Fuɗɗoode 44
44
No Benyamin takkiraa guyka
1Ɓaawo majjum Yusufu wi'i kakkilanoowo wuro mum: Loowan himɓe ɓen alkamaari jaka no ɓe baawata ko roonii. Bittinanaa bo moy fu ceede mum der saakiya mum. 2Ettaa jarirgel am ŋel cardi, gattaa der saakiya miiragel maɓɓe pettel e ceede alkamaari makko. O waɗi hande no Yusufu bati mo.
3No weeti subaka, ɓe tannyaa, ɓe jawti e babbi maɓɓe. 4No ɓe burtii genni, diga ɓe boɗɗaaki, Yusufu wi'i kakkilanoowo wuro mum: Umma, hewtaa himɓe ɓen. To a hewtake ɓe, bi'aa ɓe: Men gaɗanii on ko wooɗi, go kalluɗum nun joɓoton men? 5Gam ume ko bujjoyɗon jarirgel ŋel joomiraawo am yarirta innabojam, den mum o yiita ko waroyta? On gaɗii ko halli. 6No o hewtii ɓe, o bati ɓe ka. 7Ɓe toontii mo ɓe bi'i: Joomiraawo, gam ume nun batataa iri kaa ɗon? Daɗey, men gaɗay iri ɗum ɗon menen maccuɓe maa. 8Menen wittinoyɓe ceede ɗe men tawunoo der saakiiji amen diga leydi Kanaana, noy men baawirta wujjugo cardi, ɗum bo kanŋeeri der suudu joomiraawo maa? 9To jarirgel ŋel tawaama e goɗɗo amen, joomum waree. Menen horiiɓe bo, men laatoo maccuɓe maa. 10O toontii ɓe o wi'i: Ka batuɗon e wooɗi. Amma mo to mum jarirgel ŋel tawaa, joomum nun laatotoo maccuɗo am, onon horiiɓe kooton. 11Ɗon maa ɗon, moy fu e maɓɓe jippini saakiya mum e leydi, yanti e firta ŋa. 12Kakkilanoowo wuro Yusufu on fuɗɗii e fumpitoo saakiiji maɓɓe. O fuɗɗirii diga mawɗo maɓɓe, o heennyitiri pettel maɓɓe. Ɗon nun o tawi jarirgel ŋel der saakiya Benyamin 13Ɗon nun ɓe jogii kolte maɓɓe ɓe cerkiti, go moy fu e maɓɓe roonini babba mum ɓe bitti der genni.
Yahuuda e sawrinana Benyamin
14Yahuuda e banniraaɓe mum yottii wuro Yusufu, foti o wurtaakino taw. Ɓe jiccii yeeso makko faa e leydi. 15Yusufu wi'i ɓe: Gam ume nun ko gaɗuɗon ɗum ɗon? On annaa, neɗɗo iri am waawan yi'ugo ko waroyta jaaŋo na? 16Yahuuda toontii wi'i: Moodibbo, kaye men batata men laaɓinira ko'e amen? Alla yi'ii, men laati nun woofuɓe. Men laatake maccuɓe maa, menen e to mo mum jarirgel ŋel tawaa. 17Yusufu wi'i: Alla haɗammi waɗugo iri ɗum ɗon. Mo to mum jarirgel ŋel tawaa, kanko nun laatotoo maccuɗo am, onon horiiɓe kan, kootee tawoon baaba mon e jam.
