ខគម្ពីរពេញនិយមពី LUKE 12

ចែក​រំលែក

Tumikhan bhi jugar kori thakibi, kilemane Manuh laga Putro bhi bhabna nathaka homoi te ahhibo.”

Kintu eitu bodli, Tar laga rajyo bisaribi, aru eitu khan sob tu tumikhan ke di dibo.

Aru Jisu he tarkhan ke koise, “Hushier koribi, aru dhon sampoti lubh kora nimite dhyan koribi; kilemane manuh ekjon laga jivon tu sampoti besi thaka pora bona nai.”

Kilemane kot te tumi laga sampoti ase, tate tumi laga mon bhi thakibo.

Aru nijor laga jivon karne chinta hoi kene, olop homoi hole bhi lamba koribo para manuh tumikhan majot te kon ase?

Aru Jisu he Tar laga chella khan ke koise, “Eitu karne Moi tumikhan ke koi ase, tumikhan laga jivon nimite te, ki khabo eneka chinta nakoribi, nahole tumikhan laga gau nimite ki pindhibo eneka chinta nakoribi.

Kile bhoi koribo, tumikhan laga matha te thaka chuli bhi sob genti kori kene ase. Eitu karne bhoi nakoribi; ghor-chiriya besi pora tumikhan he besi dam ase.

“Bhoi nakoribi, hei jak mer khan, kilemane tumikhan ke rajyo dibole Pitri pora besi itcha ase.

Kauwa chiriya khan laga bhabna kori sabi: taikhan pora bijon nahisai nahole phosol jama nakore, taikhan laga bostu jama kora jaga, nahole bhoral bhi nai, kintu Isor pora palli ase. Eitu chiriya khan pora tu tumikhan he besi dam ase!

Eitu karne tumikhan ki khabo aru ki pibo, eneka chinta kori kene mon dukh nakoribi.

Kintu jodi ekta ghans kon tu aji ase aru kali jui jola jaga te phelai diye, eitu khan ke Isor pora eneka pindhi bole di ase, tu kiman bhi besi tumikhan ke dibo, hei biswas huru manuh khan!

Prokahit nakoribole eku bhi bond kori kene nai, nahole janibo napara eku bhi lukai kene nai.