Kə̀fwàʼ 4
4
Pità ghèe Dzɔ̌n an tia e sāʼ
1Ghəa Pità naām kə̂aa ghəa gho â ghì ghò ghèe Dzɔ̌n, fɔ̀e tə̀ m ndùw bùghò ghèe ghê ghùw ù ne ù gbè tə ndùghù è Kə̀zə̀ e ne to ghèe ghê ghì a Sadùwsîi ghò, bùghò kòʼ wò ghee. 2A m bùghò ghe bughò èzə̀, nə̀ghà mə̀ n tɔ̀ ndùw ghee enyə səkə̀sə, enyəa so ghê Pità mò zoʼn nduw aghî, kə̀aa ndùw ghəa a Yɛso enyəa ù maā zôo nùghù kɔ̀ʼ alo evʉ̄. 3Ghe fi kwu kɔʼ nu ghee, nì nùghù ndùw â ghee, ndùw fè nàŋa ndùw ghee enyəa a lo kôʼò ndûw sughò tsʉtsʉ ù te, tɔŋlo enyəa à mò lo mo tsuʼ u sô nyə̀ŋo nyə̀ghàaŋ wò nù. 4Ndə̀m è àghì, aŋ ghì ghəla ghe mò zuw tʉ̂ e ghee zo, m boo fùghù ndùw a te; kɔ̂n kə ghì ghəla ghe boō tsughu n nōo kɔ̀ʼ ndùw tò kam tə aghì tə tɛ̀. 5Tsuʼ ù li vʉ̀, dwə̀ŋ u ghee wə n zùuŋ tsùghù eghue an Yɛ̀lusalɛ̀m ghèe ghê noo məla n lǒ tsoʼ to àsùghò ghê dèekə̀làŋ. 6Tuw kə fɔ̀e, Anàs n lo sugho, àsùghò Kaefàs, àsùghò Dzɔ̌n, àsùghò, Àlɛ̀ʼsandà, àsùghò tom a Tuw kə fɔ̀e ghə̀ n lo sugho ghee a dzə̀m. 7A m bùghò ghe nî tiso naŋā sə wô Dzɔ̌n ghèe Pità an sə kə ghee, ghe m bvʉ tsughu â ghee enyəa, “Ghɛ̀ mò ghəa ghən ghə̄ŋlo an daʼa kə̀ ghɛ ko a, ŋkāa an zən e ndugho zo a?” 8Zuʼ tə̀ Zɔlɔ tə n nyəən tsughu a zəŋò Pità, ù n dzɛ̀ â ghee enyəa, “Dwə̀ŋ wə enaʼ wo, àsùghò ghìnoo gho, 9abugho ghɛ̀ zuūw ghaʼ â dzughu zo fɛ nɛ kùu ndùw dzɔ̀ zəla ghàʼ ghəə̄ŋ tsughu â kə̀ŋgwûundughu, àsùghò dzì zəla a tsəgha alebaaŋ wə̄n a te, 10ghɛ̀ ghən à dzə̀m, ghɛ̀ à ghê ghì ghə Ezə̀lɛ̂ ghò a dzə̀m kele tsughu enyəa, tò ghùw wən e ti fɛ â ghue ù tughu wo, à lò an zən Yɛso Kə̀lestò, ghùw ù Nazalɛ̀t wəla ghɛ̌ fə̀ təghaa kɔʼ alo kədàŋlo, wəla Zə̀ kə mò zôom nughùu kɔʼ wə̄n alo evʉ̄.
11 #
Sms 118:22
Yɛso wən lo wəla Mwàʼsò Kəzə̀ kə̀ dzɛ̀ enyəa,
‘Tia zəla ghɛ̀ ghê bɔ̀ɔtə̀ndughu fə̀ tue maʼà kɔʼ,
zə e fwə̂n bughò doʼò kɔʼ tuw kə tia kə ebūw ko.’
12Tuw kə̀ zəa kə kôom yò dzə̂ aŋ ghûw ù lì, tɔŋlo enyəa zən è li e kôom yò aŋ ghueekətsə̄ ghe fughu â ghùw fɛ am mbī sɛ̀ ki alezə̄ kətuw a te.”
