ÉXODO 37
37
Ley cajón
1Bezaleelqa ruwallarqataj uj cajonta acacia maderamanta. Chaytaj sayt'unman karqa uj metro chunka centimetrosniyoj, kinrayninman karqa sojta chunka phishqayoj centimetrosniyoj, patamantaj karqa sojta chunka phishqayoj centimetrosniyojllataj. 2Chay cajontataj ukhunta, jawantinta qori puruwan jawerqorqa, cantosnintataj qorillawantaj muyuykucherqa awakipasqata jina. 3Chaymantataj ruwarqa tawa ningrista qorimanta sortejasta jina. Jinaspataj tawantin esquinasninman churararqa, iskayta qhepaman, iskaytataj ñaupajman. 4Chanta ruwallarqataj iskay kurkusta acacia maderamanta, jinaspataj qoriwan jawerqorqa. 5Chaymantataj chay qori ningrista chay k'aspiswan pasacherqa chaymanta oqharispa apanapaj.
6Chaymanta ruwallarqataj chay kajaj kirpananta qori purumanta. Sayt'unman karqa uj metro centimetrosniyoj, kinrayninmantaj karqa sojta chunka phishqayoj centimetrosniyoj. 7Chay patapitaj ruwarqa iskay angelesta qorimanta, martillowan ruwasqata. 8Ujninta sayacherqa uj lado cantonman, ujnintataj uj lado cantonman qhawarinasqasta. Chaykunataj mana waj wajchu karqanku, manchayqa ujlla karqanku kirpanantin. 9Chay angelesqa purajmanta qhawanakusharqanku kirpana patapi lijrasnin oqharisqas kirpanaman k'umuykusqas.
Qayllapi nisqa t'antaj mesanta ruwan
10Chaymantaqa mesatañataj acacia maderamanta ruwarqa; sayt'unman karqa isq'on chunka centimetrosniyoj, kinrayninmantaj karqa tawa chunka phishqayoj centimetrosniyoj, patamantaj karqa sojta chunka phishqayoj centimetrosniyoj. 11Jinaytawantaj tukuyninta qoriwan k'askaykucherqa, cantosnintapis awakipasqata jina qoriwan muyuykucherqa. 12Mesaj muyuynenqa phatunman karqa uj t'ajllu jina, chaytapis qorillawantaj cantosninta awakipasqata jina muyuykucherqa. 13Chaymantaqa ruwallarqataj qorimanta tawa ningrista sortejasta jina, jinaspataj tawantin esquinasninman k'askaracherqa, maynejpichus chakisnin kasharqa chaykunaman. 14Chay qori ningrisqa mesa urapi karqa tawantin esquinasnimpi, chayninta puraj ladoman k'aspista pasacherqa, chaymanta oqharispa chay mesata apaykachanapaj.
15Chay k'aspistapis mesata apaykachanapajqa, acacia maderamanta ruwarqa, jinaspataj qoriwan jawerqorqa. 16Imaschus mesapi kananku karqa, chaykunatapis qori purumanta ruwarqa: chuwasta, cucharasta, jarrasninta, copastawan, ima ch'irwasqastachu ofrendasta apamoj kanku chaykunata jap'inapaj.
K'anchachinata qorimanta ruwanku
17Bezaleelqa ruwallarqataj qori purumanta uj k'anchachinata martillowan ch'eqospa: Sayananta, cañonninta, copasninta, t'ika moqos jina chaykunasninta, t'ikaman rijch'asqa puntasninta ima, chaytaj ujllapis kanman jina karqa. 18Puraj ladomanta sojta palqas llojserqa, chaupimantataj uj; ajinaqa sapa ladopi kinsa palqasniyojkama karqa. 19Sapa uj palqaqa karqa kinsa moqosniyoj almendra t'ika jina, t'ika moqoyoj phanchapacha. Ajina karqa sojtantin palqasnin. 20Chay k'anchachina uramantapacha almendra t'ika jina tawa copasniyoj karqa, moqosniyoj t'ika jina phancharishaj. 21Iskay palqasnimpa urasnimpi chay moqosnin karqa; jinallataj iskay kaj palqaspi, kinsa kaj palqaspipis. 22Chay moqosnin, palqasnin, jap'inasninwan ima, ujlla karqa qori purumanta martillowan ruwasqas. 23Chaymantaqa qanchis k'anchachinasninta, kikillantataj qorimanta ruwarqs, pabilo k'utunasninta, aceite jap'inasninta ima. 24K'anchachinata, tukuy imasnintawan ruwarqanku kinsa chunka kinsayoj kilos qori purumanta.
Altarta ruwanku inciensopaj
25Bezaleelqa ruwallarqataj incienso altarta acacia maderamanta, puraj cantonmantaj chhikachaj pura karqa. Sayt'unman karqa tawa chunka phishqayoj centimetrosniyoj, kinrayninman kikillantaj karqa, patamantaj isq'on chunka centimetrosniyoj. Jinallataj sapa esquinasnimpi wajrasman rijch'asqa kikinmanta ruwasqs karqa altarwan ujlla. 26Chaymantataj patanta qoriwan k'askaykucherqa tawantin cantosninta, wajrasninta imaqa qoriwan muyuykucherqa awakipasqata jina. 27Chay awakipasqa urasnin mantaj k'askaracherqa qorimanta ruwasqa ningrista, ujnin esquinanman iskayta, ujnin esquinanmantaj iskayta chayninta k'aspista pasacherqa, chaymanta oqharispa maymampis apaykachampaj: 28Chay k'aspistaqa ruwarqs acacia maderamanta, jinaspataj qoriwan jawerqorqa. 29Chaymantataj Bezaleel ruwarqa Diospaj t'aqanapaj jawina aceiteta. Jinallataj inciensotapis k'acha q'apayniyojta, imaynatachus perfumeta ruwajkuna ruwanku ajinata.
ទើបបានជ្រើសរើសហើយ៖
ÉXODO 37: QCHSB
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Qheshwa Biblia DC © Sociedades Bíblicas Unidas, 1986.