Apostles-Gasgai 21
21
Chapter 21.
1WAIGIEN tlistleuon tla sta talung istlīgundlu, itil dung-alth hūkaidun, waigien Cos ā talung hundsū-yāgun, waudālēkw ishin Rhodes ā talung istlīgun gien, gai sta ishin Patara ā talung istlīgun.
2Waigien ship Phoenicia ā kaidung-kasas talung keng-gun gien, gwē talung istlīgun, waigien itil dung-alth hūkaidun.
3Waigien tlistleuon Cyprus hanlthīit itil dung-alth kāgun gien, stlan-gust ijun, waigien Syria ā itil dung-alth hukāgun gien, Tyre gu talung ist'ulgun; waugu shipgai tlādalthang-kashagun altha.
4Waigien church haade talung keng-gundlu, shin dsikwau gu talung ijun; waigien althsgai Jerusalem ā gum Paul itsgai lā-ung-ung Hants alth il shudagun.
5Waigien tlistleuon sing-ai waudlu itil ā elgundlu, sta talung ijun gien, itil dung-alth kaiduni; waigien tl wautliwon, jāalung dungalth isgien, gitalung dung-alth hunisun, itil alth istalgun, ilnagai kiāgwī ga itil etawaugai k'eu-a; waigien k'ot kwōlōng kudsung alth talung tl'ougun gien, singlthgang talung gūshūgun,
6Waigien tla ā talung killāgun; waigien shipgai gwai talung istlīigun gien, gai tl silthgang anā ga istīidun.
7Waigien tlistleuon Tyre sta itil dungalth hukaid-gīgundlu, Ptolemais gu talung istlītlagun; waigien church haadgai ā talung kil-lāgun gien, shin swonshung tla kwulth talung ijun.
8Waigien waūdālekw sta talung istlīgun gien, Cæsarea gu talung istlītlagun; waigien Philip tla geu gu nung gūshoulēgas, ga dsikwaugun s'won isis, gia nai ai talung isdsagun gien, la kwulth talung ijun.
9Waigien anung ilthing-as gūjang-alung stunshung dlīang-gun gien, tla geu gu il gushūūgini.
10Waigien shin kwon gu talung ijunit'alth, tla geu gu nung gushoulēga, Agabus hin kiā, Judæa sta kātlat'ulgun.
11Waigien itil ā il kāgun gien, Paul gia dldsgāwē il isdagun gien, st'ang isgien stl'ang ishin gūtga il keu hagadang-gun, waigien hin il shugun: Ou tliku Jews haade Jerusalem gu isis anung gia dldsgāwē isis k'ēchgūstl-tljūashang, waigien tliga k'ulat haade stlai ai la tl isdāashang, hinu Hants Las shugung, hin il shugun.
12Waigien tlistleuon adshi talung gudung-gundlu, talung isgien, wodshi tligai gu ga nāansi ishin gum Jerusalem ā il isalthang-gun.
13Waudlu Paul hin hang-lthang shugun: Gushintlou dalung s'aigas gien, di gudung-ai ai dalung kil-odēdung-gung? Gum k'ēchū-gai un s'wonan di elthgīans altha, Shalana Jesus kiē agunan Jerusalem gu di k'otulai un ishin di elthgīgung, hin il shugun.
14Waigien tlistleuon la odō talung kilth-esbgagundlu, tlan la ā talung kīlagun gien, Ak'won lth Shalana guduns ging-an etdi, hin talung shūgun.
15Waigien althsgai dlā, tlāawē ung-a talung isdagun gien, Jerusalem ā talung isdal-lthagun.
16Waigien church haade t'īch Cæsarea sta ishin itil alth istīidun, waigien Mnason, nung Cyprus haada, church haada hunskadan, k'otdung tl isdagun, althunis k'wulth talung isang-kashagun.
17Waigien tlistleuon Jerusalem gu talung istlagundlu, church haadgai gudung-ai lā alth itil isdagun.
18Waigien waudālēkw James kwulth Paul itil alth kudsagun; waigien ga itladasgai wautliwon wau ā ijun.
19Waigien tlistleuon tla ā il kil-lāgīgundlu, tliga k'ulat haade shu-wī lagia lthong-gwiliē alth Shanung-itlagadas tliku gin isdagīni ū giāgūst unsta il shūīdun.
20Waigien tlistleuon tl gudung-gundlu, Shanung-itlagadas un tl yāgudung-gun; waigien hin la tl shudagun: Itil k'wai, Jews haade shu ga yetdagun-gai thousand-gai kwons dung keng-gung; waigien king-go-gung-ai tl kwōyāda-ōdsūgung:
21Waigien Jews haade tliga k'ulat haade shū-wī isis wautliwon Moses ga gwaugulai dung shkotadas isgien, gitalung tl circumcisedas gien, gin tl isdagang-an ging-ān tl ūgai ishin gum lāans, tla ga dung shudas ishin, dang-a tl gudung-gun.
22Gushinū althji ēdung? yenkien dung katlas tl gudung-ashang.
23Althji alth a dung talung shudas ging-ān lth et; tl ilthansida stunshung gin kilthelthdi-adaian itil kwulth ijung;
24Atltas lth isdi, waigien lth la alth agung tlishkwūnagulthū, waigien lth la unsta giashou-ū, kudsung il dsidang-awē una; waigien gin dang-a tl gudung-gun gum yenkien edans tl wautliwon un ūnshitshang; waigien duman agung dung kens gien, king-go-gung-ai ishin duman dung kensi, un tl ūnshitshang.
25Waigien tliga k'ulat haade yetdagun edē kōgīn talung k'ālung-gun gien, gin k'etda ga gin isdie isgien, ai ishin, gūstgang-an gin tīiga k'otulths ishin, ging-gang-an gū-īnā ishin, sta duman agung tl kang-gai alth tla talung king-go-gung-gun, hin la tl shudagun.
26Waudlu Paul atl ilthansidas isdagun gien, waudālēkw la alth agung il tlishkwūna-gulthūgun gien, templegai ai il isdsūgun, il wautliwon-wahun giashou-awē k'eu, agung tlishkwūniē shantlanai waudlu elths unsta il shū-ūgun.
27Waigien shantlan dsikwaugai hīlūdalgundlu, Jews haade Asia sta isis tlistleuon temple-gai ā il keng-gundlu, ga shkūlas tl kil-kalthi-yilthdagun gien,
28La tl gitsgīlthdagun gien, hin kwunan tl shugun: Israel haade, itil da lth tlāadū; tl haada isgien, king-go-gung-ai ishin, adshi temple-gai ishin, hanltha tl haada wautliwon tlīidan gin nung shkotadas-ū ā ijung; waigien Greek haade ishin temple-gai ai il isdsadagun gien, adshi nai lasi il tlask'ēlēlgun, hin tl shugun.
29(Wau kōnast Trophimus, nung Ephesus haadas, ilnagai gu la alth tl keng-gun altha, alth-unis ū temple-gai ai Paul kudsadang tl gudung-gun.)
30Waigien ilnagai ashkwau-un gudung-ai lthkwīdistlagun gien, haadgai gūdā ḵujang-gun; waigien Paul tl gitsgilthdagun gien, temple-gai sta kiā ga la tl dang-gun, waigien hawīdan k'eu-e wau tl da-ogadang-gun.
31Waigien il tīiē da tl gudung-gundān, Jerusalem ilnagai askwau-un haade tukougadas, soldiers haade un nung kwūlas ga tl shudāgulgun.
32Waigien hawidan soldiers haade isgien, centurions ishin, il isdagun gien, dung-alth tla un il otlat'ulgun; waigien tlistleuon nung kwūlas isgien, soldiers-gai ishin tl keng-gundlu, tlan Paul tl shkidung-gun.
33Itan nung kwūlas ā-ānan la ā kāgun gien, la il gitsgīlthdagun, waigien stakwunsgulthda sh'ostung alth la il k'ēchgūstlā-algun; waigien tliku nung et il itsgai isgien, tliku gin il etdie da ishin il kiānung-gun.
34Waigien ga shkūlasgai shu tl t'īch āchgwau gin shudas gien, tl t'īch ishin āda gin shudagun; waigien tlistleuon gin agunan tl tukougadas gum duman un il ūnshidalthing-ang-gundlu, nuh tladsgas ai la il isdahalgun.
35Waigien tlistleuon k'eu-ē gūtga tl-lthinsi gwi il kulthagundlu, ga shkūlasgai sh'otsas alth soldiers-gai il dligundalgun;
36Ga shkūlasgai tla dlā istalgun gien, La lth dang-ū, hin kwūnan tl shugun altha.
37Waigien nuh tladsgas ai Paul tl isda-ung-kasha-gundlu, Gum gu dung ā lth gūshoulthing-āng? hin nung kwūlas il shudagun. Waigien hin il shugun: Da gu Greek haade kil gudung-ūsh?
38Nung Egypt haada ashgai shantlanai kōnast ladialē-alung thousand-gai stunshung gin dāung-a kil-isdas gien, tliga dāung-as ai al-istīidan gu gum dung isang-ūsh? hin il shugun.
39Waigien Paul hin shugun: Di Jew haadāgung; Tarsus Cilicia gu lana euon isis gu di tl kaigun; waigien haadgai ā lth gushuē da dung alth lth kiānung-gung, hin Paul shugun.
40Waigien tlistleuon la il gwūlāgundlu, k'eu-ē gūtga tl-lthinsi ing-gu Paul giāagan gien, haadgai hang-gu stlang il jist'ulthagun; waigen tlistleuon yenki tlan tl kīlāgundlu, Hebrew haade kīlthga tla ā il gushugun, waigien hin il shugun:
ទើបបានជ្រើសរើសហើយ៖
Apostles-Gasgai 21: HAIDA
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
First published by the British and Foreign Bible Society 1891-1899.
Apostles-Gasgai 21
21
Chapter 21.
1WAIGIEN tlistleuon tla sta talung istlīgundlu, itil dung-alth hūkaidun, waigien Cos ā talung hundsū-yāgun, waudālēkw ishin Rhodes ā talung istlīgun gien, gai sta ishin Patara ā talung istlīgun.
2Waigien ship Phoenicia ā kaidung-kasas talung keng-gun gien, gwē talung istlīgun, waigien itil dung-alth hūkaidun.
3Waigien tlistleuon Cyprus hanlthīit itil dung-alth kāgun gien, stlan-gust ijun, waigien Syria ā itil dung-alth hukāgun gien, Tyre gu talung ist'ulgun; waugu shipgai tlādalthang-kashagun altha.
4Waigien church haade talung keng-gundlu, shin dsikwau gu talung ijun; waigien althsgai Jerusalem ā gum Paul itsgai lā-ung-ung Hants alth il shudagun.
5Waigien tlistleuon sing-ai waudlu itil ā elgundlu, sta talung ijun gien, itil dung-alth kaiduni; waigien tl wautliwon, jāalung dungalth isgien, gitalung dung-alth hunisun, itil alth istalgun, ilnagai kiāgwī ga itil etawaugai k'eu-a; waigien k'ot kwōlōng kudsung alth talung tl'ougun gien, singlthgang talung gūshūgun,
6Waigien tla ā talung killāgun; waigien shipgai gwai talung istlīigun gien, gai tl silthgang anā ga istīidun.
7Waigien tlistleuon Tyre sta itil dungalth hukaid-gīgundlu, Ptolemais gu talung istlītlagun; waigien church haadgai ā talung kil-lāgun gien, shin swonshung tla kwulth talung ijun.
8Waigien waūdālekw sta talung istlīgun gien, Cæsarea gu talung istlītlagun; waigien Philip tla geu gu nung gūshoulēgas, ga dsikwaugun s'won isis, gia nai ai talung isdsagun gien, la kwulth talung ijun.
9Waigien anung ilthing-as gūjang-alung stunshung dlīang-gun gien, tla geu gu il gushūūgini.
10Waigien shin kwon gu talung ijunit'alth, tla geu gu nung gushoulēga, Agabus hin kiā, Judæa sta kātlat'ulgun.
11Waigien itil ā il kāgun gien, Paul gia dldsgāwē il isdagun gien, st'ang isgien stl'ang ishin gūtga il keu hagadang-gun, waigien hin il shugun: Ou tliku Jews haade Jerusalem gu isis anung gia dldsgāwē isis k'ēchgūstl-tljūashang, waigien tliga k'ulat haade stlai ai la tl isdāashang, hinu Hants Las shugung, hin il shugun.
12Waigien tlistleuon adshi talung gudung-gundlu, talung isgien, wodshi tligai gu ga nāansi ishin gum Jerusalem ā il isalthang-gun.
13Waudlu Paul hin hang-lthang shugun: Gushintlou dalung s'aigas gien, di gudung-ai ai dalung kil-odēdung-gung? Gum k'ēchū-gai un s'wonan di elthgīans altha, Shalana Jesus kiē agunan Jerusalem gu di k'otulai un ishin di elthgīgung, hin il shugun.
14Waigien tlistleuon la odō talung kilth-esbgagundlu, tlan la ā talung kīlagun gien, Ak'won lth Shalana guduns ging-an etdi, hin talung shūgun.
15Waigien althsgai dlā, tlāawē ung-a talung isdagun gien, Jerusalem ā talung isdal-lthagun.
16Waigien church haade t'īch Cæsarea sta ishin itil alth istīidun, waigien Mnason, nung Cyprus haada, church haada hunskadan, k'otdung tl isdagun, althunis k'wulth talung isang-kashagun.
17Waigien tlistleuon Jerusalem gu talung istlagundlu, church haadgai gudung-ai lā alth itil isdagun.
18Waigien waudālēkw James kwulth Paul itil alth kudsagun; waigien ga itladasgai wautliwon wau ā ijun.
19Waigien tlistleuon tla ā il kil-lāgīgundlu, tliga k'ulat haade shu-wī lagia lthong-gwiliē alth Shanung-itlagadas tliku gin isdagīni ū giāgūst unsta il shūīdun.
20Waigien tlistleuon tl gudung-gundlu, Shanung-itlagadas un tl yāgudung-gun; waigien hin la tl shudagun: Itil k'wai, Jews haade shu ga yetdagun-gai thousand-gai kwons dung keng-gung; waigien king-go-gung-ai tl kwōyāda-ōdsūgung:
21Waigien Jews haade tliga k'ulat haade shū-wī isis wautliwon Moses ga gwaugulai dung shkotadas isgien, gitalung tl circumcisedas gien, gin tl isdagang-an ging-ān tl ūgai ishin gum lāans, tla ga dung shudas ishin, dang-a tl gudung-gun.
22Gushinū althji ēdung? yenkien dung katlas tl gudung-ashang.
23Althji alth a dung talung shudas ging-ān lth et; tl ilthansida stunshung gin kilthelthdi-adaian itil kwulth ijung;
24Atltas lth isdi, waigien lth la alth agung tlishkwūnagulthū, waigien lth la unsta giashou-ū, kudsung il dsidang-awē una; waigien gin dang-a tl gudung-gun gum yenkien edans tl wautliwon un ūnshitshang; waigien duman agung dung kens gien, king-go-gung-ai ishin duman dung kensi, un tl ūnshitshang.
25Waigien tliga k'ulat haade yetdagun edē kōgīn talung k'ālung-gun gien, gin k'etda ga gin isdie isgien, ai ishin, gūstgang-an gin tīiga k'otulths ishin, ging-gang-an gū-īnā ishin, sta duman agung tl kang-gai alth tla talung king-go-gung-gun, hin la tl shudagun.
