ÀfaꞋa 19
19
Pɔ̂l tsɔ̀tè Ntu̧ Ntsɔ̧̀ a Efesɔ̀s
1Àpolòs li ngu a Kɔlìn ale, Pɔ̂l me ghȩ̀ȩ̀nè àzi a èbem àlaꞋ a Esìà tè ngà nyi a Efesɔ̀s. Tà nyi abàꞋ və, tà ye bɔkatè ko, 2mbììte awɔb nê, “Bɨ li ndzì mèntɨ̧ɨ̧ mɨ̧ ane Yesò ale, Fo Kèfə kɨꞋɨ adù̧ yɨ̧?”
Bɔ nê, “Ba bakà lem ndzə nê àghɨ ako aa və è wû Fo Kèfə la.”
3Pɔ̂l è bììte nê, “Ɔɔ̀, bɔ li ndzì àwɨ̧ ale wuê a kǎ màndzia èdzî à?”
Bɔ nê, “A mèndzǐ mu Jɔ̌n li ngua ndzìà la.”
4Pɔ̂l shua abua yɔb nê, “Jɔ̌n li ngua ndzìà wuê bòt bu bɔ waꞋa mènəè kàbɔ̀ŋ mɔb la a èdzî. Tà me zì ale, tà me shu abua bòt Izəèlȩê nê bɔ̀ zì mèntɨ̧ɨ̧ mɔb ane wòt wu nga ekɨꞋɨ akwen ezi la, tàa shu ale a Yesò la.” 5Mbɨ̀Ꞌɨ̀ bɔ zə èngà̧ waa la, bɔ zì àwɔb a èdzî ane èlen Yesò Lefɨ̀Ꞌ. 6Pɔ̂l mè nɔ̀ŋè èbu bi a ètsə bɔb, Fo Kèfə kɨꞋɨ adù̧ yɔb tè bɔ tsiꞋa ndaꞋa ane èwuu ndɨ̧te ko tsa, mè ndàꞋà mèngǎ̧ ane àtɔŋ Mbɔ̧ɔ̧mà. 7Bòt ngaa bɔ̀ɔgème e li ngu ntsɔ̀b babe.
8Pɔ̂l me ghǎ a èbem lob Mbɔ̧ɔ̧mà Bèjuê ndàꞋà kà bɔ̌, bɔ̂ bòt ane èŋu yetat. Tà ghɨ̀ tà ghǎ, tà me kàànè bɔ̂ tò ba, nkɨ e ghɨ̌ tê bɔɔ ko, e mě ye àghɨa Kèfɔ̧̀ Mbɔ̧ɔ̧mà wu yùà la. 9Ka bòt àtsə àkekweelè ko ane yɔb è ka wua nkɨ ebɨ̧ɨ̧ne, bɔ tsiꞋi me làꞋà mènəè kàbɔ̀ŋ ane Alu̧ Yesò waa a mbì ndzɔ̀ŋ bòt yu. Ale, Pɔ̂l sà bèŋût, ntsìꞋi nɨ wuê bɔkatè Yesò bu. Àli àgème bɔ̂ tò ba e me baãaãte èngǎ̧ Mbɔ̧ɔ̧mà a èbem tsâ̧ wu Tìlanùs li ngua ndàꞋà abua bòt la. 10Bɔ li ngɨ̀ àyaa ane èngùꞋebȩ yebe, tè Bèjuê bɔ̂ bòt Glɨ̂k bàgème bɔ̀ɔ ntsèka àbâ àlaꞋ a Esìà la e zə mènəè Yesò.
Bɔmbâ̧ Skevà
11Mbɔ̧ɔ̧mà li ngua ngɨ̀à Pɔ̂l ghɨ̀à tèwuute ènəê kà ye fɨ̀Ꞌ te tsě bòt la. 12Bɔ ghɨ̀ bɔ̀ nɨ edziꞋi ndǐ bɔ̀ baãaãte ènyit tò, bɔ̀ ghǎ bɔ̀ nɔ̀ŋe adù̧ bòt àghɔ̧, bɔ kweelè. Fote kàbɔ̀ŋ te sà àwɔb.
