Marcu 11
11
Intrarea al Isus tu Ierusalim
1Tora cãndu s-apruchearã di Ierusalem, cãtrã Betfaghe sh-Betania, ningã Muntili a Masnjilor, Isusul pitricu doi di ucenitsilji a lui, 2dzãcãnda: “Imnats tu hoara di nãintea a-voastrã, sh-macãt s-intrats aclo, va s-aflats un gumãric ligat, tsi vãrã nu lji-ari ncãlicat. Dizligats-lu sh-adutsets-lu la mini. 3Sh-macã vãrã vã-dzãtsi: ‘Cãtse ma fãtsets ashã?’, apãndisits-lji: ‘L-hãrzãeashti Domnul. Elu va lu-toarnã trãoarã aoa.’” 4Elji s-dusirã shi aflarã gumãriclu ligat aproapi di unã ushã, pri cali sh-u-dizligarã. 5Niscãntsã di atselji tsi eara aclo lã dzãsirã a lor: “Tsi fãtsets? Cãtse dizligats gumãriclu?” 6Aeshtã l-apãndisirã ashã cum lã avea dzãsã Isusul sh-elji lji alãsarã s-fugã. 7Atumtsea lji-adusirã al Isus gumãriclu, bãgarã pri supru mantolul a lor sh-elu shidzu pristi nãsu 8Multsã oaminji ashtirna stranjili a lor pri cali sh-alantsãlji tãljea dedzi di ponji sh-li arca pri cali. 9Sh-cum atselji tsi nidzea nãinti, sh-atselji tsi yinea dupã Isusul, aurla sh-dzãtsea:
“Hosana!#11:9 Hosana-vrea s-dzãc, Alãvdari a Dumnidzãului.
Ghinicuvãntat easti atsel tsi yini tu numa a Domnului!
10 Ghinicuvãntat easti amirãriljea al David, tatãl a nostru tsi yini tu numa a Domnului.
Hosana tu locurili multi analti!”
11Ashã intrã Isusul tu Ieruzalem sh-tu templu. Sh-dupã tsi vidzu ghini itsido, bãgã oarã cã eara amãnat, ishi deadun cu doispridzatsilji cãtrã Betania.
Hiclu Uscat
12Alantã dzuã, cãndu ishirã di Betania elu avea foami. 13Sh-vidzãnda di diparti un hic tsi avea frãndzi, elu s-dusi di videari nacã putea s-afla tsiva aclo. Ma cãndu s-apruche nu aflã tsiva, dicãt mash frãndzi, cã nu eara chirolu a hitsilor. 14Sh-Isusul lji gri a hiclui, dzãcãnda: “Vãrã s-nu mãcã pute frut di la tini.” Sh-ucenitsilji a lui lu-avdzãrã.
Cãtãrisirea a Templui
15Ashã agiumsirã tu Ieruzalem. Isusul dupã tsi intrã tu templu, apãrnji s-lji aĝuneascã atselji tsi vindea sh-acumpãra nãuntru tu templu sh-li arãsturnã measili a alãxitorilor di pãradzi shi scamnili a vinditorilor di purunghi. 16Sh-nu alãsa vãrã tsi s-purta lucri prit templu. 17Sh-lã nvitsa, dzãcãnda: “Vahi nu easti scriatã: ‘Casa a mea va s-acljeamã casa a rugãciuniljei di tuti natsiunili’? Voi, u-avets adratã ca unã pishtireauã di furi!” 18Tora scriblji sh-mãrilji a preftsãlor cãndu li avdzãrã aesti sboari cãfta cã cum s-lu vãtãma, ma avea fricã di nãsu, cã tutã multsãmea eara ciudisit di nvitsãtura a lui. 19Cãndu s-featsi searã, Isusul ishi nafoarã di cãsãbã.
Pistipsirea Alihioasã
20Tu alantã dzuã dimineatsa, tricãnda vidzurã cã hiclu eara uscat dit arãdãtsinã. 21Sh-Petrul adusi a-minti shi lj-dzãsi: “Nvitsãtore, ia, hiclu tsi tini blãstimash easti uscat.” 22Sh-Isusul apãndisinda lã dzãsi a lor: “Avets pistipsirea al Dumnidzãu! 23Dealihea vã-dzãc, macã vãrã va lji dzãc aishtui munti: ‘Scolã-ti shi arucã-ti tu amari’, sh-nu va aibã shubei tu inima a lui, ma va s-pistipseascã cã atsea tsi ma dzãtsi va s-facã, itsido va s-lji si-adarã. 24Trã atsea ma vã dzãc cã tuti atseali tsi voi cãftats rugãnda, pistipsits cã va li-loats sh-va-vã si da a voauã. 25Sh-cãndu ahurhits s-vã rugats, macã avets tsiva contra a vãrui, ljirtats-lu tsi sh-Tatãl a vostru tsi easti tu tseruri, s-vã ljeartã amãrtiili a voastri. 26[Macã voi nu ljirtats, nitsi Tatãl a vostru tsi easti tu tseruri, nu va-s-vã ljeartã amãrtiili a voastri.]”#11:26 Atselu stih nu s-aflã tu alti veaclji manuscrituri.
Ntribarea a Fariseilor
27Deapoea elji vinirã nãpoi tu Ierusalem, sh-cãndu elu imna prit templu, mãrlji a preftsãlor, scriblji, sh-aushlji s-apruchearã, 28sh-lji dzãsirã: “Cu tsi puteari li fats tini aesti lucri? Cai ts-u deadi aestã puteari tsi s-li fats aesti lucri?” 29Sh-Isusul apãndisinda lã dzãsi a lor: “Sh-mini va vã fac un ntribari. Apãndisits-nji sh-mini va vã-dzãc cã cu tsi puteari li fac aesti lucri. 30Pãtidzarea a Ioanului eara dit tser ama di la oaminji? Apãndisits-nji.” 31Elji ahurhirã s-minduea namisa di nãshi: “Ma s-dzãtsem ‘dit tser’, elu va s-dzãc: ‘Atumtsea cãtse voi nu lji-pistipsitã?’ 32Ma s-lji dzãtsem ‘di la oaminjili…’” (elji avea fricã di populu, cã tuts dzãtsea cã Ioanlu easti dealihea un prufit). 33Trã atsea apãndisinda, lji dzãsirã al Isus: “Nu shtim.” Sh-Isusul apãndisinda, lã dzãsi a lor: “Nitsi mini nu ma vã-dzãc cã cu tsi puteari li fac aesti lucri.”
ទើបបានជ្រើសរើសហើយ៖
Marcu 11: BLRR
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល