Impakan Sturka 27
27
Altar bras ni daukan ba
(Imp St 38.1-7)
1“Akasia dusa ni altar kumi paskma bara tnaya walhwal ba yahpika ba wal baku kabia, tnaya bani ba yarika 7 pît pura bakriki kabia, 4 pît pura bakriki purara. 2Bara altar tâ kumi bani ba ra aringka walhwal dauks, baha nani lika altar wal pîs kumi paski daukaia, bara altar ba bras ni lalaubi dauks. 3Diara altar ra yus muni kaia dukia ba sut bras ni baman daukan kabia, yamhpus auhbaika ba, yamhpus sakaika ba, kapka tara nani ba, diara sabi alkaika alhnikira ba, masku nani auhbaika nani sut ba, bras ni paskan kabia. 4Bras wayarka ni pitbi yamhpus yakawaika kum daukma, bara alki twilkaia untika walhwal daukma. 5Bara altar ba mununhtara mangkma, bara baha wayarka pitbi daukan ba, altar munhtara lila kat alki kabia. 6Bara altar ba twilkaika dusa nani walhwal daukma akasia dusa wina, bara baha dusa nani ba bras ni lalaubi prakma. 7Bara baha dusa nani ba dus dingkaika untika ba ra dingkma, bara baha dusa nani ba altar tnaya ra kabia. 8Altar ba tat ni paskma, unta sin lilara swima, dîa il ra mai marikan ba natka kat daukma.
Utla latka ra kutbanka
(Imp St 38.9-20)
9“Watla latka ba ra linin kwalka pitbi daukan ba ni kutbanka kum dauks, waupasa tnaya ra kwala ba 50 yar yarika bri kabia. 10Bras ni playa 20 paskbia, bara kli playa tara wala 20 paskbia. Kwala pamaia bînka nani ba bara tâ dingkaia untika nani ba lika, silbar ni paskbia. 11Yahbra tani tnaya ba sin, waupasa tnaika ra daukram ba baku dauks. 12Muna tani kutbanka kwalka ba, yarika 25 yar bri kabia, playka nani sin matawalsip kabia, mununhta karnika playka sin matawalsip kabia. 13Lalma tani wina dimaika ba tnaya bani ra, kwala bîla yahpika 25 yar bri kabia. 14-15Dimaika tnaya kumi bani ba ra, 7 yar pura bakriki kwala pamaia, playa nani ba sin yumhpa kabia, mununhta karnika playka ba sin yumhpa. 16Utla kutbanka ra dimaia durka kwalka ba, yar matawalsip bri kabia, mapla ba blu, balianta, kwala pauni pali, linin ai mihta ni pitban. Playa ba walhwal kabia, mununhta karnika playka sin. 17Utla latka kutbanka playa bani ba, silbar ni daukan kabia. Kwala pamaia pînka nani ba sin bara mununhta karnika playka ba sut lika bras ni daukan kabia. 18Utla latka kutbanka yarika ba 50 yar bri kabia, bîla yahpika ba 25 yar, kutbanka pura ba yar wâl purara bakriki bri kabia. Kutbaia kwalka ba linin kwalka ni pitban kabia, mununhta playka karnika ba bras ni daukan kabia. 19Utla ba bilara wark daukaia dukia nani sut ba lika bras ni daukan kabia, dus nani ba utla latka dusa tatwa daukan nani ba sin sut bras ni daukan kabia.
Lamp laya ba
(Leb 24.1-4)
20“Israel luhpia nani ra wis, wih oliv batanka pali laya ba bri sal maikbia, baha ni lamp ra laya laikaia, baku lamp ba angki ingni bri kaia dukiara. 21Eran ai luhpia nani wal, lamp angkaia warkka ba bribia; baku mika Dawan wal aisaia tintka watla ba ingni ban kabia tihmia aiska, Lâ auhbaia watla kutban ra bara baku sin lata tani ra kabia. Naha na lâ kum Israel luhpia nani, kiamka sut lâka ban kaia ra kabia.
