ខគម្ពីរពេញនិយមពី དང་པ་ཀོ་རིན་ཐི། 11

ចែក​រំលែក

ཚོགས་བཞེས་ཉི་ཆུམ་དེན་གེ་ ཨུ་ཉུ་པུརུས་ཀིན་ཨ་ཉི་ རོ་ཀི་བཞེས་ཆ་བསྣམས་ཐཱན་ གསུངས་མ་ལ་ ཨོ་ཐ་གུར་བུ་ཤོ་ ཇ་ག་ཞི་གི་ ཐེལ་ཙི་ཕི་ཁཱན་ འགན་རྒྱ་སིང་མ་གི༌ལ། ཉི་ན་ཤི་ ཨོ་ཐེན་ཨ་ལ་ཀབ་ཉི་ ཇང་ཡིད་ཀ་ཨའི་ན་དག༌ཉི། ཨོ་ཐ་དེན་ཐ་ཤོ་ ན་ཤི་ ཨོ་ཐ་ཀེབ་ཏང་ཟ་ཉི་ ཉི་བཞེས་ཆ་གེ་ ཇ་མེ་དྲང་རང་ རོག་ལོག་ཉི་མ་བྱོན་མ་སག་པུ་ གཙོ་བོ་གཤགས་པ་ཀོར་གེ་ བཤད་ཅ་གི༌ལ།

ཧང་ཡ་དག་ནེ་ལ་ ཇི་གི་ གཙོ་བོ་གེ་ཞུ་ཁཱན་ཁེ་པ་ ན་ཧ་ཏཱན་སྤྲོད༌ཅ། གཙོ་བོ་ཡི་ཤུ་ མགུ་སྐོར་ཕི་ལེ་ག་ནོང་ཀ་ ངེ་རི་དག་པ་ཀབ་ཉི་ རོ་ཀི་ཀེབ་ཏང་བསྣམས་ཐཱན་ བཀའ་དྲིན་བསམ་ཉི་ ཆུམ་དེན་གེ་ ཨོ་ཉ་ཀེབ་ཏང་བིརིང་ཐཱན་ གསུངས་མ་ལ་ ཨུ་ཐུ་ན་ཧ་དེན་གེ་ ཇ་ག་ལུས་པུ་གི༌ལ། ཉི་ན་ཤི་ ཨོ་ཐེན་ཨ་ལ་ཀབ་ཉི་ ཇང་ཡིད་ཀ་ཨའི་ན་དག༌ཉི།

ཀེབ་ཏང་ མ་ཟ་ལེ་གོ་མ་དང་ བཞེས་ཆ་གེ་ མ་ཇ་མེ་གོ་མ་ སོ་ངོ་གི་ རང་ཏེན་ཧང་ད་བུ་ཅ་གི་ལ་སྨོ་ ལེག་པུ་ཨ་ཉི་མི་ཉི་ གོད་པེ་ཁེ༌ལེ། ཧང་ཡ་དག་ནེ་ལ་ ཨི་བི་གི་ གཙོ་བོ་ག་ སྐུ་གཟུགས་ཁེ་པ་ གུམ་མ་ཡེ་ལཱན་ ཟ་ཉི་ཇ་མ་ཐུར་ ཨོ་ཉ་སོ་ངོ་གི་ རོག་ཏེན་ག་དེན་གེ་ དཀོན་མཆོག་ག་ཁྲིམས་ ཟ་ཉི་ཇམ་ཅ་གི༌ལ།

ཨོ་ཉི་ཨ་དེན་གེ་ ཨི་བི་གི་མ་རུང་པ་ཨ་ཉི་ ཨོ་ཐ་ཀེབ་ཏང་ཟ་ཉི་ ཉི་བཞེས་ཆ་གེ་ཇ་མ་ཐུར་ ཨོ་ཉ་སོ་ངོ་གི་ གཙོ་བོ་ག་ སྐུ་གཟུགས་དང་ སྐུ་ཁྲག་ག་དགྲ་ཨ་ཉི་ སྡིག་པ་ཨན་ཅ་གི༌ལ།

ཇི་གི་ཁིརིས་ག་ དཔེ་གོད་པ་པུརུས་ཀིན་ཨ་ཉི་ ན་ཤི་ཇ་ག་དཔེ་གོད༌ཅོ༎