1 Akorinti 12
12
1LOMBA, akwasu, sinupangwa kuti muŵe ŵosaziŵa vya mzimu. 2Muziŵa kuti apo pemwenze a Mitundu ya kunja mwenzouliwa ku tulango tosalaŵira, umo monse mmwenzotanguliwira. 3Tetyo numziŵisyani kuti paliye muntu akalaŵira mwa Mzimu wa Mlungu akuti, Yesu ni woshamikiwa; soti paliye muntu angati, Yesu ni Asikuru, sembe mwa Mzimu Mtuŵa nimo.
4Lomba alipo mapatukano a vila vyopelekewa vyabule, sembe Mzimu ni umo na umo. 5Soti alipo mapatukano a mautumiki, na Asikuru umo na umo. 6Soti alipo mapatukano a vila vyochitiwa, sembe Mlungu ni umo na umo, opotola vyonse mu ŵonse. 7Sembe ku ŵonse kupewa umo umo maŵonekesyo a pasweta a Mzimu, akuti ashukemo. 8Pakuti kwa umo kupewa mwa Mzimu lizu la mano; ku muyake lizu loziŵa kwa mlingo wa Mzimu wamene ula; 9ku muyake chizomerezyo, mwa Mzimu wamene ula; ku muyake vyawanzi vyopolesya, mwa Mzimu umo; 10ku muyake vyochitila vyampamvu; ku muyake kuŵirizya; ku muyake kupatula mizimu; ku muyake vilaŵiro vya mtundumtundu; ku muyake kalongosolewe ka vilaŵiro: 11sembe ivi vyonse ni vyakuchita Mzimu umo wamene ula, kuyaŵira ku muntu ali wonse umo umo nga ni mwakupangwila.
12Pakuti umo muŵili muulili umo na kuŵa na vizo vinyinji, na vizo vyonse vya mmuŵili pavini vinyinji mvilili muŵili umo, tetyo na Kristo naye. 13Pakuti mwa Mzimu umo tonse ni mtibatiziwa mmuŵili umo, kano Ayuda kano Ahellene, kano alanda kano ŵanaaŵene; nase tonse timwenshewa Mzimu umo. 14Pakuti muŵili nte chizo chimo, sembe vinyinji. 15Kati kwendo kukati, Pinisali kwanja sinili wa mmuŵili, kansi nte kwa mmuŵili? 16Kati kwatu kukati, Pinisali liso sinili wa mmuŵili, kansi nte kwa mmuŵili? 17Ungati muŵili wamsuma ni liso, nga kumvwa kungaŵe kuni? Ungati wamsuma ni kumvwa, nga kununsha kungaŵe kuni? 18Sembe lomba Mlungu eviika vizo chimo chimo mmuŵili, nga ni umo mwechipangwira. 19Angati vyonse ni chizo chimo, nga muŵili ungaŵe kuni? 20Sembe lomba vizo ni vinyinji, sembe muŵili ni umo. 21Liso silingati ku kwanja, Sinukuzingwirako: na mutu soti sungati ku mendo, Sinumzingwirakoni. 22Yai mwandi, ngakongako vizo ivyo vya mmuŵili vuŵoneka kuŵa vyolenda ni vyosakika: 23na vya mmuŵili vutulinga ni vyopuŵa ni vituchinzika kwene kantu, na vyosawamila vyasu ni vyowamila kukuru; 24sembe vyowamila vyasu sivusoŵelwa. Lomba Mlungu epamikizya vya mmuŵili, nochipa mchinzi ukuru chisoŵelwa, 25pangaŵe malekano pa muŵili, sembe kuti vizo vikungulilane chimo na chiyake kolingana. 26Chizo chimo chikatamana, vizo vyonse vutamana nacho pamo; na chizo chimo chikalemekewa, vizo vyonse vusekelela nacho pamo. 27Lomba mwe nimwe muŵili wa Kristo, namwe umo umo nimwe vizo vya wine. 28Naye Mlungu eikamo mu eklezya yake, potatika apostolo, pakaŵiri aŵirizi, pakatatu asambizi, pavuli pake vyampamvu, nipo vyawanzi vyopolesya, vyoyavya, vyoyanjanisya, vilaŵiro vya mtundumtundu. 29Kansi ŵonse napostolo? ŵonse naŵirizi? ŵonse nasambizi? ŵonse ni ŵochita vyampamvu? 30kansi ŵonse ana vyawanzi vyopolesya? ŵonse olaŵira na vilaŵiro? ŵonse olongosola? 31Lomba mosakasaka vyabule vikuru. Na njira iweme ngako inumlatirani.
ទើបបានជ្រើសរើសហើយ៖
1 Akorinti 12: MA23
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Mapangano Alomba © Bible Society of Zambia, 1923.
