1 Timothy 5
5
CHAPTIR FYVE.
To care weel for the weedows; and lat‐na them lack wha toil in the Word!
1Censure‐na an Elder, but entreat him as a faither; the youngʼer men like brithers:
2Elderly weemen as mithers; youngʼer weemen as sisters, in aʼ purity.
3Honor weedows that are true weedows.
4But gin ony weedow has bairns or oes, lat them first learn to schaw reverence to their ain folk, and to mak a return to their forbears: for this is weel‐pleasin to God.
5Noo she that is a #5:5 Warna aiblins the “weedows” in general, the discardit wives oʼ converted polygamists? and the “true weedows” thae whase husbands war deid?true weedow, and desolate, has putten her hope in God, and is gien gude tent to supplications and prayers nicht and day.
6But she that is gien her sel to pleasurs, is deid while she yet leeves.
7And thir things gie ye in chairge, that they may be wyteless.
8But gin ony ane has nae care for his ain, special for thae oʼ his ain hoosehauld, he is denyin the faith, and is waur nor an unbeliever!
9Lat a weedow be coontit‐in whan she comes to be nae less than saxty year; that has been ae manʼs wife;
10Weel‐attestit for her gude warks: gif she has brocht up bairns, gif she schawed hospitality, gif she weshʼt the sauntʼs feet, gif she helpit tae in distress, gif she gaed eftir aʼ gude warks.
11But youngʼer weedows tak‐na in! for whan they grow reestie again Christ, they wull desire mairriage.
12Haein as their condemnation, that their first faith they turned‐frae.
13And forby, they learn to be traikin, gaun aboot frae hoose to hoose; aye, and no traikers alane, but tell‐pyats and busybodies, speakin things that soudna be spoken.
14I desire, than, that the youngʼer weemen mairry, bear weans, guide the hoose, giean nae occasion for the adversary to reproach.
15For eʼen noo a wheen are gane agley eftir Sautan.
16Gin ony believin wumman has weedows, lat her be helpin them, and lat‐na the Kirk be burdenʼt; that it may help thae that are true weedows.
17Lat the Elders that bear rule weel be reckoned wordie oʼ dooble honor; special they wha toil sair in the word and teachin.
18For the Scriptur says, “A threshin‐ox ye sanna muzzle”; and, “Wordie the toiler oʼ his fee.”
19Again an elder enterteen ye nae chairge, except “Afore twa or thrie witnesses.”
20Thae wha are sinners, repruve ye iʼ the presence oʼ aʼ, that the lave may hae fear.
21I chairge ye, iʼ the sicht oʼ God, and Christ Jesus, and the weel‐lovʼd Angels, that ye tak tent oʼ thir things, wiʼ nae fore‐judgment; and doin naething for the sake oʼ inclination.
22Lay hauns in haste on nae man, nor hae ye airt nor pairt wiʼ the sins oʼ unco folk. Keep yersel pure!
23Drink nae mair watir only, but a drappie wine be ye takin, for yere stammackʼs sake, and yere aft illnesses.
24Some menʼs sins are openly seen, gaun on till judgment; and wiʼ some, they follow eftir:
25Iʼ the same mainner, gude warks are openly seen; and thae that are‐na sic, canna bide hidden.
ទើបបានជ្រើសរើសហើយ៖
1 Timothy 5: SCO1904
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Translated by Rev William Wye Smith. Published in Paisley, Scotland in 1904.