ខគម្ពីរពេញនិយមពី Matius 24

ចែក​រំលែក

I tempo tiꞌo, hingkiꞌ tetambai kokodakere toaꞌ, wute hamboaꞌmo uwaꞌ komarimara i hangko awara. Angkana toaꞌ to motiko nturusi pepoꞌohira pe Aku wute i kotutuana, hingkiꞌ noposalamaꞌhi Pueꞌ Ala.

Ane Kareba Moromiꞌ noniuꞌ i poparentana Pueꞌ Ala ropekarebaikimo i humanele duniaꞌ, hei toaꞌ i lekiꞌ-lekiꞌna roboꞌ pahorimo, honiꞌi hupaꞌ kotutuane duniaꞌ.”

Hingkiꞌ ihorikei topoponiꞌ, hei hingkiꞌ ihorikei woꞌo kareba i imbo-imbolu uwaꞌ to moponiꞌ, angkana inioꞌkei morokaꞌ. Lekiꞌ-lekiꞌna tiꞌo bateꞌna hingkiꞌ mewali {alaꞌ nopokonontomo Pueꞌ Ala}. Angkana lekiꞌ-lekiꞌna tiꞌo handoaꞌi tene tempona kotutuana duniaꞌ.

Toharoboꞌ hingkiꞌ moponiꞌ hante toharoboꞌ to ntaniꞌna, kodatua hingkiꞌ moꞌewa kodatua to ntaniꞌna, hei i imbo-imbolu hingkiꞌ uwaꞌ tempo kobilora hei luanoko. Lekiꞌ-lekiꞌna tiꞌo hangkoꞌlu pepongkana. Komaporiꞌ tiꞌo hibali komaporiꞌ to nohori towoweꞌe to hingkiꞌ moꞌanaꞌ hei komaporiꞌna tiꞌo hingkiꞌ tetambai tene komakajane.

Laniꞌ hante duniaꞌ hingkiꞌ uko, angkana lolitangKu bateꞌna uwaꞌ nturusi wute nantolou-louna.”

alaꞌ woriꞌ toaꞌ hingkiꞌ hupaꞌ hei mantiꞌi koꞌiora Datu Topohompoꞌ, hei woriꞌ toaꞌ to hingkiꞌ ropokonawuꞌ.

I tempo tiꞌo, nokomi petuntumi pe Aku, roboꞌ-roboꞌna i humanele duniaꞌ hingkiꞌ mokabiriꞌkei. Hingkiꞌ nipeweikei pe topoparenta, hingkeꞌna nipoperima-rimakei hei nirokoꞌkei. Woriꞌ toaꞌ hingkiꞌ mosapuaka petuntura pe Aku. Uwaꞌ to hingkiꞌ mampewei halali hampepoꞌohira pe poniꞌra, hei woriꞌ toaꞌ to hingkiꞌ momepokoiꞌ. Hingkiꞌ hupaꞌhi woꞌo woriꞌ nabi to hingkiꞌ mampomonawuꞌ woriꞌ toaꞌ.

Nohoniꞌ hi Yesu, “Majaga-jagakei, hingkeꞌna hawaꞌkei nipokonawuꞌ

Hatoꞌo woꞌo ingkei: hangangaa majaga-jagakei nturusi, alaꞌ hawaꞌkei ibahaꞌ hiwaꞌimbo kohingkiꞌ hupaꞌne huliꞌ Anaꞌ Manusiaꞌ.”

Iomo horiana Kutiꞌi: hangangaa majaga-jagakei, alaꞌ hawaꞌkei ibahaꞌ hiwaꞌimbo Pueꞌ hingkiꞌ hupaꞌ!”

“Angkana ando hante jaa kopewalina tiꞌo, hawaꞌi uwaꞌ toaꞌ to pobahaꞌ. Hingkoweꞌ malaꞌeka to uwaꞌ i suruga, hawaꞌi woꞌo robahaꞌ. Hei AnaꞌNa Pueꞌ Ala hawaꞌi woꞌo Nobahaꞌ, bateꞌnalu UmoꞌKu to pobahaꞌ.

alaꞌ hingkiꞌ hupaꞌ tempone toaꞌ mepomonawuꞌ to mantiꞌi koꞌioramo Datu Topohompoꞌ, ba to mantiꞌi koꞌioramo nabi. Hingkiꞌ mowalihi tandaꞌ kuasaꞌ hante tandaꞌ to mekohohokoi, hingkeꞌna mampomonawuꞌhi woriꞌ toaꞌ. Hingkoweꞌ toaꞌ to noꞌuwiꞌ Pueꞌ Ala mewali toaꞌNa, hingkiꞌ nihohongkeꞌhi nipokonawuꞌ.

Hapo to mewali i tempona nabi Nohoꞌ hampiha, hingkiꞌ mewali woꞌo i ando kohupaꞌna huliꞌ Anaꞌ Manusiaꞌ. I tempona nabi Nohoꞌ tuwuꞌ tene i duniaꞌ, ikohandoaꞌana tene duniaꞌ nolobuꞌi uwai, manusiaꞌ mangka, maꞌinu, hei mepahamokohi. Hatoꞌo kotuwuꞌra wute tempona nabi Nohoꞌ mekahi pe lali duanga to kodeꞌ. Nolobuꞌimohi uwai, hongkoꞌ wae robahaꞌ hapo to mewali. Hatoꞌo woꞌo kolembeꞌre toaꞌ i tempona Anaꞌ Manusiaꞌ hingkiꞌ hupaꞌ huliꞌ pe duniaꞌ.