II Corinthiens 2
2
1T’ebandô tsiviga n’atsatsee na gôndé anye gô Corinthe kabaga nanôyungéda nôndé gôékônza anyene mabégôme manyô, na kabaga nanôétsa mitéma miditani na tsembô. 2?Okô me nanôôkédiô tsoyi, ône angakasôgéda me môtéma indaa? Gôsaba ene. Te anye nôngaditédu n’ami mitémamie. 3T’ebandô namanôtendéa gameenda me gô gévo gésangô. Nameenda mbe: Nangaviga na gôndé anye mbe nôvikasôgéda me. Anye dôta gékônzé mabégôme manyô, tambô tsangakasôgédu, ivô nangaditédu te ditédu. Namenya mbe vakasôga me te n’anye muetso, tambô anye kasôgédani me. 4Ana aTétee n’ami nameena ti panda gôénôtendéa gésangôge géne. Na môtéma ômabaka na goma. Namadéa ti na keba diyekani gôndé anye. Kaka gôébévéda anye ivô te gôémenyeda anye ényônganéôe éndé na me gôndé anye.
One andé n’oési asingéô kokoo
5Gô éne émayanza mômôgôô nône na gô pie me namadagéô gô éangô. Ivô kaka me môtévo, te n’avo va gatse anyô nômadagéô te nane. 6Namamenya mbe vameesédu angô n’okabô ôvôni ava gatse anyô te vane. 7Ebégôe ékôdédô. Buedi mbe nôsinga angô kokoo na nômôsuméda môtéma kabaga môtémedi ôdita pepe na kabaga ôôba na tsoyi. 8T’ebandô nanôbeenda mbe bakani buedi n’edi gôétubéda étondoe éndé anye n’edi. 9Nôeni ebandôe ématendéa me anye mbe aaganani n’edi. Namatenda nane gôénôkanéga mbe mavooe nôngookô, vo nôsangookô mitôma miami. Tambô anye nôôkiô. 10Okô nôsingéé môma kokoo gô éne ééndi angô ébévani, me dôta namôsingéa kokoo. Vasingéa me môma kokoo te ngu n’ene ébévédi angô me, béyé mbe évôni, béyé mbe égege. Neendéa te anye gô ina aChrist. 11Tôsingé môma kokoo te kabaga Satan atôdiia. Tôsabômu minongomie mibuta Satan éyungéda wa n’anyô gôétôdiia.
Mikebanganô mimaba na Paul gô môsenge aTroas
12Vamatsiga me gô môsenge aTroas gôéékéda Tsangô Eamôsôba éaJésus‐Christ namakukuéô na Kumu asô n’anyô ômbaa wangô. Ombaa te oma amanyôngéô éôkô. 13Buéyé nane namakebangana ti kebangana gôsidenga me muana aTétee n’asô n’anyô Tite wangô. T’ebandô nameevana n’asi Troas gôékea na gô Macédoine.
Tôtseda môdudeo te gô ngudi yaJésus‐Christ
14Tôneegede Nzambé na géneega setso. Wa n’anyô tôka monyovo na Jésus‐Christ tôndéké kuka yetso gô géômbé sane amadiiani tôkea tôtsôkéa na mimbô gômatsedu môdudeo. Nzambé ayanza na wa n’anyô gôémenyeda ina aChrist gô tungu yetso. Inedi étsanzabana ga mbônga amôyombo amôsôba ôtsanzabana tungu yetso. 15Gô mitéma miasô n’anyô gôndéké mbônga éamôsôba te ngu n’ene émadeekeda Christ na gôndé Nzambé. Mbôngane éasô n’anyô ényônganéôni éaChrist éôkanô n’akasô muetso, ane andé gô nzéa éamonyo, n’ane andé gô nzéa éebungana. 16Gôndé ane andé gô nzéa éebungana, amenya mbe mbôngane te éowa, na éngeetsa angô ôwa. Gôndé ane andé gô nzéa éamonyo, asabômu mbe te mbôngane ényepeda monyo na éétsa monyo. Oô mônongo eébégô. ?One angoongôa édugéda ébégôe éne indaa? 17Esangadugédu n’oma ayekani eenda ôyôkô na Mane Mamavovo Nzambé. Ivô éngadugédu na we tômatômu na Nzambé tôndé ayanzi aChrist na tôtatéa gôégobeda inedi éteta we.
