ខគម្ពីរពេញនិយមពី Yohana 16

ចែក​រំលែក

Amakhuwa kano emubooleele, mbu mwisie mube nomulembe. Mushialo muli nende amasila; ne leme emioyo; isie emalile okhuhula eshialo.

Nebutswa olwa ye, niye Roho wobwatoto, alaba niyeetsile, alamwibaalila mubwatoto bwosi; okhuba shialasunga khukeke omwene ta; ne akeenako kosi aka alahulilanga, niko aka alaboolanga; khandi alamurumbulila amakhuwa akeetsa okhwitsa.

Okhuula bulaano mushili okhusaaya likhuwa liosi muliira lianje; sabe, ne mulanyoola, mbu okhwikhoya khweenywe khwitsule.

Nebutswa emuboolela akatoto, mbu kamukhoyeele mbu nzinyoshe; okhuba nimba nindeenyokha ta, Omuhabini shialamwitsila tawe; ne nimba ninzia, ndalamuruma khwinywe. Naye olwa alaba niyeetsile alahula eshialo mushiina khumakhuwa kobwonooni, nende akobulunjishi, nende akobukhalachi.

Niko akachila inywe nimuli neshibeela bulaano; ne ndakhamulole khandi, mana emioyo chieenywe chiakheekhoye, ne abulaho oulamubukula okhwikhoya khweenywe. Kata khunyanga eyo shimula'reeba likhuwa liosi ta. Toto mwene, emusunjila mbu nimuba nimusaaya Papa likhuwa liosi, alamuheelesia muliira lianje.

Toto mwene, emusunjila mbu mulalila nimwikhuula, nashio eshialo shileekhoya; mulabeelela, ne eshibeela shieenywe shilakalulwa okhwikhoya.