ខគម្ពីរពេញនិយមពី Efesiɛ́ŋ 4

ចែក​រំលែក

Búguófoon ká núbá banuá na banuá agá bese, nudidɔká, nunɛnanɛn gɔɔ́gɔ anɛ́ Gɔdányá máanúnɛ́nɛ́n góbusió bá buanda ubú Kilíse máal gán góbusió.

Énubísélenyi busió buum, nudidɔga, nuɔ́mínɔɔn. Mɔnd mágual bɔbɛ, mbaán nobusió na gulɛ́ga wɔ́.

Nudigálá biád bá gugál, ánugálá gugál gúdúgúnené bɔsɔ́gɔ́ ká bágúmaan agá guádáb, nugála manda másɛ́gɛmananá ká médúgúne band bɔ́bídɔ́lɛ́gɔnɔ́.

Nudibɛ́dɛ́gaán bɔbɛ ubú básaágunuál agán gá ɛdɛm. Nudiliŋi, nudiɔ́b ilób. Dugogó, ɛnsɛgɛ na anama yá bɔbɛ gidigid diánd guánɛ́g aganuá.

Ɔ́mɔ́b ilób, ídigudídígín ká ál buanda bá bɔbɛ, nsɛ́ ɔdɛm wɔ́w fuog, ɔ́ny maányɛ údínaábɛ́dɛ́mɛ́n. Nudiéŋín Satan gias.

nugúbianan gɔg ká núnɛɛn bielínyélínyé bán bá nsua bínyá gubá biágaan nagadá wanɔ biíle, gágual ká, bɛsɛmɛ́dɛ́n bán égunúnéŋe, ɛbɛ́baan nanɔ agá bunyím. Ánubɛ́nɛɛ́n ká Ɛsámb yá Mefúny núgi ɛmbɛ́dágɛ́dɛ́n sán. Ánulád gɛŋɛ́lɛŋɔ́siɔ gá gual ugú Gɔdányá méedényígényí. Meliŋítas guódonyi gual uguány ká gubá osi, na begubeg.

Ánubɛ́gɛ́ndɛ́naán ká núbá buóny búmoóm agá nɛlad ɛnɛ́ Ɛsámb yá Mefúny nuéŋené, ta agá bumben búnúládaná banuá na banuá.

Uwɔ́ umáal ká band bá, ebe bedúméb, ebéné mubús má Gɔdányá, bóndodió bedúmb Ndág ya Nsɔ́m, bómodió sɔ́n béndenyi band bá Gɔdányá, bónd béfúnyifunyi band gugál gág. Anányɛ umáal ká band bá Gɔdányá bá kabál kabál gá gualaan wɔ́ buól ká nuɔ́l ná Kilíse gumaan, guám anɛ́ diganuámɛ́nɛn basuá bem ká díbá omoóm agá guádáb na ká dɛ́lɛ́ns Mɔɔn wá Gɔdányá. Digagumaan agá guádáb diég agá edény wa Kilíse.

Ány, didigand gubá biendiny, didigand gubɛ́fuáganan mɔɔn wa gilu uwɔ́ binób bá manaŋá abɔ́sa yugulené máy mem. Isána yá biád bá ɛmbɛ́dágɛ́dɛ́n digand gudídeŋenyi, band digand gudínéŋe na bɛsɔbɔ ɛbɛgɔn. Dímɔ́yɔnɛn gɔg meliŋítas basuá na basuá, dɛlɛ́ganɛn sɔ́n basuá na basuá, digagɔmaan agá buanda gidigid aga Kilíse unyá ɔduɔ́ wá beédéb.