kutukangirisa, na kutuasa tuáte ebushibirisi na kutusesa emuchima, chasiya tuáte emunyiiro. 5Ongo iwénde wátuma ebandu báata ebushibirisi na kusesa'bo emuchima, éndaa áberesa emuchima we'kunde mwômvikana mwa kachi-kachi kenyu, ngo'kwa Yesu Kirisito éndee áira. 6Mwa bacha, muboshi ala'uma na muchima muuma, kanji na murenge muuma mungénde mwátonga Ongo, Eshe wa Enawetu Yesu Kirisito.
Mwasi Mubuya-buya kwa mbaa soshi
7Bushi no'ku, mundaa mwáhuukasanya ngo'kwa Kirisito* nai ábahuukasaa, chasiya Ongo áye ngulu. 8Nábabura kwa Kirisito* áchiirire kuba mukosi we'Bayuta, chasiya ebiraane bya Ongo êresaa bahokulu betu bibérere. Áirire bacha, chasiya alóse kanangana kwa Ongo énde ánaira bya álanyaa. 9Kanji áikaa, chasiya ba bàtatula Bayuta bénde bátonga Ongo bushi ne'bubuya bwai, kukulikana no'kwa bitúla byǎnjikirwe mwa Maanjiko Mabuya-buya mbu:
«Echera chi chingénde chátuma nákutonga mwa bandu be'sinji mbaa.
Nyingénde némba enyimbo se'kutonga esina lyao.»#15:9 Somaa 2 Samweri 22:50; Saburi 18:50.
10Kanji byǎnjikirwe mbu:
«Mu bandu be'sinji mbaa, mundaa mwámowaa ala'uma ne'lubaa lwa Ongo!»
11Kanji byǎnjikirwe mbu:
«Mu bandu be'sinji mbaa muboshi, mundaa mwátonga Enawetu.
Mu bandu boshi, mundaa mwámutonga!»#15:11 Somaa Saburi 117:1.
12Murebi* Isaya nai àtechire mbu:
«Mwa lubuto lwa Yese, mungátengera mundu muuma,
ola ungêmangira ebandu be'sinji mbaa.
Na'bu bandu, bangámulangalira.»#15:12 Somaa Isaya 11:10.
13Ongo i'utúla shokororo ye'munyiiro, éndaa ábika elumoo ne'bôlo bwa bunálumirire mwa michima yenyu kurengera ebwemeresi bwenyu. Endaa áira bacha, chasiya emunyiiro wenyu aéndekere áluwa kurengera ebuashi bwe'Muchima Mubuya-buya.
Emulimo wa Paulo mwa bandu ba bàtatula Bayuta
14Banyaketu, nyeine nyinêshi kanangana kwa mùli bandu babuya busese. Kanji mutúla mwìshi byoshi bya byémire kumenyeka, kanji mùngaala kunde mwêresanya emáno. 15Si chiro bacha, nabáanjikiraa busira kubabisha kandu era luulu sa myasi yuma-yuma, chasiya nyihúbe kubakengesa'i. Nàiraa bacha, kukulikana ne'bonjo bwa Ongo, 16iwányiirire kuba mukosi wa Yesu Kirisito kwa ba bàtatula Bayuta. Ányilondwere, chasiya nyínde náhubanganyisa'bo eMwasi Mubuya-buya. Mwa bacha, abu bandu bangére bába mitulo* era ìsimise Ongo, kanji era ìkomisibwe* ne'Muchima Mubuya-buya. 17Rero, kurengera ebuuma bwanyi na Kirisito*, nyìngachitonga bushi no'no mulimo nákorera Ongo. 18Bushi ndàngaereresa kuteta era luulu sa unji mwasi, kureka emwasi ola Kirisito* àiraa mwakunyirengera'ko, chasiya ebandu ba bàtatula Bayuta bénde bátunda Ongo. Àiraa bacha, kurengera bya nabáa nénjire náteta na bya nabáa nénjire náira, 19kurengera ebuashi bwe'bimenyeso ne'bishishalo, na kurengera ebuashi bwe'Muchima Mubuya-buya. Mwe'i njira mu nàhubanganyisaa ebandu eMwasi Mubuya-buya wa Kirisito* mwa bisiki byoshi, kutengera eYerusalemu kuikira mwa chio che'Iliriko. 20Mwasi muuma inabáa nyisérire'mo, abáa wa kuhubanganya eMwasi Mubuya-buya, mwa bisiki bya Kirisito* abáa àtasa kwômvikala'mo oshâo. Naíraa bacha, bushi nabáa ndáhonda kukola mwa bisiki bya banji babáa bàkolire'mo mira. 21Mwa bacha, naíraa kwa Maanjiko Mabuya-buya matúla màtechire mbu:
«Ebandu ba bábaa bàtasa kuburwa emyasi yai, bangámulola'ko.
