ខគម្ពីរពេញនិយមពី Tshibangidilu 28

ចែក​រំលែក

Ndi nebe. Nenkulame muaba onsu uudi uya. Nenkupingaje kabidi mu ditunga edi. Nenkumbaje malu onsu andi mukulaye. Tshiena nkulekela to.

Kumonaye kabidi Maweja-Nangila muimane kumpala kuende, umuambila ne: — Yakobe, ndi Maweja-Nangila, Mvidi Mukulu wa kakuebe Abrahame, kabidi Mvidi Mukulu wa Izake. Ndi nkulaya ne: “Nenkupeshe, wewe ne ndelanganyi yebe, buloba buudi mulale ebu.”

Yakobe utabuluka ku tulu, kukemaye wamba ne: — Bulelela, tshiena mumanye to! Kadi Maweja-Nangila udi muaba ewu!

Yakobe kulaya Maweja-Nangila ne: — Wewe muikale nanyi, mundame bimpe mu luendu luanyi, mumpeshe biakudia ne bia kuvuala, mumpingaje bimpe kumbelu kuetu, nanku wewe Maweja-Nangila newikale Mvidi Mukulu wanyi. Dibue dindi muimanyike edi ndia tshijila. Nedikale nzubu wa Mvidi Mukulu. Nenkupingajile tshia dikumi tshimue tshia bintu bionsu biudi mumpeshe.

Ndelanganyi yebe neyivulangane bu lusenga lua pa buloba. Neyimuangalake nseke yonsu inayi ya buloba. Nengele bisamba bionsu bia pa buloba lupemba mu dina diebe ne dia ndelanganyi yebe.

Yakobe kuinyika muaba awu ne: Betele, mmumue ne: Nzubu wa Mvidi Mukulu. (Muaba awu bavua baubikila ku kale ne: Luze.)