ខគម្ពីរពេញនិយមពី Matius 26

ចែក​រំលែក

Majaga-jagakei hei mekokaekei hingkeꞌna hawaꞌkei norumpa pehohongkeꞌ. I lalimi dokoꞌkei mowali to moromiꞌ, angkana wotami moledeꞌ horiana hawaꞌkei ibiaꞌ.”

Notiꞌikihi, “Masusa mpololeke lalingKa, hibaliꞌA to hingkiꞌ mahi. Iseꞌemokei duluna, hei majaga-jagakei moꞌawa hante Aku.”

Uko tiꞌo, Io nolou moꞌela hangkiuꞌ, honiꞌi metumpapaꞌ mekokae, Notiꞌi, “UmoꞌKu, ane hohumboꞌi, IpomoꞌelaꞌA ka komaporiꞌ to hingkiꞌ morumpaꞌA hieꞌe. Angkana Kuperapiꞌ hingkeꞌna handoꞌio peleihangKu to mewali; angkana peleihaMu Umoꞌ.”

alaꞌ anggoroꞌ hieꞌe iomo raꞌangKu to hingkiꞌ hibobo i komahiangKu. Raꞌangku hieꞌe mampokaroho dandi to nopoꞌuwaꞌ Pueꞌ Ala, hingkeꞌna moliu raꞌangKu, woriꞌ toaꞌ mohintuwuꞌ hante Pueꞌ Ala, hei hingkiꞌ Noꞌampuni dosare.

Kolentuꞌara mangka, hi Yesu moroamo roti honiꞌi mekokae moꞌawerasiꞌ pe Pueꞌ Ala. Uko tiꞌo, Nokebiꞌ-kebiꞌmo roti tiꞌo honiꞌi Nodolaꞌ-dolaꞌkihi topeguruNa, Notiꞌi, “Hieꞌemo wotangKa iroamokei, hei iꞌokamokei”

Uko tiꞌo, Io moroa haꞌanu paꞌinua anggoroꞌ, mekokae moꞌawerasiꞌ pe Pueꞌ Ala, hei Nopaꞌanikihi, Notiꞌi, “Maꞌinumokei lekiꞌ-lekiꞌmi

Uko tiꞌo, mahuliꞌ womo hi Yesu nolou pe topeguruNa to totolu tiꞌo, Nohuahi kolentuꞌara leꞌo. Notiꞌi pe hi Peturuꞌ, “Hawaꞌkeireꞌi ibiaꞌ majaga-jaga moꞌawa hante Aku, kehapoꞌi hajaalu?

Hingkeꞌna ibahaꞌkei: mepongka hinewowoꞌena, hamboaꞌmo hingkiꞌ Kuꞌinu anggoroꞌ wute Kuꞌinu anggoroꞌ to wolaꞌ moꞌawa hante ingkei i lali poparentana UmoꞌKu.”

Katoꞌo nokolowoimo hi Peturuꞌ lolitane hi Yesu to mantiꞌi, “Handoaꞌi tene metantoroꞌoꞌuoꞌ manuꞌ, tolu mpihamoko mosapuakaꞌA.” Molaimo hi Peturuꞌ nolou pe howali, hei makaja peꞌolane.

Meꞌaromokei, noloumoki! Ele, tiꞌomo humei toaꞌ to mampeweiꞌA pe poniꞌKu.”

Notiꞌi hi Yesu, “Kahiꞌi huliꞌ pihoma! Hihimo to merorokoꞌ mopakeꞌ piho, bateꞌna hingkiꞌ nirokoꞌ woꞌo hante piho.