ÉXODO 30
30
Incienso altar
1Chaymantaqa ruwallankitaj uj altarta acacia maderamanta, chaypi incienso ruphachisqa kanampaj. 2Chay altarqa chhikachajkama tawa ladosniyoj kanqa; sapa ladoman tawa chunka phishqayoj centimetrosniyoj, patamampis isq'on chunka centimetrosniyoj. Wajras jina ruwasqaqa ujlla kanqa chay altarwan. 3Chaytataj tukuyninta qoriwan jawerqonki, jinallataj kirpananta, muyuyninta, wajrasninta; cantosnintataj qorillawantaj muyuykuchinki awakipasqata jina. 4Chay awakipasqa jina chay urasninmantaj k'askarachinki qorimanta ruwasqa muyu ningrista tawantin esquinasninman k'aspiswan jusk'urachispa, chaymanta oqharispa apanapaj. 5Chay k'aspistapis acacia maderamanta ruwanki, jinaytawantaj qoriwan jawerqonki. 6Chaytaqa veloj ñaupaqenman churanki, maypichus Diospa leyninta waqaychana cajón churasqa kashan chay qayllaman; mayqenchus cobremanta ruwasqa kirpanawan kirpasqa kashan chayman, maynejpitajchus noqa qanwan tinkusaj chayman. 7Chay altarpa patampi Aaronqa inciensota sumaj q'apashajta ruphachenqa. Chaytaqa sapa paqarin ruwanqa k'anchanasta jap'ichishaspa. 8Jinallataj ch'isiyaykuytapis k'anchachinasta jap'ichiytawan inciensota ruphachillanqataj. Kaytaqa Señorpa ñaupaqempi ruwanqankupuni, jinallataj qhepaman wiñaypaj mirayniykichej kajkunapis. 9Kay altar incienso patapeqa amapuni ima inciensotapis q'osñichinkichejchu, ni rikuchikusta, nillataj ch'aki mikhuy ofrendastapis, nillataj vino ofrendatapis chayman ch'ajchunkichejchu. 10Chay altarqa t'aqasqapuni kanan tiyan Señorpaj. Chay altarpi wajras patapi Aaronqa uj rikuchikuta jaywanqa uj kutillata sapa wata, juchas pampachasqa kanampaj. Chaytaqa uj kutillatapuni ruwanqa Aaronqa sapa watapi, uywaspa yawarninwan chay altar patapi juchas pampachasqa kanampaj. Chaytaj Señorpajqa may t'aqasqamin kanqa.
Qolqeta tantanku mashkhachus kasqankuman jina
11-12Señorqa Moisesman parlarqa, ajinata: Maypachachus israelitasta yupanki chayqa, sapa ujninku qolqeta ramachunku Señorpaj, kausakusqankumanta pagaspa ama ima onqoypis kanampaj ajinata yupashajtiyki. 13Sapa uj yupasqa kasqanman jina, Señorpaj ramachun khuskan qolqeta, Diospaj tiyakunan toldoman qonku chay qolqeman jina. 14Yupachikojkunamanta iskay chunka watasniyojmanta pataman ofrendasta Señorman qonankuña tiyan. 15Sapa ujninku khuskankama qonanku tiyan kausakusqankumanta pagaspa; qhapajkuna mana astawanchu; wajchasrí mana aswan pisitachu. 16Ajinata qanqa jap'inki israelitaspa ofrenda qolqenta kausakusqankumanta paganku chayta, chaytataj apanki Dioswan tinkukuna toldoman, chaypajpuni kasqanrayku. Chay kanqa israelitasmanta Dios yuyarikunampaj, yuyarikunampajtaj israelitas kausakusqankumanta qolqeta kasqankuta Señorman.
