II VA KORINDO 4
4
1Oco, omo tu kasi lupange ulo lohenda ya Suku oco ka tu konyoha. 2Oku endisa upange wetu levi vi kutisa osõi levi viatutu ãvi, ka tu kuatako. Tu likala oku pengisa ondaka ya Suku. Puãi tu yongola oku koleliwa lomanu vosi kovaso a Suku omo tu kundila omanu vosi ondaka yocili. 3Kuenje ondaka yiwa eyi tu kunda kunda, nda ya sitikiwa, ya sitikiwila lika ava va kasi loku nyõleha omo ka va tavele. 4Ovo, osuku yoluali lulo ya tekavisa ovitima viavo, okuti ocinyi condaka yiwa yulamba wa Kristu, haeye ukuesetahalo lia Suku, ka ci va tuila. 5Momo ka tu likundi etu muẽle, tu kunda puãi Kristu Yesu okuti eye Ñala, letu tuakuenje vene mekonda lia Yesu. 6Momo Suku, u wa linga hati, Vowelema mu tuile ocinyi, eye wa tuila vovitima vietu ha tuisa ukũlĩhiso wulamba wa Suku wokocipala ca Yesu Kristu.
7Ukuasi ulo puãi, tu kasi lawo volombia viotuma, oku lekisa okuti unene wa piãla wa Suku, hawetuko. 8Tu sipataiwa kuosi haimo ka tu vandi; tu sakalaisua ño-o haimo ka tu konyoha; 9tu kangaisua ño-o haimo ka tu yandulukiwa; tu pupowaiwa ca lua haimo ka tu fi. 10Okufa kua Yesu tu ku ambayata vatimba etu otembo yosi okuti omuenyo wa Yesu lawovo u molehelavo vatimba etu. 11Momo osimbu yosi tu kasi lomuenyo tu eciwila Yesu kokufa cokuti omuenyo wa Yesu u molehelavo vatimba etu a fa fa. 12Oco okufa ku kasi loku talavaya vokati ketu, vokati kene puãi omuenyo.
13Omo tu kuete Espiritu limuamue liekolelo ndu wa soneha hati, Nda kolela oco nda popia, oco letuvo tu kolela kuenje tu popia. 14Tua kũliha okuti una wa pindula Ñala Yesu o tu pinduilavo kumuamue la Yesu loku tu nenela kumuamue lene kovaso aye. 15Momo cosi eci co wiyilili ene okuti, eci ocali camamako pokati komanu, oco oku imba olopandu ku lua vali, kuenje oku muisa Suku ulamba ku vokiyiwa.
16Oco ka tu konyoha. Ndaño etimba li kasi loku nyõleha, haimo utima u tumbolowaiwa eteke keteke. 17Momo ohali yilo yetu yitito, haiyo yokatembo kamue lika, yi kasi loku talavaya oku tu pongiyila ulamba wa lua, wa piãla ovolamba osi akuavo, haiwo wenda hũ. 18Momo etu ka tu vanji kovina vi moleha, te kovina ka vi moleha; momo ovina vi moleha vi pita, evi ka vi moleha puãi, vi enda ño-o hũ, ka vi pui.
ទើបបានជ្រើសរើសហើយ៖
II VA KORINDO 4: EMB63
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Umbundu Bible © United Bible Societies, 1963.