ទើបបានជ្រើសរើសហើយ៖
II Corinthiens 2: TSV
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Alliance Biblique du Gabon (Bible Society in Gabon) 1983
II Corinthiens 2
2
1T’ebandô tsiviga n’atsatsee na gôndé anye gô Corinthe kabaga nanôyungéda nôndé gôékônza anyene mabégôme manyô, na kabaga nanôétsa mitéma miditani na tsembô. 2?Okô me nanôôkédiô tsoyi, ône angakasôgéda me môtéma indaa? Gôsaba ene. Te anye nôngaditédu n’ami mitémamie. 3T’ebandô namanôtendéa gameenda me gô gévo gésangô. Nameenda mbe: Nangaviga na gôndé anye mbe nôvikasôgéda me. Anye dôta gékônzé mabégôme manyô, tambô tsangakasôgédu, ivô nangaditédu te ditédu. Namenya mbe vakasôga me te n’anye muetso, tambô anye kasôgédani me. 4Ana aTétee n’ami nameena ti panda gôénôtendéa gésangôge géne. Na môtéma ômabaka na goma. Namadéa ti na keba diyekani gôndé anye. Kaka gôébévéda anye ivô te gôémenyeda anye ényônganéôe éndé na me gôndé anye.
One andé n’oési asingéô kokoo
5Gô éne émayanza mômôgôô nône na gô pie me namadagéô gô éangô. Ivô kaka me môtévo, te n’avo va gatse anyô nômadagéô te nane. 6Namamenya mbe vameesédu angô n’okabô ôvôni ava gatse anyô te vane. 7Ebégôe ékôdédô. Buedi mbe nôsinga angô kokoo na nômôsuméda môtéma kabaga môtémedi ôdita pepe na kabaga ôôba na tsoyi. 8T’ebandô nanôbeenda mbe bakani buedi n’edi gôétubéda étondoe éndé anye n’edi. 9Nôeni ebandôe ématendéa me anye mbe aaganani n’edi. Namatenda nane gôénôkanéga mbe mavooe nôngookô, vo nôsangookô mitôma miami. Tambô anye nôôkiô. 10Okô nôsingéé môma kokoo gô éne ééndi angô ébévani, me dôta namôsingéa kokoo. Vasingéa me môma kokoo te ngu n’ene ébévédi angô me, béyé mbe évôni, béyé mbe égege. Neendéa te anye gô ina aChrist. 11Tôsingé môma kokoo te kabaga Satan atôdiia. Tôsabômu minongomie mibuta Satan éyungéda wa n’anyô gôétôdiia.
Mikebanganô mimaba na Paul gô môsenge aTroas
12Vamatsiga me gô môsenge aTroas gôéékéda Tsangô Eamôsôba éaJésus‐Christ namakukuéô na Kumu asô n’anyô ômbaa wangô. Ombaa te oma amanyôngéô éôkô. 13Buéyé nane namakebangana ti kebangana gôsidenga me muana aTétee n’asô n’anyô Tite wangô. T’ebandô nameevana n’asi Troas gôékea na gô Macédoine.
Tôtseda môdudeo te gô ngudi yaJésus‐Christ
14Tôneegede Nzambé na géneega setso. Wa n’anyô tôka monyovo na Jésus‐Christ tôndéké kuka yetso gô géômbé sane amadiiani tôkea tôtsôkéa na mimbô gômatsedu môdudeo. Nzambé ayanza na wa n’anyô gôémenyeda ina aChrist gô tungu yetso. Inedi étsanzabana ga mbônga amôyombo amôsôba ôtsanzabana tungu yetso. 15Gô mitéma miasô n’anyô gôndéké mbônga éamôsôba te ngu n’ene émadeekeda Christ na gôndé Nzambé. Mbôngane éasô n’anyô ényônganéôni éaChrist éôkanô n’akasô muetso, ane andé gô nzéa éamonyo, n’ane andé gô nzéa éebungana. 16Gôndé ane andé gô nzéa éebungana, amenya mbe mbôngane te éowa, na éngeetsa angô ôwa. Gôndé ane andé gô nzéa éamonyo, asabômu mbe te mbôngane ényepeda monyo na éétsa monyo. Oô mônongo eébégô. ?One angoongôa édugéda ébégôe éne indaa? 17Esangadugédu n’oma ayekani eenda ôyôkô na Mane Mamavovo Nzambé. Ivô éngadugédu na we tômatômu na Nzambé tôndé ayanzi aChrist na tôtatéa gôégobeda inedi éteta we.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Alliance Biblique du Gabon (Bible Society in Gabon) 1983