13Bèjuê ko e li ngua ngȩ̀ȩ̀nà ndùta tèkaŋtsə fəèà fote kàbɔ̀ŋ tèa ŋǎ bòt ngoꞋ la, me nyɔ̀Ꞌtè nkɨ enɨ èlen Yesò Lefɨ̀Ꞌ ka nɨ ghɨ̌ a èlɨ mbɔŋ. Bɔ ghɨ̀ bɔ shu abua fote kàbɔ̀ŋ tu nê, “Ane èlen Yesò wu Pɔ̂l nàa ndàꞋà la, mâ laꞋ nê, dù, ka tsi ŋǎ wòt waa ngoꞋ.” 14Bòt baa bɔ li ngua ngɨ̀à anè la li ngu bɔ̧ Skevà wu, tà lè wu wòt Juê, mè ngu àtsəa bèntsìà mèpɨ̧̀ Mbɔ̧ɔ̧mà la. Bɔ̀ɔ̀ waa bɔ li ngu bɔ̀ɔ sà̧à̧mbe. 15Wòt kǒ ane yɔb ghɨ̀ ale ndaꞋa èlɨ̀ waa, fo kàbɔ̀ŋ yu shu abua yɔb nê, “Mâ koê a Yesò, mè me zə èlen Pɔ̂l; è wu awɨ̧ bɨ wu wà baà?” 16Mbê wu nè fo kàbɔ̀ŋ yu la nù àwɔb ane èwuu ètɨ̧̂ ko tè ndèn àwɔb bàgème. Bɔ tsiꞋi dzəâ a lob tò ndùùlà nè tèfɨŋtsə ane yɔb, ndǐ tɔb te bɔ̂ sà̧à̧tê.
17AfɨꞋa Bèjuê nè bòt Glɨ̂k bàgème a Efesɔ̀s e zə ànəê yaa la, kèbɔa ke baãaã awɔb, tè bɔ tsiꞋi me paa ngùꞋtà èlen Yesò Lefɨ̀Ꞌ mè mbɔ̀a lùà. 18ÀfɨꞋa mbɔŋ bòt nyaŋ bɔ ghɨ ndzì mèntɨ̧ɨ̧ mɔb ane Yesò la e pùùlà a mbì ntùꞋtè mènəè kàbɔ̀ŋ bɔ ghɨ̀ la. 19ÀbəꞋa nyaŋ a wua ndùta tèkaŋtsə la, a fetè èkatè adzìꞋ yeamɔꞋ nkɨ̀Ꞌɨ̂ ntò̧ a kètsìà waa waa. Bɔ̀ lɔꞋ nkwàꞋtè ètsəê èkatè bu bɔ tò̧ la, e dzəè èkwȩkab mbɔ̀ŋè bètɔsì èghem yetà̧â̧. #19:19 Àkwȩkab yeamɔꞋ ane èkab mbɔŋ li ngu èkab àfaꞋa wòt bòt Aflikà la. 20Ànəa kekweelè yaa a li ngɨ̀ bòt nyaŋ e mè ndzì mèntɨ̧ɨ̧ mɔb ane Yesò tè èngǎ̧ tò e me kweela ngà wuê nè mbì.
NgoꞋ a Efesɔ̀s
21Mbɨ̀Ꞌɨ̀ mènəè maa è tsè la, Pɔ̂l è kwàꞋtè nê yea ghǎ a Màsèdonìà, nga àlaꞋ Akayà, mbɔ̂ ntsè ngà nè mbì tè ngu a Jèlusalèm. Tà ghɨ̀ ale, tà mè nkwàꞋtè nê, ye ghà tè ngu abàꞋ və, ko yea ghà tê wu a Luêm. 22Ale, tà tsaa Èlastùs bɔ̂ Tɔ̀màtià, è wû bòt bɔ̀ɔ ntɨ̀ŋa atò la a Màsèdonìà, mbɔ̂ mè ntèꞋà zìambɔŋ ane àfɨ̀Ꞌ àko àbâ àlaꞋ a Esìà.