ទើបបានជ្រើសរើសហើយ៖
Impakan Sturka 27: MSKTU
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2010 Bible Society in Nicaragua
Impakan Sturka 27
27
Altar bras ni daukan ba
(Imp St 38.1-7)
1“Akasia dusa ni altar kumi paskma bara tnaya walhwal ba yahpika ba wal baku kabia, tnaya bani ba yarika 7 pît pura bakriki kabia, 4 pît pura bakriki purara. 2Bara altar tâ kumi bani ba ra aringka walhwal dauks, baha nani lika altar wal pîs kumi paski daukaia, bara altar ba bras ni lalaubi dauks. 3Diara altar ra yus muni kaia dukia ba sut bras ni baman daukan kabia, yamhpus auhbaika ba, yamhpus sakaika ba, kapka tara nani ba, diara sabi alkaika alhnikira ba, masku nani auhbaika nani sut ba, bras ni paskan kabia. 4Bras wayarka ni pitbi yamhpus yakawaika kum daukma, bara alki twilkaia untika walhwal daukma. 5Bara altar ba mununhtara mangkma, bara baha wayarka pitbi daukan ba, altar munhtara lila kat alki kabia. 6Bara altar ba twilkaika dusa nani walhwal daukma akasia dusa wina, bara baha dusa nani ba bras ni lalaubi prakma. 7Bara baha dusa nani ba dus dingkaika untika ba ra dingkma, bara baha dusa nani ba altar tnaya ra kabia. 8Altar ba tat ni paskma, unta sin lilara swima, dîa il ra mai marikan ba natka kat daukma.
Utla latka ra kutbanka
(Imp St 38.9-20)
9“Watla latka ba ra linin kwalka pitbi daukan ba ni kutbanka kum dauks, waupasa tnaya ra kwala ba 50 yar yarika bri kabia. 10Bras ni playa 20 paskbia, bara kli playa tara wala 20 paskbia. Kwala pamaia bînka nani ba bara tâ dingkaia untika nani ba lika, silbar ni paskbia. 11Yahbra tani tnaya ba sin, waupasa tnaika ra daukram ba baku dauks. 12Muna tani kutbanka kwalka ba, yarika 25 yar bri kabia, playka nani sin matawalsip kabia, mununhta karnika playka sin matawalsip kabia. 13Lalma tani wina dimaika ba tnaya bani ra, kwala bîla yahpika 25 yar bri kabia. 14-15Dimaika tnaya kumi bani ba ra, 7 yar pura bakriki kwala pamaia, playa nani ba sin yumhpa kabia, mununhta karnika playka ba sin yumhpa. 16Utla kutbanka ra dimaia durka kwalka ba, yar matawalsip bri kabia, mapla ba blu, balianta, kwala pauni pali, linin ai mihta ni pitban. Playa ba walhwal kabia, mununhta karnika playka sin. 17Utla latka kutbanka playa bani ba, silbar ni daukan kabia. Kwala pamaia pînka nani ba sin bara mununhta karnika playka ba sut lika bras ni daukan kabia. 18Utla latka kutbanka yarika ba 50 yar bri kabia, bîla yahpika ba 25 yar, kutbanka pura ba yar wâl purara bakriki bri kabia. Kutbaia kwalka ba linin kwalka ni pitban kabia, mununhta playka karnika ba bras ni daukan kabia. 19Utla ba bilara wark daukaia dukia nani sut ba lika bras ni daukan kabia, dus nani ba utla latka dusa tatwa daukan nani ba sin sut bras ni daukan kabia.
Lamp laya ba
(Leb 24.1-4)
20“Israel luhpia nani ra wis, wih oliv batanka pali laya ba bri sal maikbia, baha ni lamp ra laya laikaia, baku lamp ba angki ingni bri kaia dukiara. 21Eran ai luhpia nani wal, lamp angkaia warkka ba bribia; baku mika Dawan wal aisaia tintka watla ba ingni ban kabia tihmia aiska, Lâ auhbaia watla kutban ra bara baku sin lata tani ra kabia. Naha na lâ kum Israel luhpia nani, kiamka sut lâka ban kaia ra kabia.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2010 Bible Society in Nicaragua