ខគម្ពីរពេញនិយមពី I Corinthiens 15

ចែក​រំលែក

Ana aTéta n’ami amôtéma, t’ebandô me Paul nanôongô mbe oodoni gô mabégô mema kabaga nôsasipa. Bakani na géviôviô gôéyanzéa Kumu gôébégô éagékundugéô. Nôsabômu mbe éne éyanzanye pitsi yedi éndé anye na vitoo na Kumu Jésus, éndéké na tsoongo.

Tôkumédékéni Nzambé atôétsa ngudi gô ina aJésus‐Christ gôétseda ôwa.

Tômbiabômédu. Mavamba mabévani mabévéda midigédi miamisôba.

Veenanye me deo noo, me nandé nane te gô mate meetsô me na Nzambé. Mate medi mamayanza gôndé me na ngudi dipôni. Eenakani, éne éyanzéa me Nzambé éôtéa n’ene éyanza akasô muetso. Ivô kaka me, te mateme maNzambé mane.

?Owa ôtômue woo ôndé gôni? ?Owa miangaga mioo mindé gôni? Ebéva éamôma te éangô éétsa ôwa miangaga. Mige miaNzambé te miangô miitsa ébéva ngudi gô môtéma amôma.

Nanôtsutsuéa éne éav’esooe ésinigôganéôni édué. Wa n’anyô tôsangawa muetso, ivô muetso tôngakou te kogu. Tôngakou tsina na tsina, ôgi yadingani, gémbômbage samôyusumédu géndé gôétoongu. Vangatoongu gémbômbage ane amawani angakunduga na yene yôtô disangadôomba ébooni, na wa n’anyô tôgédôngakani tôngakou.

Endé te nane. Owa ômaviga na gô tsina na môma môvo. Na gékundugéô sowa gémaviga na gô tsina na môma môvo. Wa n’anyô muetso tôwa te gômatôvamba n’Adam. Na wa n’anyô muetso tôngakunduga gômatôvamba na Jésus‐Christ.

Engaba te nane. Ene ébooni, éngakou éka éne ésabookoni. Ene éawaakaga, éngakou éka éne ésaviwaani.

Tambô ôtômue ôbaké na Kumu Jésus‐Christ gôétôma ngu na vangatseda Nzambé adudeo muetso aka gô tsina amatambé maJésus. Môdudeone angayusumédu ébunzuni te ôwee.