Na ba bábaa bàtafuraa kumva kwa myasi yai,
bangômva kui.»#15:21 Somaa Isaya 52:15.
Paulo áhonda kubalamira mwa musi we'Roma
22Echera chi chabáa chénjire chányangika chira mango, ndaíka eyi mwenyu. 23Kanji kwàrenga myaka inene, nyéte mbuha ye'kuya kubatangula. Si rero namálire emulimo wanyi mwe'bi bio, 24bushi no'ku, nyingére náika eyi mwenyu mango nyingáya mwa chio che'Sipaniya. Nyéte emunyiiro kwa mwa kurenga eyi mwenyu, nyingábalola'ko. Ne'ra nyuma se'kumowa ala'uma nenyu ku bihangi bieke, nyìngasimire munyiase mwo'lu lubalamo. 25Si mwe'bine bihangi, náya tanga eYerusalemu kwa kuasa ebandu ba Ongo. 26Bushi ebemeresi bo'mwa chio che'Maketoniya ne'che'Akaya balólaa kwa kukomire baíre muholore kwa kuasa ebakene ba bàli mwa kachi-kachi ke'bemeresi bo'mwa musi we'Yerusalemu. 27Baíraa bacha kwa kuhonda kwabo beine, si kanji babáa béte mwinda wa kuasa'bo. Ebandu ba bàtatula Bayuta bàbonyire kwa ngahanyi se'myasi ye'bwemeresi bwe'Bayuta. Rero, abu bàtatula Bayuta nabo, běmire kunde báasa eBayuta kurengera ebuare bwa bète. 28Mango nyingába namálire oyu mulimo, na kuisa'bo kwe'bindu bya byahólolwaa, nyingére nárengera eyi mwenyu mwa kuya mwa chio che'Sipaniya. 29Nyìshi kwa mango nyingáika eyi mwenyu, nyingábaretera ngahanyi sinene sa sátenga era mwa Kirisito*.
30Banyaketu, náběma busese kurengera Enawetu Yesu Kirisito, na kurengera enzii ye'Muchima Mubuya-buya, kwa mundaa mwálwisa ala'uma nanyi mwa kunyemera era mwa Ongo. 31Mundaa mwányemera, chasiya mango nyingáika mwa chio che'Yuteya, nyinúnulibwe mwa mino se'bandu ba bàtemerere Kirisito*. Kanji munyěmeraa, chasiya ebandu ba Ongo be'Yerusalemu bǎngirire kubuya emuholore ola nékera'bo. 32Mwa bacha, Ongo ákasima, nyingáika eyi mwenyu na lumoo, na kutamukira kubuya mwa kachi-kachi kenyu.
33Ongo iwénde wêresa ebandu ebôlo, éndaa ába ala'uma nenyu muboshi. Bibe bacha!
ទើបបានជ្រើសរើសហើយ៖
Baroma 15: tbt
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2017 Wycliffe Bible Translators, Inc.
