THESSALONIAKO KÜNAO 2
2
Thüma kürüzüo dzüh
1Sülizo ha küzüko, U Nyepo Jisu Khrista la voküta mu uko vo pu mhüdzülü künguküto dzüh ha ne hüpü, 2nepo Nyepoo küvo tüsozho tsühi tali kütsü potolino nepo nelü kühoküro thi mhata moyi Ropüh mhase pü na moyi mi dzüna moyi ha chelü lüsi ngoyi no nüko lü kümüzhe mo küto thi süho. 3Mipo thüdo kühopüyi sü ne swühite: mi lata müra mu kakütao nuo thüma kürüzüo mi mhüngo thi vokümo lü süyilho. 4Süo u tho u khapü U Kümünupüh düthi moyi mipo u rüsayo küzho khüko ngomu mu putho u Kümünupüh müve thino u Kümünupüh kürüsüce lü bayito. 5I Thadzü nüko zü küba che mha sükosü pü nüko che poküsü nüko seyi mota me? 6Sülizo pu po putü tüche prakütona küdipü tsüdo pu kha ba sü nüko yi sebato. 7Mu kürüzüo kükuko mi müse müngo mo no tsüyi thi swüdü bate. Eli tsü pu khakübao mipo pu khi müra va mozosu. 8Süzüno süsalü kürüzü süo putho mi mhüngo thi prato; Eli Nyepo Jisu ta lü küpra pu thüsü pü süo müka vato, mu pu mi mhüngo thi vode kürüzü süo thi müdi vato. 9Satan pu hüküsü na kürüzü süo küku mu zasiko mu ungo mhatho küthosu, 10Mi swüyoküzho khüko sü de vo suta kütoko kütsito; süosü kükrenamoli dzüo züyi moküta la. 11Tsütio uko po küchezü mülütakütona süosü na u Kümünupüh mi po kükritaküto kro po thisüto. 12Süzüno küthoo mülü moli küthokümo-o lü unü küta khüko müjo vato.
Külayitoli küdaküta
13Süyi Nyepoo khrüküpüh ha küzüko, Ropüh tho ne thi kümüsa yino nepo küthoo mülübüyi no u Kümünupüh süprülü noko küdapü külaküyi checho süpü taküta na ha no noko na u Kümünupüh swüsü tayizüte. 14Pu süosü na ha dzüyiküveo po noko thipü u Nyepo Jisu Khrista zale thiküto checho süyite. 15Süna ha küzüko thiswü thi thazoyi, mu noko tha dzü zoyi moyi ha lüsi lüno kümütha dzü se küyiko thi mu zütazoyi. 16Sülizo u Nyepo Jisu Khrista poyi mu u Kümünupüh u poo ngokümüzheo na ukhrü mu küchothe ulü tho mülu mu u sadzuh küve kha u küprüo poyi, 17Noko lü tho mülusü mu mhaküve küthi mu dzü lünyiko lü nelü thi kümüve sü küyio thiyite.
ទើបបានជ្រើសរើសហើយ៖
THESSALONIAKO KÜNAO 2: NAG5BSI
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Chakhesang Chokri Naga New Testament © Bible Society of India, 2015. Used by permission. All rights reserved worldwide.