Fuɗɗoode 43

43
Mawniraaɓe Yusufu wittidii e Benyamin faa leydi Misira
1Rafo e yaha e mawna der leydi Misira. 2No Yaakuubu e sukaaɓe mum nyaamdi nafa ka ɓe coodoynoo faa leydi Misira, o wi'i ɓe: Bittee faa Misira, coodanon en nafa baa seɗɗa. 3Yahuuda toontii mo wi'i: Gorko ardiiɗo leydi Misira on wagginii men wi'i: To on garee yeeso am, to hinaa on gaddu nun Benyamin miiragel mon. 4To non nun, to a nootake men jaada e makko, men jahan men coodanee nafa. 5To a salake bo, men jahataa. Gam gorko on wi'i men, to men garu yeeso mum, to hinaa men gaddu nun Benyamin 6Ɗ­on nun Yaakuubu, noddeteeɗo kade Isira'iila wi'i: Gam ume gaɗanɗon am kalluɗum ɗum ɗon, batuɗon gorko on no oon goodi kade miiraawo? 7Ɓe toontii ɓe bi'i: Gorko on ƴamu men nun ƴamitii no men laatii, e dimuɗo men, o wi'i bo baaba mon e wuuri faa hanne na? Oon goodi kade miiraawo goɗɗo na? Men toontii mo ko o ƴami men fu. Noy men annirta no o wi'an nun men gadda miiraawo amen?
8Yahuuda wi'i baaba mum Isira'iila: Accu mi yaada e miiraawo amen, gam to men maayu, menen e maaɗa, e himɓe men fu. 9Mi roonoto ko tawi mo fu, den mum, min nun ƴamataa mo. To mi wartiranay maa mo, kokkitin maa mi, mi woofii yeeso maa. 10Daaru, to men ɓooyayno, maa men jahiino faa laabi ɗiɗi men gartii.
11Isira'iila baaba maɓɓe wi'i: To non nun, ettee kujje feere feere booɗɗe ɗe leydi men ɗoo, ɗe walaa leydi Misira, jaaron kokkoron gorko on. Ettee ɗacce urooje, e jumuri, e ɓiɓɓe leɗɗe belɗe, e nebbam luttoojam, e wardiiji, jaaranon mo. 12Jogee ceede jaka ɗe coodirnoɗon de ɗiɗi, jogoɗon bo ceede ɗe tawunoɗen der saakiiji mon, gam waɗoto, ɓe jeggitin ɗe nun der ɗon. 13Ettee bo miiraawo mon, bitton to gorko on. 14Alla mo baawɗe fu acca gorko on yurumoo on, o yoofa Simeyon e Benyamin fu gartidon. Min kan, to haanu nun mi dulla sukaaɓe am, mi dulla.
Yusufu jonŋanii mawniraaɓe mum nafa
15Sukaaɓe ɓen etti dokke ɗe ɓe kokkoroyta Yusufu, e ceede ɗuuɗɗe, e Benyamin ɓe janti laawol, ɓe jahi leydi Misira. No ɓe jottii, ɓe jahi to Yusufu. 16No Yusufu yi'i Benyamin e maɓɓe, bati kakkilanoowo wuro mum, wi'i: Yaaru himɓe ɓee ɗo suudu am. Gam min e maɓɓe nun nyaamidinta hanne nyalooma. 17Gorko on waɗi hande no Yusufu wi'i mo, o yaari ɓe suudu. 18No ɓe jaaraa der suudu Yusufu, ɓe kuli, ɓe bi'i: Gam sabbu ceede ɗe ɓe gattannoo en der saakiiji men nun acci ɓe gaddi en ɗoo, gam ɓe nanŋa en e semme, enen e babbi men, ɓe laatina en maccuɓe maɓɓe. 19No ɓe jottii dammugal, ɓe ɓattii kakkilanoowo wuro Yusufu on, ɓe baddi mo. 20Ɓe bi'i: Moodibbo, accanaa men hakku, men gariino ɗoo arande gam coggu nafa. 21No men kootata, men jottii to men baalata, go men pirti saakiiji amen, men fu men tawi ceede ɗe men joɓunoo der saakiiji amen. ­Ɗ­e nani ɗo men bittinoy. 22Men jogoyke kade ceede goɗɗe gam soodugo nafa. Men annaa gattunooɗo ceede amen der saakiiji amen.
23Kakkilanoowo wuro Yusufu on toontii ɓe wi'i: Deƴƴitee, to on kulee, Alla mon, laatiiɗo Joomiraawo baaba mon nun hokkori on ɗe. Mi jaɓiino ceede mon. Go o wurtinanoy ɓe Simeyon.
24Gorko on naanni ɓe suudu Yusufu. O hokki ɓe diyam ɓe caƴƴi koyɗe maɓɓe. O hokki babbi maɓɓe bo fuɗo. 25Mawniraaɓe Yusufu siriyii dokke ɗe ɓe kokkorta Yusufu, gam ɓe bataanoma, no o waran nyalooma, ɓe nyaamida. 26No Yusufu warti, ɓe jiccii yeeso makko, ɓe kokki mo dokke ɗe ɓe gaddi. 27O ƴami ɓe to ɓee janɗi, o wi'i: Dottiijo mon mo batanɗo am on e yanɗi? Oo wuuri faa hanne na? 28Ɓe toontii mo ɓe bi'i: Baaba amen, maccuɗo maa e yanɗi. Oo wuuri bo faa hanne. Ɓe jiccanii mo kade. 29Yusufu ɓanti gite mum, yi'i Benyamin miiraawo mum, mo ɓe kawri inna. Go o wi'i: Miiraawo mon mo batannoɗon am on nun ɗoo hinaa? O wi'i kade: Alla barkiɗine suka am. 30Yusufu ummii, yawɗii naatugo der gaɗa. O wulli gam sabbu yurumeene minnyiiko waɗii mo sanne. 31No o wullidi, o sulmii, o wurtoy, o nyoƴƴi ɓerne makko gam to o wullu yeeso maɓɓe. Go o wi'i nafa waddee. 32Yusufu jooɗii feere mum, mawniraaɓe makko bo jooɗii feere mum, Misirankeeɓe waruɓe gam nyaamidingo e makko bo feere mum. Gam Misirankeeɓe nyaamidintaa e Iburaninkeeɓe, gam eɗum laatii nyidduɗum yeeso Misirankeeɓe. 33Mawniraaɓe Yusufu jonnaa yeeso mum hande no ɓe ɓurontiriri. Ɓe jooɗii diga ɓuruɗo duuɓi faa jaccuɗo duuɓi. Ɗ­um haaynii ɓe, ɓe janti ɓee daarontira. ­ 34Ɓe fu ɓe nokkanaa nafa gonuka yeeso Yusufu. Amma nafa ka Benyamin nokkanaa e ɓuri ka horiiɓe fu de joy. Ɓe nyaami e Yusufu, ɓe jari e belɗum ɓerne.

ទើបបានជ្រើសរើសហើយ៖

Fuɗɗoode 43: BFB

គំនូស​ចំណាំ

ចែក​រំលែក

ចម្លង

None

ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល