Etatelu 48
48
Jakoba Ambotshokola Efarayima la Manase
1Lʼokongo wʼakambu aso, wakayutela Josefu vati: Sho ambuyala la kandji. Ku ndi akose anʼandi wʼapami ahendi, Manase la Efarayima, akatshu la wo utsha le ndi. 2Wakatela Jakoba vati: Enda, onʼaye Josefu uyayi uya le ye. Ku Isariyele akayakikitsha, akasungukala la tangi kandi. 3Ku Jakoba akatela Josefu ati: Unyashungu, Kanga-Wulu-Tshe, lakene le mi la Luza lu kete ya Kanana, akantshokola. 4Ndi akamvutela ati: Ulungi, dimi layukusha diwutshi, layukufudia, layutunga ului a wuki wʼantu uma le ye. Dimi layusha tukanula taye kete nye dia yo ndjala yawo pundju.#48:4 Etat. 28:13-14. 5Ana apami ahendi, Efarayima la Manase, wakayuti lʼEdjibitu la ntundu dimi latayi weli anʼami; Efarayima la Manase wayuyala anʼami, uku Rubena la Simeyona. 6Keli ana wayuyuta lʼokongo awo, mbayuyala anʼaye. Vo wayalema kame la anengewo lu ukito awo. 7Lamʼakamayakalulaka uma la Padana, Ratshele akayuvo lu mbuka lu kete ya Kanana, eki tshalula uma lʼEfarate.#48:7 Etat. 35:16 19. Ku dimi lakukhunde lu mbuka kʼutsha lʼEfarate (we-tawo vati: Betelehema).
8Isariyele akendi ana apami wa Josefu, akawumbula ati: Wa na ane? 9Ku Josefu akakaluya shi diui ati: Vo weli anʼami wʼapami wakambisha Unyashungu lindu. Ku Isariyele akosengasenga ati: Unsukanyiawo, keli mbatshokole. 10Ashu wa Isariyele wakayala enguli, ne dia ndi aki usumbi a lukusumbi, hayudja mena ololo. Josefu akasukanya la le ndi. Ndi akanonana la wo, akakhumbatela. 11Isariyele akatela Josefu ati: Dimi kunungamela nti: Dimi lukena elundji kaye ntu, ku enda, Unyashungu ambomenya ndu anʼaye. 12Josefu akanya anʼandi uma lu dihelo dia shi, akakhusamia la ntundu kandi. 13Josefu akawaeme vo ahendi okone: Efarayima lu lunya la pami, lakelanedi la lunya la lomoso la Isariyele; ku Manase lu lunya landi la lomoso, lakelanedi la lunya la pami la Isariyele. Ndi akasukanya utsha le ndi. 14Isariyele akasimbula lunya landi la pami, akalahe Efarayima, laki kushi, lʼote; ku lunya landi la lomoso lʼote a Manase, laki enundu. Jakoba akeyi dikambu diakandalangi ntsha, mbakandawahe anya osoku. 15Ndi akatshokola Josefu, ata ati: Unyashungu lakakendakendaka wapapa Abarahama la Isaka la ntundu kandi, Unyashungu latundeshaka nshi tshe ya lumu lami edja ndu elo, 16ondjelo lakantshungula uma lu kolo tshe, atshokole ana ane. Vo kawetami lukumbu lami ndu kumbu ya wapapa Abarahama la Isaka. Kawufulaneli otekoya la kete. 17Josefu kongenangena lamʼakandenyi shi ambahe lunya landi la pami lʼote wa Efarayima. Ndi akakimela lunya la shi, akalangi lahula uma lʼote wa Efarayima, dia lahe lʼote wa Manase. 18Josefu akatela shi ati: Papa, aha ukuku, ne dia ona one keli enundu. Uwahe lunya laye la pami. 19Keli shi kunanga; akati ati: Dimi mbeyaka, onʼami, dimi mbeyaka. Ndu ndi kayuyala wudja omotshi a wuki, keli kushendi ayuleka wuki. Wedja efula wayutumba uma le tukanula tandi. 20Ku ndi akatshokola#48:20 Heb. 11:21. lushi lako, ati: Uma le ye mbayotshokolaka Isariyele antu ata ati: Unyashungu anyutsheli uku akandatshela Efarayima la Manase. Ku ndi aketsha Efarayima la ntundu ka Manase. 21Isariyele akatela Josefu ati: Dimʼone utsha mvo. Keli Unyashungu ayuyalaka la ye, ayukukaluya ntu lu kete ya watsheye. 22Dimi lambukusha leke lomotshi la kete luleki la ananyo, kete yakamahotola asi Amore dime la yombo yami la uta ami.
ទើបបានជ្រើសរើសហើយ៖
Etatelu 48: TLL
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
La Bible en Otetela © Allianee Biblique de la Republique Democratique du Congo, 1991