ខគម្ពីរពេញនិយមពី Joani 6

ចែក​រំលែក

Jesu a ba bulelela, a li, “Ki na buhobe bwa bupilo. Ya taha ku na kaufela h'a na ku shwa tala ni kamuta, mi ya lumela ku na h'a na ku shwa linyolwa kuya kuile.

Se si fa bupilo ki Moya, isiñi nama. Nama yona, ha i na tuso ni ye kana. Manzwi e ni mi bulelezi ki a Moya ni bupilo.

Mu si ke mwa belekela sico se si sinyeha, kono mu sebeleze sico se si sa sinyehi, se si fumanisa bupilo bo bu sa feli. Sico se, mu ka si fiwa ki na, na, Mwan'a Mutu, kakuli Mulimu, Ndate, u ni swaile liswayo la Bulimu bwa hae.”

Kakuli s'a bata Ndate, kikuli ba ba bona Mwana kaufela, mi ba lumela ku yena, ba fumane bupilo bo bu sa feli, kuli ni ba zuse kwa bafu ka lizazi la mafelelezo.”

Jesu a ba alaba, a li, “Ki wo musebezi w'a bata Mulimu kuli mu u eze. Mu lumele ku ya lumilwe ki yena.”

Mutu kaufela ye ni fiwa ki Ndate u ka taha ku na, mi ha ni na ku leleka ni kamuta ya taha ku na.

Simoni Pitrosi a mu alaba, a li, “Mulena, ne lu ka ya ku mañi? Ki wena ya na ni manzwi a fa bupilo bo bu sa feli.

Ki na buhobe bo bu pila bo bu zwile kwa lihalimu. Mutu ufi ni ufi ya ka ca kwa buhobe bo, u ta pila kuya kuile. Mi buhobe bo ni ka fa, ki mubili wa ka. Ni ka u fana kuli batu ba lifasi ba pile.”

Ha ku na mutu ya kona ku taha ku na, konji Ndate ya ni lumile h'a ka mu susueza. Kihona a ka taha ku na, mi na, ni ka mu zusa kwa bafu ka lizazi la mafelelezo.

Kakuli buhobe bw'a fana Mulimu, ki yena kasibili ya zwa kwa lihalimu, mi u fa lifasi bupilo.”

Ki na buhobe bwa bupilo.

Jesu a nga mahobe, a itumela ku Mulimu, mi a' abela batu ba ba ne ba inzi fafasi. A eza cwalo ni kwa litapi. A ba fa mo ne ba latela kaufela. Ha ba se ba kusi kaufel'a bona, a bulelela balutiwa ba hae, a li, “A mu nope bungululwa bo bu siyezi. Lu si ke lwa lata nihaiba ka kanyinyani!”

Balutiwa ne ba se ba fuluhile libima ze lukela ku ba ze talu, kapa ze ne, kiha ba bona Jesu a sutelela kwa sisepe a nz'a zamaya fa mezi, mi ba saba hahulu. Jesu a ba bulelela, a li, “Mu si ke mwa saba. Ki na!”