ខគម្ពីរពេញនិយមពី Kutwula 15

ចែក​រំលែក

naye ya vola, nu u va nu u huliranga ligali mwoyo gwa Yahova Nyasaye wowo, nokukola aga veye malungi imbiri wewe, nokutegidza amatu gogo kuhulira malago gege, nokugumira miima gyigye, si nda vika ku ive ubulwaye kali bulala ku bwa nda vika ku Avaegepeti: kigira mbeye Yahova ku honnyanga.

Yahova a veye tsingulu tsyange nolwimbu lwange, Kandi u gweye ubuhonnyi ku inze: Uyu a veye Nyasaye wange, na nda mwidzominya; A veye Nyasaye wa vaguga vange, nda mu kuminya.

Ibwaha u veye kuli ive, O Yahova, mu avanyasaye? Ibwaha u veye kuli ive, mu bukumi nomu butakatifu, U tihidzanga mu lidzominya lilyo, u kolanga vyokugenya?

Ive mu tsimbabasi tsitsyo wimiriye avandu ava wa honnya: U vimiriye netsingulu tsitsyo, va duke mu bumenyo bubwo butakatifu.

Na lwa va duka ha langwa Mara, si va nyala kunwa amadzi ga Mara, kigira ga li malulu: kigira yaga ha langwa Mara. Na avandu va monya Musa, ni va vola, Ku la nwa ki? Naye yanira Yahova, na Yahova ya mmannya musala, na ya gu vika mu amadzi, na amadzi ga gwa makindu. Kunangwa ya va lombera ho lilaga na likalaga, na a va gerihidza ho