Baroma 15
15
Ekusimisa baliketu
1Tubano tu tusímikire mwa bwemeresi, tùtěmire kunde twáira bya bitúsimise tubeine, si twěmire kunde twáasa ba bàtasimikire mwa bwemeresi. 2Chira mundu mwa kachi-kachi ketu ěmire kunde ásimisa mulikabo chasiya aéndekere ákula mwa bwemeresi. 3Bushi anabe na Kirisito* aténdee áira bya bimúsimise yeine. Si kukulikana no'kwa bitúla byǎnjikirwe mwa Maanjiko Mabuya-buya mbu: «Engambo sa bàngakukambire, nyono nyi bérire bákamba'si.»#15:3 Somaa Saburi 69:10. 4Emyasi yoshi era yáanjikwaa kwa mira mwa Maanjiko Mabuya-buya, yáanjikwaa kwa kutukangirisa, na kutuasa tuáte ebushibirisi na kutusesa emuchima, chasiya tuáte emunyiiro. 5Ongo iwénde wátuma ebandu báata ebushibirisi na kusesa'bo emuchima, éndaa áberesa emuchima we'kunde mwômvikana mwa kachi-kachi kenyu, ngo'kwa Yesu Kirisito éndee áira. 6Mwa bacha, muboshi ala'uma na muchima muuma, kanji na murenge muuma mungénde mwátonga Ongo, Eshe wa Enawetu Yesu Kirisito.
Mwasi Mubuya-buya kwa mbaa soshi
7Bushi no'ku, mundaa mwáhuukasanya ngo'kwa Kirisito* nai ábahuukasaa, chasiya Ongo áye ngulu. 8Nábabura kwa Kirisito* áchiirire kuba mukosi we'Bayuta, chasiya ebiraane bya Ongo êresaa bahokulu betu bibérere. Áirire bacha, chasiya alóse kanangana kwa Ongo énde ánaira bya álanyaa. 9Kanji áikaa, chasiya ba bàtatula Bayuta bénde bátonga Ongo bushi ne'bubuya bwai, kukulikana no'kwa bitúla byǎnjikirwe mwa Maanjiko Mabuya-buya mbu:
«Echera chi chingénde chátuma nákutonga mwa bandu be'sinji mbaa.
Nyingénde némba enyimbo se'kutonga esina lyao.»#15:9 Somaa 2 Samweri 22:50; Saburi 18:50.
10Kanji byǎnjikirwe mbu:
«Mu bandu be'sinji mbaa, mundaa mwámowaa ala'uma ne'lubaa lwa Ongo!»
11Kanji byǎnjikirwe mbu:
«Mu bandu be'sinji mbaa muboshi, mundaa mwátonga Enawetu.
Mu bandu boshi, mundaa mwámutonga!»#15:11 Somaa Saburi 117:1.
12Murebi* Isaya nai àtechire mbu:
«Mwa lubuto lwa Yese, mungátengera mundu muuma,
ola ungêmangira ebandu be'sinji mbaa.
Na'bu bandu, bangámulangalira.»#15:12 Somaa Isaya 11:10.
13Ongo i'utúla shokororo ye'munyiiro, éndaa ábika elumoo ne'bôlo bwa bunálumirire mwa michima yenyu kurengera ebwemeresi bwenyu. Endaa áira bacha, chasiya emunyiiro wenyu aéndekere áluwa kurengera ebuashi bwe'Muchima Mubuya-buya.
Emulimo wa Paulo mwa bandu ba bàtatula Bayuta
14Banyaketu, nyeine nyinêshi kanangana kwa mùli bandu babuya busese. Kanji mutúla mwìshi byoshi bya byémire kumenyeka, kanji mùngaala kunde mwêresanya emáno. 15Si chiro bacha, nabáanjikiraa busira kubabisha kandu era luulu sa myasi yuma-yuma, chasiya nyihúbe kubakengesa'i. Nàiraa bacha, kukulikana ne'bonjo bwa Ongo, 16iwányiirire kuba mukosi wa Yesu Kirisito kwa ba bàtatula Bayuta. Ányilondwere, chasiya nyínde náhubanganyisa'bo eMwasi Mubuya-buya. Mwa bacha, abu bandu bangére bába mitulo* era ìsimise Ongo, kanji era ìkomisibwe* ne'Muchima Mubuya-buya. 17Rero, kurengera ebuuma bwanyi na Kirisito*, nyìngachitonga bushi no'no mulimo nákorera Ongo. 18Bushi ndàngaereresa kuteta era luulu sa unji mwasi, kureka emwasi ola Kirisito* àiraa mwakunyirengera'ko, chasiya ebandu ba bàtatula Bayuta bénde bátunda Ongo. Àiraa bacha, kurengera bya nabáa nénjire náteta na bya nabáa nénjire náira, 19kurengera ebuashi bwe'bimenyeso ne'bishishalo, na kurengera ebuashi bwe'Muchima Mubuya-buya. Mwe'i njira mu nàhubanganyisaa ebandu eMwasi Mubuya-buya wa Kirisito* mwa bisiki byoshi, kutengera eYerusalemu kuikira mwa chio che'Iliriko. 20Mwasi muuma inabáa nyisérire'mo, abáa wa kuhubanganya eMwasi Mubuya-buya, mwa bisiki bya Kirisito* abáa àtasa kwômvikala'mo oshâo. Naíraa bacha, bushi nabáa ndáhonda kukola mwa bisiki bya banji babáa bàkolire'mo mira. 21Mwa bacha, naíraa kwa Maanjiko Mabuya-buya matúla màtechire mbu:
«Ebandu ba bábaa bàtasa kuburwa emyasi yai, bangámulola'ko.
Na ba bábaa bàtafuraa kumva kwa myasi yai,
bangômva kui.»#15:21 Somaa Isaya 52:15.
Paulo áhonda kubalamira mwa musi we'Roma
22Echera chi chabáa chénjire chányangika chira mango, ndaíka eyi mwenyu. 23Kanji kwàrenga myaka inene, nyéte mbuha ye'kuya kubatangula. Si rero namálire emulimo wanyi mwe'bi bio, 24bushi no'ku, nyingére náika eyi mwenyu mango nyingáya mwa chio che'Sipaniya. Nyéte emunyiiro kwa mwa kurenga eyi mwenyu, nyingábalola'ko. Ne'ra nyuma se'kumowa ala'uma nenyu ku bihangi bieke, nyìngasimire munyiase mwo'lu lubalamo. 25Si mwe'bine bihangi, náya tanga eYerusalemu kwa kuasa ebandu ba Ongo. 26Bushi ebemeresi bo'mwa chio che'Maketoniya ne'che'Akaya balólaa kwa kukomire baíre muholore kwa kuasa ebakene ba bàli mwa kachi-kachi ke'bemeresi bo'mwa musi we'Yerusalemu. 27Baíraa bacha kwa kuhonda kwabo beine, si kanji babáa béte mwinda wa kuasa'bo. Ebandu ba bàtatula Bayuta bàbonyire kwa ngahanyi se'myasi ye'bwemeresi bwe'Bayuta. Rero, abu bàtatula Bayuta nabo, běmire kunde báasa eBayuta kurengera ebuare bwa bète. 28Mango nyingába namálire oyu mulimo, na kuisa'bo kwe'bindu bya byahólolwaa, nyingére nárengera eyi mwenyu mwa kuya mwa chio che'Sipaniya. 29Nyìshi kwa mango nyingáika eyi mwenyu, nyingábaretera ngahanyi sinene sa sátenga era mwa Kirisito*.
30Banyaketu, náběma busese kurengera Enawetu Yesu Kirisito, na kurengera enzii ye'Muchima Mubuya-buya, kwa mundaa mwálwisa ala'uma nanyi mwa kunyemera era mwa Ongo. 31Mundaa mwányemera, chasiya mango nyingáika mwa chio che'Yuteya, nyinúnulibwe mwa mino se'bandu ba bàtemerere Kirisito*. Kanji munyěmeraa, chasiya ebandu ba Ongo be'Yerusalemu bǎngirire kubuya emuholore ola nékera'bo. 32Mwa bacha, Ongo ákasima, nyingáika eyi mwenyu na lumoo, na kutamukira kubuya mwa kachi-kachi kenyu.
33Ongo iwénde wêresa ebandu ebôlo, éndaa ába ala'uma nenyu muboshi. Bibe bacha!
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2017 Wycliffe Bible Translators, Inc.