23Eyaa li ngu àfɨ̀Ꞌ yu ngoꞋ kèkweelè li ndzə a Efesɔ̀s nkàà ànəa Alu̧ Yesò wu la. 24Talà̧ silbà kǒ èlen tò le wu Dèmetulùs la, li ngua ngɨ̀à bɔbɔ lob ane silbà bèa mbɨꞋɨ̀ lob nàmbəa wu èlen tò wu Àtemìs la. ÀfaꞋa tò yaa a li ntaꞋa wua ŋa àbȩ̀ abua bɔfàꞋ tò. 25È tseke tè ngu ane àli ako, tà tɔ bɔfàꞋ bu bàgème nè èbeko bɔ̀ɔ fàꞋà èwuu àfaꞋa ngaa la, shu abua yɔb nê, “Banɔ̧̀, bɨ ko nê èkab wa aà ndzəa ane àfàꞋ yaa. 26Bɨ̀a mbɔŋ e ye mè ndzəè àghɨa mbê waa bɔ̀ɔ ntɔ atò nê Pɔ̂l la è ghɨ̀ la. Tàà shua nê bèmbɔ̧ɔ̧mà bàa bɔbȩ àa ngɨa ane èbu bɔb la ntsě àghɨ. Tà làꞋà èngǎ̧ vi wu tè nɨŋ ntsòkè àtsəa bòt a Efesɔ̀s ŋaa, nè àbâ àlaꞋ a Esìà ŋaa àgème. 27Ànəa e mbɔà la wu nê, bòt aa tsiꞋi me ye àfàꞋ yaa yàa ane èghɨ kàbɔ̀ŋ. È ndem ntsě wuê ndàꞋ ale. Àyea ko wu nê, lob taꞋà nàmbəa wu èlen tò wu Àtemìs la, naa tsiꞋi àghɨ aku, tè ènɨ̧ tò wu waa waa a Esìà nè ngɔ̀ŋ yaa nàa ngùꞋtà la, aa chu a si.”
28Mbɨ̀Ꞌɨ̀ ndzɔ̀ŋ bòt bu è zə èngà̧ waa la, ntɨ̧ɨ̧ tɔb te bɨ, bɔ bùꞋ me ŋȩa shua nê, “Àtemìs wu a Efesɔ̀s la è ghe.” 29Bɔ ghɨ̀ ale, ŋȩ̀ tê bòt nyaŋ àpfəèà nɨ̧ yu e tsiꞋa ŋȩ̀a ŋȩ mɨ̧̂. Ènɔ̧̂ bòt bu e baãaã a Gayɔ̀s bɔ̂ Àlistakùs è wû bòt Màsèdonìà babe, bɔ̀ le wua ngȩ̀ȩ̀nà bɔ̂ Pɔ̂l ba la, nɨ̀ àwɔb ndùùlà nga adzìꞋa waa waa àpfəèà nɨ̧ və nàa mbù̧ù̧tà la. 30Pɔ̂l zìambɔŋ nê ye kɨ eghǎ a mbì ndzɔ̀ŋ bòt yu, ka bɔkatè Yesò e tu̧. 31Bèshu̧ tò ko è wû bɔɔjuŋ àbâ àlaꞋ və la e tsɔ̀tè fɔ̀ɔ̀le ntu̧, shù̧ù̧te atò nê, tà ka mbê nga adzìꞋa ngaa yu bòt àa mbù̧ù̧tà la.
32Bòt bu bɔ bù̧ù̧te adzìꞋ yu la e me ŋȩa ànyaꞋne. Bòt kǒ e me ŋȩa shua ànəê àko, èbeko e me ŋȩa shua àyea tsa, nkàà nê àbəèꞋ àyɔb nyaŋ a li à ka lem nko àghɨa a ghɨ̂ ka bɔ bù̧ù̧tè la. 33Bòt ko e li mbê nkwàꞋtè nê wu Àlèkzandà ka tà ghɨ̌ ànəa mbɔŋ la, ndɨ̀ wu Bèjuê e li ŋweele atò nê tà kɔꞋ ngà ntɨ̧ɨ̧ nè mbì la. Mbɨ̀Ꞌɨ̀ àa ale la, Àlèkzandà è dèb èbu bi nê bòt bu è buŋ ye làꞋà èngǎ̧ nɨŋ fà àtsəa zi. 34Ka àfɨꞋa bɔ ye nê tà wu wòt Juê la, bɔ nɨ bèawà babe me ŋȩ shua wuê nê, “Àtemìs wu a Efesɔ̀s la è ghe!”