Bronce ch'illami
17-18Ujtawan Señorqa Moisesman nillarqataj: Ruwallanki uj ch'illamita broncemanta mayllakunapaj, sayanantaj broncellamanta kanqa. Chayman yakuta churanki, jinaspataj chaytaqa churanki altarwan Dioswan tinkukuna toldowan kashan chay chaupiman. 19Chay ch'illamimanta yakuta orqhospa Aaronqa wawasninwan mayllakonqanku makisninkuta, chakisninkutawan. 20Chay jinata mayllakonqanku Dioswan tinkukuna toldoman yaykuspa, ama wañunankupaj; jinallataj ruwanqanku altarman qayllaspa ruphachina rikuchikuta Señorman jaywashajtinku. 21Ajinata chay yakuwan mayllakonqanku makisninkuta, chakisninkutawan ama wañunankupaj. Kay ruwanaqa kanqa uj ley jina wiñaypaj, chayta ruwanqa Aaronqa jinallataj wawasnimpis.
Jawina aceite
22-24Señorqa ujtawan Moisesman nillarqataj: Qan kikiyki ajllay sumajta q'apashajkunata: Sumajnin kaj sojta kilo mirrata, kinsa kilo canelata, kinsa kilo jina sumaj q'apashaj cañata, sojta kilo acaciata, Diospa tiyakunampi mashkhachus peso churasqa chayman jina pesaspa, kinsa litros khuskanniyoj olivo aceitetawan. 25Chaykunamanta ruwanki Diospaj t'aqanapaj jawina aceiteta, imaynatachus q'apashaj jawinasta ruwajkuna ruwanku ajinata. Diospaj t'aqasqa aceiteqa jawinapaj kanqa. 26-28Chaywan jawinki Dioswan tinkukuna toldoj patanta, jinallataj Diospa leyninwan kashan chay cajontapis. Jinallataj mesatapis tukuy imasnintinta, k'anchachinata tukuy imasnintinta, inciensota q'osñichina altarta, rikuchikuta q'osñichina altarta tukuy imasnintinta, mayllakuna ch'illamita, maypichus sayasqa kashan chaynintinta. 29Ajinamanta chaykunata Señorpaj t'aqanki, qhepakonqataj Señorpaj t'aqasqa. Chaymantaqa imaschus chaykunaman chayajkunaqa t'aqasqallataj kanqa.
30Chaymantaqa chay aceitewan jawillankitaj Aaronta wawasnintawan, jinamanta t'aqasqas kanqanku, sacerdotesniytaj kanankupaj. 31Chaymantataj israelitasman parlanki: Kaymin kanqa Diospaj t'aqanapaj jawina aceitey wiñaypaj. 32Ama chay aceitetaqa ima runallamampis jawillankichu, nitaj imamantapis kayman rijch'akojta wakichillankichu. Kayqa Diospaj t'aqanapaj aceite. Ajina kajtenqa sumajta chay aceitetaqa qhawanaykichej tiyan. 33Pillapis kay aceiteman rijch'akojta ruwajqa, chayri kay aceitewan pitapis jawejqa, israelita ayllun ukhumanta chinkachisqa kanqa.
Incienso
34Chanta Señorqa Moisesman nillarqataj: Sumajta q'apashaj imasta tantay: Resinata, q'apaj clavota, ch'uwa inciensota, q'apashaj galbanotawan. 35Chaykunamanta wakichiy uj sumaj q'apashaj inciensota, allin llimphuchasqatataj, sumajta tukuyninta chajruspa, imaynatachus q'apashaj jawinasta ruwajkuna ruwanku ajinata. 36Wakinninta sumaj ñut'ituta kutanki, chaymantataj churanki Dioswan tinkukuna toldopi, Diospa leyninwan kaj cajompa ñaupaqenman, maypichus noqa qanwan tinkusaj chayman. Chay inciensoqa qankunapaj sumaj respetana kanqa. 37Kay inciensoman rijch'akojtaqa amapuni imantapis ruwankichejchu qankunallapaj. Imaraykuchus kay aceiteqa Señorpaj t'aqasqamin, jinataj qampajpis. 38Sichus mayqempis kay jina aceiteta q'apaychakunampaj ruwanqa chayqa, israelita ayllun ukhumanta, chinkachisqa kanqa.
ទើបបានជ្រើសរើសហើយ៖
ÉXODO 30: QCHSB
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Qheshwa Biblia DC © Sociedades Bíblicas Unidas, 1986.
