Alawi 18
18
Malheheriyo o mwaha uchiichihiye wo munthelhini
1Apwiiya Nlhuku nkayeerelha ashinna Musa wiira, 2“Mwaahimerie attu o Israeli cho: Mii phi Apwiiya Nlhuku inyu. 3Nhipange mena thoko chinopanga aya attu o ilhapo yo Umisri waakhalha inyu. Mena nhipange thoko chinopanga aya attu o ilhapo yo Ukanaani unorwehaakani. Nhittwarihe mena meetelho aya. 4Nttwareke malheheriyo aka ni uvarechesha meettuchiho aka. Mii phi Apwiiya Nlhuku inyu. 5Paahi etu wo wiira ntu oopolhe ukumi awe, mwiiwelhelheke ni uvarechesha malheheriyo aka ni meettuchiho aka. Mii phi Apwiiya Nlhuku inyu.
6“Ntu riyoothe o Israeli hintongose mmuchi awe wiira anrupane. Mii phi Apwiiya Nlhuku.
7“Nhaawonye athumwaninyu wo waarupana anumwaninyu oyanreni. Nhoolhihache muru yayo phi anumwaninyu.
8“Nhaawonye athumwaninyu wo urupa ni mmoka o mavasha aya. Yayo manyaanumwaninyu chiicho.
9“Nhaarupane arokorinyu, akhalhe arokorinyu o irukulhu imoka ama arokorinyu ayariye ni anumwaninyu akina.
10“Mena nhinrupane mwanchulhu inyu, mwaana a mwaamwaninyu mwanlhopwana ama mwanthiyana, ukhalhawaya nnowiichoolhiha muru mwaanene.
11“Chiicho, nhinrupane mena mwalhi yariye ni nivasha nikina na athumwaninyu, yoyo mwanrokorinyu.
12“Nhaarupane amaati inyu, ukhalhawaya yayo arokoraya athumwaninyu.
13“Nhaarupane anumwaninyu olhupalhe ama aakani, ukhalhawaya yayo amuchi a anumwaninyu.
14“Nhaarupane mahano aya athumwaninyu olhupalhe ama aakani, yayo anumwaninyu chiicho.
15“Nhaarupane mahano o mwaamwaninyu, yayo ahokohi inyu, mahano a mwaamwaninyu. Nhaarupane mena.
16“Nhaarupane mahano a nhimainyu ama onninyu, vavawo nnowoolhiha muru ahima inyu ama onninyu.
17“Mwarupaka ni nthiyana paahi, mena nhinrupane mwamwanawe ama ashichulhu awe, yayo alhoko amoka. Mwaathakanihaka, nnoowonya.
18“Nhaathelhe mavasha mahano inyu ni onnaya ama ahima aya, mena waarupana, mahano inyu anari akumi.
19“Nhinrupane mena nthiyana vanoona awe mahuku awe o mweeri.
20“Nhaarupane mena mahano a amwaatamana inyu, mwapangaka chiicho, nnowiinanariha mwaanene. Khannorumelhelhiya wo iphiro cho waalhapelha Apwiiya Nlhuku.
21“Nhinkumihe mwaamwaninyu riyoothe ukhalha isadaka wa nlhuku Moleki ukhalhawaya upanga chiicho nnooruwaniha nchina naka mii Nlhuku inyu. Mii phi Apwiiya Nlhuku.
22“Nhiruparupane mena nlhopwana nkhunaninyu thoko wiira nthiyana. Wowo phi uwonya chinene.
23“Mena nhinrupane mwannama nkamweenanariha, nlhopwana ama nthiyana riyoothe mena hipange chiicho, upanga chiicho phi uttteka.
24“Nhiinanarihe wo upanga ittu iriyoothe munlhokoni mwo yayo, ukhalhawaya attu anopanga chechiyo anowiinanariha ni mii kinowoomolha attu o makosho thoko yayo athame umihoolho waka. 25Ata ilhapo aya yahonanarihiya, ni mii nkakaatwarusha wo uwonya waya, ni ilhapo iyo nkayaaraphia attu aya. 26Nansho mwaattiva ni alheto anokhalha munlhokoni mwinyu nnothananiya nvarecheshe malheheriyo ni malhehano aka ni mena nhipange chihinottuna awe Nlhuku chiyo. 27Chechiyo chittu chinokirusha chiyo chaapangiye ni attu yaakhalha ilhapo yo Ukanaani nhinaaya mwaattiva, ni ilhapo iyo nkayaananara. 28Paahi mwaattiva nhipange yoyo mwaha uyo, mweeraka chiicho ilhapo iyo inouraphiani, thoko chaarapheiye aya attu yaariwo nhinaya mwaattiva.
29“Attu onkhaye anohalha upanga yoyo mwaha uhinottuna aya Apwiiya Nlhuku uyo, anothananiya wiira ahilhohiye ahiiyeke utayi, oomolhiyeke munlhokoni mwa attu o Israeli.
30“Paahi etu nvarechesheke rata malhove onkhaye anolheheraakani, nhittwarihe malhemalhelho ariyoothe orushiha yaapangiye ni alhe yaakhalha mwiilhaponi mmo nhinaya mwaatti, nhiwe mweenanariha wo upanga yayo. Mii phi Apwiiya Nlhuku inyu.”
ទើបបានជ្រើសរើសហើយ៖
Alawi 18: MOT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Bible Version in Makua @The Word for The World International and Makua Language translators. All rights reserved.
