Hakaroma 1
1
Mbapira Kwawakaroma
(Luk 3:23–38)
1KwaPaghulusi dhina kutunda, ghomukareri waKristus Jesusi. Oyu hetha gha kare mupostoli, no ha mu pongora kukuyuvitha mbudhi dhaNyambi.
2Mbudhi dhino, dha pwire kuyuvitha pakutanga muYitjanga yokupongoka kwawaporofeta. 3Eyi yapwire kurikanyitha kwaMwanendi. Mughunu gha pwire kushamuruka mudiko dyaDavita. 4Pamuvumbukero wendi, gha mu neghedhire Mupepo ghoKupongoka eshi ye ne Mwana Nyambi oyu ghapwa kuyenga nongcamu. Aye ne Jesus Kristusi ghoHekudyetu. 5Papendi na wanine n̂eke eshi, ni kare nomupostoli, mukatji komarudhi ghawahayidena waheya. Mukuninga hanu wahe ha wane matawero padifumanekero dyoDina dyendi no kuwapa ghutawedhi ghokukwendi. 6Namwe momudi muno, no mwapwa kwitha karo eshi, mu kare waJesus Kristusi.
7No kwaWakaroma wahe wa gha haka Nyambi, nawa hapwa kwitha eshi, ha kare hendi.
Thin̂eke nothiraro yaNyambi Wihetu naHekudyetu Jesus Kristusi!
Matumero ghaPaghulusi, dirura no thirughana thendi
8Pakutanga na kutumera me Nyambi wange kukwenu mwahe, paJesus Kristusi. Yoyishi mukaye kokahe, yokumatawero ghenu hana kughamba. 9Nyambi yu na karera me nomutjima wange ghoghuhe, pakuyuvitha mbudhi dhaMwanendi, yomushupi wange thika di na kumuvurukanga mumandapero ghange. 10Kehe pa na kurapera, na kukumbera kwaNyambi eshi ngwa Ye ne kukona kuniroghithera kumahimeno ghendi, nako dhokukona kuna mu dhingura. 11Ame kuna kumurura kumumona mwe. Yoyishi na haka kumupa thitapa thomudhimu, thi kone kumutanaritha. 12Ame kuna kuninga eshi, ngeshi mbo niye kukwenu, no pa kututjokedha makupakerero ghomatawero. Ame papenu namwe papange.
13Na haka me mu dimuke mwayendhange. Eshi na hima kumudhingura kehe pano. Ene kate pano napwa kushinga. Na hima kukongwedha mukesho kukwenu, thika di na kongwedha kwawahayidena hamweya. 14Ame nothirughana kwaWahirika endi kadi kwaWahirika, kwawakakuyandhuruka no kwawathuta. 15Kutunda po, na rumbera eshi ni kone karo kumuyuvitha muRoma mbudhi dhodhiwa.
16Mbadi na kufa honyi kumbudhi dhodhiwa. Yoyishi dhongcamu dhaNyambi, mukughamwena yomuhe ghokutawa. Pakutanga ne Hajuda, karo ngambi yu gha dhira kukara Mujuda. 17Mumbudhi dhodhiwa, mwa tunda shemwa yihokoka eshi, ghuhunga ghu gha tapa Nyambi, thothinu thokutanga no thoghuhura ghomatawero. Thika di yapwa kutjanga eshi: “Oyu gha wanine pamatawero ghuhunga, mbo ghana para.”
Diharwero no mahumbithero
18Ghupata waNyambi, gha ghuhokora kutunda kudiwiru ghu tambe kuyikara yoghunyambi ghombango ghoghuhe, no kughuyi wawanu awa hana kuyereka kupetha ghushemwa, pamurandu ghoghuyi wawo. 19Ethi gha kona kudimuka munu kwaNyambi, tha kara kare mumwawo. Yoyishi Nyambi gha yi wa pakire. 20Kutunda pamavarekero ghokaye, munu gha kone kutjwathana thiwana thirughana thaNyambi, eshi ngcamu dhendi dha kara kuroruhe no Aye ne yoNyambi ghoshemwa. Ngambi kenge ya kara po yinu yokudhira kumona munu. Kwawanu wa kukwawo ne mbadiko mathigherero. 21Yoyishi, ngambi kenge ha mu dimuka Nyambi, mbadi ha mu fumaneka eshi Nyambi no mbadi ha mu tumeranga. Muyighayara yawo, mbadipo thi ha wanine po. No mughuyero wawo, ha wererire mumakokore. 22Awo ha kunegha yira hanya‐nyami. Nane hathuta. 23Mukufumaneka Nyambi shihuru, mwa yipirwera kuyitjwandjo yokupitura munu ghokudhongonoka, ngambi yira yinyunyi no yiyama endi yiyoka.
