Rasulan De AʼAmal 10
10
1Qaisaríá vichch Kurnelius karke ikk ádmí sí, jihṛá. Itáliání karke ikk palṭan dá subadár sí. 2Uh apne sáre gharáne sane díndár te Ḳhudá koloṉ ḍarḍá sí, te lokáṉ núṉ bahut ḳhairát denda, te nit Ḳhudá koloṉ duʼá mangdá sí. 3Us royá vichch din de tijje pahar sáf sáf vekhia, páí Ḳhudá dá ikk firishta uh de kol andar áyá, te uh núṉ ákhiá, Aí Kurnelius. 4Us uh de wall dhián karke vekhiá, te ḍarke ákhiá, Ai Ḳhudáwand, kí hai? Us uh núṉ ákhiá, Teríáṉ ʼarzán te teríáṉ khairátáṉ yádgárí de laí Ḳhudá dí dargáh vichch appaṛ gayiáṉ ne. 5So huníṉ Yáfá núṉ ádmí ghalle, te Shamaʼún núṉ, jihṛá Patras akhwánda hai, sadd lai; 6Uh Shamaʼún karke ikk chamrang de kol, jih dá ghar samundar de kanḍhe utte hai, purauhná hai. 7Jáṉ firishta, jis us de nál galláṉ kítíáṉ sáṉ, ṭur gayá, táṉ us apne ghar deáṉ naukaráṉ vichchoṉ do janeáṉ núṉ te apne ardaliáṉ vichchoṉ ikk díndár jane núṉ buláyá; 8Te sáríáṉ galláṉ uhnáṉ núṉ dassíáṉ, te Yáfá núṉ ṭor dittá. 9Dujje din jad uh ráh vichch lagge jánde sán, te shahr de nere appare, Patras do pahar de qaríb koṭhe utte duʼá maṉgan gayá. 10Te uh núṉ bhukkh laggí, te dil kítá, paí kujh kháwe, par jáṉ uh tiyár pae karde sán, uh be-ḳhud ho gayá. 11Te ásmán núṉ khulá, te waḍḍí chádar wángúṉ ikk chíz núṉ chauháṉ palleáṉ thoṉ zamín wall lamakdí vekhiá. 12Uh de vichch har raṉg de chaupáe te zamín de kíṛe ḳáṛe te hawá de painchhí sán. 13Te uh núṉ ikk áwáz áí, paí Aí Patras, uṭṭh, zabh karke khá. 14Patras ne ákhiá, Aí Ḳhudáwand, kadí ví nahíṉ; kyúṉ jo maiṉ koí nápák te palít chíz kadí nahíṉ khádí. 15Te dujji wárí uh núṉ áwáz áí, paí Jih núṉ Ḳhudá pák kítá hai, túṉ nápák na baná. 16Ih tinn wárí hoiá; te úṉweṉ uh chíz asmán utte chukkí gayí. 17Jad Patras apne dil vichch baṛá hairán piá hundá sí, paí Ih royá, jihṛí maiṉ ḍiṭṭhí hai, kí hai, tad vekho, uh jane, jihnáṉ núṉ Kurnelius ghalliá sí, Shamaʼún dá ghar puchchhdiáṉ puchchhdiáṉ búhe de agge á khalote; 18Te áwáz márke puchchhiá, paí Shamaʼún, jihṛá Patras akhwándá hai, itthe parauhná hai? 19Jad Patras us royá dí soch vichch sí, Rúh uh núṉ ákhiá, Vekh, tinn jane tainúṉ labbhde ne. 20Par túṉ uṭṭh, te utar já, te uhnáṉ de nál já, te kujh farq na kar, kyúṉ jo uh mere ghalle áe ne. 21Tad Patras uṭṭhke uhnáṉ bandeáṉ núṉ ákhiá, Jih núṉ tusíṉ labbhde ho, vekho, maiṉ hí háṉ. Tusíṉ kis karke áe ho? 22Uhnáṉ ákhiá, paí Kurnelius súbadár, jihṛá nek te Ḳhudá koloṉ ḍardá hai, te Yahúdíáṉ dí qaum vichch nek-nám hai, uh núṉ ikk pák firishta dí ráhíṉ hukm miliá, paí tainúṉ apne ghar vichch sadd liáwe, te taithoṉ galláṉ sune. 23So us uhnáṉ núṉ andar lejáke adar bhá kiti, te dujje din uṭṭhke uhnáṉ de nál ṭur piá; te Yáfa de bharáwáṉ vichchoṉ kaí uh de nál tur pae. 24Te agle bhalak uh Qaisariá vichch appare; te Kurnelius apne sákáṉ angáṉ te gúṛheáṉ dostáṉ núṉ ikaṭṭhe Karke uhnáṉ dá ráh piá vekhdá sí. 25Te jad Patras andar ján lagá, Kurnelius uh núṉ á miliá, te uh dí pairíṉ paike matthá ṭekiá. 26Par Patras uh núṉ uṭháke ákhiá. Uṭṭh khalo; kyúṉ jo maiṉ bhí te áp ádmí haṉ. 27Te uh de nál galláṉ kardá hoiá andar gayá, te bahut sáre lok ikaṭṭhe hoe hoe vekhe. 