18Yahuuda ɓattii kade wi'i: Sawra joomiraawo am. Mi eelete nun, accu mi bata haala goota. Taa monnoram min maccuɗo maa, gam a laati nun hande Firawna. 19A ƴamiino men menen maccuɓe maa bi'uɗaa: Oon goodi baaba, naa bo miiraawo na? 20Men toontii maa men bi'i: Emen goodi baaba nayeejo, e miiraawo petto. Kanko nun baaba amen rimanaa e dottinnaaku mum. Mawniiko maayii. Kanko tan nun inniiko hororii. Go baaba amen e yiɗi mo sanne. 21Go bi'uɗaa men menen maccuɓe maa, men gaddanee mo ji'aa e gite maa. 22Men toontii maa men bi'i: Suka on waawataa yawtoygo ɗala baaba mum. Gam to o yawtoy o ɗali baabiiko, baaba on maayan. 23Go bi'uɗaa men, to men gadday miiragel amen, to men garu yeeso maa. 24No men kooti to baaba amen, men kolli mo ka batuɗaa men. 25No waɗi balɗe seɗɗa, baaba amen wi'i: Bittee, coodanon en nafa baa seɗɗa. 26Men bi'i mo: Men baawataa wittugo, to hinaa men jaadu nun e miiraawo amen, gam men baawataa yahugo yeeso gorko on to hinaa men jaadu nun e miiraawo amen on. 27Baaba amen wi'i men: Oon anni no sukaaɓe ɗiɗo nun debbo am Rahiilu rimanimmi. 28Mawɗo on kan wurtake wuro am, mii miila mareefu ladde nun nyaami mo, gam mi yi'itaaki mo kade faa hanne. 29To on ettanii am oo ɗo bo, go bone gom heɓi mo e laawol, on accan mi maaya gam sabbu biisere ɓerne der dottinnaaku am. 30Ɓerne baaba amen e takkii suka on sanne. Jooni, to men kootii, go men kootiday e makko, 31o maayan to o yi'ay mo. Den mum kan, e biisere ɓerne nun men accirta baaba amen maaya der dottinnaaku mum. 32Gam min batoowo ɗoo, mi hunanake baaba amen bi'umi, to mi wartiranay mo suka on, den kan mi woofanii mo faa e baadey. 33Jooni, mi eelete nun, accu mi jooɗoo jayri suka on, mi laatoo maccuɗo maa, den mum acca mo o hootida e mawniraaɓe makko. 34Noy kootiranmi to baaba amen, to mi hootiday e suka on? To Alla accu mi yi'a bone tawanne baaba am.
ទើបបានជ្រើសរើសហើយ៖
Fuɗɗoode 44: BFB
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Bible Fulfulde Bénin © SIM International 2015, 2024.
Fuɗɗoode 44
44
No Benyamin takkiraa guyka
1Ɓaawo majjum Yusufu wi'i kakkilanoowo wuro mum: Loowan himɓe ɓen alkamaari jaka no ɓe baawata ko roonii. Bittinanaa bo moy fu ceede mum der saakiya mum. 2Ettaa jarirgel am ŋel cardi, gattaa der saakiya miiragel maɓɓe pettel e ceede alkamaari makko. O waɗi hande no Yusufu bati mo.
3No weeti subaka, ɓe tannyaa, ɓe jawti e babbi maɓɓe. 4No ɓe burtii genni, diga ɓe boɗɗaaki, Yusufu wi'i kakkilanoowo wuro mum: Umma, hewtaa himɓe ɓen. To a hewtake ɓe, bi'aa ɓe: Men gaɗanii on ko wooɗi, go kalluɗum nun joɓoton men? 5Gam ume ko bujjoyɗon jarirgel ŋel joomiraawo am yarirta innabojam, den mum o yiita ko waroyta? On gaɗii ko halli. 6No o hewtii ɓe, o bati ɓe ka. 7Ɓe toontii mo ɓe bi'i: Joomiraawo, gam ume nun batataa iri kaa ɗon? Daɗey, men gaɗay iri ɗum ɗon menen maccuɓe maa. 8Menen wittinoyɓe ceede ɗe men tawunoo der saakiiji amen diga leydi Kanaana, noy men baawirta wujjugo cardi, ɗum bo kanŋeeri der suudu joomiraawo maa? 9To jarirgel ŋel tawaama e goɗɗo amen, joomum waree. Menen horiiɓe bo, men laatoo maccuɓe maa. 10O toontii ɓe o wi'i: Ka batuɗon e wooɗi. Amma mo to mum jarirgel ŋel tawaa, joomum nun laatotoo maccuɗo am, onon horiiɓe kooton. 11Ɗon maa ɗon, moy fu e maɓɓe jippini saakiya mum e leydi, yanti e firta ŋa. 12Kakkilanoowo wuro Yusufu on fuɗɗii e fumpitoo saakiiji maɓɓe. O fuɗɗirii diga mawɗo maɓɓe, o heennyitiri pettel maɓɓe. Ɗon nun o tawi jarirgel ŋel der saakiya Benyamin 13Ɗon nun ɓe jogii kolte maɓɓe ɓe cerkiti, go moy fu e maɓɓe roonini babba mum ɓe bitti der genni.