13Ghəa ghe kôʼ tsughu fə̀ŋ zəla ghê Pità ki ghè zò, kòʼ tɔ̀ tsùghù sùghò enyəa à tsò lò ko làŋà tə aghì, mo ghe bûʼ kwò sugho yo mwàʼsò kò, dzughu zə n zum ghee, ghe fi daŋso kòʼkɛ̀lɛ kɔʼ nu ghee enyəa ghe mò lo tsəgha nû ghèe ghê Yɛso. 14A m bùghò ghe kôʼ tsughu ghùw vʉa ghe mò baāŋ kɔʼ ti am bùghu e ghee, ghe n làʼkè kɔ̀ʼ ghəa è kəaa zo alekōmsō ndûw ghee. 15Ghe n dzɛ̀ tsùghù enyəa ghê Pità zə̀ghàa tsughu kaŋsì ghe səā ndûw a beē, daŋso saān tsughu ghəa e te zo aŋ ghùe e ghee. 16Ghî kaŋsì yi mo aŋ ghùe e ghee enyəa, “A ghəŋlo êndughō â ghì ghə̀n à? Nu zə n tɔ̀ʼ zɔn an sə kə ghì ghə̀n à dzə̀m fɛ an Yɛ̀lusalɛ̀m enyəa ghe ŋ kɔ kə ushʉ̀ghà kə̀ dê, mo a yo dzə̂ aletuū māʼà. 17Alekuūwn ghəə̄ŋ tsughuu ko enyəa ghî à ka ghəa e te e zuw ndùuŋ ndùw, a ki ko alekʉ̀ɛɛn tsughu ghee enyəa e kwo ghe lo e kôom kə̂aa èghəa â ghûw kùu ndùw zən.” 18Ghe fi kôom tɔ̀ŋɔ nyə̀ wò nù ghê Pità, fughu tsughu kəlâŋ enyəa e kwo ghe lô kôom kɔʼɔ̄ kʉɛ̄ɛ, e kwo ghe lô tsoō kôom zoʼn ghùw kùu ndùw zən e Yɛso. 19Ghêe Pità m fwə̀n bɛ̀lɛ̀ ndùw ghee enyəa, “Kəŋ tsughu nlò aŋ ghùe zɛʼɛ̄ enyəa e zɔlɔ nù an sə kə Kəzə̀ alezūw â ghɛ̀ mo a kâ zùw ndùw â wə̄n; 20nu ghàʼ yo aledòʼò mo a kôom kə̀aa yò ghəa ghəla a lo mò aŋ kòʼ, zùw èsugho.” 21A m bùghò ghe bəmē kpeʼē tsughu ghee, ghe n zə̀ghàa màʼà ndùw ghee, ghe sô kəŋ kē dzì alefɔ̄esō tsughu ghee, ghî a màʼa fə̀ lo; nu ghî yì à dzə̀m mò tsoō fughuu ko kɛɛ u Kəzə̀ aŋ ghəa yia a mò sə. 22À mò lo bòʼ ghùw wəla ghe mò dê tsughu fɛ̀ɛn kə ushʉ̀ghà ù baaŋ wə aghì wən a zəŋò wə̄n n noo tsə̀gha ghə̀m n tə̀nùu mò n chìakò.
Ghî ghəla ghe boō tsughu gɔŋlò enyəa ghe kele tsughu fə̀ŋ è tughu
23A m bùghò ghe zəghàa maʼà tsughu Pità ghèe Dzɔ̌n, ghe n ndùw kòʼ ndùw fən a ghee, dzɛ̀ fùghù ndùw ghəa yia fɔ̀e tə̀ tughu to ghèe ghê tsoʼ tə a mô dzɛ̂ â ghee. 24#Ksm 20:11; Nɛ̀h 9:6; Sms 146:6 A m bùghò ghe zuw tsughu ghəa yì, ghe n dzə̄ŋē gɔ̀ŋlò è tsughu, dzɛ̀ sə kɔʼ an dzə̂ è tughu â Zə̀ kò enyəa, “Tsə̂ntə̀mbî, Mughu wəla ù bɔm wālā ko à ghueekətsə̄ ko, bɔm dzùghùntsòʼ, à fʉgha wə̀n ù dzə̀m u lo a te, 25#Sms 2:1, 2 à lò ghû, ghù fə̀ ghəə̄ŋ tsughu enyəa Zuʼ tə̀ Zɔlɔ tə tsoōm kɔʼ bəghàbəgha Dɛvìd, kɔ̂ɔ fəghà, enyəa ù dzàa tsughu enyəa:
‘À lǒ kwò Toʼò è sô saʼā tōm zo a, ghî yia môʼn kaāŋ tsəgha làŋà tə aghəa to a?’