26Waudlu Paul atl ilthansidas isdagun gien, waudālēkw la alth agung il tlishkwūna-gulthūgun gien, templegai ai il isdsūgun, il wautliwon-wahun giashou-awē k'eu, agung tlishkwūniē shantlanai waudlu elths unsta il shū-ūgun.
27Waigien shantlan dsikwaugai hīlūdalgundlu, Jews haade Asia sta isis tlistleuon temple-gai ā il keng-gundlu, ga shkūlas tl kil-kalthi-yilthdagun gien,
28La tl gitsgīlthdagun gien, hin kwunan tl shugun: Israel haade, itil da lth tlāadū; tl haada isgien, king-go-gung-ai ishin, adshi temple-gai ishin, hanltha tl haada wautliwon tlīidan gin nung shkotadas-ū ā ijung; waigien Greek haade ishin temple-gai ai il isdsadagun gien, adshi nai lasi il tlask'ēlēlgun, hin tl shugun.
29(Wau kōnast Trophimus, nung Ephesus haadas, ilnagai gu la alth tl keng-gun altha, alth-unis ū temple-gai ai Paul kudsadang tl gudung-gun.)
30Waigien ilnagai ashkwau-un gudung-ai lthkwīdistlagun gien, haadgai gūdā ḵujang-gun; waigien Paul tl gitsgilthdagun gien, temple-gai sta kiā ga la tl dang-gun, waigien hawīdan k'eu-e wau tl da-ogadang-gun.
31Waigien il tīiē da tl gudung-gundān, Jerusalem ilnagai askwau-un haade tukougadas, soldiers haade un nung kwūlas ga tl shudāgulgun.
32Waigien hawidan soldiers haade isgien, centurions ishin, il isdagun gien, dung-alth tla un il otlat'ulgun; waigien tlistleuon nung kwūlas isgien, soldiers-gai ishin tl keng-gundlu, tlan Paul tl shkidung-gun.
33Itan nung kwūlas ā-ānan la ā kāgun gien, la il gitsgīlthdagun, waigien stakwunsgulthda sh'ostung alth la il k'ēchgūstlā-algun; waigien tliku nung et il itsgai isgien, tliku gin il etdie da ishin il kiānung-gun.
34Waigien ga shkūlasgai shu tl t'īch āchgwau gin shudas gien, tl t'īch ishin āda gin shudagun; waigien tlistleuon gin agunan tl tukougadas gum duman un il ūnshidalthing-ang-gundlu, nuh tladsgas ai la il isdahalgun.
35Waigien tlistleuon k'eu-ē gūtga tl-lthinsi gwi il kulthagundlu, ga shkūlasgai sh'otsas alth soldiers-gai il dligundalgun;
36Ga shkūlasgai tla dlā istalgun gien, La lth dang-ū, hin kwūnan tl shugun altha.
37Waigien nuh tladsgas ai Paul tl isda-ung-kasha-gundlu, Gum gu dung ā lth gūshoulthing-āng? hin nung kwūlas il shudagun. Waigien hin il shugun: Da gu Greek haade kil gudung-ūsh?
38Nung Egypt haada ashgai shantlanai kōnast ladialē-alung thousand-gai stunshung gin dāung-a kil-isdas gien, tliga dāung-as ai al-istīidan gu gum dung isang-ūsh? hin il shugun.
39Waigien Paul hin shugun: Di Jew haadāgung; Tarsus Cilicia gu lana euon isis gu di tl kaigun; waigien haadgai ā lth gushuē da dung alth lth kiānung-gung, hin Paul shugun.
40Waigien tlistleuon la il gwūlāgundlu, k'eu-ē gūtga tl-lthinsi ing-gu Paul giāagan gien, haadgai hang-gu stlang il jist'ulthagun; waigen tlistleuon yenki tlan tl kīlāgundlu, Hebrew haade kīlthga tla ā il gushugun, waigien hin il shugun:
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
First published by the British and Foreign Bible Society 1891-1899.