ÉXODO 30
30
Incienso altar
1Chaymantaqa ruwallankitaj uj altarta acacia maderamanta, chaypi incienso ruphachisqa kanampaj. 2Chay altarqa chhikachajkama tawa ladosniyoj kanqa; sapa ladoman tawa chunka phishqayoj centimetrosniyoj, patamampis isq'on chunka centimetrosniyoj. Wajras jina ruwasqaqa ujlla kanqa chay altarwan. 3Chaytataj tukuyninta qoriwan jawerqonki, jinallataj kirpananta, muyuyninta, wajrasninta; cantosnintataj qorillawantaj muyuykuchinki awakipasqata jina. 4Chay awakipasqa jina chay urasninmantaj k'askarachinki qorimanta ruwasqa muyu ningrista tawantin esquinasninman k'aspiswan jusk'urachispa, chaymanta oqharispa apanapaj. 5Chay k'aspistapis acacia maderamanta ruwanki, jinaytawantaj qoriwan jawerqonki. 6Chaytaqa veloj ñaupaqenman churanki, maypichus Diospa leyninta waqaychana cajón churasqa kashan chay qayllaman; mayqenchus cobremanta ruwasqa kirpanawan kirpasqa kashan chayman, maynejpitajchus noqa qanwan tinkusaj chayman. 7Chay altarpa patampi Aaronqa inciensota sumaj q'apashajta ruphachenqa. Chaytaqa sapa paqarin ruwanqa k'anchanasta jap'ichishaspa. 8Jinallataj ch'isiyaykuytapis k'anchachinasta jap'ichiytawan inciensota ruphachillanqataj. Kaytaqa Señorpa ñaupaqempi ruwanqankupuni, jinallataj qhepaman wiñaypaj mirayniykichej kajkunapis. 9Kay altar incienso patapeqa amapuni ima inciensotapis q'osñichinkichejchu, ni rikuchikusta, nillataj ch'aki mikhuy ofrendastapis, nillataj vino ofrendatapis chayman ch'ajchunkichejchu. 10Chay altarqa t'aqasqapuni kanan tiyan Señorpaj. Chay altarpi wajras patapi Aaronqa uj rikuchikuta jaywanqa uj kutillata sapa wata, juchas pampachasqa kanampaj. Chaytaqa uj kutillatapuni ruwanqa Aaronqa sapa watapi, uywaspa yawarninwan chay altar patapi juchas pampachasqa kanampaj. Chaytaj Señorpajqa may t'aqasqamin kanqa.
Qolqeta tantanku mashkhachus kasqankuman jina
11-12Señorqa Moisesman parlarqa, ajinata: Maypachachus israelitasta yupanki chayqa, sapa ujninku qolqeta ramachunku Señorpaj, kausakusqankumanta pagaspa ama ima onqoypis kanampaj ajinata yupashajtiyki. 13Sapa uj yupasqa kasqanman jina, Señorpaj ramachun khuskan qolqeta, Diospaj tiyakunan toldoman qonku chay qolqeman jina. 14Yupachikojkunamanta iskay chunka watasniyojmanta pataman ofrendasta Señorman qonankuña tiyan. 15Sapa ujninku khuskankama qonanku tiyan kausakusqankumanta pagaspa; qhapajkuna mana astawanchu; wajchasrí mana aswan pisitachu. 16Ajinata qanqa jap'inki israelitaspa ofrenda qolqenta kausakusqankumanta paganku chayta, chaytataj apanki Dioswan tinkukuna toldoman, chaypajpuni kasqanrayku. Chay kanqa israelitasmanta Dios yuyarikunampaj, yuyarikunampajtaj israelitas kausakusqankumanta qolqeta kasqankuta Señorman.
Bronce ch'illami
17-18Ujtawan Señorqa Moisesman nillarqataj: Ruwallanki uj ch'illamita broncemanta mayllakunapaj, sayanantaj broncellamanta kanqa. Chayman yakuta churanki, jinaspataj chaytaqa churanki altarwan Dioswan tinkukuna toldowan kashan chay chaupiman. 19Chay ch'illamimanta yakuta orqhospa Aaronqa wawasninwan mayllakonqanku makisninkuta, chakisninkutawan. 20Chay jinata mayllakonqanku Dioswan tinkukuna toldoman yaykuspa, ama wañunankupaj; jinallataj ruwanqanku altarman qayllaspa ruphachina rikuchikuta Señorman jaywashajtinku. 21Ajinata chay yakuwan mayllakonqanku makisninkuta, chakisninkutawan ama wañunankupaj. Kay ruwanaqa kanqa uj ley jina wiñaypaj, chayta ruwanqa Aaronqa jinallataj wawasnimpis.
Jawina aceite
22-24Señorqa ujtawan Moisesman nillarqataj: Qan kikiyki ajllay sumajta q'apashajkunata: Sumajnin kaj sojta kilo mirrata, kinsa kilo canelata, kinsa kilo jina sumaj q'apashaj cañata, sojta kilo acaciata, Diospa tiyakunampi mashkhachus peso churasqa chayman jina pesaspa, kinsa litros khuskanniyoj olivo aceitetawan. 25Chaykunamanta ruwanki Diospaj t'aqanapaj jawina aceiteta, imaynatachus q'apashaj jawinasta ruwajkuna ruwanku ajinata. Diospaj t'aqasqa aceiteqa jawinapaj kanqa. 26-28Chaywan jawinki Dioswan tinkukuna toldoj patanta, jinallataj Diospa leyninwan kashan chay cajontapis. Jinallataj mesatapis tukuy imasnintinta, k'anchachinata tukuy imasnintinta, inciensota q'osñichina altarta, rikuchikuta q'osñichina altarta tukuy imasnintinta, mayllakuna ch'illamita, maypichus sayasqa kashan chaynintinta. 29Ajinamanta chaykunata Señorpaj t'aqanki, qhepakonqataj Señorpaj t'aqasqa. Chaymantaqa imaschus chaykunaman chayajkunaqa t'aqasqallataj kanqa.
30Chaymantaqa chay aceitewan jawillankitaj Aaronta wawasnintawan, jinamanta t'aqasqas kanqanku, sacerdotesniytaj kanankupaj. 31Chaymantataj israelitasman parlanki: Kaymin kanqa Diospaj t'aqanapaj jawina aceitey wiñaypaj. 32Ama chay aceitetaqa ima runallamampis jawillankichu, nitaj imamantapis kayman rijch'akojta wakichillankichu. Kayqa Diospaj t'aqanapaj aceite. Ajina kajtenqa sumajta chay aceitetaqa qhawanaykichej tiyan. 33Pillapis kay aceiteman rijch'akojta ruwajqa, chayri kay aceitewan pitapis jawejqa, israelita ayllun ukhumanta chinkachisqa kanqa.
Incienso
34Chanta Señorqa Moisesman nillarqataj: Sumajta q'apashaj imasta tantay: Resinata, q'apaj clavota, ch'uwa inciensota, q'apashaj galbanotawan. 35Chaykunamanta wakichiy uj sumaj q'apashaj inciensota, allin llimphuchasqatataj, sumajta tukuyninta chajruspa, imaynatachus q'apashaj jawinasta ruwajkuna ruwanku ajinata. 36Wakinninta sumaj ñut'ituta kutanki, chaymantataj churanki Dioswan tinkukuna toldopi, Diospa leyninwan kaj cajompa ñaupaqenman, maypichus noqa qanwan tinkusaj chayman. Chay inciensoqa qankunapaj sumaj respetana kanqa. 37Kay inciensoman rijch'akojtaqa amapuni imantapis ruwankichejchu qankunallapaj. Imaraykuchus kay aceiteqa Señorpaj t'aqasqamin, jinataj qampajpis. 38Sichus mayqempis kay jina aceiteta q'apaychakunampaj ruwanqa chayqa, israelita ayllun ukhumanta, chinkachisqa kanqa.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Qheshwa Biblia DC © Sociedades Bíblicas Unidas, 1986.