Yahuuda e sawrinana Benyamin
14Yahuuda e banniraaɓe mum yottii wuro Yusufu, foti o wurtaakino taw. Ɓe jiccii yeeso makko faa e leydi. 15Yusufu wi'i ɓe: Gam ume nun ko gaɗuɗon ɗum ɗon? On annaa, neɗɗo iri am waawan yi'ugo ko waroyta jaaŋo na? 16Yahuuda toontii wi'i: Moodibbo, kaye men batata men laaɓinira ko'e amen? Alla yi'ii, men laati nun woofuɓe. Men laatake maccuɓe maa, menen e to mo mum jarirgel ŋel tawaa. 17Yusufu wi'i: Alla haɗammi waɗugo iri ɗum ɗon. Mo to mum jarirgel ŋel tawaa, kanko nun laatotoo maccuɗo am, onon horiiɓe kan, kootee tawoon baaba mon e jam.
18Yahuuda ɓattii kade wi'i: Sawra joomiraawo am. Mi eelete nun, accu mi bata haala goota. Taa monnoram min maccuɗo maa, gam a laati nun hande Firawna. 19A ƴamiino men menen maccuɓe maa bi'uɗaa: Oon goodi baaba, naa bo miiraawo na? 20Men toontii maa men bi'i: Emen goodi baaba nayeejo, e miiraawo petto. Kanko nun baaba amen rimanaa e dottinnaaku mum. Mawniiko maayii. Kanko tan nun inniiko hororii. Go baaba amen e yiɗi mo sanne. 21Go bi'uɗaa men menen maccuɓe maa, men gaddanee mo ji'aa e gite maa. 22Men toontii maa men bi'i: Suka on waawataa yawtoygo ɗala baaba mum. Gam to o yawtoy o ɗali baabiiko, baaba on maayan. 23Go bi'uɗaa men, to men gadday miiragel amen, to men garu yeeso maa. 24No men kooti to baaba amen, men kolli mo ka batuɗaa men. 25No waɗi balɗe seɗɗa, baaba amen wi'i: Bittee, coodanon en nafa baa seɗɗa. 26Men bi'i mo: Men baawataa wittugo, to hinaa men jaadu nun e miiraawo amen, gam men baawataa yahugo yeeso gorko on to hinaa men jaadu nun e miiraawo amen on. 27Baaba amen wi'i men: Oon anni no sukaaɓe ɗiɗo nun debbo am Rahiilu rimanimmi. 28Mawɗo on kan wurtake wuro am, mii miila mareefu ladde nun nyaami mo, gam mi yi'itaaki mo kade faa hanne. 29To on ettanii am oo ɗo bo, go bone gom heɓi mo e laawol, on accan mi maaya gam sabbu biisere ɓerne der dottinnaaku am. 30Ɓerne baaba amen e takkii suka on sanne. Jooni, to men kootii, go men kootiday e makko, 31o maayan to o yi'ay mo. Den mum kan, e biisere ɓerne nun men accirta baaba amen maaya der dottinnaaku mum. 32Gam min batoowo ɗoo, mi hunanake baaba amen bi'umi, to mi wartiranay mo suka on, den kan mi woofanii mo faa e baadey. 33Jooni, mi eelete nun, accu mi jooɗoo jayri suka on, mi laatoo maccuɗo maa, den mum acca mo o hootida e mawniraaɓe makko. 34Noy kootiranmi to baaba amen, to mi hootiday e suka on? To Alla accu mi yi'a bone tawanne baaba am.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Bible Fulfulde Bénin © SIM International 2015, 2024.