II VA KORINDO 6
6
1Oco, poku talavayela kumuamue laye, tu vu peya okuti ka vu tambula ocali ca Suku leselula. 2Momo eye wa popia hati,
Nda ku yeva kotembo ya sunguluka,
keteke lieyovo nda ku ohela.
Oco limbuki okuti yilo oyo otembo yaco ya sunguluka, leteke lilo olio eteke liaco lieyovo. 3Ka tu kapa kapa ovilondokua vonjila yomanu, kuenje oco upange wetu ka u vetiwa evelo. 4Puãi kovina viosi tu lilekisa ndakuenje va Suku. Ndaño tu tala tala ohali longongo, ndaño ovina vĩvi vi tu sanga sanga, 5ndaño tu tipuiwa loku kapiwa votuyike, ndaño tu kala pokati konjuela lovopange lakaha kuenda onjala, haimo tu pandikisa ño-o. 6Tu talavaya loku pua atondelo, lukũlĩhiso, lepandi, loku unjuka kuenda l'Espiritu Sandu. Tu kala locisola cocili. 7Tu popia popia ocili, kuenda unene wa Suku tu kasi la wo. Tu kuete ovimaleho viesunga kondio lokepĩli. 8Tu talavaya ño-o ndaño omanu va tu kemainya, ndaño va tu lavisa, ndaño va tu iha oluhimo lũvi, ndaño va tu iha oluhimo luwa. Ndaño va tu lukisa olohembi haimo tuakuacili. 9Ndaño tua kũlĩhiwa haimo omanu ka va tu limbuka. Ndaño tua soka ndava va kamba naito oku fa haimo lopo tu kasi lomuenyo. Ndaño tu yambuiwa ño-o haimo ka tu fi. 10Ndaño esumuo lietu lia lua haimo tu sanjuka ño. Ndaño tulosuke haimo omanu va lua va muila ukuasi kokuetu. Ndaño omanu va tu tenda ndava ka va kuete cimue haimo tu kuete cosi.
11A va Korindo, omẽla wetu wo wasameli, lutima wetu wo situlukili. 12Nda kuli oku seleka cimue ci kasi kokuene, ka ci kasi kokuetu. 13Oco, mopia ndomunu o popia lomãla vaye, siti, Ndeci ame nda situlula cosi, oco lenevo, situluli cosi ci kasi vovitima viene.
14Ko ka kutiwili kokanga ka ya lisokele kumosi lava ka va tavele. Momo esunga leci hesungako ci kutiwila ndati pamosi? Utanya u livala ukamba we lowelema? 15Okulinala kue ku kala pokati ka Kristu la Beliale? Pamue ekuta lie li kasi pokati kukuetavo lu hokuetavoko? 16Onembele ya Suku yi tava ndati koviteka? Momo etu tunembele ya Suku ukuamuenyo, ndeci Suku a linga hati,
Nunga volonulo viavo, loku ñuala ñuala pokati kavo.
Kuenje ndinga Suku yavo, lovo va linga omanu vange. 17Oco, tundi pokati kavo,
litepi lavo. Oco ca popia Ñala.
Leci ca vĩha ko ka ci lambi.
Kuenje ndu tambuli, 18ndinga Isiene,
lene vu linga omãla vange valume lomãla vange vakãi.
Oco ca popia Ñala Suku Tõlo.
ទើបបានជ្រើសរើសហើយ៖
II VA KORINDO 6: EMB63
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Umbundu Bible © United Bible Societies, 1963.
II VA KORINDO 6
6
1Oco, poku talavayela kumuamue laye, tu vu peya okuti ka vu tambula ocali ca Suku leselula. 2Momo eye wa popia hati,
Nda ku yeva kotembo ya sunguluka,
keteke lieyovo nda ku ohela.
Oco limbuki okuti yilo oyo otembo yaco ya sunguluka, leteke lilo olio eteke liaco lieyovo. 3Ka tu kapa kapa ovilondokua vonjila yomanu, kuenje oco upange wetu ka u vetiwa evelo. 4Puãi kovina viosi tu lilekisa ndakuenje va Suku. Ndaño tu tala tala ohali longongo, ndaño ovina vĩvi vi tu sanga sanga, 5ndaño tu tipuiwa loku kapiwa votuyike, ndaño tu kala pokati konjuela lovopange lakaha kuenda onjala, haimo tu pandikisa ño-o. 6Tu talavaya loku pua atondelo, lukũlĩhiso, lepandi, loku unjuka kuenda l'Espiritu Sandu. Tu kala locisola cocili. 7Tu popia popia ocili, kuenda unene wa Suku tu kasi la wo. Tu kuete ovimaleho viesunga kondio lokepĩli. 8Tu talavaya ño-o ndaño omanu va tu kemainya, ndaño va tu lavisa, ndaño va tu iha oluhimo lũvi, ndaño va tu iha oluhimo luwa. Ndaño va tu lukisa olohembi haimo tuakuacili. 9Ndaño tua kũlĩhiwa haimo omanu ka va tu limbuka. Ndaño tua soka ndava va kamba naito oku fa haimo lopo tu kasi lomuenyo. Ndaño tu yambuiwa ño-o haimo ka tu fi. 10Ndaño esumuo lietu lia lua haimo tu sanjuka ño. Ndaño tulosuke haimo omanu va lua va muila ukuasi kokuetu. Ndaño omanu va tu tenda ndava ka va kuete cimue haimo tu kuete cosi.
11A va Korindo, omẽla wetu wo wasameli, lutima wetu wo situlukili. 12Nda kuli oku seleka cimue ci kasi kokuene, ka ci kasi kokuetu. 13Oco, mopia ndomunu o popia lomãla vaye, siti, Ndeci ame nda situlula cosi, oco lenevo, situluli cosi ci kasi vovitima viene.
14Ko ka kutiwili kokanga ka ya lisokele kumosi lava ka va tavele. Momo esunga leci hesungako ci kutiwila ndati pamosi? Utanya u livala ukamba we lowelema? 15Okulinala kue ku kala pokati ka Kristu la Beliale? Pamue ekuta lie li kasi pokati kukuetavo lu hokuetavoko? 16Onembele ya Suku yi tava ndati koviteka? Momo etu tunembele ya Suku ukuamuenyo, ndeci Suku a linga hati,
Nunga volonulo viavo, loku ñuala ñuala pokati kavo.
Kuenje ndinga Suku yavo, lovo va linga omanu vange. 17Oco, tundi pokati kavo,
litepi lavo. Oco ca popia Ñala.
Leci ca vĩha ko ka ci lambi.
Kuenje ndu tambuli, 18ndinga Isiene,
lene vu linga omãla vange valume lomãla vange vakãi.
Oco ca popia Ñala Suku Tõlo.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Umbundu Bible © United Bible Societies, 1963.