24Yo gha tapera Nyambi mumitjima dhawo, dhokupira ghukushuki yirumbera, eshi yi dhire kufumaneka yirama yawo hathinda. 25Eyi ne yo yawatjidhithire ghushemwa waNyambi no kughupirura kumbango. Awo ha karera no kufumaneka thivareka mudyango dyaMuvareki. Oku sho di yende difumanekero kuroruheya. Amen.
26Yo gha tapera Nyambi mumitjima dhawo yitokota yoyikuru. Hakamadi wawo ha yi nyathire yikara yi ya karire po, no ha pirurire nawo yikara yapo. 27Kemo dyo ya wa yedhahgurire nawo harume yikaramango yi, namukamadi, no ha pyaghanine kuyirumbera. Harume, ha tendire yoyiyi kwawayendhawo. No yawa reterire mahumbithero ghomakuru, ghokumayongarero ghawo hathinda. 28No yoyishi mbadi ha kudhekerire mukudimuka Nyambi, yo ghawatapa kuyighayara yawo yokupiraghuka eshi ha tende eyi ya dhira kurikanya. 29Awo ne ha kara yofotji mumaghuyi ghomahe no mughuyi, kukununeka, mudifurumeko, ha yara difupa, ghupaghi, mvo mbango no ghupata ghodishanga. Hahothi, 30ha pata, ha dhimba Nyambi, hakadihuna, ha pira ghutawedhi, makununeko, hakakughayarera ghupata hawihawo nawanyokwawo, no kupira ghutawedhi kukwawo. 31Ha pira maghano, hashikurupera, ha pira ruhakitho, hakanyinya. 32Awo ha dimuka yinu yaNyambi thiwana eshi, kehe yu ghokutenda thinu thokemo, ghapwa kutetera kukufa. Ne mbadi ha yi kumithamo yi. Nawo ne ha kugha karo ngeshi ku hana kuyitenda hamweya.
ទើបបានជ្រើសរើសហើយ៖
Hakaroma 1: MHW1986
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Mbunga dhoBayibili dhaNamibia (Bible Society of Namibia) 1986
Hakaroma 1
1
Mbapira Kwawakaroma
(Luk 3:23–38)
1KwaPaghulusi dhina kutunda, ghomukareri waKristus Jesusi. Oyu hetha gha kare mupostoli, no ha mu pongora kukuyuvitha mbudhi dhaNyambi.
2Mbudhi dhino, dha pwire kuyuvitha pakutanga muYitjanga yokupongoka kwawaporofeta. 3Eyi yapwire kurikanyitha kwaMwanendi. Mughunu gha pwire kushamuruka mudiko dyaDavita. 4Pamuvumbukero wendi, gha mu neghedhire Mupepo ghoKupongoka eshi ye ne Mwana Nyambi oyu ghapwa kuyenga nongcamu. Aye ne Jesus Kristusi ghoHekudyetu. 5Papendi na wanine n̂eke eshi, ni kare nomupostoli, mukatji komarudhi ghawahayidena waheya. Mukuninga hanu wahe ha wane matawero padifumanekero dyoDina dyendi no kuwapa ghutawedhi ghokukwendi. 6Namwe momudi muno, no mwapwa kwitha karo eshi, mu kare waJesus Kristusi.
7No kwaWakaroma wahe wa gha haka Nyambi, nawa hapwa kwitha eshi, ha kare hendi.
Thin̂eke nothiraro yaNyambi Wihetu naHekudyetu Jesus Kristusi!
Matumero ghaPaghulusi, dirura no thirughana thendi
8Pakutanga na kutumera me Nyambi wange kukwenu mwahe, paJesus Kristusi. Yoyishi mukaye kokahe, yokumatawero ghenu hana kughamba. 9Nyambi yu na karera me nomutjima wange ghoghuhe, pakuyuvitha mbudhi dhaMwanendi, yomushupi wange thika di na kumuvurukanga mumandapero ghange. 10Kehe pa na kurapera, na kukumbera kwaNyambi eshi ngwa Ye ne kukona kuniroghithera kumahimeno ghendi, nako dhokukona kuna mu dhingura. 11Ame kuna kumurura kumumona mwe. Yoyishi na haka kumupa thitapa thomudhimu, thi kone kumutanaritha. 12Ame kuna kuninga eshi, ngeshi mbo niye kukwenu, no pa kututjokedha makupakerero ghomatawero. Ame papenu namwe papange.
