ខគម្ពីរពេញនិយមពី Rô-ma 3

ចែក​រំលែក

kaywa abih drei jang krung hu tanrok glaic, u lihik xêh mưlang Pô Lingik; nhơ di karun hanim Bhô, thong gruk dong tabuh dalam Dê Krist Yê-su, khol nhu bihu mong yau kahanôt bloh ôh hajat biyar tha yom halei.

Nan nạn gruk kahanôt Pô Lingik kaywa sagar pak Pô Yê-su Krist, ka abih drei hu tian dial, ôh krưn thei trah

Pô Lingik krung hu padang Bhô ngak athur limah tabuh glaic ka dôm urang hu sagar dalam darah Bhô. Bruk ni sahadah gruk kahanôt Pô Lingik, kaywa Bhô mưk tian pamưrat bloh klāk tapa dôm danuh glaic mưng dahlau dêh. Urak ni, Bhô lijang xakrưn êng Bhô nạn kahanôt thong mong yau kahanôt ka urang halei hu sagar pak Pô Yê-su.

Kaywa ôh hu tha urang halei kaywa bruk ngak tui hakum jakar bloh bihu mong yau kahanôt di anak Bhô, kaywa nhơ di hakum jakar mưnuix urang krưn thau danuh glaic.

Yau hu panôic vak: “Ôh hu tha urang halei kahanôt trah, Kanê tha urang lijang ôh. Ôh hu tha urang halei dul thau, Ôh hu tha urang halei pachang dwah Pô Lingik. Abih jang xuk calah, jang gilaic jiơng ôh hu hanim; Ôh hu tha urang halei ngak kabha siam, Kanê tha urang lijang ôh.”

Kaywa khol drei dial laic tha urang bihu mong yau kahanôt kaywa sagar mih ôh njaup di bruk ngak tui hakum jakar.

Ôh bik yau nan! Pô Lingik nạn biak, kanê abih drei jang lor kator, yau panôic hu vak: “Piêh ka Pô bihu pakrưn nạn kahanôt dalam panôic Bhô bican, Thong jaiyak tuk gok bican inư.”