26Dwə̀ŋ u mbī u mafə̄ tēe kɔʼ fɛ̄, ti ko an sɔ̀ŋ è bii zo,
tuw wə enaʼ wə n nyə tsughu utsəm an tuw kə Mughubè ù te,
àsùghò an tuw kə wɛ̀ ù wən ù tsùʼu.
27 #
Lûk 23:7-11;
Mat 27:1, 2; Mâk 15:1; Lûk 23:1; Dzn 18:28, 29 Kən lò fəgha kela kə mò sə fɛ alo enaʼ, Hɛlɔ̀d, àsùghò Ponshɔs Paelɛ̀t, ghèe ghê Tòʼò tò, à ghì ghə Ezə̀lɛ̂ ghò; ghe maā zûuŋ tsùghù ghue zo, nyə tsughu utsəm am tuw kə kɔ̀ɔ fə̀ghà fə̀ dzûŋ fò, Yɛso wəla ghù mò tsuʼ tsughu. 28Ghe mò ghəəŋ ghəa ghə̀n à dzə̀m ghù fə̀ ki zɔ̂ʼ naŋā, tsə̀m kɔ̀ʼ sùghò enyəa a lo nî kə̀bala. 29Ezə̀ŋ a Mughubè, lɛɛn tsughu ghəa ghe kʉ̂a ghaʼ, ghù ghəəŋ tsughu kɔ̀ɔ mə̀ghà ŋ kele tsughu fə̂ŋ è tughu, mə̀ è doō kəaa shwaʼ wʉ̀a wò an dò tə aghəa. 30Děe tsughu daʼa kə̂a kə̀ baaŋ kə aghì kò â ghì ghò, ghàʼ è deē nduw fə̄ən zo, à sə̀ghàa mò an zən e kɔ̀ɔ fə̀ghà fə̀ zɔlɔ fo, Yɛso.” 31A m bùghò ghe gɔ̂ɔŋ tsughu Zə̀ kò êzə̀, luʼū kəla ghe mò zûuŋ doʼō a te n nùghù nòʼ è tsughu; Zùʼ è Zɔ̀lɔ n daŋso nyə tsughu ghee a zəŋo eghùe, ghe n dôo kə̀aa wò shwaʼ u Kəzə̀ an dò tə aghəa.
Ghî ghəla ghe boō fughu â Kə̀lestò dzùghùu fʉgha u ghee
32 #
Kfw 2:44, 45 Nɔ̂e kə aghì chia kə mò boō tsughu n lo ko am fə̂ŋ e mɔ̀ʼ, lò sugho alo kəfəgha kə mɔ̀ʼ. Ghùw ù lì n yo sugho a te aledzɛ̀ enyəa e ki kəfəgha mò à tɔ̀ʼ lò ko kə wə̄n ko, fʉgha wə̀n ù dzə̀m chìa mò ki, ghe mò dzeŋe ki nû. 33Ghəa tum tə te tə kele tsughu daʼa kən, ghe n tɔʼɔ̀ kə̀aa nyə̌a tsughûu ghəa a Mughubè Yɛso à zoōm gho alo evʉ à sə̀ŋ zò a te, Zə̀ kə̀ m bughuso ghee a dzə̀m. 34Ghùw mò yò dzə̂ am bvʉa e ghee ù làʼà fəgha ko, tɔŋlo enyəa ndə̀m è ghee zəla ghe mo ki luʼū to, à ndughu to, ghe m fêen tsùghuu, 35bùghò fùghuu naaŋ wò kô kə̀aa n te mò â tum tə Kə̀lestò tò, ghe m bɔɔm nì dzùghùu tsùghù kua u te wo an tuw u ghì aŋghəa ke kpeē tsughuu ko â ghùw.
36Dzùghùsî wən fə̀ sə an tigh kə Lɛvì mò ghe wə̄n dzə an naʼ e Saepə̀lùs, tum tə Kə̀lestò tə n təghàa tsughu zən e wə̄n enyəa à lǒ Bànabàs (mo e môʼn tsùghuu enyəa, Ghù wəla ù dzə̀la fə̂ŋ tə aghì tò), 37ù m fèe tsùghù sùghò sum u wə̄n, daŋso nì wò kua u te wo, bùgho fùghù wò â tum tə Kə̀lestò tò.
