TIMOTHY KÜNAO 2
2
Jisu Khrista thipahi küvemi
1Süla anu no Khrista celü küpa ngo kümüzhe-o lü mütü mama zo yite. 2Sio no thüma kükro küshe küngo lü a celü dzü rünyi küyiko, no süko khapü mi kükremi ri müthayi küvemi mipo ri u mülüyi küvemi belü süsüte. 3Nori Khrista Jisu thipahi küvemi kümha no azü kümüzhe yite. 4Thüma kühopühri thüpahi kam thiküto ce mha kükre thi u küre yomo; süosü kükrelamori püpo thüpahi thito-ü püza tho küyio nü thiyi kütola. 5Sizomori thüma kühopühri mi zü rüshü küve küka thi kütomi thüzho tüce thi rüshü moo kuküyi pirüh püh pü cü yomü. 6Utho thathizo no yi teyi küzhomi, mi kükremi mhüdzü umhatho she ngo rato. 7A kupoko lüsüte, Nepoo pütho mha kühopüh lüri mha küshe külü kha n cü süto. 8Khrista Jisu, rükra ba zo yi; I dzüyi küveo lü popüh mi müka küta kümha Pü küsako dolü rhüla süte, mu Pü David ye-o zo; 9Dzüyiküve süo la küjo küthimi kümha mipo a khüpüh kümüzhe hite küzüzo; siri ukümünupü dzü phakha va zümozo. 10Süla küdaküyiko po Khrista Jisu yolü küpa kulaküyi püh küchothe zale küthi sa ngoi küto la I mha mütüko lü sügüsühe tayo. 11U Pü züh sa loo Pü züh rhü yito: 12U sügüsüheyi loo u Pü züh küde thito; u Pü za pomu loo Puri uza pomu tato. 13U dzütho mo zori Püe dzütho süh bazo, kükrelamori Püe Pütho Pdzü molen potyi hozo küzüla; dzü hiko küthozo.
Mhathiyi küshümi thiyi küto
14No uko Po dzü hiko rükrayi no süte. Mu Nepoo küngo ce uko po dzü kümüli hi no süte küpali küzü-e nve küyio mori kürünyimi thi müshü vayo küzüla. 15Ukümünupü po no ve len po kütola nhe thizo yite, mhatho küve thiyi, sio no münga taho; kütho dzüo küza tü-ü no süzoyi. 16Sio dzüchü dzürü müsakümo mütsüzoyi; kükrelamori süko poyo küzhoko kütho lümo mamatato küzüla. 17Mu udzüko küthiküshü kümha müma tato; süko dolü Huminia mu Filetari sate. 18Uni küthoo vajo yite sizing rhüla süküto sütsüvate, sino humi kümülü thorhü va to-üzü. 19Sizori Ukümünupü pü bo dü küsüo mütü bazo, mu süoyo Nepoo Pütho P zhüko sheba zo mu thüma kühopü ri Nepoo za sühyo küzhoko kütho kümoo thürü ta yite, si küzü mohor vüpüh bazo. 20Sio ce küve küzho lüzori mhabü püh Suna mu rükathi pü küthi lübi mori süh mu rünyo ri püh küthi bayo; sio hu thürho püto mu hu thürho pü yiho. 21Süla thüma kühopühri utho u mükhre kümüsa püh thürho pü kümoko thürüyi loo pü thipüh thürho küpü müsa küta Nepoo po süh mhathiyi küshü mhatho küve mütüko la küla kreküyi mhabü püh thiyi to. 22Tsüo nota khesa rüli münyüko thürayite süzin ulü müzi no u Nepoo za lü cho mülo küzüko züh kümatho. Kümülü, kükhrü u ulü kümünü, hiko sadzi thizo yite. 23Vee mhalü kümo mu mha kütso zü kümo kütso küzü dzüko rünyi mo zo yite; süko la mi po kümüli tayo kütsü nori sheba toho. 24Sio Nepoo yithomi küpali shü; si küzüo mori kühoph yolü ri uzho veyi moo shü. Mu ulü kükhrü sügü sühe mu mi mütha she moo shü. 25Ukümünupü tho süko lü thi küdepüh kütho mhashe ceco süyito tho si küzü lüno pu lü münü no kütho ngo kümuko küjo popüh müka no müthayite. 26Süzi loo Satan sümhüdzü uko tüpüh pü müdo lü süyi ta zori uko pu ratho thüra payi tato.
ទើបបានជ្រើសរើសហើយ៖
TIMOTHY KÜNAO 2: NAG5BSI
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Chakhesang Chokri Naga New Testament © Bible Society of India, 2015. Used by permission. All rights reserved worldwide.