13Na haka me mu dimuke mwayendhange. Eshi na hima kumudhingura kehe pano. Ene kate pano napwa kushinga. Na hima kukongwedha mukesho kukwenu, thika di na kongwedha kwawahayidena hamweya. 14Ame nothirughana kwaWahirika endi kadi kwaWahirika, kwawakakuyandhuruka no kwawathuta. 15Kutunda po, na rumbera eshi ni kone karo kumuyuvitha muRoma mbudhi dhodhiwa.
16Mbadi na kufa honyi kumbudhi dhodhiwa. Yoyishi dhongcamu dhaNyambi, mukughamwena yomuhe ghokutawa. Pakutanga ne Hajuda, karo ngambi yu gha dhira kukara Mujuda. 17Mumbudhi dhodhiwa, mwa tunda shemwa yihokoka eshi, ghuhunga ghu gha tapa Nyambi, thothinu thokutanga no thoghuhura ghomatawero. Thika di yapwa kutjanga eshi: “Oyu gha wanine pamatawero ghuhunga, mbo ghana para.”
Diharwero no mahumbithero
18Ghupata waNyambi, gha ghuhokora kutunda kudiwiru ghu tambe kuyikara yoghunyambi ghombango ghoghuhe, no kughuyi wawanu awa hana kuyereka kupetha ghushemwa, pamurandu ghoghuyi wawo. 19Ethi gha kona kudimuka munu kwaNyambi, tha kara kare mumwawo. Yoyishi Nyambi gha yi wa pakire. 20Kutunda pamavarekero ghokaye, munu gha kone kutjwathana thiwana thirughana thaNyambi, eshi ngcamu dhendi dha kara kuroruhe no Aye ne yoNyambi ghoshemwa. Ngambi kenge ya kara po yinu yokudhira kumona munu. Kwawanu wa kukwawo ne mbadiko mathigherero. 21Yoyishi, ngambi kenge ha mu dimuka Nyambi, mbadi ha mu fumaneka eshi Nyambi no mbadi ha mu tumeranga. Muyighayara yawo, mbadipo thi ha wanine po. No mughuyero wawo, ha wererire mumakokore. 22Awo ha kunegha yira hanya‐nyami. Nane hathuta. 23Mukufumaneka Nyambi shihuru, mwa yipirwera kuyitjwandjo yokupitura munu ghokudhongonoka, ngambi yira yinyunyi no yiyama endi yiyoka.
24Yo gha tapera Nyambi mumitjima dhawo, dhokupira ghukushuki yirumbera, eshi yi dhire kufumaneka yirama yawo hathinda. 25Eyi ne yo yawatjidhithire ghushemwa waNyambi no kughupirura kumbango. Awo ha karera no kufumaneka thivareka mudyango dyaMuvareki. Oku sho di yende difumanekero kuroruheya. Amen.
26Yo gha tapera Nyambi mumitjima dhawo yitokota yoyikuru. Hakamadi wawo ha yi nyathire yikara yi ya karire po, no ha pirurire nawo yikara yapo. 27Kemo dyo ya wa yedhahgurire nawo harume yikaramango yi, namukamadi, no ha pyaghanine kuyirumbera. Harume, ha tendire yoyiyi kwawayendhawo. No yawa reterire mahumbithero ghomakuru, ghokumayongarero ghawo hathinda. 28No yoyishi mbadi ha kudhekerire mukudimuka Nyambi, yo ghawatapa kuyighayara yawo yokupiraghuka eshi ha tende eyi ya dhira kurikanya. 29Awo ne ha kara yofotji mumaghuyi ghomahe no mughuyi, kukununeka, mudifurumeko, ha yara difupa, ghupaghi, mvo mbango no ghupata ghodishanga. Hahothi, 30ha pata, ha dhimba Nyambi, hakadihuna, ha pira ghutawedhi, makununeko, hakakughayarera ghupata hawihawo nawanyokwawo, no kupira ghutawedhi kukwawo. 31Ha pira maghano, hashikurupera, ha pira ruhakitho, hakanyinya. 32Awo ha dimuka yinu yaNyambi thiwana eshi, kehe yu ghokutenda thinu thokemo, ghapwa kutetera kukufa. Ne mbadi ha yi kumithamo yi. Nawo ne ha kugha karo ngeshi ku hana kuyitenda hamweya.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Mbunga dhoBayibili dhaNamibia (Bible Society of Namibia) 1986