ទើបបានជ្រើសរើសហើយ៖
Kə̀fwàʼ 4: agq
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Kə̀fwàʼ 4
4
Pità ghèe Dzɔ̌n an tia e sāʼ
1Ghəa Pità naām kə̂aa ghəa gho â ghì ghò ghèe Dzɔ̌n, fɔ̀e tə̀ m ndùw bùghò ghèe ghê ghùw ù ne ù gbè tə ndùghù è Kə̀zə̀ e ne to ghèe ghê ghì a Sadùwsîi ghò, bùghò kòʼ wò ghee. 2A m bùghò ghe bughò èzə̀, nə̀ghà mə̀ n tɔ̀ ndùw ghee enyə səkə̀sə, enyəa so ghê Pità mò zoʼn nduw aghî, kə̀aa ndùw ghəa a Yɛso enyəa ù maā zôo nùghù kɔ̀ʼ alo evʉ̄. 3Ghe fi kwu kɔʼ nu ghee, nì nùghù ndùw â ghee, ndùw fè nàŋa ndùw ghee enyəa a lo kôʼò ndûw sughò tsʉtsʉ ù te, tɔŋlo enyəa à mò lo mo tsuʼ u sô nyə̀ŋo nyə̀ghàaŋ wò nù. 4Ndə̀m è àghì, aŋ ghì ghəla ghe mò zuw tʉ̂ e ghee zo, m boo fùghù ndùw a te; kɔ̂n kə ghì ghəla ghe boō tsughu n nōo kɔ̀ʼ ndùw tò kam tə aghì tə tɛ̀. 5Tsuʼ ù li vʉ̀, dwə̀ŋ u ghee wə n zùuŋ tsùghù eghue an Yɛ̀lusalɛ̀m ghèe ghê noo məla n lǒ tsoʼ to àsùghò ghê dèekə̀làŋ. 6Tuw kə fɔ̀e, Anàs n lo sugho, àsùghò Kaefàs, àsùghò Dzɔ̌n, àsùghò, Àlɛ̀ʼsandà, àsùghò tom a Tuw kə fɔ̀e ghə̀ n lo sugho ghee a dzə̀m. 7A m bùghò ghe nî tiso naŋā sə wô Dzɔ̌n ghèe Pità an sə kə ghee, ghe m bvʉ tsughu â ghee enyəa, “Ghɛ̀ mò ghəa ghən ghə̄ŋlo an daʼa kə̀ ghɛ ko a, ŋkāa an zən e ndugho zo a?” 8Zuʼ tə̀ Zɔlɔ tə n nyəən tsughu a zəŋò Pità, ù n dzɛ̀ â ghee enyəa, “Dwə̀ŋ wə enaʼ wo, àsùghò ghìnoo gho, 9abugho ghɛ̀ zuūw ghaʼ â dzughu zo fɛ nɛ kùu ndùw dzɔ̀ zəla ghàʼ ghəə̄ŋ tsughu â kə̀ŋgwûundughu, àsùghò dzì zəla a tsəgha alebaaŋ wə̄n a te, 10ghɛ̀ ghən à dzə̀m, ghɛ̀ à ghê ghì ghə Ezə̀lɛ̂ ghò a dzə̀m kele tsughu enyəa, tò ghùw wən e ti fɛ â ghue ù tughu wo, à lò an zən Yɛso Kə̀lestò, ghùw ù Nazalɛ̀t wəla ghɛ̌ fə̀ təghaa kɔʼ alo kədàŋlo, wəla Zə̀ kə mò zôom nughùu kɔʼ wə̄n alo evʉ̄.
11 #
Sms 118:22
Yɛso wən lo wəla Mwàʼsò Kəzə̀ kə̀ dzɛ̀ enyəa,
‘Tia zəla ghɛ̀ ghê bɔ̀ɔtə̀ndughu fə̀ tue maʼà kɔʼ,
zə e fwə̂n bughò doʼò kɔʼ tuw kə tia kə ebūw ko.’
12Tuw kə̀ zəa kə kôom yò dzə̂ aŋ ghûw ù lì, tɔŋlo enyəa zən è li e kôom yò aŋ ghueekətsə̄ ghe fughu â ghùw fɛ am mbī sɛ̀ ki alezə̄ kətuw a te.”
