2 Bakorindo 13
13
Eáno lisinda lya Paulo
1Lunola lu lubalamo lwanyi lwa kahatu nákunganya lwe'kuya eyi mwenyu. Ngo'kwa Maanjiko Mabuya-buya matúla màtechire mbu: «Chira mwasi énde êmererwa kwa àli wa kanangana kwa bubei bwa bandu babiri nesi bahatu.»#13:1 Somaa Bukengere 17:6; 19:15; Matayo 16:18. 2Nákengesa ebandu ba baíraa emabi lyebere ala'uma ne'banji boshi emwasi ola nabáa nàbabwirire mira mwa lubalamo lwanyi lwa kabiri. Rero kuno nyichíri bure nenyu, náhuba kubabura'o era muhondo nyiíke, kwa mango nyingáika eyi mwenyu, ndáfire chiro na mundu asibya bonjo. 3Nyingáira bacha, bushi mwénjire mwáhonda mulóle kanangana eri Kirisito* iwénjire wánateta kunyirengera'ko. Kwa lunda lwenyu, Kirisito* àtatula mutambukalisa, si énde álosa ebuashi bwai mwa kachi-kachi kenyu. 4Kubinali! Mango Kirisito* ámanyikibwaa kwa musalaba, ábaa àli mwa butambukare bwe'mubiri. Si rero, era àli muuma-uma kurengera ebuashi bwa Ongo. Netu, tùli mwa butambukare bwe'mubiri kurengera ebuuma bwetu nai. Si tukába bauma-uma ala'uma nai kwa buashi bwa Ongo kwa mufa wenyu.
5Muchibusaa mwa michima yenyu mubeine, muménye akaba musímikire mwa bwemeresi. Mubeine muchilolaa'ko kubuya-buya mwa michima yenyu. Si mwìshi kwa Yesu Kirisito atúla mwa ndanda senyu! Akaba bitáli bacha, kukuteta mbu mwaímirwe. 6Si nyéte emunyiiro kwa mungámenyerera kwa tubano tutaímirwe. 7Twáběmera era mwa Ongo, chasiya kùtabaa chiro na mwasi mubi ola mungáira. Tutáhonda kubalosa kwa tutwàimire mwa kukola emabuya. Si twáhonda múnde mwáira emabuya chiro angaba mbu twénjire twálorekana'ko nga twaímirwe. 8Bushi kutáli chiro na mwasi asibya ola tùngaira kwa kwângika ekanangana. Si cha tùnganaira, kunali kukola kwa mufa we'kanangana.
9Twénjire twámowa mango tubano tuínyire emisi, si mwabo mwěte misi. Bushi no'ku, twénjire twáběmera múbe bandu ba bàlumirire kanangana. 10Echera chi chatúmire nábaanjikira ene myasi kuno nyichíri bure nenyu, chasiya mango nyingáika eyi mwenyu, ndàbaa mukali kukulikana ne'buashi bwa Enawetu ányeresise. Bushi obu buashi, bùli bwa kuimba, si butá bwa kuhandula.
Emyasi ye'kulaana
11Rero banyaketu, mwa kumala, mundaa mwába mwa lumoo. Muchisesaa kunde mwába bandu ba bàlumirire. Mundaa mwásesanya emichima, na kuata mianyisa iuma. Mubáa mwa bôlo, na Ongo we'nzii kanji we'bôlo angába ala'uma nenyu.
12Mundaa mwákesanya mwa kwôberana nga bauma. Ebandu ba Ongo boshi babákesise.
13Ebonjo bwa Enawetu Yesu Kirisito, ne'nzii ya Ongo, ne'buuma bwe'Muchima Mubuya-buya, bindaa byába ala'uma nenyu muboshi.
ទើបបានជ្រើសរើសហើយ៖
2 Bakorindo 13: tbt
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2017 Wycliffe Bible Translators, Inc.
2 Bakorindo 13
13
Eáno lisinda lya Paulo
1Lunola lu lubalamo lwanyi lwa kahatu nákunganya lwe'kuya eyi mwenyu. Ngo'kwa Maanjiko Mabuya-buya matúla màtechire mbu: «Chira mwasi énde êmererwa kwa àli wa kanangana kwa bubei bwa bandu babiri nesi bahatu.»#13:1 Somaa Bukengere 17:6; 19:15; Matayo 16:18. 2Nákengesa ebandu ba baíraa emabi lyebere ala'uma ne'banji boshi emwasi ola nabáa nàbabwirire mira mwa lubalamo lwanyi lwa kabiri. Rero kuno nyichíri bure nenyu, náhuba kubabura'o era muhondo nyiíke, kwa mango nyingáika eyi mwenyu, ndáfire chiro na mundu asibya bonjo. 3Nyingáira bacha, bushi mwénjire mwáhonda mulóle kanangana eri Kirisito* iwénjire wánateta kunyirengera'ko. Kwa lunda lwenyu, Kirisito* àtatula mutambukalisa, si énde álosa ebuashi bwai mwa kachi-kachi kenyu. 4Kubinali! Mango Kirisito* ámanyikibwaa kwa musalaba, ábaa àli mwa butambukare bwe'mubiri. Si rero, era àli muuma-uma kurengera ebuashi bwa Ongo. Netu, tùli mwa butambukare bwe'mubiri kurengera ebuuma bwetu nai. Si tukába bauma-uma ala'uma nai kwa buashi bwa Ongo kwa mufa wenyu.
5Muchibusaa mwa michima yenyu mubeine, muménye akaba musímikire mwa bwemeresi. Mubeine muchilolaa'ko kubuya-buya mwa michima yenyu. Si mwìshi kwa Yesu Kirisito atúla mwa ndanda senyu! Akaba bitáli bacha, kukuteta mbu mwaímirwe. 6Si nyéte emunyiiro kwa mungámenyerera kwa tubano tutaímirwe. 7Twáběmera era mwa Ongo, chasiya kùtabaa chiro na mwasi mubi ola mungáira. Tutáhonda kubalosa kwa tutwàimire mwa kukola emabuya. Si twáhonda múnde mwáira emabuya chiro angaba mbu twénjire twálorekana'ko nga twaímirwe. 8Bushi kutáli chiro na mwasi asibya ola tùngaira kwa kwângika ekanangana. Si cha tùnganaira, kunali kukola kwa mufa we'kanangana.
9Twénjire twámowa mango tubano tuínyire emisi, si mwabo mwěte misi. Bushi no'ku, twénjire twáběmera múbe bandu ba bàlumirire kanangana. 10Echera chi chatúmire nábaanjikira ene myasi kuno nyichíri bure nenyu, chasiya mango nyingáika eyi mwenyu, ndàbaa mukali kukulikana ne'buashi bwa Enawetu ányeresise. Bushi obu buashi, bùli bwa kuimba, si butá bwa kuhandula.
Emyasi ye'kulaana
11Rero banyaketu, mwa kumala, mundaa mwába mwa lumoo. Muchisesaa kunde mwába bandu ba bàlumirire. Mundaa mwásesanya emichima, na kuata mianyisa iuma. Mubáa mwa bôlo, na Ongo we'nzii kanji we'bôlo angába ala'uma nenyu.
12Mundaa mwákesanya mwa kwôberana nga bauma. Ebandu ba Ongo boshi babákesise.
13Ebonjo bwa Enawetu Yesu Kirisito, ne'nzii ya Ongo, ne'buuma bwe'Muchima Mubuya-buya, bindaa byába ala'uma nenyu muboshi.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2017 Wycliffe Bible Translators, Inc.