35A ghà me lìa, wòt tàa shɨa mèkatè àpfəèà nɨ̧ və la, nyɔ̀Ꞌtè ngɨ̀ ènɔ̧̂ bòt bu e buŋ. Tà nê, “Bɔnyɨ bɔ̧ bòt Efesɔ̀s, waa waa è ko nê, lob taꞋà nàmbəa wa Àtemìs nè èti nàmbəa lu e li nchu a ègwet la, e wu àpfəèà nɨ̧ a Efesɔ̀s. 36Wòt kǒ kà ko ànəê yaa ntsě. È wu ale, bɨ̀ buŋ, bɨ̀ ka tsi ngɨ̀ mènəè kà kwàꞋtè. 37Bòt baa babe la e bakà lem ntsɔ̀ àghɨa ko a èbem lobte bènàmbəa ba, bɔ̀ kà lem shu ànəa kàbɔ̀ŋ ane nàmbəa wa, bɨ bɔ̂ mbà̧à̧ àwɔb nɨŋ nkɨ̀Ꞌɨ̂ a si ŋàa. 38È wu laꞋ nê Dèmetulùs bɔ̂ bɔfàꞋ bi e baãaã wòt kǒ nê tà ghɨ̀ ànəê àko, bɔ nɨŋ nga abua bèkěm ane èli bu bɔ̀ɔ sàꞋa mèsaꞋa la. 39Mbə è wu nê bɨ̀ambɔŋ e bela mbɔ̌ ànəê àko, ko bɔɔ tsiꞋi tsɔꞋte ayea ngaa adzìꞋa bòt àlaꞋ àa mbù̧ù̧tà, bèkěm e tɔ la. 40Maà mbɔ̀â mbɨ̀Ꞌɨ̀ bɔ baãaã awa nê ba lɔ̀ke ngoꞋ àpfəè ŋaa laane. BetsiꞋa bà ka ko e ŋà lə àŋȩte yaa.” 41Mbɨ̀Ꞌɨ̀ tà làꞋ ale la, tà fəè bòt bu bɔ bù̧ù̧tè la nê bɔ̀ me ghǎ.
ទើបបានជ្រើសរើសហើយ៖
ÀfaꞋa 19: mnf
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2006, Cameroon Association for Bible Translation and Literacy
ÀfaꞋa 19
19
Pɔ̂l tsɔ̀tè Ntu̧ Ntsɔ̧̀ a Efesɔ̀s
1Àpolòs li ngu a Kɔlìn ale, Pɔ̂l me ghȩ̀ȩ̀nè àzi a èbem àlaꞋ a Esìà tè ngà nyi a Efesɔ̀s. Tà nyi abàꞋ və, tà ye bɔkatè ko, 2mbììte awɔb nê, “Bɨ li ndzì mèntɨ̧ɨ̧ mɨ̧ ane Yesò ale, Fo Kèfə kɨꞋɨ adù̧ yɨ̧?”
Bɔ nê, “Ba bakà lem ndzə nê àghɨ ako aa və è wû Fo Kèfə la.”
3Pɔ̂l è bììte nê, “Ɔɔ̀, bɔ li ndzì àwɨ̧ ale wuê a kǎ màndzia èdzî à?”
Bɔ nê, “A mèndzǐ mu Jɔ̌n li ngua ndzìà la.”
4Pɔ̂l shua abua yɔb nê, “Jɔ̌n li ngua ndzìà wuê bòt bu bɔ waꞋa mènəè kàbɔ̀ŋ mɔb la a èdzî. Tà me zì ale, tà me shu abua bòt Izəèlȩê nê bɔ̀ zì mèntɨ̧ɨ̧ mɔb ane wòt wu nga ekɨꞋɨ akwen ezi la, tàa shu ale a Yesò la.” 5Mbɨ̀Ꞌɨ̀ bɔ zə èngà̧ waa la, bɔ zì àwɔb a èdzî ane èlen Yesò Lefɨ̀Ꞌ. 6Pɔ̂l mè nɔ̀ŋè èbu bi a ètsə bɔb, Fo Kèfə kɨꞋɨ adù̧ yɔb tè bɔ tsiꞋa ndaꞋa ane èwuu ndɨ̧te ko tsa, mè ndàꞋà mèngǎ̧ ane àtɔŋ Mbɔ̧ɔ̧mà. 7Bòt ngaa bɔ̀ɔgème e li ngu ntsɔ̀b babe.
8Pɔ̂l me ghǎ a èbem lob Mbɔ̧ɔ̧mà Bèjuê ndàꞋà kà bɔ̌, bɔ̂ bòt ane èŋu yetat. Tà ghɨ̀ tà ghǎ, tà me kàànè bɔ̂ tò ba, nkɨ e ghɨ̌ tê bɔɔ ko, e mě ye àghɨa Kèfɔ̧̀ Mbɔ̧ɔ̧mà wu yùà la. 9Ka bòt àtsə àkekweelè ko ane yɔb è ka wua nkɨ ebɨ̧ɨ̧ne, bɔ tsiꞋi me làꞋà mènəè kàbɔ̀ŋ ane Alu̧ Yesò waa a mbì ndzɔ̀ŋ bòt yu. Ale, Pɔ̂l sà bèŋût, ntsìꞋi nɨ wuê bɔkatè Yesò bu. Àli àgème bɔ̂ tò ba e me baãaãte èngǎ̧ Mbɔ̧ɔ̧mà a èbem tsâ̧ wu Tìlanùs li ngua ndàꞋà abua bòt la. 10Bɔ li ngɨ̀ àyaa ane èngùꞋebȩ yebe, tè Bèjuê bɔ̂ bòt Glɨ̂k bàgème bɔ̀ɔ ntsèka àbâ àlaꞋ a Esìà la e zə mènəè Yesò.
Bɔmbâ̧ Skevà
11Mbɔ̧ɔ̧mà li ngua ngɨ̀à Pɔ̂l ghɨ̀à tèwuute ènəê kà ye fɨ̀Ꞌ te tsě bòt la. 12Bɔ ghɨ̀ bɔ̀ nɨ edziꞋi ndǐ bɔ̀ baãaãte ènyit tò, bɔ̀ ghǎ bɔ̀ nɔ̀ŋe adù̧ bòt àghɔ̧, bɔ kweelè. Fote kàbɔ̀ŋ te sà àwɔb.
13Bèjuê ko e li ngua ngȩ̀ȩ̀nà ndùta tèkaŋtsə fəèà fote kàbɔ̀ŋ tèa ŋǎ bòt ngoꞋ la, me nyɔ̀Ꞌtè nkɨ enɨ èlen Yesò Lefɨ̀Ꞌ ka nɨ ghɨ̌ a èlɨ mbɔŋ. Bɔ ghɨ̀ bɔ shu abua fote kàbɔ̀ŋ tu nê, “Ane èlen Yesò wu Pɔ̂l nàa ndàꞋà la, mâ laꞋ nê, dù, ka tsi ŋǎ wòt waa ngoꞋ.” 14Bòt baa bɔ li ngua ngɨ̀à anè la li ngu bɔ̧ Skevà wu, tà lè wu wòt Juê, mè ngu àtsəa bèntsìà mèpɨ̧̀ Mbɔ̧ɔ̧mà la. Bɔ̀ɔ̀ waa bɔ li ngu bɔ̀ɔ sà̧à̧mbe. 15Wòt kǒ ane yɔb ghɨ̀ ale ndaꞋa èlɨ̀ waa, fo kàbɔ̀ŋ yu shu abua yɔb nê, “Mâ koê a Yesò, mè me zə èlen Pɔ̂l; è wu awɨ̧ bɨ wu wà baà?” 16Mbê wu nè fo kàbɔ̀ŋ yu la nù àwɔb ane èwuu ètɨ̧̂ ko tè ndèn àwɔb bàgème. Bɔ tsiꞋi dzəâ a lob tò ndùùlà nè tèfɨŋtsə ane yɔb, ndǐ tɔb te bɔ̂ sà̧à̧tê.
17AfɨꞋa Bèjuê nè bòt Glɨ̂k bàgème a Efesɔ̀s e zə ànəê yaa la, kèbɔa ke baãaã awɔb, tè bɔ tsiꞋi me paa ngùꞋtà èlen Yesò Lefɨ̀Ꞌ mè mbɔ̀a lùà. 18ÀfɨꞋa mbɔŋ bòt nyaŋ bɔ ghɨ ndzì mèntɨ̧ɨ̧ mɔb ane Yesò la e pùùlà a mbì ntùꞋtè mènəè kàbɔ̀ŋ bɔ ghɨ̀ la. 19ÀbəꞋa nyaŋ a wua ndùta tèkaŋtsə la, a fetè èkatè adzìꞋ yeamɔꞋ nkɨ̀Ꞌɨ̂ ntò̧ a kètsìà waa waa. Bɔ̀ lɔꞋ nkwàꞋtè ètsəê èkatè bu bɔ tò̧ la, e dzəè èkwȩkab mbɔ̀ŋè bètɔsì èghem yetà̧â̧. #19:19 Àkwȩkab yeamɔꞋ ane èkab mbɔŋ li ngu èkab àfaꞋa wòt bòt Aflikà la. 20Ànəa kekweelè yaa a li ngɨ̀ bòt nyaŋ e mè ndzì mèntɨ̧ɨ̧ mɔb ane Yesò tè èngǎ̧ tò e me kweela ngà wuê nè mbì.
NgoꞋ a Efesɔ̀s
21Mbɨ̀Ꞌɨ̀ mènəè maa è tsè la, Pɔ̂l è kwàꞋtè nê yea ghǎ a Màsèdonìà, nga àlaꞋ Akayà, mbɔ̂ ntsè ngà nè mbì tè ngu a Jèlusalèm. Tà ghɨ̀ ale, tà mè nkwàꞋtè nê, ye ghà tè ngu abàꞋ və, ko yea ghà tê wu a Luêm. 22Ale, tà tsaa Èlastùs bɔ̂ Tɔ̀màtià, è wû bòt bɔ̀ɔ ntɨ̀ŋa atò la a Màsèdonìà, mbɔ̂ mè ntèꞋà zìambɔŋ ane àfɨ̀Ꞌ àko àbâ àlaꞋ a Esìà.
23Eyaa li ngu àfɨ̀Ꞌ yu ngoꞋ kèkweelè li ndzə a Efesɔ̀s nkàà ànəa Alu̧ Yesò wu la. 24Talà̧ silbà kǒ èlen tò le wu Dèmetulùs la, li ngua ngɨ̀à bɔbɔ lob ane silbà bèa mbɨꞋɨ̀ lob nàmbəa wu èlen tò wu Àtemìs la. ÀfaꞋa tò yaa a li ntaꞋa wua ŋa àbȩ̀ abua bɔfàꞋ tò. 25È tseke tè ngu ane àli ako, tà tɔ bɔfàꞋ bu bàgème nè èbeko bɔ̀ɔ fàꞋà èwuu àfaꞋa ngaa la, shu abua yɔb nê, “Banɔ̧̀, bɨ ko nê èkab wa aà ndzəa ane àfàꞋ yaa. 26Bɨ̀a mbɔŋ e ye mè ndzəè àghɨa mbê waa bɔ̀ɔ ntɔ atò nê Pɔ̂l la è ghɨ̀ la. Tàà shua nê bèmbɔ̧ɔ̧mà bàa bɔbȩ àa ngɨa ane èbu bɔb la ntsě àghɨ. Tà làꞋà èngǎ̧ vi wu tè nɨŋ ntsòkè àtsəa bòt a Efesɔ̀s ŋaa, nè àbâ àlaꞋ a Esìà ŋaa àgème. 27Ànəa e mbɔà la wu nê, bòt aa tsiꞋi me ye àfàꞋ yaa yàa ane èghɨ kàbɔ̀ŋ. È ndem ntsě wuê ndàꞋ ale. Àyea ko wu nê, lob taꞋà nàmbəa wu èlen tò wu Àtemìs la, naa tsiꞋi àghɨ aku, tè ènɨ̧ tò wu waa waa a Esìà nè ngɔ̀ŋ yaa nàa ngùꞋtà la, aa chu a si.”
