ខគម្ពីរពេញនិយមពី Lukas 13

ចែក​រំលែក

“Talana na awun pa selat, tibagsegi mayu ya pagseled magi sa suwangan na mapeyet na yan ya agiyanan pasinan adti ginawa na walaꞌ ya katigkasan. Madég galu ya malim sumeled manang diliꞌ da makaseled.

Aw awun ka͡ubayan dun na nyasakung asuntu na pigpamulayaman na busaw seled da na sampuluꞌ tag walu (18) ya umay aw diliꞌ nan mabatug tuliden ya bagakwang nan. Sa pagkitaꞌ ni Jisus kanan, pigtawag nan sakanan aw piglongan nan, “Kaguli-an da kaw.”

Aw pigpandungan ni Jisus na kanan palad ya ka͡ubayan, aw dayaw nyatulid ya bagakwang nan aw to-o nan pigdeyen ya Tyumanem.

Pakanyegi mayu: Awun manga utaw na nyakamoli adun manang maka-una silan kagaya. Aw awun uman manga nyaka-una adun manang makamoli silan kagaya.”

Kay paglongun ta kamu: Kun takepen da na tagtun ya tatakep, madég kamayu ya mindeg adti luwaꞌ aw magtatawag na maglong, ‘Kay Sir! Uwangi beg kami!’ Manang tumubag sakanan kamayu, ‘Walaꞌ ta kamu kilala͡a, aw walaꞌ ku uman ka-ede-i kun ayin kamu lekat.’

Diliꞌ saba! Manang paglongun ta kamu: Maynan uman, malatay ya datengan mayu kun diliꞌ kamu magselsel sa kamayu manga salaꞌ.”

Manang tumubag sakanan, ‘Walaꞌ ta kamu saba kilala͡a. Aw walaꞌ ku uman ka-ede-i kun ayin kamu lekat. Pagpakawat kamu kanak, kadég mayu na gayed mig-imoꞌ sa malatay!’

Pagkatigkas yan, miglong si Jisus, “Unu ya un tadun kapa-unawa͡an sa Kasakupan na Pighari-an na Tyumanem? Aw unu ya madyaw na pundinganan seiy? Ya Kasakupan na Tyumanem kasiling na sambuk na biniꞌ na mustardo na pigtanem na utaw dun ni tanemanan nan. Tyumulin aw migkatas kasiling na kawuy, aw pigpugadan na manga langgam ya manga sanga nan.”