Alawi 18
18
Malheheriyo o mwaha uchiichihiye wo munthelhini
1Apwiiya Nlhuku nkayeerelha ashinna Musa wiira, 2“Mwaahimerie attu o Israeli cho: Mii phi Apwiiya Nlhuku inyu. 3Nhipange mena thoko chinopanga aya attu o ilhapo yo Umisri waakhalha inyu. Mena nhipange thoko chinopanga aya attu o ilhapo yo Ukanaani unorwehaakani. Nhittwarihe mena meetelho aya. 4Nttwareke malheheriyo aka ni uvarechesha meettuchiho aka. Mii phi Apwiiya Nlhuku inyu. 5Paahi etu wo wiira ntu oopolhe ukumi awe, mwiiwelhelheke ni uvarechesha malheheriyo aka ni meettuchiho aka. Mii phi Apwiiya Nlhuku inyu.
6“Ntu riyoothe o Israeli hintongose mmuchi awe wiira anrupane. Mii phi Apwiiya Nlhuku.
7“Nhaawonye athumwaninyu wo waarupana anumwaninyu oyanreni. Nhoolhihache muru yayo phi anumwaninyu.
8“Nhaawonye athumwaninyu wo urupa ni mmoka o mavasha aya. Yayo manyaanumwaninyu chiicho.
9“Nhaarupane arokorinyu, akhalhe arokorinyu o irukulhu imoka ama arokorinyu ayariye ni anumwaninyu akina.
10“Mena nhinrupane mwanchulhu inyu, mwaana a mwaamwaninyu mwanlhopwana ama mwanthiyana, ukhalhawaya nnowiichoolhiha muru mwaanene.
11“Chiicho, nhinrupane mena mwalhi yariye ni nivasha nikina na athumwaninyu, yoyo mwanrokorinyu.
12“Nhaarupane amaati inyu, ukhalhawaya yayo arokoraya athumwaninyu.
13“Nhaarupane anumwaninyu olhupalhe ama aakani, ukhalhawaya yayo amuchi a anumwaninyu.
14“Nhaarupane mahano aya athumwaninyu olhupalhe ama aakani, yayo anumwaninyu chiicho.
15“Nhaarupane mahano o mwaamwaninyu, yayo ahokohi inyu, mahano a mwaamwaninyu. Nhaarupane mena.
16“Nhaarupane mahano a nhimainyu ama onninyu, vavawo nnowoolhiha muru ahima inyu ama onninyu.
17“Mwarupaka ni nthiyana paahi, mena nhinrupane mwamwanawe ama ashichulhu awe, yayo alhoko amoka. Mwaathakanihaka, nnoowonya.
18“Nhaathelhe mavasha mahano inyu ni onnaya ama ahima aya, mena waarupana, mahano inyu anari akumi.
19“Nhinrupane mena nthiyana vanoona awe mahuku awe o mweeri.
20“Nhaarupane mena mahano a amwaatamana inyu, mwapangaka chiicho, nnowiinanariha mwaanene. Khannorumelhelhiya wo iphiro cho waalhapelha Apwiiya Nlhuku.
21“Nhinkumihe mwaamwaninyu riyoothe ukhalha isadaka wa nlhuku Moleki ukhalhawaya upanga chiicho nnooruwaniha nchina naka mii Nlhuku inyu. Mii phi Apwiiya Nlhuku.
22“Nhiruparupane mena nlhopwana nkhunaninyu thoko wiira nthiyana. Wowo phi uwonya chinene.
23“Mena nhinrupane mwannama nkamweenanariha, nlhopwana ama nthiyana riyoothe mena hipange chiicho, upanga chiicho phi uttteka.
24“Nhiinanarihe wo upanga ittu iriyoothe munlhokoni mwo yayo, ukhalhawaya attu anopanga chechiyo anowiinanariha ni mii kinowoomolha attu o makosho thoko yayo athame umihoolho waka. 25Ata ilhapo aya yahonanarihiya, ni mii nkakaatwarusha wo uwonya waya, ni ilhapo iyo nkayaaraphia attu aya. 26Nansho mwaattiva ni alheto anokhalha munlhokoni mwinyu nnothananiya nvarecheshe malheheriyo ni malhehano aka ni mena nhipange chihinottuna awe Nlhuku chiyo. 27Chechiyo chittu chinokirusha chiyo chaapangiye ni attu yaakhalha ilhapo yo Ukanaani nhinaaya mwaattiva, ni ilhapo iyo nkayaananara. 28Paahi mwaattiva nhipange yoyo mwaha uyo, mweeraka chiicho ilhapo iyo inouraphiani, thoko chaarapheiye aya attu yaariwo nhinaya mwaattiva.
29“Attu onkhaye anohalha upanga yoyo mwaha uhinottuna aya Apwiiya Nlhuku uyo, anothananiya wiira ahilhohiye ahiiyeke utayi, oomolhiyeke munlhokoni mwa attu o Israeli.
30“Paahi etu nvarechesheke rata malhove onkhaye anolheheraakani, nhittwarihe malhemalhelho ariyoothe orushiha yaapangiye ni alhe yaakhalha mwiilhaponi mmo nhinaya mwaatti, nhiwe mweenanariha wo upanga yayo. Mii phi Apwiiya Nlhuku inyu.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Bible Version in Makua @The Word for The World International and Makua Language translators. All rights reserved.