1 Akorinti 12
12
1LOMBA, akwasu, sinupangwa kuti muŵe ŵosaziŵa vya mzimu. 2Muziŵa kuti apo pemwenze a Mitundu ya kunja mwenzouliwa ku tulango tosalaŵira, umo monse mmwenzotanguliwira. 3Tetyo numziŵisyani kuti paliye muntu akalaŵira mwa Mzimu wa Mlungu akuti, Yesu ni woshamikiwa; soti paliye muntu angati, Yesu ni Asikuru, sembe mwa Mzimu Mtuŵa nimo.
4Lomba alipo mapatukano a vila vyopelekewa vyabule, sembe Mzimu ni umo na umo. 5Soti alipo mapatukano a mautumiki, na Asikuru umo na umo. 6Soti alipo mapatukano a vila vyochitiwa, sembe Mlungu ni umo na umo, opotola vyonse mu ŵonse. 7Sembe ku ŵonse kupewa umo umo maŵonekesyo a pasweta a Mzimu, akuti ashukemo. 8Pakuti kwa umo kupewa mwa Mzimu lizu la mano; ku muyake lizu loziŵa kwa mlingo wa Mzimu wamene ula; 9ku muyake chizomerezyo, mwa Mzimu wamene ula; ku muyake vyawanzi vyopolesya, mwa Mzimu umo; 10ku muyake vyochitila vyampamvu; ku muyake kuŵirizya; ku muyake kupatula mizimu; ku muyake vilaŵiro vya mtundumtundu; ku muyake kalongosolewe ka vilaŵiro: 11sembe ivi vyonse ni vyakuchita Mzimu umo wamene ula, kuyaŵira ku muntu ali wonse umo umo nga ni mwakupangwila.
12Pakuti umo muŵili muulili umo na kuŵa na vizo vinyinji, na vizo vyonse vya mmuŵili pavini vinyinji mvilili muŵili umo, tetyo na Kristo naye. 13Pakuti mwa Mzimu umo tonse ni mtibatiziwa mmuŵili umo, kano Ayuda kano Ahellene, kano alanda kano ŵanaaŵene; nase tonse timwenshewa Mzimu umo. 14Pakuti muŵili nte chizo chimo, sembe vinyinji. 15Kati kwendo kukati, Pinisali kwanja sinili wa mmuŵili, kansi nte kwa mmuŵili? 16Kati kwatu kukati, Pinisali liso sinili wa mmuŵili, kansi nte kwa mmuŵili? 17Ungati muŵili wamsuma ni liso, nga kumvwa kungaŵe kuni? Ungati wamsuma ni kumvwa, nga kununsha kungaŵe kuni? 18Sembe lomba Mlungu eviika vizo chimo chimo mmuŵili, nga ni umo mwechipangwira. 19Angati vyonse ni chizo chimo, nga muŵili ungaŵe kuni? 20Sembe lomba vizo ni vinyinji, sembe muŵili ni umo. 21Liso silingati ku kwanja, Sinukuzingwirako: na mutu soti sungati ku mendo, Sinumzingwirakoni. 22Yai mwandi, ngakongako vizo ivyo vya mmuŵili vuŵoneka kuŵa vyolenda ni vyosakika: 23na vya mmuŵili vutulinga ni vyopuŵa ni vituchinzika kwene kantu, na vyosawamila vyasu ni vyowamila kukuru; 24sembe vyowamila vyasu sivusoŵelwa. Lomba Mlungu epamikizya vya mmuŵili, nochipa mchinzi ukuru chisoŵelwa, 25pangaŵe malekano pa muŵili, sembe kuti vizo vikungulilane chimo na chiyake kolingana. 26Chizo chimo chikatamana, vizo vyonse vutamana nacho pamo; na chizo chimo chikalemekewa, vizo vyonse vusekelela nacho pamo. 27Lomba mwe nimwe muŵili wa Kristo, namwe umo umo nimwe vizo vya wine. 28Naye Mlungu eikamo mu eklezya yake, potatika apostolo, pakaŵiri aŵirizi, pakatatu asambizi, pavuli pake vyampamvu, nipo vyawanzi vyopolesya, vyoyavya, vyoyanjanisya, vilaŵiro vya mtundumtundu. 29Kansi ŵonse napostolo? ŵonse naŵirizi? ŵonse nasambizi? ŵonse ni ŵochita vyampamvu? 30kansi ŵonse ana vyawanzi vyopolesya? ŵonse olaŵira na vilaŵiro? ŵonse olongosola? 31Lomba mosakasaka vyabule vikuru. Na njira iweme ngako inumlatirani.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Mapangano Alomba © Bible Society of Zambia, 1923.