2 Ilkorinto 6
6
1Ore kira ilaisiaayiak te nebo o Nkai, kisai intae eming'amaa empiris e Nkai pesho; 2#Isa 49.8amu ejo ninye,
“Ore te nkata namunyak aatoning'o nanu iyie;
ore te nkolong e njeunoto naatareto nanu iyie.”
Ng'ura, Taata ina kata namunyak; taata ina olong e njeunoto.
3Mikiaata iyiook olkob likipikaki hoo likae tung'ani, pee metumi ake olopik esiaai ang entiyoto. 4Kira ilaisiaayiak le Nkai ooitobiraa ate to mbaa pooki etiu enatiu: niking'iri tiatua enkinyala, too ngolikinot o too nkirrikinot, 5#Iat 16.23o too ooshot o too o larrabali tiatua olorere, too nkiaasin naagol, nikitoni o mekenyu, nikiaata esumash. 6Ore mikiaata ntiyot, naa eikiaata eyiolounoto, o eng'iriata o lng'ur; te Nkiyang'et Sinyati, o te nyorrata. 7Kilikioo esipata te ngolon e Nkai; too masaa e supatisho te tatene o te kedianye, 8eyanyiti iyiook o meyanyiti; einorri iyiook o meinorri. Keitaai iyiook ilalejak, kake kira asipak; 9netiu anaa aimeyioloi iyiook neyioloi sii oleng; kiye, nikitiu anaa looena, naa eikinchu iyiook, kake eitu eari iyiook matuata; 10neinyalitai iyiook, niking'ida anaa ake; kira aisinak, kake kintaa iyiook ilkumok karsisi; kitiu anaa ilemeeta toki hoo nikiaata pooki toki.
11Lo Korinto, eikirorie intae aabaraki, newang iltauja lang naleng; 12mikijo maibooi intae, intae ooning nimbooyoyo ate. 13Entawang'a sii taata ltauja linyi. Airorie intae anaa olpayian oirorie inkera enyena.
Enkikoo te nkaraki mbaa oo ltung'ana lemeyiolo Enkai
14Emishulare aaku nabo o lelo lemeiruk. Ai ti aji eshula supati o ntorrok? Kaa shula eeta ewang'an o enaimin? 15Kening'o aekata Kristo o Belial? Kainyoo eng'ar oloiruko o leitu eiruk? 16#1 Ilkor 3.16; 6.19; Ilaw 26.12; Esek 37.27Kainyoo eng'arie enkaji e Nkai enoo nkitanyaanyukot naaitaai inkaitin? Amu kira iyiook enkaji e Nkai naishu. Anaa enatejo Enkai,
“Kamany atua ninche nairiamariyie ninche;
naaku Enkai enye, neaku ninche iltung'ana laainei.
17 #
Isa 52.11
Ore te nkaraki ina, entupuku tiatua ninche,
entoorunye entung'uai ninche, Olaitoriani ojo.
Emiseyie entoki naiduruk, naa kang'amu nanu intae,
18 #
2 Sam 7.14; 1 Int 17.13; Isa 43.6; Yer 31.9 naaku nanu Papa linyi niaakuku intae ilayiok o ntoyie
aainei, Olaitoriani Magilani ojo.”
ទើបបានជ្រើសរើសហើយ៖
2 Ilkorinto 6: BIBLIAPRO
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©Bible Society of Kenya, 2018