ខគម្ពីរពេញនិយមពី 1 Gara Worra Qorontoosii 12

ចែក​រំលែក

Tokko tokkoofuu kennaa Hafuura Qulqulluu ibisu'uun ka kennamuuf, faayiddaa wolittiitiif.

Isin'llee qaama Kristositi tokkoon tokkoon keessan'llee, kutaa qaama isaati.

Kutaan qaama tokkoo yoo makkaraaru kutaawwan qaamotaa kaanniin marrinuu woliin ni makkaraaran, kutaan qaamaa tokkochi yoo kabajamu, kutaawwan qaamotaa kuunniin'llee isa woliin ni gammadan.

Hafuurri Qulqulluun nama tokkoof danddeettii ogumma'aan dubbachu'uu ni kennaaf, nama bira'aatiif ammoo Hafuurrummaan sun danddeettii beekkomisaan dubbachu'uu ni kennaaf, Hafuurrummaan sun tokkoof amantii ni kennaaf, ka bira'aatii'llee kennaa Fayyisu'uu ni kennaaf. Akkuma kanaan'llee tokkoof huminna baasa taasisu'uu ni kennaaf, ka bira'aatiif dandeettiin dubbii raagaa dubbachu'uu ni kennaaf, kaaniif ammoo kennaawwan Hafuura Qulqulluu irraa ta'uu isaanii yookiin hafuurota battiiwwan irraa ta'uu isaanii, dandeettiin addaan baasee beeku'uu ni kennaaf. Akkuma kana tokkoof danddeettii afaanota adda addaa dubbachu'uu ni kennaaf, kaaniif ammoo waan afaanota adda addaatiin dubbatame hiiku'uuf danddeettii ni kennaaf.

Haa ta'u malee kana maraa ka raawwatu Hafuuruma Qulqulluun tokko san, Hafuurri Qulqulluun akka fedhe, nama tokkoo tokkoof kennaa adda ta'e ni kennaaf.

Kana'llee ka taasise kutaawwan qaamaa jidduu adda fooyamuun uduu hin jiraatin, ufii isaaniitii akka wolii yaadaniif.

Kennaawwan adda addaa ka Hafuura Qulqullu'uu ni jiran, Hafuurri Qulqulluun garuu tokko. Tajaajiloonni adda addaa ni jiran, Gooftaan garuu tokko. Bifitti hujii adda addaa'llee ni jiran, garuu maraa maraan ka raawwatu Waaqa tokko.

Kanaaf Waaqinni tokkoon tokkoon namaa Mana Waaqeffanna'aa keessatti tajaajila adda ta'e akka qabaatu taasisee jira, bu'ura kanaan'llee jalqaba ergamittoota, lammaffaa nabiyyoota, sadaffaa barsiisota muudee jira. Itti aanssee'llee baasaa worra raawwatan, itti aanssee'llee kennaa fayyisu'uu worra qaban, namoota gargaaru'uuf worra kennaa qaban, bulchitootaa fi afaanota adda addaatiin namoota dubbatan ramadee jira.

Qaaminni tokko ka hojjatame kutaawwan qaama baayi'ee irraa malee, kutaa qaama tokkoo qofa irraa miti!

gonkumaa haalaan dadhabiddoota fakkaatanii ka muldhatan kutaawwan qaamaa, isaan barbaachisoota.

Qaaminni tokko guutuun ija qofa uduu ta'ee jiraatee, maali'iin dhagayuun danda'ama ture? qaaminni tokko guutuun gurra qofa uduu ta'ee jiraatee, maali'iin ulachuun danda'ama ture? Amma garuu Waaqinni akka barbaadetti tokkoo tokkoon kutaa qaamaa, qaama keessatti bakka barbaachisaa qabatee akka argamu isa taasisee jira. Marri isaaniituu kutaa tokko qofa ta'ee uduu jiraatee, qaaminni guutuun eessatti argama ture!