28Te uhnáṉ núṉ ákhiá, Tusíṉ áp jánde ho, paí dujji qaumwále nál sangat karní yá uh de ghar vichch jáná Yahúdí núṉ rawá nahíṉ; par Ḳhudá mainúṉ vikháliá hai, paí main kise núṉ nápák yá palít na ákháṉ. 29Is laí main tuháḍe saddan utte be-ʼuzr á gayá háṉ. Húṉ maiṉ puchchhná háṉ, paí mainúṉ kihṛí gall laí saddiá hai? 30Tad Kurnelius ne ákhiá, Chár din hoe ne, paí maiṉ is vele tíkar tijje pahar apne ghar vichch duʼá piá maṉgdá sáṉ, te kí vekhná háṉ, paí mere sámne ikk ádmí chamkanwále kapṛe pae hoe khalotá hoiá. 31Ákhdá hai. Ai Kurnelius, terí duʼá suní gayi, te terí ḳháirát Ḳhudá dí dargáh vichch yád hoí. 32Is laí Yáfa núṉ ghallke Shamaʼún núṉ, jihṛá Patras akhwándá hai, apne kol sadd. Uh te Shamaʼún chamraṉg de ghar vichch samundar de kanḍhe utte parauhná hai. 33Ḳhair main use vele tere kol ghalliá, te túṉ changá kítá, paí á gayá haiṉ. So húṉ asíṉ sabbho Ḳhudá de agge házir hán, paí jo kujh Ḳhudáwand valloṉ tainúṉ hukm miliá hoe, so sunie. 34Tad Patras na múṉh kholke ákhiá, Sach much maiṉ ján liya, paí Ḳhudá súrat shakl dá liház karanwálá nahíṉ; 35Sagon har qaum vichch, jihṛá uh de thoṉ ḍardá te nekí kardá hai, uh nuṉ manzúr hai. 36Uh kalám, jihṛí us Yisúʼ Masíh dí ráhíṉ (jihṛá sabhnáṉ dá Ḳhudáwand hai) Baní Isráíl de kol sulh dí ḳhushḳhábarí sunáke ghallía. 37Use hí gall núṉ tusíṉ jánde ho, jihri Yúhanná de baptisma dí manádí de pichchhe Galíl thoṉ shurúʼ karke sáre Yáhúdiá vichch, phail gayi. 38Yaʼne Yisúʼ Násarí dí bábat, paí Ḳhudá ne Pák Rúh te qudrat nál uh núṉ kíkar Masíh kítá. Uh táṉ bhaliáí kardá, te Shaitán de sáre qábú kíteáṉ hoeáṉ núṉ wall kardá phiriá; kyúṉ jo Ḳhudá uh de nál sí. 39Asíṉ uhnáṉ sáreáṉ kammáṉ de gawáh háṉ, jihṛe us Yahúdiá de des te Yarúshalím vichch kíte. Uh núṉ uhnáṉ salib utte laṭkake már bhí sutṭiá. 40Par Ḳhudá ne tijje díháṛe uh núṉ pher jiwáliá, te uh núṉ zahir hon dittá; 41Sárí qaum utte nahíṉ, par uhnáṉ gawáháṉ utte, jihṛe agetare Ḳhudá de chune hoe sán, yaʼne sáḍe utte, jihnáṉ uh de murdeáṉ vichchhoṉ jí uṭṭhan de magaroṉ uh de nál khádá pita. 42Te us sánúṉ hukm dittá pai Lokáṉ núṉ manádí karo, te gawáhí deo, páí ih uho hai, jihrá Ḳhudá valloṉ muqarrar hoiá, páí jiundeán te murdeáṉ dá insáf karanwálá howe. 43Sáre nabí uh de utte gawáhí dende ne, paí jo koí uh de utte ímán liáwe, uh de náṉ utte apne gunáhoṉ dí muʼáfí páwegá. 44Patras ih galláṉ aje piá ákhdá hí sí, paí kalám de sáreáṉ sunanwáleáṉ utte Pák Rúh utariá. 45Te suntí baithe hoeáṉ ímándáráṉ vichchoṉ jinne Patras de nál áe sán, hairán ho gaye, pai gairqaumáṉ de vichch bhí Pák Rúh dá inʼám járí ho gayá. 46Kyúṉ jo uh uhnáṉ núṉ bolíáṉ bolde te Ḳhudá dí waḍíáí kardíáṉ pae sunde sán. 47Tad Patras ákhiá, Koí ádmí pání núṉ rok sakkdá hai, pai jinnáṉ núṉ Pák Rúh miliá hai, jis tarah sánúṉ bhí miliá sí, baptisma na dittá jáe? 48Tad us hukm ditta, paí Yisúʼ Masíh de náṉ utte uhnáṉ núṉ baptisma dittá jáwe. Pher uhnáṉ uh dí minnat kiṭi, paí kujh din sáḍe kol rah.
ទើបបានជ្រើសរើសហើយ៖
Rasulan De AʼAmal 10: PNT1927R
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Historical texts published by British and Foreign Bible Society 1917-1927.
