ខគម្ពីរពេញនិយមពី 1 Kor. 15

ចែក​រំលែក

Tighenguno, I no kimiye chekemi athiküzümi eno achelimiqo, mutotoi puthugho lo. Kiu pelo nomu nongu süküghütha pe kevilo. Pülhapuju lo nongu likhi nongu dokivi kümtsü pesü Ampeu kümlapù lo tsülo, kughengu nongu no ithi akeu toi Ampeu ghenguno mülà keu lo khilemu adou shive chemoe.

Ikemu Alhou lau shikimthi ani! Pa no ningu Mpeu Jisü Khristo vechewo tokulu ningu tsüke.

Nongu pishiqhive pe kevilo: “Aküsàmi lhoküsa no ghushoghili kivi shipüsave cheni.”

Ikemu Alhou’w küpükini vechewo I pelo apostolmi lakhi shilu pe ke, eno I lau paw küpükini tsü keu hu ye adou shivemoe. Moe, ni ye panongu kümtsü nguno alau aghime shi mülà acheke—tishiaghimu tiye I no kumoe, ikemu Alhou’w küpükini I gholo achekeu hu no ke.

“O akithí, ow tokulu ye khilehi ani kea? O akithí, ow ghüzakulupu sahu ye khilehi ani kea?” Akithíw ghüzakulupu sahu ye axiné ke, eno axiné küká ye ayeza ke.

I no nongu vilo Alhou’w tuqhou tsa pinike inilo: Ningu kümtsü khilemu thimo nani, ikemu kughou ashekhau fuko ighani keno ningu ye pai anhethi kütsükhavi ajuhi kilive nani. Kughengu kughou afuko ighani keno kithimiqo ye tsümavemo kepu shi xüputhuve nani, eno ningu ye ajuhi kilive nani.

Kughengu timi lakhi vechewo akithí ighike toi kithimi xülekuthu ghí timi lakhi vechewo no ighike. Kughengu Adam vechewo timi kümtsü thive ketoi Khristo vechewo timi kümtsü püxüve nani.

Kughengu tsümave nikeu ye tsümavemo nikeu no pa likhi pa pesü küzüluve moayesa nani, eno thiveniküau ghí khilemu thivemo nikeu pe pa küzüluve moayesa nani.

Kughengu Khristo ye pa ghümiqo kümtsü pesü pa pukhu qholo qhivemo ke kutólo ayè pe moayesa nani. Eno aghümi ashekhau kütsave nikeu hu ye akithí ke.