28Mbɨ̀Ꞌɨ̀ ndzɔ̀ŋ bòt bu è zə èngà̧ waa la, ntɨ̧ɨ̧ tɔb te bɨ, bɔ bùꞋ me ŋȩa shua nê, “Àtemìs wu a Efesɔ̀s la è ghe.” 29Bɔ ghɨ̀ ale, ŋȩ̀ tê bòt nyaŋ àpfəèà nɨ̧ yu e tsiꞋa ŋȩ̀a ŋȩ mɨ̧̂. Ènɔ̧̂ bòt bu e baãaã a Gayɔ̀s bɔ̂ Àlistakùs è wû bòt Màsèdonìà babe, bɔ̀ le wua ngȩ̀ȩ̀nà bɔ̂ Pɔ̂l ba la, nɨ̀ àwɔb ndùùlà nga adzìꞋa waa waa àpfəèà nɨ̧ və nàa mbù̧ù̧tà la. 30Pɔ̂l zìambɔŋ nê ye kɨ eghǎ a mbì ndzɔ̀ŋ bòt yu, ka bɔkatè Yesò e tu̧. 31Bèshu̧ tò ko è wû bɔɔjuŋ àbâ àlaꞋ və la e tsɔ̀tè fɔ̀ɔ̀le ntu̧, shù̧ù̧te atò nê, tà ka mbê nga adzìꞋa ngaa yu bòt àa mbù̧ù̧tà la.
32Bòt bu bɔ bù̧ù̧te adzìꞋ yu la e me ŋȩa ànyaꞋne. Bòt kǒ e me ŋȩa shua ànəê àko, èbeko e me ŋȩa shua àyea tsa, nkàà nê àbəèꞋ àyɔb nyaŋ a li à ka lem nko àghɨa a ghɨ̂ ka bɔ bù̧ù̧tè la. 33Bòt ko e li mbê nkwàꞋtè nê wu Àlèkzandà ka tà ghɨ̌ ànəa mbɔŋ la, ndɨ̀ wu Bèjuê e li ŋweele atò nê tà kɔꞋ ngà ntɨ̧ɨ̧ nè mbì la. Mbɨ̀Ꞌɨ̀ àa ale la, Àlèkzandà è dèb èbu bi nê bòt bu è buŋ ye làꞋà èngǎ̧ nɨŋ fà àtsəa zi. 34Ka àfɨꞋa bɔ ye nê tà wu wòt Juê la, bɔ nɨ bèawà babe me ŋȩ shua wuê nê, “Àtemìs wu a Efesɔ̀s la è ghe!”
35A ghà me lìa, wòt tàa shɨa mèkatè àpfəèà nɨ̧ və la, nyɔ̀Ꞌtè ngɨ̀ ènɔ̧̂ bòt bu e buŋ. Tà nê, “Bɔnyɨ bɔ̧ bòt Efesɔ̀s, waa waa è ko nê, lob taꞋà nàmbəa wa Àtemìs nè èti nàmbəa lu e li nchu a ègwet la, e wu àpfəèà nɨ̧ a Efesɔ̀s. 36Wòt kǒ kà ko ànəê yaa ntsě. È wu ale, bɨ̀ buŋ, bɨ̀ ka tsi ngɨ̀ mènəè kà kwàꞋtè. 37Bòt baa babe la e bakà lem ntsɔ̀ àghɨa ko a èbem lobte bènàmbəa ba, bɔ̀ kà lem shu ànəa kàbɔ̀ŋ ane nàmbəa wa, bɨ bɔ̂ mbà̧à̧ àwɔb nɨŋ nkɨ̀Ꞌɨ̂ a si ŋàa. 38È wu laꞋ nê Dèmetulùs bɔ̂ bɔfàꞋ bi e baãaã wòt kǒ nê tà ghɨ̀ ànəê àko, bɔ nɨŋ nga abua bèkěm ane èli bu bɔ̀ɔ sàꞋa mèsaꞋa la. 39Mbə è wu nê bɨ̀ambɔŋ e bela mbɔ̌ ànəê àko, ko bɔɔ tsiꞋi tsɔꞋte ayea ngaa adzìꞋa bòt àlaꞋ àa mbù̧ù̧tà, bèkěm e tɔ la. 40Maà mbɔ̀â mbɨ̀Ꞌɨ̀ bɔ baãaã awa nê ba lɔ̀ke ngoꞋ àpfəè ŋaa laane. BetsiꞋa bà ka ko e ŋà lə àŋȩte yaa.” 41Mbɨ̀Ꞌɨ̀ tà làꞋ ale la, tà fəè bòt bu bɔ bù̧ù̧tè la nê bɔ̀ me ghǎ.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2006, Cameroon Association for Bible Translation and Literacy