ខគម្ពីរពេញនិយមពី Matewu 16

ចែក​រំលែក

Jesu a di embela vapizane vaye, khuye: “Uye a vbwetago gu nyi landrela, a na dzi nyenye wurumba waye, a vbagare gihambano gyaye a nyi landrela.

Eni neni nyi ngu gu embela, kheni: Uwe khuwe Pedro; vbatshani nya giwindri gegi nyi na vbaha libandla langu. Ni tshivba nya mufumo nya lufu kha yi na li gira gilo.

Nyi na gu ninga dzipfhungulo nya Mufumo wa Ndzadzini; igyo u na gi hungago mafuni gi na hungwa niyo Ndzadzini; igyo u na gi tshulago mafuni gi na tshudwa niyo Ndzadzini.”

Uye a vbwetago gu vbanyisa womi waye, a na wu luza; gasi uye a luzago womi waye khu kotani yangu, a na wu mana.

Giphaso muni a gi manago muthu a fumelago litigo rumba, a guhegisa khu gu dzimeledwa khu hefemulo waye? Mwendro saye, ginani muthu a dzi kodzago gu ningela gasi gu dzegisa khigyo hefemulo waye?

Jesu a di wudzisa: “Ahati enu, mwari khenu kheni mani?” Simoni Pedro a di khusa lito a gu phindrula, khuye: “Uwe khuwe Kristo, Mwamana wa Nungungulu a vbanyago.”

Jesu a di mu hakha, khuye, “U kategide, Simoni, mwamana wa Jona, kholu isoso khandri u di tiviswa khu muthu; aholu, u di tiviswa khu Babe wangu a guromo Ndzadzini.