13Ghəa ghe kôʼ tsughu fə̀ŋ zəla ghê Pità ki ghè zò, kòʼ tɔ̀ tsùghù sùghò enyəa à tsò lò ko làŋà tə aghì, mo ghe bûʼ kwò sugho yo mwàʼsò kò, dzughu zə n zum ghee, ghe fi daŋso kòʼkɛ̀lɛ kɔʼ nu ghee enyəa ghe mò lo tsəgha nû ghèe ghê Yɛso. 14A m bùghò ghe kôʼ tsughu ghùw vʉa ghe mò baāŋ kɔʼ ti am bùghu e ghee, ghe n làʼkè kɔ̀ʼ ghəa è kəaa zo alekōmsō ndûw ghee. 15Ghe n dzɛ̀ tsùghù enyəa ghê Pità zə̀ghàa tsughu kaŋsì ghe səā ndûw a beē, daŋso saān tsughu ghəa e te zo aŋ ghùe e ghee. 16Ghî kaŋsì yi mo aŋ ghùe e ghee enyəa, “A ghəŋlo êndughō â ghì ghə̀n à? Nu zə n tɔ̀ʼ zɔn an sə kə ghì ghə̀n à dzə̀m fɛ an Yɛ̀lusalɛ̀m enyəa ghe ŋ kɔ kə ushʉ̀ghà kə̀ dê, mo a yo dzə̂ aletuū māʼà. 17Alekuūwn ghəə̄ŋ tsughuu ko enyəa ghî à ka ghəa e te e zuw ndùuŋ ndùw, a ki ko alekʉ̀ɛɛn tsughu ghee enyəa e kwo ghe lo e kôom kə̂aa èghəa â ghûw kùu ndùw zən.” 18Ghe fi kôom tɔ̀ŋɔ nyə̀ wò nù ghê Pità, fughu tsughu kəlâŋ enyəa e kwo ghe lô kôom kɔʼɔ̄ kʉɛ̄ɛ, e kwo ghe lô tsoō kôom zoʼn ghùw kùu ndùw zən e Yɛso. 19Ghêe Pità m fwə̀n bɛ̀lɛ̀ ndùw ghee enyəa, “Kəŋ tsughu nlò aŋ ghùe zɛʼɛ̄ enyəa e zɔlɔ nù an sə kə Kəzə̀ alezūw â ghɛ̀ mo a kâ zùw ndùw â wə̄n; 20nu ghàʼ yo aledòʼò mo a kôom kə̀aa yò ghəa ghəla a lo mò aŋ kòʼ, zùw èsugho.” 21A m bùghò ghe bəmē kpeʼē tsughu ghee, ghe n zə̀ghàa màʼà ndùw ghee, ghe sô kəŋ kē dzì alefɔ̄esō tsughu ghee, ghî a màʼa fə̀ lo; nu ghî yì à dzə̀m mò tsoō fughuu ko kɛɛ u Kəzə̀ aŋ ghəa yia a mò sə. 22À mò lo bòʼ ghùw wəla ghe mò dê tsughu fɛ̀ɛn kə ushʉ̀ghà ù baaŋ wə aghì wən a zəŋò wə̄n n noo tsə̀gha ghə̀m n tə̀nùu mò n chìakò.
Ghî ghəla ghe boō tsughu gɔŋlò enyəa ghe kele tsughu fə̀ŋ è tughu
23A m bùghò ghe zəghàa maʼà tsughu Pità ghèe Dzɔ̌n, ghe n ndùw kòʼ ndùw fən a ghee, dzɛ̀ fùghù ndùw ghəa yia fɔ̀e tə̀ tughu to ghèe ghê tsoʼ tə a mô dzɛ̂ â ghee. 24#Ksm 20:11; Nɛ̀h 9:6; Sms 146:6 A m bùghò ghe zuw tsughu ghəa yì, ghe n dzə̄ŋē gɔ̀ŋlò è tsughu, dzɛ̀ sə kɔʼ an dzə̂ è tughu â Zə̀ kò enyəa, “Tsə̂ntə̀mbî, Mughu wəla ù bɔm wālā ko à ghueekətsə̄ ko, bɔm dzùghùntsòʼ, à fʉgha wə̀n ù dzə̀m u lo a te, 25#Sms 2:1, 2 à lò ghû, ghù fə̀ ghəə̄ŋ tsughu enyəa Zuʼ tə̀ Zɔlɔ tə tsoōm kɔʼ bəghàbəgha Dɛvìd, kɔ̂ɔ fəghà, enyəa ù dzàa tsughu enyəa:
‘À lǒ kwò Toʼò è sô saʼā tōm zo a, ghî yia môʼn kaāŋ tsəgha làŋà tə aghəa to a?’
26Dwə̀ŋ u mbī u mafə̄ tēe kɔʼ fɛ̄, ti ko an sɔ̀ŋ è bii zo,
tuw wə enaʼ wə n nyə tsughu utsəm an tuw kə Mughubè ù te,
àsùghò an tuw kə wɛ̀ ù wən ù tsùʼu.
27 #
Lûk 23:7-11;
Mat 27:1, 2; Mâk 15:1; Lûk 23:1; Dzn 18:28, 29 Kən lò fəgha kela kə mò sə fɛ alo enaʼ, Hɛlɔ̀d, àsùghò Ponshɔs Paelɛ̀t, ghèe ghê Tòʼò tò, à ghì ghə Ezə̀lɛ̂ ghò; ghe maā zûuŋ tsùghù ghue zo, nyə tsughu utsəm am tuw kə kɔ̀ɔ fə̀ghà fə̀ dzûŋ fò, Yɛso wəla ghù mò tsuʼ tsughu. 28Ghe mò ghəəŋ ghəa ghə̀n à dzə̀m ghù fə̀ ki zɔ̂ʼ naŋā, tsə̀m kɔ̀ʼ sùghò enyəa a lo nî kə̀bala. 29Ezə̀ŋ a Mughubè, lɛɛn tsughu ghəa ghe kʉ̂a ghaʼ, ghù ghəəŋ tsughu kɔ̀ɔ mə̀ghà ŋ kele tsughu fə̂ŋ è tughu, mə̀ è doō kəaa shwaʼ wʉ̀a wò an dò tə aghəa. 30Děe tsughu daʼa kə̂a kə̀ baaŋ kə aghì kò â ghì ghò, ghàʼ è deē nduw fə̄ən zo, à sə̀ghàa mò an zən e kɔ̀ɔ fə̀ghà fə̀ zɔlɔ fo, Yɛso.” 31A m bùghò ghe gɔ̂ɔŋ tsughu Zə̀ kò êzə̀, luʼū kəla ghe mò zûuŋ doʼō a te n nùghù nòʼ è tsughu; Zùʼ è Zɔ̀lɔ n daŋso nyə tsughu ghee a zəŋo eghùe, ghe n dôo kə̀aa wò shwaʼ u Kəzə̀ an dò tə aghəa.
Ghî ghəla ghe boō fughu â Kə̀lestò dzùghùu fʉgha u ghee
32 #
Kfw 2:44, 45 Nɔ̂e kə aghì chia kə mò boō tsughu n lo ko am fə̂ŋ e mɔ̀ʼ, lò sugho alo kəfəgha kə mɔ̀ʼ. Ghùw ù lì n yo sugho a te aledzɛ̀ enyəa e ki kəfəgha mò à tɔ̀ʼ lò ko kə wə̄n ko, fʉgha wə̀n ù dzə̀m chìa mò ki, ghe mò dzeŋe ki nû. 33Ghəa tum tə te tə kele tsughu daʼa kən, ghe n tɔʼɔ̀ kə̀aa nyə̌a tsughûu ghəa a Mughubè Yɛso à zoōm gho alo evʉ à sə̀ŋ zò a te, Zə̀ kə̀ m bughuso ghee a dzə̀m. 34Ghùw mò yò dzə̂ am bvʉa e ghee ù làʼà fəgha ko, tɔŋlo enyəa ndə̀m è ghee zəla ghe mo ki luʼū to, à ndughu to, ghe m fêen tsùghuu, 35bùghò fùghuu naaŋ wò kô kə̀aa n te mò â tum tə Kə̀lestò tò, ghe m bɔɔm nì dzùghùu tsùghù kua u te wo an tuw u ghì aŋghəa ke kpeē tsughuu ko â ghùw.
36Dzùghùsî wən fə̀ sə an tigh kə Lɛvì mò ghe wə̄n dzə an naʼ e Saepə̀lùs, tum tə Kə̀lestò tə n təghàa tsughu zən e wə̄n enyəa à lǒ Bànabàs (mo e môʼn tsùghuu enyəa, Ghù wəla ù dzə̀la fə̂ŋ tə aghì tò), 37ù m fèe tsùghù sùghò sum u wə̄n, daŋso nì wò kua u te wo, bùgho fùghù wò â tum tə Kə̀lestò tò.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល